[N: 1]
A cunctis nos, quaesumus, Domine, mentis et corporis defende periculis: et, intercedente beata et gloriosa semper Virgine Dei Genitrice Maria, cum beato Ioseph, beatis Apostolis tuis Petro et Paulo, atque beato N. et omnibus Sanctis, salutem nobis tribue benignus et pacem; ut destructis adversitatibus et erroribus universis, Ecclesia tua secura tibi serviat libertate
C
[Orationes diversae, n 2. Ad poscenda suffragia sanctorum]


[N: 2]
A cunctis nos, quaesumus, Domine, reatibus et periculis propitiatus absolve: quos tanti mysterii tribuis esse participes
SO
[Dominica III in Quadragesima]


[N: 3]
A domo tua, quaesumus, Domine, spiritales nequitiae repellantur: et aerearum discedat malignitas tempestatum
C
[Orationes Diversae n 18. Ad repellendas tempestates]


[N: 4]
Ab omni nos, quaesumus, Domine, vetustate purgatos: sacramenti tui veneranda perceptio in novam transferat creaturam
PC
[Feria IV infra Octavam Paschae]


[N: 5]
Absolve, quaesumus, Domine, animam famuli tui N. Diaconi Cardinalis ab omni vinculo delictorum: ut in resurrectionis gloria inter sanctos et electos tuos resuscitatus respiret
PC
[Orationes Diversae pro defunctis n 5. Pro Diacono Cardinali qui in ordine presbyteratus non fuerit constitutus]


[N: 6]
Absolve, quaesumus, Domine, nostrorum vincula peccatorum: et, quidquid pro eis meremur, propitiatus averte
SP
[Feria II post Dominicam I Quadragesimae]


[N: 7]
Absolve, quaesumus, Domine, tuorum delicta populorum: ut a peccatorum nexibus, quae pro nostra fragilitate contraximus, tua benignitate liberemur
C
[Dominica XXIII post Pentecosten]


[N: 8]
Accepta sit in conspectu tuo, Domine, nostra devotio: et eorum nobis fiat supplicatione salutaris, pro quorum solemnitate defertur
SO
[Die 8 Augusti. Ss Cyriaci, Largi et Smaragdi Martyrum]


[N: 9]
Accepta tibi, Domine, sint haec munera: cui pro mundi salute grata exstitit Filii tui passio gloriosa
SO
[Missae pro aliquibus locis. Feria VI post Dominicam III Quadragesimae. Sacrorum quinque Vulnerum]


[N: 10]
Accepta tibi sint, Domine, plebis tuae munera: et concede; ut ignis ille divinus nos inflammet, quo, de corde Filii tui emisso, beata Margarita Maria vehementer aestuavit
SO
[Die 17 Octobris. S. Margaritae Mariae Alacoque Virginis]


[N: 11]
Accepta tibi sint, quaesumus, Domine, nostra ieiunia: quae et expiando nos tua gratia dignos efficiant, et ad sempiterna promissa perducant
SO
[Feria IV Quator Temporum Adventus]


[N: 12]
Accepta tibi sit, Domine, quaesumus, hodiernae festivitatis oblatio: ut, tua gratia largiente, per haec sacrosancta commercia, in illius inveniamur forma, in quo tecum est nostra substantia
SO
[Die 25 Dec. In Nativitate Domini. Ad primam Missam in Nocte]


[N: 13]
Accepta tibi sit, Domine, sacratae plebis oblatio pro tuorum honore sanctorum: quorum se meritis percepisse de tribulatione cognoscit auxilium
SO
[Die 11 Decembris. S. Damasi I Papae et Confessoris]


[N: 14]
Acceptorum munerum virtus, Domine, Deus, intercedentibus beatis N. et N., suos in nobis effectus impleat: ut simul et mortalis vitae subsidium conferat, et gaudium perpetuae felicitatis obtineat
PC
[Commune Sanctorum pro aliquibus locis. Pro non Martyribus: Missa Domine Deus virutum]


[N: 15]
Acceptum fiat in conspectu tuo, Domine, nostrae servitutis munus, et beati archangeli Gabrielis oratio: ut, qui a nobis veneratur in terris, sit apud te pro nobis advocatus in caelis
SO
[Die 24 Martii. S. Gabrielis Archangeli]


[N: 16]
Accipe, quaesumus, Domine, hostias quas tibi offerimus: et praesta; ut, intercedentibus Sanctis tuis, libera tibi mente serviamus, et perdolentis Virginis Genitricis Filii tui amore inflammemur
SO
[Die 12 Febr. Ss Septem Fundatorum Ord. Servorum B.M.V., Conf.]


[N: 17]
Accipe, quaesumus, Domine, munera dignanter oblata: et beatae Anasthasiae martyris tuae suffragantibus meritis, ad nostrae salutis auxilium provenire concede
SO
[Die 25 Decembris. Ad secundam Missam in Aurora. Commemoratio S. Anasthasiae Martyris]


[N: 18]
Actiones nostras, quaesumus, Domine, aspirando praeveni et adiuvando prosequere: ut cuncta nostra oratio et operatio a te semper incipiat, et per te coepta finiatur
C 5
[Sabbato Quatuor Temporum Quadragesimae]


[N: 19]
Ad caeleste convivium fac nos, Deus, salutaribus poenitentiae lacrimis dignos accedere: quod beato Laurentio vitae candor suavissimum efficiebat
SO
[Missae pro aliquibus locis. Die 7 Iulii. S. Laurentii a Brundusio]


[N: 20]
Ad mensam coelestis convivii fac nos, Domine, eam mentis et corporis puritatem afferre, qua beatus Antonius Maria, hanc sacratissimam hostiam offerens, mirifice ornatus enituit
SO
[Die 5 iulii. S.Antonii Mariae Zaccaria Confessoris]


[N: 21]
Ad sacram, Domine, mensam admissi, hausimus aquas in gaudio de fontibus Salvatoris: sanguis eius fiat nobis, quaesumus, fons aquae in vitam aeternam salientis
PC
[Die 1 Iulii. Pretiossimi Sanguinis Domini Nostri Iesu Christi]


[N: 22]
Ad te nos, Domine, clamantes exaudi: et aeris serenitatem nobis tribue supplicantibus; ut, qui iuste pro peccatis nostris affligimur, misericordia tua praeveniente clementiam sentiamus
C
[Orationes diversae n 17. Ad postulandam serenitatem]


[N: 23]
Adesto, Domine, famulis tuis, et perpetuam benignitatem largire poscentibus: ut iis, qui te auctore et gubernatore gloriantur, et congregata restaures, et restaurata conserves
SP
[Feria V post Dominicam II Quadragesimae]


[N: 24]
Adesto, Domine, populis, qui participatione corporis et sanguinis tui reficiuntur: ut, sanctissima tua Genitrice auxiliante, ab omni malo et periculo liberentur, et in omni opere bono custodiantur
PC
[Missae pro aliquibus locis. Die 24 Maii. B. Mariae Virginis titulo Auxilium Christianorum]


[N: 25]
Adesto, Domine, populo tuo: ut, beati Nicomedis Martyris tui merita praeclara suscipiens, ad impetrandam misericordiam tuam semper eius patrociniis adiuvetur
C
[Die 15 septembris. Pro S. Nicomede Martyre]


[N: 26]
Adesto, Domine, precibus populi tui, adesto muneribus: ut, quae sacris sunt oblata mysteriis, tuorum tibi placeant intercessione Sanctorum
SO
[Die 11 Augusti. Ss Tiburti et Susannae Virginis, Martyrum]


[N: 27]
Adesto, Domine, quaesumus, officio servitutis nostrae; et quia tu discipulis tuis pedes lavare dignatus es, ne despicias opera manuum tuarum, quae nobis retinenda mandasti: ut, sicut hic nobis, et a nobis exteriora abluuntur inquinamenta; sic a te omnium nostrum interiora laventur peccata. Quod ipse praestare digneris, qui vivis et regnas Deus: per omnia saecula saeculorum
C
[Feria V in Cena Domini. Ad mandatum]


[N: 28]
Adesto, Domine, supplicationibus nostris: et concede ut hoc solemne ieiunium, quod animabus corporibusque curandis salubriter institutum est, devoto servitio celebremus
C
[Sabbato post Cineres]


[N: 29]
Adesto, Domine, supplicationibus nostris: et intercessione beati Laurentii Martyris tui, cuius praevenimus festivitatem; perpetuam nobis misericordiam benignus impende
C
[Die 9 Augusti. In Vigilia S. Laurentii Martyris]


[N: 30]
Adesto, Domine, supplicationibus nostris: et viam famulorum tuorum in salutis tuae prosperitate dispone; ut inter omnes viae et vitae huius varietates, tuo semper protegantur auxilio
C
[Missae votivae. Missa pro peregrinantibus et iter agentibus]


[N: 31]
Adesto, Domine, supplicationibus nostris, quas in beati N. Confessoris tui solemnitate deferimus: ut, qui nostrae iustitiae fiduciam non habemus, eius, qui tibi placuit, precibus adiuvemur
C
[Commune Sanctorum. Pro Confessore non Pontifice. Altera missa Iustus]


[N: 32]
Adesto, Domine, supplicationibus nostris: ut, qui ex iniquitate nostra reos nos esse cognoscimus, beatorum Martyrum tuorum Vincentii et Anastasii intercessione liberemur
C
[Die 22 Ianuarii. Ss Vincentii et Anastasii Martyrum]


[N: 33]
Adesto, nobis, Domine Deus noster: et quos tuis mysteriis recreasti, perpetuis defende subsidiis
PC
[Dominica de Passione]


[N: 34]
Adesto, nobis, Domine Deus noster: ut per haec, quae fideliter sumpsimus, et purgemur a vitiis, et a periculis omnibus eruamur
PC
[Dominica IV post Pascha]


[N: 35]
Adesto, nobis, misericors Deus: et, intercedente pro nobis beato Thoma Apostolo, tua circa nos propitiatus dona custodi
PC
[Die 21 Decembris. S. Thomae Apostoli]


[N: 36]
Adesto, quaesumus, Domine, populo tuo: et quem mysteriis caelestibus imbuisti, ab hostium furore defende
PC
[Feria II infra Octavam Pentecostes]


[N: 37]
Adesto, quaesumus, Domine, supplicationibus nostris: ut esse, te largiente, mereamur et inter prospera humiles, et inter adversa securi
C 3
[Sabbato Quator Temporum Quadragesimae]


[N: 38]
Adesto supplicationibus nostris, omnipotens Deus: et, quibus fiduciam sperandae pietatis indulges; consuetae misericordiae tribue benignus effectum
SP
[Feria II post Dominicam II Quadragesimae]


[N: 39]
Adesto supplicationibus nostris, omnipotens Deus: et, quod humilitatis nostrae gerendum est ministerio, tuae virtutis impleatur effectu
C
[Missae votivae. In Consecratione Episcopi]


[N: 40]
Adeuntibus cum fiducia ad thronum gratiae, propitiare nobis, Domine Deus: ut benignissima divinae providentiae Matre intercedente, misericordiam consequamur, et gratiam inveniamus in auxilio opportuno
SO
[Missae pro aliquibus locis. Sabbato ante Dominicam III Novembris. B. Mariae Virginis Divinae Providentiae Matris]


[N: 41]
Adiuva nos, Deus salutaris noster: et ad beneficia recolenda, quibus nos instaurare dignatus es, tribue venire gaudentes
SP
[Feria II Maioris Hebdomadae]


[N: 42]
Adiuvet nos, quaesumus, Domine, gloriosae tuae Genitricis, semperque Virginis Mariae intercessio veneranda: ut, quos perpetuis cumulavit beneficiis, a cunctis periculis absolutos sua faciat pietate concordes
PC
[Die 16 Iulii. In Commemoratione B. Mariae Virginis de Monte Carmelo]


[N: 43]
Adsint, Domine Deus, oblationibus nostris sancti Ignatii benigna suffragia: ut sacrosancta mysteria, in quibus omnis sanctitatis fontem constituisti, nos quoque in veritate sanctificent
SO
[Die 31 Iulii. S. Ignatii Confessoris]


[N: 44]
Adsit nobis, quaesumus, Domine, virtus Spiritus Sancti: quae et corda nostra clementer expurget, et ab omnibus tueatur adversis
C
[Feria III infra Octavam Pentecostes]


[N: 45]
Aeternitatem nobis, Domine, conferat, qua pasti sumus, mensa caelestis: quae beatae Catharinae Virginis vitam etiam aluit temporalem
PC
[Die 30 Aprilis. S. Cathariane Senensis Virginis]


[N: 46]
Altare tuum, Domine, muneribus cumulamus oblatis: da, quaesumus; ut ad salutem nostram, omnium Sanctorum tuorum precatione, proficiant, quorum solemnia ventura praecurrimus
SO
[Die 31 Octobris. In Vigilia Omnium Sanctorum]


[N: 47]
Altare tuum, Domine, muneribus cumulamus oblatis: ut eius nobis fiant supplicatione propitia, cuius nos donasti patrocinio adiuvari
SO
[Die 27 Augusti. S. Iosephi Calasanctii Confessoris]


[N: 48]
Angelorum esca nutritos, angelicis etiam, Domine, da moribus vivere: et eius, quem hodie colimus, exemplo, in gratiarum semper actione manere
PC
[Die 21 Iunii. S. Aloisii Gonzagae Confessoris]


[N: 49]
Angelorum pane, quaesumus, Domine, beati Stanislai nos intercessio dignos efficiat, qui eo meruit angelica manu recreari
SO
[Missae pro aliquibus locis. Die 13 Nov. S. Stanislai Kostkae Conf.]


[N: 50]
Angelorum pane refecti te, Domine, suppliciter deprecamur: ut, qui annuam beati Hieronymi Confessoris tui memoriam celebrare gaudemus; eiusdem etiam et exemplum imitemur, et amplissimum in regno tuo praemium obtinere valeamus
PC
[Die 20 Iulii. S. Hieronymi Aemiliani Confessoris]


[N: 51]
Animabus, quaesumus, Domine, famulorum, famularumque tuarum misericordiam concede perpetuam: ut eis proficiat in aeternum, quod in te speraverunt et crediderunt
C
[Orationes Diversae pro Defunctis, n 17. Pro pluribus defunctis. Alia.]


[N: 52]
Animabus, quaesumus, Domine, famularum famularumque tuarum oratio proficiat supplicantium: ut eas et a peccatis omnibus exuas, et tuae redemptionis facias esse participes
PC
[Die 2 Novembris. In Commemoratione Omnium Fidelium Defunctorum. Ad primam missam]


[N: 53]
Annue, misericors Deus: ut hostias placationis et laudis, sincero tibi deferamus obsequio
SO
[Feria IV post Dominicam Passionis]


[N: 54]
Annue nobis, quaesumus, Domine; ut intercessione beati Gregorii haec nobis prosit oblatio, quam immolando totius mundi tribuisti relaxari delicta
SO
[Die 12 Mart. S. Gregorii I Papae, Confessoris et Ecclesiae Doctoris]


[N: 55]
Annue nobis, quaesumus, Domine, precibus nostris: ( ut quicumque intra templi huius, cuius anniversarium dedicationis diem celebramus, ambitum continemur, plena tibi, atque perfecta corporis et animae devotione placeamus;) ut, dum haec vota praesentia reddimus, ad aeterna praemia, te adiuvante, pervenire mereamur
SO
[Commune Dedicationis Ecclesiae]


[N: 56]
Annue, quaesumus, omnipotens Deus: ut sanctorum Martyrum tuorum Mauritii et sociorum eius nos laetificet festiva solemnitas; ut, quorum suffragiis nitimur, eorum natalitiis gloriemur
C
[Die 22 Septembris. Pro Ss Mauritio et Sociis Martyribus]


[N: 57]
Apostoli tui Pauli precibus, Domine, plebis tuae dona sanctifica: ut, quae tibi tuo grata sunt instituto, gratiora fiant patrocinio supplicantis
SO
[Die 25 Ianuarii. In Conversione S. Pauli Apostoli]


[N: 58]
Apostolici reverentia culminis offerentes tibi sacra mysteria, Domine, quaesumus: ut beati N. Apostoli tui suffragiis, cuius natalitia praevenimus; plebs tua semper et sua vota depromat, et desiderata percipiat
SO
[Commune Sanctorum. In Vigiliis Apostolorum]


[N: 59]
Ascendant ad te, Domine, preces nostrae: et ab Ecclesia tua cunctam repelle nequitiam
SP
[Feria III post Dominicam I Quadragesimae]


[N: 60]
Ascendant ad te, Domine, quas in beatae Catharinae solemnitate offerimus, preces, et hostia salutaris, virgineo fragrans odore
SO
[Die 30 Aprilis. S. Catharinae Senensis Virginis ]
(bis) Ascendat ad Te, Domine, nostrae devotionis oblatio, et beatissima Virgine Maria in caelum assumpta intercedente, corda nostra, caritatis igne succensa, ad Te iugiter adspirent
(bis) SO
[(bis) Die 15 Augusti. In Assumptione B.M. Virginis ]

[N: 61]
Auge fidem in te sperantium, Deus, et supplicum preces clementer exaudi: veniat super nos multiplex misericordia tua: benedicantur et hi palmites palmarum, seu olivarum: et sicut in figura Ecclesiae multiplicasti Noe egredientem de arca, et Moysen exeuntem de Aegipto cum filiis Israel: ita nos portantes palmas, et ramos olivarum, bonis actibus occurramus obviam Christo: et per ipsum in gaudium introeamus aeternum
C 1
[Dominica in Palmis. Benedictio ramorum]


[N: 62]
Auge in nobis, Domine, resurrectionis fidem, qui in Sanctorum tuorum Reliquiis mirabilia operaris: et fac nos immortalis gloriae participes; cuius in eorum cineribus pignora veneramur
C
[Missae pro aliquibus locis. Die 5 Novembris. Sacrarum Reliquiarum]


[N: 63]
Augeatur in nobis, quaesumus, Domine, tuae virtutis operatio: ut divinis vegetati sacramentis, ad eorum promissa capienda, tuo munere praeparemur
PC
[Dominica II post Epiphaniam]


[N: 64]
Aurem tuam, quaesumus, Domine, precibus nostris accomoda: et mentis nostrae tenebras, gratia tuae visitationis illustra
C
[Dominica III Adventus]


[N: 65]
Auxilientur nobis, Domine, sumpta mysteria: et, intercedente beato Stephano Martyre tuo, sempiterna protectione confirment
PC
[Die 26 Decembris. S. Stephani Protomartyris]


[N: 66]
Auxilium tuum nobis, Domine, quaesumus, placatus impende: et, intercessione beati Ubaldi Confessoris tui atque Pontificis, contra omnes diaboli nequitias dexteram super nos tuae propitiationis extende
C
[Die 16 Maii. S. Ubaldi Episcopi et Confessoris]


[N: 67]
Beata Virgine Maria intercedente, cuius precibus exoratus Iesus Christus Filius tuus fecit initium signorum: da nobis, Domine Deus, sacramentum corporis et sanguinis eiusdem Filii tui pura mente conficere; ut aeterni convivii mereamur esse participes
SO
[Missae pro aliquibus locis. Die 27 novembris. B. Mariae V. Immaculatae a Sacro Numismate]


[N: 68]
Beatae Mariae Magdalenae, quaesumus, Domine, suffragiis adiuvemur: cuius precibus exoratus, quatriduanum fratrem Lazarum vivum ab inferis resuscitasti
C
[Die 22 Iulii. S. Mariae Magdalenae Paenitentis]


[N: 69]
Beati Apostoli et Evangelistae Matthaei, Domine, precibus adiuvemur: ut, quod possibilitas nostra non obtinet, eius nobis intercessione donetur
C
[Die 21 Septembris. S. Matthaei Apostoli et Evangelistae]


[N: 70]
Beati Apostoli tui Bartholomaei solemnia recensentes, quaesumus, Domine: ut eius auxilio tua beneficia capiamus, pro quo tibi laudis hostias immolamus
SO
[Die 24 Augusti. S. Bartholomaei Apostolis]


[N: 71]
Beati Apostoli tui Iacobi, quaesumus, intercessione nos adiuva: pro cuius festivitate percepimus tua sancta laetantes
PC
[Die 25 Iulii. S. Iacobi Apostoli]


[N: 72]
Beati Archangeli tui Michaelis intercessione suffulti: supplices te, Domine, deprecamur; ut quod ore prosequimur, contingamus et mente
PC
[Die 8 Maii. In Apparitione S. Michaelis Archangeli]


[N: 73]
Beati Ioannis Baptistae nos, Domine, praeclara comitetur oratio: et quem venturum esse praedixit, poscat nobis fore placatum, Dominum nostrum Iesum Christum Filium tuum
PC
[Die 23 Iunii. In Vigilia Nativitatis S. Ioannis Baptistae]


[N: 74]
Beati Marci Evangelistae tui solemnitate, tibi munera deferentes, quaesumus, Domine: ut, sicut illum praedicatio evangelica fecit gloriosum; ita nos eius intercessio et verbo, et opere tibi reddat acceptos
SO
[Die 25 Aprilis. S. Marci Evangelistae]


[N: 75]
Beatorum Martyrum pariterque Pontificum N. et N. nos, quaesumus, Domine, festa tueantur: et eorum commendet oratio veneranda
C
[Commune Sanctorum. Pro pluribus Martyribus. Missa Intret]


[N: 76]
Beatorum Martyrum pariterque Pontificum Cleti et Marcellini nos, Domine, foveat pretiosa confessio: et pia iugiter intercessio tueatur
C
[Die 26 Aprilis. Ss. Cleti et Marcellini Pp. et Martyrum]


[N: 77]
Beatorum Martyrum tuorum, Domine, Chrysanti et Dariae, quaesumus, adsit nobis oratio: ut, quos veneramur obsequio, eorum pium iugiter experiamur auxilium
C
[Die 25 octobris. Ss. Chrysanti et Dariae Martyrum]


[N: 78]
Benedic, quaesumus, Domine, hos palmarum, seu olivarum ramos: et praesta; ut, quod populus tuus in tui venerationem hodierna die corporaliter agit, hoc spiritualiter summa devotione perficiat, de hoste victoriam reportando, et opus misericordiae summopere diligendo
C 6
[Dominica in Palmis. Benedictio Ramorum]


[N: 79]
Benedictio tua, clementissime Deus, qua omnis viget creatura, sanctificet, quaesumus, hoc sacrificium nostrum, quod ad gloriam nominis Filii tui, Domini nostri Iesu Christi, offerimus tibi: ut maiestati tuae placere possit ad laudem, et nobis proficere ad salutem
SO
[Dominica inter Circumcisionem et Epiphaniam vel, si ipsa non occurrat, die 2 Ianuarii. Sanctissimi Nominis Iesu]


[N: 80]
Benedictio tua, Domine, larga descendat: quae et munera nostra, deprecantibus sanctis Martyribus tuis, tibi reddat accepta, et nobis sacramentum redemptionis efficiat
SO
[Die 8 Novembris. Pro Ss. Quatuor Coronatis Martyribus]


[N: 81]
Benedictionem nobis, Domine, conferat salutarem sacra semper oblatio: ut, quod agit mysterio, virtute perficiat
SO
[Dominica II post Pascha]


[N: 82]
Benedictionem tuam, Domine, populus fidelis accipiat, qua corpore salvetur, et mente: et congruam tibi exhibeat servitutem, et propitiationis tuae beneficia semper inveniat
PC
[Orationes Diversae n 19. Pro peste animalium]


[N: 83]
Bonorum omnium largitor, omnipotens Deus, qui beatam Rosam, caelestis gratiae rore praeventam, virginitatis et patientiae decore Indis florescere voluisti: da nobis famulis tuis; ut in odorem suavitatis eius currentes, Christi bonus odor effici mereamur
C
[Die 30 Augusti. S. Rosae a S. Maria Virginis Limanae]


[N: 84]
Caelestem nobis, Domine, praebeant mysteria haec passionis et mortis tuae fervorem: quo sanctus Paulus, ea offerendo, corpus suum hostiam viventem, sanctam, tibique placentem exhibuit
SO
[Die 28 Aprilis. S. Pauli a Cruce Confessoris]


[N: 85]
Caelestem nobis praebeant haec mysteria, quaesumus, Domine, medicinam: et vitia nostri cordis expurgent
SO
[Dominica XX post Pentecosten]


[N: 86]
Caelesti alimonia refecti, supplices te, Domine, deprecamur: ut beatae Angelae precibus et exemplo, ab omni labe mundati, et corpore tibi placeamus et mente
PC
[Die 31 Maii. S. Angelae Mericiae Virginis]


[N: 87]
Caelesti alimonia refecti supplices te, Domine, deprecamur: ut, beati Iustini martyris tui monitis, de acceptis donis semper in gratiarum actione maneamus
PC
[Die 14 Aprilis. S. Iustini Martyris]


[N: 88]
Caelesti convivio fac nos, Domine, nuptiali veste indutos accumbere: quam beati Aloisii pia praeparatio, et iuges lacrimae inaestimabilibus ornabant margaritis
SO
[Die 21 Iunii. S. Aloisii Gonzagae Confessoris]


[N: 89]
Caelesti dape qua pasti sumus, Domine Iesu Christe, eo corda nostra caritatis igne flammescant: quo beatus Antonius Maria salutaris hostiae vexillum, contra ecclesiae tuae hostes extulit ad victoriam
PC
[Die 5 Iulii. S. Antonii Mariae Zaccaria Confessoris]


[N: 90]
Caelesti, Domine Iesu Christe, sacrificii igne corda nostra in odorem suavitatis exure: qui beato Alfonso Mariae tribuisti et haec mysteria celebrare, et per eadem hostiam tibi sanctam seipsum exhibere
SO
[Die 2 Augusti. S. Alfonsi Mariae de Ligorio Ep., Conf. et Ecclesiae Doct.]


[N: 91]
Caelesti epulo refectis praesta nobis, quaesumus, misericors Deus: ut, beati Ioannis vestigia sequentes, viam mandatorum tuorum dilatato corde curramus
PC
[Missae pro aliquibus locis. die 26 Nov. S. Ioannis Berchmans Conf.]


[N: 92]
Caelesti lumine, quaesumus, Domine, semper et ubique nos praeveni: ut mysterium, cuius nos participes esse voluisti, et puro cernamus intuitu, et digno percipiamus affectu
PC
[Die 13 Ianuarii. In Octava Ephiphaniae]


[N: 93]
Caelesti munere roboratos fac nos, quaesumus, Domine Deus noster: beatae Veronicae Virginis tuae et exemplis instrui et patrociniis adiuvari
PC
[Missae pro aliquibus locis. Die 9 Iulii. S. Veronicae de Iulianis Virg.]


[N: 94]
Caelesti pane refectos, qui toties beatam Ioannam aluit ad victoriam: praesta, quaesumus, omnipotens Deus, ut hoc salutis alimentum de inimicis nostris victores nos efficiat
PC
[Missae pro aliquibus locis. Die 30 Maii. S. Ioannae de Arc Virginis]


[N: 95]
Caelestia dona capientibus, quaesumus, Domine: non ad iudicium provenire patiaris, quae fidelibus tuis ad remedium providisti
PC
[Feria V post Dominicam IV Quadragesimae]


[N: 96]
Caelestia sacramenta, quaesumus, Domine, suffragantibus beatis Virginibus et martyribus tuis N. et N. sua nos virtute communiant; ut quarum pie veneramur in fidei confessione victoriam, imitemur in morum puritate constantiam
PC
[Commune Sanctorum pro aliquibus locis. Pro Virginibus et Martyribus. Missa Deus meus]


[N: 97]
Caelestibus, Domine, pasti deliciis: quaesumus; ut semper eadem, per quae veraciter vivimus, appetamus
PC
[Dominica VI post Epiphaniam]


[N: 98]
Caelestibus, Domine, pasti deliciis, supplices te rogamus: ut, intercedente sancta Rita, caritatis et passionis tuae in mentibus nostris signa feramus, et perpetuae pacis fructi iugiter perfruamur
PC
[Missae pro aliquibus locis. Die 22 Maii. S. Ritae a Cassia Viduae]


[N: 99]
Caelestibus pasti deliciis, te supplices deprecamur, Domine Deus noster: ut sicut nobis in beatissima Filii tui Genitrice tutelam et praesidium contulisti; ita eius solemnia celebrantibus aeternae gloriae coronam retribuas
PC
[Missae pro aliquibus locis. Die 31 Maii. B. Mariae Virginis Reginae Sanctorum Omnium et Matris pulchrae dilectionis]


[N: 100]
Caelestibus refecti mysteriis te, Domine, deprecamur: ut quorum festa percolimus imitantes exempla; iuxta Crucem Iesu cum Maria Matre eius fideliter adstemus, et eiusdem redemptionis fructum percipere mereamur
PC
[Die 12 Febr. Ss. septem Fundatorum Ordinis Servorum B.M.V. Confess.]


[N: 101]
Caelestibus refecti sacramentis et gaudiis: supplices te rogamus, Domine; ut, quorum gloriamur triumphis, protegamur auxiliis
PC
[Die 22 Septembris Pro Ss. Mauritio et Sociis Martyribus]


[N: 102]
Caelestibus sacramentis vegetati, quaesumus, Domine Deus noster: ut, intercessione beatae Annae, quam Genitricis Filii tui matrem esse voluisti, ad aeternam salutem pervenire mereamur
PC
[Die 26 Iulii. S. Annae Matris B.M.V.]


[N: 103]
Caelestis, Domine, participatio sacramenti, sancti Ioannis Baptistae Confessoris tui suffragantibus meritis, fideles tuos mundet et muniat: ac bonis operibus iugiter praestet esse intentos
PC
[Missae pro aliquibus locis. Die 23 Maii. S. Ioannis Baptistae de Rossi]


[N: 104]
Caelestis doni benedictione percepta: supplices te, Deus omnipotens, deprecamur: ut hoc idem nobis et sacramenti causa sit et salutis
PC
[Feria V post Cineres]


[N: 105]
Caelestis mensae virtus, misericors Deus, in famulis tuis iugiter perseveret: ut, divinae providentiae Matris intercessione, regnum et iustitiam tuam ante omnia quaerentes, temporalibus non destituatur auxiliis
PC
[Missae pro aliquibus locis. Sabbato ante Dominicam III Novembris. B. Mariae Virginis Divinae Providentiae Matris]


[N: 106]
Caelestis participatio sacramenti, quaesumus, Domine, animabus patris et matris meae (parentum nostrorum) requiem et lucem obtineat perpetuam: meque (nosque) cum illis gratia tua coronet aeterna
PC
[Orationes Diversae pro Defunctis n 11. Pro Patre et matre]


[N: 107]
Caelestis vitae munere vegetati, quaesumus, Domine: ut, quod est nobis in praesenti vita mysterium, fiat aeternitatis auxilium
PC
[Sabbato post Cineres]


[N: 108]
Caelestium donorum distributor, Deus, qui in angelico iuvene Aloisio miram vitae innocentiam pari cum poenitentia sociasti: eius meritis et precibus concede; ut innocentem non secuti, poenitentem imitemur
C
[Die 21 Iunii S. Aloisii Gonzagae Confessoris]


[N: 109]
Caritatis victima, quam immolantes offerimus, sit nobis, Domine, te miserante, propitiabilis: et, beati Ioannis Francisci precibus et meritis, ad obtinendum patientiae et caritatis augmentum, efficax et salutaris
SO
[Missae pro aliquibus locis. Die 16 Iunii. S. Ioannis Francisci Regis Confessoris]


[N: 110]
Cito anticipent nos misericordiae tuae, quaesumus, Domine, intercedente sancto confessore tuo Leonardo: ut, a culpis expiati, in electorum numero esse mereamur
PC
[Missae pro aliquibus locis. Die 26 Novembris. S. Leonardi a Portu Mauritio Confessoris]


[N: 111]
Clementissime Deus, munera haec tua benedictione perfunde, et nos in fide confirma: quam sanctus Iosaphat Martyr et Pontifex tuus, effuso sanguine, asseruit.
SO
[Dei 14 Novembris. S. Iosaphat Episcopi et Martyris]


[N: 112]
Clementissime Deus, qui beatam Elisabeth reginam, inter ceteras egregias dotes, bellici furoris sedandi praerogativa decorasti: da nobis, eius intercessione; post mortalis vitae, quam suppliciter petimus, pacem, ad aeterna gaudia pervenire
C
[Die 8 Iulii. S. Elisabeth Reginae Viduae]


[N: 113]
Clementissime Deus, qui sanctum Silvestrum Abbatem, saeculi huius vanitatem in aperto tumulo pie meditantem, ad eremum vocare, et praeclaris vitae meritis decorare dignatus es: te supplices exoramus; ut, eius exemplo terrena despicientes, tui consortio perfruamur aeterno
C
[Die 26 Novembris. S. Silvestris Abbatis]


[N: 114]
Clementissime Deus, qui, veteri homine consumpto, novum secundum te in beato Hieronymo creare dignatus es: da, per merita ipsius; ut nos pariter renovati, hanc placationis hostiam in odorem tibi suavissimum offeramus
SO
[Die 20 Iulii. S. Hieronymi Aemiliani Confessoris]


[N: 115]
Concede, misericors Deus, fragilitati nostrae praesidium: ut, qui immaculatae Conceptionis Genitricis unigeniti Filii tui festivitatem praevenimus; intercessionis eius auxilio a nostris iniquitatibus resurgamus
PC
[Die 7 Dec. In Vigilia Conceptionis Immaculatae B.Mariae Virg.]


[N: 116]
Concede nobis, Domine Deus noster; ut haec hostia salutaris, et nostrorum fiat purgatio delictorum, et tuae propitiatio maiestatis
SO
[Feria II post Dominicam Passionis]


[N: 117]
Concede nobis, Domine, praesidia militiae christianae sanctis inchoare ieiuniis: ut contra spiritales nequitias pugnaturi, continentiae muniamur auxiliis
BCINERUM
[Feria IV Cinerum. Completa cinerum impositione]


[N: 118]
Concede nobis, misericors Deus: ut qui salutiferae Crucis tuae fructu in terra sumus recreati; per intercessionem beatae Helenae, eodem iugiter perfrui mereamur in caelis
PC
[Missae pro aliquibus locis. Die 18 Augusti. S. Helenae Imperatricis Viduae]


[N: 119]
Concede nobis, omnipotens Deus: ut his muneribus, quae in sanctorum tuorum Nazarii, Celsi, Victoris et Innocentii honore deferimus, et te placemus exhibitis, et nos vivificemur acceptis
SO
[Die 28 Iulii Ss. Nazarii et Celsi Martyrum, Victoris I Papae et Martyris, ac Innocentii I Papae et Confessoris]


[N: 120]
Concede nobis, quaesumus, Domine, haec digne frequentare mysteria: quia, quoties huius hostiae commemoratio celebratur, opus nostrae redemptionis exercetur
SO
[Dominica IX post Pentecosten]


[N: 121]
Concede nobis, quaesumus, Domine: ut per haec sacramenta quae sumpsimus, quidquid in nostra mente vitiosum est, ipsorum medicationis dono curetur
PC
[Dominica XXIV et ultima post Pentecosten]


[N: 122]
Concede nos famulos tuos, quaesumus, Domine Deus, perpetua mentis et corporis sanitate gaudere: et gloriosa beatae Mariae semper Virginis intercessione, a praesenti liberari tristitia, et aeterna perfrui laetitia
C
[Commune festorum B. Mariae Virginis]


[N: 123]
Concede nos, quaesumus, omnipotens Deus: beati Petri Confessoris tui atque Pontificis monita et exempla sectari; ut per terrestrium rerum contemptum aeterna gaudia consequamur
C
[Die 23 Febr. S. Petri Damiani Episc., Conf. et Eccl. Doct.]


[N: 124]
Concede, quaesumus, Domine, semper nos per haec mysteria paschalia gratulari: ut continua nostrae reparationis operatio, perpetuae nobis fiat causa laetitiae
SO
[Sabbato in Albis]


[N: 125]
Concede, quaesumus, Ecclesiae tuae, omnipotens Deus: ut beatum Stephanum Confessorem tuum, quem regnantem in terris propagatorem habuit, propugnatorem habere mereatur gloriosum in caelis
C
[Die 2 Septembris. S. Stephani Regis, Confessoris]


[N: 126]
Concede, quaesumus, famulis tuis, Domine Deus: ea innocentiae ac fidelitatis exempla in tuo servitio sectari; quibus angelicus iuvenis Ioannes aetatis suae florem consecravit
C
[Missae pro aliquibus locis. Die 26 Nov. S. Ioannis Berchmans Conf.]


[N: 127]
Concede, quaesumus, omnipotens Deus, Sanctum nos Spiritum votis promereri sedulis: quatenus eius gratia, et ab omnibus liberemur tentationibus, et peccatorum nostrorum indulgentiam percipere mereamur
PC
[Missae Votivae. Missa ad postulandam gratiam Spiritus Sancti]


[N: 128]
Concede, quaesumus, omnipotens Deus: ut ad meliorem vitam Sanctorum tuorum exempla nos provocent; quatenus, quorum solemnia agimus, etiam actus imitemur
C
[Die 14 Ianuarii. Pro S. Felice Presbytero et Martyre]


[N: 129]
Concede, quaesumus, omnipotens Deus: ut fideles tui, qui sub sanctissimae Virginis Mariae Nomine et protectione laetantur; eius pia intercessione, a cunctis malis liberentur in terris, et ad gaudia aeterna pervenire mereantur in caelis
C
[Die 12 Septembris. Sanctissimi Nominis Mariae]


[N: 130]
Concede, quaesumus, omnipotens Deus: ut huius sacrificii munus oblatum, fragilitatem nostram ab omni malo purget semper, et muniat
SO
[Dominica IV post Epiphaniam]


[N: 131]
Concede, quaesumus, omnipotens Deus: ut nos Unigeniti tui nova per carnem Nativitas liberet; quos sub peccati iugo vetusta servitus tenet
C
[Die 25 Decembris In Nativitatem Domini. Ad tertiam Missam in die]


[N: 132]
Concede, quaesumus, omnipotens Deus: ut oculis tuae maiestatis munus oblatum, et gratiam nobis piae devotionis obtineat, et effectum beatae perennitatis acquirat
SO
[Dominica infra octavam Nativitatis]


[N: 133]
Concede, quaesumus, omnipotens Deus: ut paschalis perceptio sacramenti, continua in nostris mentibus perseveret
PC
[Feria III infra Octavam Paschae]


[N: 134]
Concede, quaesumus, omnipotens Deus: ut, qui ex merito nostrae actionis affligimur, tuae gratiae consolatione respiremus
C
[Dominica IV in Quadragesima]


[N: 135]
Concede, quaesumus, omnipotens Deus: ut, qui festa paschalia venerando egimus, per haec contingere ad gaudia aeterna mereamur
C
[Sabbato in albis]


[N: 136]
Concede, quaesumus, omnipotens Deus: ut, qui hodierna die Unigenitum tuum Redemptorem nostrum ad caelos ascendisse credimus; ipsi quoque mente in caelestibus habitemus
C
[In Ascensione Domini]


[N: 137]
Concede, quaesumus, omnipotens Deus: ut, qui protectionis tuae gratiam quaerimus, liberati a malis omnibus, secura tibi mente serviamus
SP
[Feria IV post Dominicam III Quadragesimae]


[N: 138]
Concede, quaesumus, omnipotens Deus: ut, qui solemnitate doni Sancti Spiritus colimus, caelestibus desideriis accensi, fontem vitae sitiamus
[Sabbato in Vigilia Pentecostes. Sacerdos antequam intret ad benedictionem fontis dicit]


[N: 139]
Concede, quaesumus, omnipotens Deus: ut, qui sub peccati iugo ex vetusta servitute deprimimur; expectata unigeniti Filii tui nova nativitate liberemur
C 2
[Sabbato Quatuor Temporum Adventus]


[N: 140]
Concede, quaesumus, omnipotens Deus: ut, sicut Apostolorum tuorum Simonis et Iudae gloriosa natalitia praevenimus; sic ad tua beneficia promerenda, maiestatem tuam pro nobis ipsi praeveniant
C
[Die 27 Octobris. In Vigilia Ss. Simonis et Iudae Apostolorum]


[N: 141]
Concede, quaesumus, omnipotens Deus: ut veneranda nobis beatarum N. et N. intercessio tribuat caeleste subsidium; quarum vita mirabilis omnibus salutare praestat exemplum
C
[Commune Sanctorum pro aliquibus locis. Pro pluribus nec Virginibus nec Martyribus. Missa Domine Deus]


[N: 142]
Conferat nobis, Domine, sancti Ioannis Baptistae solemnitas: ut et magnifica sacramenta, quae sumpsimus, significata veneremur, et in nobis potius edita gaudeamus
PC
[Die 29 Augusti. In Decollatione S. Ioannis Baptistae]


[N: 143]
Converte nos, Deus salutaris noster: et, ut nobis ieiunium quadragesimale proficiat, mentes nostras caelestibus instrue disciplinis
C
[Feria II post Dominicam I Quadragesimae]


[N: 144]
Corda nostra, quaesumus, Domine, sanctae Ritae meritis, superni doloris spina confige: ut, a peccatis omnibus tua gratia liberati, sacrificare tibi hostiam laudis pura mente valeamus
SO
[Missae pro aliquibus locis. Die 22 Maii. S. Ritae a Cassia Viduae]


[N: 145]
Cordibus nostris, quaesumus, Domine, gratiam tuam benignus infunde: ut peccata nostra castigatione voluntaria cohibentes, temporaliter potius maceremur, quam suppliciis deputemur aeternis
C
[Feria VI post Dominicam Passionis]


[N: 146]
Cordibus nostris, quaesumus, Domine, gratiam tuam benignus infunde: ut, sicut ab escis carnalibus abstinemus; ita sensus quoque nostros a noxiis retrahamus excessibus
C
[Feria II post Dominicam III Quadragesimae]


[N: 147]
Corporis et sanguinis tui, Domine Iesu, sumptis mysteriis concede nobis, quaesumus, beata Margarita Maria Virgine intercedente; ut, superbis saeculi vanitatibus exutis, mansuetudinem et humilitatem Cordis tui induere mereamur
PC
[Die 17 Octobris. S. Margaritae Mariae Alacoque, Virginis]


[N: 148]
Corporis et Sanguinis tui, Domine, mysterio satiatis, concede, quaesumus; ut intercedente sancto Ioanne Confessore, in gratiarum semper actione maneamus
PC
[Die 31 Ianuarii. S. Ioannis Bosco, Confessoris]


[N: 149]
Corporis et sanguinis tui sacra libatio, Domine, intercedentibus beatis Virginibus N. et N., ab omnibus nos caducis rebus avertat: ut valeamus tui et sincera in terris caritate proficere, et perpetua in caelis visione gaudere
PC
[Commune Sanctorum pro aliquibus locis. Pro Virginibus tantum. Missa Virgines]


[N: 150]
Corporis sacri, et pretiosi sanguinis repleti libamine, quaesumus, Domine Deus noster: ut, quod pia devotione gerimus, certa redemptione capiamus
PC
[Die 2 Iulii. Pro Ss. Processo et Martiniano Martyribus]


[N: 151]
Corporis tui et sanguinis sumptis mysteriis, tuam, Domine Deus noster, deprecamur clementiam: ut, sicut Gabriele nuntiante, incarnationem tuam cognovimus; ita, ipso adiuvante, incarnationis eiusdem beneficia consequamur
PC
[Die 24 Martii. S. Gabrielis Archangeli]


[N: 152]
Corporis tui sacri, ac pretiosi sanguinis, quo redempti sumus, Domine Iesu Christe, participes effecti: quaesumus; ut in nobis tua munera tuearis, atque a praesentis vitae malis ereptos, ad bona perducas sempiterna
PC
[Missae pro aliquibus locis. Die 23 Octobris Sanctissimi Redemptoris]


[N: 153]
Crescat in nobis, Domine, pietatis tuae effectus salutaris: ut, caelisti pabulo refecti et Sanctorum exemplis accensi, ad aeternae salutis portum, te misericorditer protegente, et beato Ioanne Francisco intercedente, feliciter pervenire valeamus
PC
[Missae pro aliquibus locis. Die 16 Iunii. S. Ioannis Francisci Regis Confessoris]


[N: 154]
Custodi, Domine, quaesumus, Ecclesiam tuam propitiatione perpetua: et quia sine te labitur humana mortalitas; tuis semper auxiliis et abstrahatur a noxiis, et ad salutaria dirigatur
C
[Dominica XIV post Pentecostes]


[N: 155]
Da Ecclesiae tuae, quaesumus, Domine, sanctis Martyribus tuis Vito, Modesto atque Crescentia intercedentibus, superbe non sapere, sed tibi placita humilitate proficere: ut, prava despiciens, quaecumque recta sunt, libera exerceat caritate
C
[Die 15 Iunii. Ss. Viti, Modesti atque Crescentiae Martyrum]


[N: 156]
Da famulis tuis, Domine, indulgentiam peccatorum, consolationem vitae, gubernationem perpetuam: ut, tibi servientes, ad tuam iugiter misericordiam pervenire mereantur
SO
[Orationes Diversae n 3. Pro omni gradu Ecclesiae]


[N: 157]
Da fidelibus tuis, quaesumus, Domine, in tua fide et sinceritate constantiam: ut in caritate divina firmati, nullis tentationibus ab eius integritate vellantur
PC
[Orationes Diversae n 34. Pro salute vivorum]


[N: 158]
Da, misericors Deus: ut haec salutaris oblatio et a propriis nos reatibus indesinenter expediat, et ab omnibus tueatur adversis
SO
[Dominica XXII post Pentecosten]


[N: 159]
Da nobis, clementissime Iesu: ut praeclara beati Francisci merita recolentes, eodem nos, ac ille, caritatis igne succensi, digne in circuitu sacrae huius mensae tuae esse valeamus
SO
[Die 4 Iunii. S. Francisci Caracciolo Confessoris]


[N: 160]
Da nobis, Domine, perfectae caritatis sacrificium, exemplo sancti Pontificis Paulini, cum altaris oblatione coniungere: et beneficentiae studio sempiternam misericordiam promereri
SO
[Die 22 Iunii. S. Paulini Episcopi et Confessoris]


[N: 161]
Da nobis, Domine, ut animam famuli tui N. Episcopi, quam de huius saeculi eduxisti laborioso certamine, Sanctorum tuorum tribuas esse consortem
C
[Orationes Diversae pro Defunctis n 6. Item pro defuncto Episcopo]


[N: 162]
Da nobis, quaesumus, Domine, beati Apostoli tui Thomae solemnitatibus gloriari: ut eius semper et patrociniis sublevemur; et fidem congrua devotione sectemur
C
[Die 21 Decembris. S. Thomae Apostoli]


[N: 163]
Da nobis, quaesumus, Domine Deus noster, sanctarum Virginum et Martyrum tuarum N. et N. palmas incessabili devotione venerari: ut, quas digna mente non possumus celebrare, humilibus saltem frequentemus obsequiis
C
[Commune Sanctorum. Pro pluribus Virginibus Martyribus]


[N: 164]
Da nobis, quaesumus, Domine Deus noster: ut, qui Nativitatem Domini nostri Iesu Christi mysteriis nos frequentare gaudemus; dignis conversationibus ad eius mereamur pervenire consortium
PC
[Die 25 Decembris. In Nativitate Domini. Ad primam missam in nocte]


[N: 165]
Da nobis, quaesumus, Domine, imitari quod colimus: ut discamus et inimicos diligere; quia eius natalitia celebramus, qui novit etiam pro persecutoribus exorare Dominum nostrum Iesum Christum Filium tuum
C
[Die 26 Decembris. S. Stephani Protomartyris]


[N: 166]
Da nobis, quaesumus, Domine: perseverantem in tua voluntate famulatum; ut in diebus nostris, et merito et numero, populus tibi serviens augeatur
SP
[Feria III post Dominicam de Passione]


[N: 167]
Da nobis, quaesumus, Domine, piae supplicationis effectum: et famen propitiatus averte; ut mortalium corda cognoscant, et te indignante talia flagella prodire, et te miserante cessare
C
[Orationes Diversae n 14. Tempore famis]


[N: 168]
Da nobis, quaesumus, Domine, pluviam salutarem: et aridam terrae faciem fluentis caelestibus dignanter infunde
PC
[Orationes Diversae n 16. Ad petendam pluviam]


[N: 169]
Da nobis, quaesumus, Domine: unigeniti Filii tui recensita nativitate respirare; cuius caelesti mysterio pascimur et potamur
PC
[Die 24 Decembris. In Vigilia Nativitatis Domini]


[N: 170]
Da nobis, quaesumus, Domine: ut et mundi cursus pacifice nobis tuo ordine dirigatur; et Ecclesia tua tranquilla devotione laetetur
C
[Dominica IV post Pentecosten]


[N: 171]
Da nobis, quaesumus, misericors Deus: beato Isidoro agricola Confessore tuo intercedente, superbe non sapere; sed eius meritis et exemplis, placita tibi semper humilitate deservire
C
[Missae pro aliquibus locis. Die 15 Maii. S. Isidori Agricolae Confessoris]


[N: 172]
Da nobis, quaesumus, misericors Deus: ut sancta tua, quibus incessanter explemur, sinceris tractemus obsequiis, et fideli semper mente sumamus
PC
[Dominica IV Quadragesimae]


[N: 173]
Da nobis, quaesumus, omnipotens Deus, beato Cyrillo Pontifice intercedente: te solum verum Deum, et quem misisti Iesum Christum ita cognoscere; ut inter oves, quae vocem eius audiunt, perpetuo connumerari mereamur
C
[Die 18 Martii. S. Cyrilli Episcopi Hierosolymitani, Conf. et Eccl. Doct.]


[N: 174]
Da nobis, quaesumus, omnipotens Deus: ut ieiunando, tua gratia satiemur; et abstinendo, cunctis efficiamur hostibus fortiores
C 2
[Sabbato Quatuor Temporum Septembris]


[N: 175]
Da nobis, quaesumus, omnipotens Deus: ut, qui infirmitatis nostrae conscii, de tua virtute confidimus, sub tua semper pietate gaudeamus
SP
[Feria VI post Dominicam IV Quadragesimae]


[N: 176]
Da nobis, quaesumus, omnipotens Deus: ut qui nova incarnati Verbi tui luce perfundimur; hoc in nostro resplendeat opere, quod per fidem fulget in mente
C
[Die 25 Dec. In Nativitate Domini. Ad secundam missam in Aurora]


[N: 177]
Da nobis, quaesumus, omnipotens Deus: ut, sicut adoranda Filii tui natalitia praevenimus, sic eius munera capiamus sempiterna gaudentes
SO
[Die 24 Decembris. In Vigilia Nativitatis Domini]


[N: 178]
Da nobis, quaesumus, omnipotens Deus: vitiorum nostrorum flammas exstinguere; qui beato Laurentio tribuisti tormentorum suorum incendia superare
C
[Die 10 Augusti. S. Laurentii Martyris]


[N: 179]
Da, quaesumus, Domine Deus noster: ut, sicut beati Laurentii Martyris tui commemoratione, temporali gratulamur officio; ita perpetuo laetemur aspectu
PC
[Die 9 Augusti. In Vigilia S. Laurentii Martyris]


[N: 180]
Da, quaesumus, Domine; fidelibus populis Sanctorum tuorum semper veneratione laetari: et eorum perpetua supplicatione muniri
PC
[Die 11 Decembris. S. Damasi Papae et Confessoris]


[N: 181]
Da, quaesumus, Domine, nostris effectum ieiuniis salutarem: ut castigatio carnis assumpta, ad nostrarum vegetationem transeat animarum
C
[Sabbato post Dominicam II Quadragesimae]


[N: 182]
Da, quaesumus, Domine, populis christianis: et, quae profitentur, agnoscere, et caeleste munus diligere, quod frequentant
SP
[Feria V post Dominicam I Quadragesimae]


[N: 183]
Da, quaesumus, Domine, populo tuo diabolica vitare contagia: et te solum Deum pura mente sectari
C
[Dominica XVII post Pentecosten]


[N: 184]
Da, quaesumus, Domine, populo tuo salutem mentis et corporis: ut, bonis operibus inhaerendo, tuae semper virtutis mereatur protectione defendi
SP
[Feria VI post Dominicam II Quadragesimae]


[N: 185]
Da, quaesumus, Ecclesiae tuae, misericors Deus: ut Sancto Spiritu congregata, hostili nullatenus incursione turbetur
C
[Feria VI Quatuor Temporum Pentecostes]


[N: 186]
Da, quaesumus, omnipotens aeterne Deus: ut purissimae Virginis Mariae integerrimam Virginitatem festiva celebritate venerantes, eius intercessione, puritatem mentis et corporis consequamur
C
[Missae pro aliquibus locis. Die 16 Octobris. Puritatis B. Mariae Virginis]


[N: 187]
Da, quaesumus, omnipotens Deus: ut beatorum Martyrum tuorum Hippolyti et Cassiani veneranda solemnitas, et devotionem nobis augeat et salutem
C
[Die 13 Augusti. Ss. Hippolyti et Cassiani Martyrum]


[N: 188]
Da, quaesumus, omnipotens Deus: ut quae divina sunt, iugiter exsequentes, donis mereamur caelestibus propinquare
PC
[Feria III post Dominicam de Passione]


[N: 189]
Da, quaesumus, omnipotens Deus: ut, qui beatae Anastasiae Martyris tuae solemnia colimus; eius apud te patrocinia sentiamus
C
[Die 25 Decembris. Ad secundam Missam in Aurora. Commemoratio S. Anastasiae Martyris]


[N: 190]
Da, quaesumus, omnipotens Deus: ut, qui beatae Priscae Virginis et Martyris tuae natalitia colimus; et annua solemnitate laetemur, et tantae fidei proficiamus exemplo
C
[Die 18 Ianuarii. Pro S. Prisca Virgine et Martyre]


[N: 191]
Da, quaesumus, omnipotens Deus: ut, qui beatorum Martyrum tuorum Gordiani et Epimachi solemnia colimus, eorum apud te intercessionibus adiuvemur
C
[Die 10 Maii. Pro Ss. Gordiano et Epimacho Martyribus]


[N: 192]
Da, quaesumus, omnipotens Deus: ut, qui in tot adversis ex nostra infirmitate deficimus; intercedente unigeniti Filii tui passione respiremus
C
[Feria II Maioris Hebdomadae]


[N: 193]
Da, quaesumus, omnipotens Deus: ut, sacro nos purificante ieiunio, sinceribus mentibus ad sancta ventura facias pervenire
C
[Feria VI post Dominicam II Quadragesimae]


[N: 194]
Da, quaesumus, omnipotens Deus: ut, sancti Ioannis Confessoris exemplo in scientia Sanctorum proficientes, atque misericordiam exhibentes; eius meritis, indulgentiam apud te consequamur
C
[Die 20 Octobris. S. Ioannis Cantii Confessoris]


[N: 195]
Debitum tibi, Domine, nostrae reddimus servitutis, suppliciter exorantes: ut, suffragiis beati Thomae Apostoli, in nobis tua munera tuearis, cuius honoranda confessione laudis tibi hostias immolamus
SO
[Die 21 Decembris. S. Thomae Apostoli]


[N: 196]
Defende, quaesumus, Domine, beata Maria semper Virgine intercedente, istam ab omni adversitate familiam: et toto corde tibi prostratam, ab hostium propitius tuere clementer insidiis
C
[Orationes Diversae n 8. Pro congregatione et familia]


[N: 197]
Deprecationem nostram, quaesumus, Domine, benignus exaudi: et quibus supplicandi praestas affectum, tribue defensionis auxilium
SP
[Feria II post Dominicam IV Quadragesimae]


[N: 198]
Descendat, quaesumus, Domine Deus noster, Spiritus tuus Sanctus super hoc altare: qui, et populi tui dona sanctificet, et sumentium corda dignanter emundet
SO
[Commune Dedicationis Ecclesiae. In die Dedicationis Altaris dicitur Missa ut in Dedicatione Ecclesiae, praeter Orationes]


[N: 199]
Deus, a quo bona cuncta procedunt, largire supplicibus tuis: ut cogitemus, te inspirante, quae recta sunt; et, te gubernante, eadem faciamus
C
[Dominica V post Pascha]


[N: 200]
Deus, a quo et Iudas reatus sui poenam, et confessionis suae latro praemium sumpsit, concede nobis tuae propitiationis effectum: ut, sicut in passione sua Iesus Christus Dominus noster diversa utrisque intulit stipendia meritorum; ita nobis, ablato vetustatis errore, resurrectionis suae gratiam largiatur
C
[Feria V in Cena Domini]


[N: 201]
Deus, a quo sancta desideria, recta consilia et iusta sunt opera: da servis tuis illam, quam mundus dare non potest, pacem: ut et corda nostra mandatis tuis dedita, et, hostium sublata formidine, tempora sint, tua protectione tranquilla
c
[Missae Votivae. Missa pro pace]


[N: 202]
Deus Abraham, Deus Isaac, et Deus Iacob sit vobiscum: et ipse adimpleat benedictionem suam in vobis: ut videatis filios filiorum vestrorum usque ad tertiam et quartam generationem, et postea vitam aeternam habeatis sine fine: adiuvante Domino nostro Iesu Christo, qui cum Patre et Spiritu Sancto vivit et regnat Deus, per omnia saecula saeculorum
C
[Missae Votivae. Missa pro Sponso et Sponsa. Dicto Benedicamus Domino]


[N: 203]
Deus, auctor pacis et amator caritatis, qui beatum Ioannem Confessorem tuum mirifica dissidentes componendi gratia decorasti: eius meritis et intercessione concede; ut, in tua caritate firmati, nullis a te tentationibus separemur
C
[Die 12 Iunii. S. Ioannis a S. Facundo Confessoris]


[N: 204]
Deus, auctor pacis et amator, quem nosse, vivere, cui servire, regnare est: protege ab omnibus impugnationibus supplices tuos; ut, qui in defensione tua confidimus, beati Irenaei Martyris tui atque Pontificis intercessione, nullius hostilitatis arma timeamus
PC
[Die 28 Iunii. S. Irenaei Episcopi et Martyris]


[N: 205]
Deus, celsitudo humilium, et fortitudo rectorum, qui per sanctum Moysen puerum tuum, ita erudire populum tuum sacri carminis tui decantatione voluisti, ut illa legis iteratio fieret etiam nostra directio: excita in omnem iustificatarum gentium plenitudinem potentiam tuam, et da laetitiam, mitigando terrorem; ut omnium peccatis tua remissione deletis, quod denuntiatum est in ultionem, transeat in salutem
C
[Sabbato Sancto. Post prophetiam XI: Scripsit Moysen canticum]


[N: 206]
Deus, cui omne cor patet, et omnis voluntas loquitur, et quem nullum latet secretum: purifica per infusionem Sancti Spiritus cogitationes cordis nostri; ut te perfecte diligere, et digne laudare mereamur
C
[Missae Votivae. Missa ad postulandam gratiam Spiritus Sancti]


[N: 207]
Deus, cui proprium est misereri semper et parcere: propitiare animabus famulorum, famularumque tuarum, et omnia eorum peccata dimitte; ut mortalitatis vinculis absolutae, transire mereantur ad vitam
C
[Orationes Diversae pro Defunctis n 16. Pro pluribus defunctis]


[N: 208]
Deus, cui proprium est misereri semper et parcere, te supplices exoramus pro anima famuli tui N. (famulae tuae N.), quam hodie de hoc saeculo migrare iussisti: ut non tradas eam in manus inimici, neque obliviscaris in finem, sed iubeas eam a sanctis Angelis, suscipi, et ad patriam paradisi perduci; ut, quia in te speravit et credidit, non poenas inferni sustineat, sed gaudia aeterna possideat
C
[Missae Defunctorum. In die obitus seu depositionis Defuncti]


[N: 209]
Deus, cui soli cognitus est numerus electorum in superna felicitate locandus: tribue, quaesumus; ut, intercedentibus omnibus Sanctis tuis, universorum, quos in oratione commendatos suscepimus, et omnium fidelium nomina, beatae praedestinationis liber adscripta retineat
SO
[Orationes Diversae n 35. Pro vivis et defunctis]


[N: 210]
Deus, cui soli competit medicinam praestare post mortem: praesta, quaesumus; ut animae famulorum, famularumque tuarum, terrenis exutae contagiis, in tuae redemptionis parte numerentur
PC
[Orationes Diversae pro Defunctis nr 16. Pro pluribus defunctis]


[N: 211]
Deus, cuius antiqua miracula etiam nostris saeculis coruscare sentimus: dum quod uni populo, a persecutione Aegyptica liberando, dexterae tuae potentia contulisti, id in salutem gentium per aquam regenerationis operaris: praesta; ut in Abrahae filios, et in Israeliticam dignitatem, totius mundi transeat plenitudo
C
[Sabbato Sancto. Post Prophetiam IV: Factum est in vigilia]


[N: 212]
Deus, cuius dextera beatum Petrum ambulantem in fluctibus, ne mergeretur, erexit, et coapostolum eius Paulum, tertio naufragantem, de profundo pelagi liberavit: exaudi nos propitius, et concede; ut, amborum meritis, aeternitatis gloriam consequamur
C
[Die 6 Iulii. In Octava Ss. Petri et Pauli Apostolorum]


[N: 213]
Deus, cuius hodierna die praeconium Innocentes Martyres non loquendo, sed moriendo confessi sunt: omnia in nobis vitiorum mala mortifica; ut fidem tuam, quam lingua nostra loquitur, etiam moribus vita fateatur
C
[Die 28 Decembris. Ss. Innocentium Martyrum]


[N: 214]
Deus, cuius miseratione animae fidelium requiescunt: famulis et famulabus tuis, et omnibus hic et ubique in Christo quiescentibus, da propitius veniam peccatorum; ut a cunctis reatibus absoluti, tecum sine fine laetentur
C
[Oratines Diversae pro Defunctis n 15. Pro his, qui in coemeterio requiescunt]


[N: 215]
Deus, cuius misericordiae non est numerus: concede nobis, sanctissima unigeniti Filii tui Matre intercedente; ut hanc misericordiam largiter in terris, et gloriam consequi mereamur in caelis
C
[Missae pro aliquibus locis. Sabbato ante Dominicam IV Iulii. B. Mariae Virginis Matris Misericordiae]


[N: 216]
Deus, cuius misericordiae non est numerus, et bonitatis infinitus est thesaurus: piissimae maiestati tuae pro collatis donis gratias agimus, tuam semper clementiam exorantes; ut qui petentibus postulata concedis, eosdem non deserens, ad praemia futura disponas
C
[Missae Votivae. Missa pro gratiarum actione]


[N: 217]
Deus, cuius misericordiae non est numerus, suscipe propitius preces humilitatis nostrae: et animabus omnium fidelium defunctorum, quibus tui nominis dedisti confessionem, per haec sacramenta salutis nostrae, cunctorum remissionem tribue peccatorum
SO
[Die 2 Nov. In Commemoratione omnium fidelium Defunctorum. Ad tertiam missam]


[N: 218]
Deus, cuius munere virtus in infirmitate perficitur: da omnibus beatarum N. et N. Martyrum tuarum gloriam recolentibus; ut quae abs te sumpserunt robur ut vincerent, abs te quoque nobis vincendi gratiam semper obtineant
C
[Commune Sanctorum pro aliquibus locis. Pro pluribus Martyribus non Virginibus. MIssa Da nobis]


[N: 219]
Deus, cuius nutibus vitae nostrae momenta decurrunt: suscipe preces et hostias famulorum tuorum, pro quibus aegrotantibus misericordiam tuam imploramus; ut, de quorum periculo metuimus, de eorum salute laetemur
SO
[Missae Votivae. Missa pro infirmis]


[N: 220]
Deus, cuius providentia in sui dispositione non fallitur: te supplices exoramus: ut noxia cuncta submoveas, et omnia nobis profutura concedas
C
[Dominica VII post Pentecosten]


[N: 221]
Deus, cuius Unigenitus in substantia nostrae carnis apparuit: praesta, quaesumus; ut per eum, quem similem nobis foris agnovimus, intus reformari mereamur
C
[Die 13 Ianuarii. In Octava Epiphaniae]


[N: 222]
Deus, cuius Unigenitus per vitam, mortem et resurrectionem suam nobis salutis aeternae praemia comparavit: concede, quaesumus; ut, haec mysteria sacratissimo beatae Mariae Virginis Rosario recolentes, et imitemur quod continent, et quod promittunt, assequamur
C
[Die 7 Octobris. Sacratissimi Rosarii B. Mariae Virginis]


[N: 223]
Deus, fidelium lumen animarum, adesto supplicationibus nostris: et da famulis et famulabus tuis, quorum corpora hic et ubique in Christo requiescunt, refrigerii sedem, quietis beatitudinem, et luminis claritatem
PC
[Orationes Diversae pro Defunctis n 15. Pro his, qui in coemeterio requiescunt]


[N: 224]
Deus, fidelium Pater summe, qui in toto orbe terrarum, promissionis tuae filios diffusa adoptionis gratia multiplicas: et per paschale sacramentum, Abraham puerum tuum universarum, sicut iurasti, gentium efficis patrem; da populis tuis digne ad gratiam tuae vocationis introire
C
[Sabbato Sancto. Post Prophetiam III: Tentavit Deus Abraham]


[N: 225]
Deus, fidelium remunerator animarum, qui hunc diem beati Apollinaris Sacerdotis tui martyrio consecrasti: tribue nobis, quaesumus, famulis tuis; ut cuius venerandam celebramus festivitatem, precibus eius indulgentiam consequamur
C
[Die 23 Iulii. S. Apollinaris Episcopi et Martyris]


[N: 226]
Deus, glorificatio fidelium, et vita iustorum, qui per Moysen famulum tuum nos quoque modulatione sacri carminis erudisti: universis gentibus misericordiae tuae munus operare, tribuendo beatitudinem, auferendo terrorem; ut, quod pronuntiatum est ad supplicium, in remedium transferatur aeternum
C
[Sabbato in Vigilia Pentecostes. Post Prophetiam III: Scripsit Moysen]


[N: 227]
Deus, humilium celsitudo, qui beatum Franciscum Confessorem Sanctorum tuorum gloria sublimasti: tribue, quaesumus, ut, eius meritis et imitatione, promissa humilibus praemia feliciter consequamur
C
[Die 2 Aprilis. S. Francisci de Paula Confessoris]


[N: 228]
Deus, in cuius passione secundum Simeonis prophetiam, dulcissimam animam gloriosae Virginis et Matris Mariae doloris gladius pertransivit: concede propitius; ut, qui transfixionem eius et passionem venerando recolimus, gloriosis meritis et precibus omnium Sanctorum Cruci fideliter astantium intercedentibus, passionis tuae effectum felicem consequamur
C
[Feria VI post Dominicam Passionis. Septem Dolorum B. Mariae Virginis]


[N: 229]
Deus, in quo vivimus, movemur et sumus: pluviam nobis tribue congruentem; ut, praesentibus subsidiis sufficienter adiuti, sempiterna fiducialius appetamus
C
[Orationes Diversae n 16. Ad petendam pluviam]


[N: 230]
Deus, in te sperantium fortitudo, adesto propitius invocationibus nostris: et quia sine te nihil potest mortalis infirmitas, praesta auxilium gratiae tuae; ut in exequendis mandatis tuis, et voluntate tibi et actione placeamus
C
[Dominica I post Pentecosten]


[N: 231]
Deus, in te sperantium fortitudo, qui beatum Gregorium Confessorem tuum atque Pontificem, pro tuenda Ecclesiae libertate, virtute constantiae roborasti: da nobis, eius exemplo et intercessione, omnia adversantia fortiter superare
C
[Die 25 Maii. S. Gregorii VII Papae et Confessoris]


[N: 232]
Deus, incommutabilis virtus, et lumen aeternum: respice propitius ad totius Ecclesiae tuae mirabile sacramentum, et opus salutis humanae, perpetuae dispositionis effectu tranquillius operare; totusque mundus experiatur et videat, deiecta erigi, inveterata renovari, et per ipsum redire omnia in integrum, a quo sumpsere principium: Dominum nostrum Iesum Christum Filium tuum
C
[Sabbato Sancto. Post prophetiam II: Noe vero]


[N: 233]
Deus, indulgentiarum Domine: da animabus famulorum famularumque tuarum refrigerii sedem, quietis beatitudinem, et luminis claritatem
C
[Die 2 Novembris. In Commemoratione omnium fidelium Defunctorum. Ad secundam missam]


[N: 234]
Deus, infirmitatis humanae singulare praesidium: auxilii tui super infirmos famulos tuos ostende virtutem: ut, ope misericordiae tuae adiuti, Ecclesiae tuae sanctae incolumes repraesentari mereantur
PC
[Missae Votivae. Missa pro infirmis]


[N: 235]
Deus, innocentiae restitutor et amator, dirige ad te tuorum corda servorum: ut, spiritus tui fervore concepto, et in fide inveniantur stabiles, et in opere efficaces
SP
[Feria IV post Dominicam II Quadragesimae]


[N: 236]
Deus, largitor pacis, et amator caritatis: da famulis tuis veram cum tua voluntate concordiam; ut ab omnibus, quae nos pulsant, tentationibus liberemur
C
[Orationes Diversae n 9. Pro concordia in congregatione servanda]


[N: 237]
Deus, maerentium consolator et in te sperantium salus, qui beatae Monicae pias lacrimas in conversione filii sui Augustini misericorditer suscepisti: da nobis utriusque interventu; peccata nostra deplorare, et gratiae tuae indulgentiam invenire
C
[Die 4 Maii. S. Monicae Viduae]


[N: 238]
Deus, misericordiarum pater, per merita et intercessionem beati Hieronymi, quem orphanis adiutorem et patrem esse voluisti: concede; ut spiritum adoptionis, quo filii tui nominamur et sumus, fideliter custodiamus
C
[Die 20 Iulii. S. Hieronymi Aemiliani Confessoris]


[N: 239]
Deus, omnium fidelium pastor et rector, famulum tuum N., quem pastorem Ecclesiae tuae praeesse voluisti, propitius respice: da ei, quaesumus, verbo et exemplo, quibus praeest, proficere; ut ad vitam, una cum grege sibi credito, perveniat sempiternam
C
[In die Creationis et Coronationis Papae et in eorum dierum Anniversario]


[N: 240]
Deus, omnium largitor bonorum, qui in famula tua Bibiana cum virginitatis flore martyrii palmam coniunxisiti: mentes nostras eius intercessione tibi caritate coniunge; ut, amotis periculis, praemia consequamur aeterna
C
[Die 2 Decembris. S. Bibianae Virginis et Martyris]


[N: 241]
Deus, pacis, caritatisque amator et custos: da omnibus inimicis nostris pacem, caritatemque veram; et cunctorum eis remissionem tribue peccatorum, nosque ab eorum insidiis potenter eripe
C
[Orationes diversae n 31. Pro inimicis]


[N: 242]
Deus, pro cuius Ecclesia gloriosus Pontifex Thomas gladiis impiorum occubuit: praesta, quaesumus; ut omnes, qui eius implorant auxilium, petitionis suae salutarem consequantur effectum
C
[Die 29 Decembris. S. Thomae Episcopi et Martyris]


[N: 243]
Deus, quem diligere et amare iustitia est, ineffabilis gratiae tuae in nobis dona multiplica: et qui fecisti nos in morte Filii tui sperare quae credimus; fac nos eodem resurgente pervenire quo tendimus
C1
[Dominica in Palmis]


[N: 244]
Deus, qui abreptos in servitutem Nigritas ad agnitionem tui nomini vocaturus, beatum Petrum mira in eis iuvandis caritate et patientia roborasti: eius nobis intercessione concede; ut, quae Iesu Christi sunt quaerentes, proximos opere et veritate diligamus
C
[Missae pro aliquibus locis. Die 9 Septembris S. Petri Claver Confessoris]


[N: 245]
Deus, qui ad animarum medelam, ieiunii devotione castigari corpora praecepisti: concede nobis propitius; et mente, et corpore tibi semper esse devotos
C3
[Sabbato Quatuor Temporum Pentecostes]


[N: 246]
Deus, qui ad animarum salutem beatum Franciscum Confessorem tuum atque Pontificem omnibus omnia factum esse voluisti: concede propitius; ut caritatis tuae dulcedine perfusi, eius dirigentibus monitis ac suffragantibus meritis, aeterna gaudia consequamur
C
[Die 29 Ianuarii. S. Francisci Salesii Episcopi, Confessoris et Ecclesiae Doctoris]


[N: 247]
Deus, qui, ad ardua quaeque pro nominis tui gloria et animarum salute, beato Laurentio Confessori tuo spiritum consilii et fortitudinis contulisti: da nobis in eodem spiritu et agenda cognoscere; et cognita, eius intercessione, perficere
C
[Missae pro aliquibus locis. Die 7 Iulii. S. Laurentii a Brundusio Confessoris]


[N: 248]
Deus, qui ad christianam pauperum eruditionem, et ad iuventam in via veritatis firmandam, sanctum Ioannem Baptistam Confessorem excitasti, et novam per eum in Ecclesia familiam collegisti: concede propitius; ut eius intercessione et exemplo, studio gloriae tuae in animarum salute ferventes, eius in caelis coronae participes fieri valeamus
C
[Die 15 Maii S. Ioannis Baptistae de la Salle Confessoris]


[N: 249]
Deus, qui ad conterendos Ecclesiae tuae hostes, et ad divinum cultum reparandum, beatum Pium Pontificem maximum eligere dignatus es: fac nos ipsius defendi praesidiis, et ita tuis inhaerere obsequiis: ut, omnium hostium superatis insidiis, perpetua pace laetemur
C
[Die 5 Maii. S. Pii V Papae et Confessoris]


[N: 250]
Deus, qui ad errorum insidias repellendas et Apostolicae Sedis iura propugnanda, beatum Robertum Pontificem tuum atque Doctorem, mira eruditione et virtute decorasti: eius meritis et intercessione concede; ut nos in veritatis amore crescamus, et errantium corda ad Ecclesiae tuae redeant unitatem
C
[Die 13 Maii. S. Roberti Bellarmini Ep., Conf. et Ecclesiae Doctoris]


[N: 251]
Deus, qui ad evangelizandum pauperibus et ecclesiastici ordinis decorem promovendum, beatum Vincentium apostolica virtute roborasti: praesta, quaesumus; ut, cuius pia merita veneramur, virtutum quoque instruamur exemplis
C
[Die 19 Iulii. S. Vincentii a Paulo Confessoris]


[N: 252]
Deus, qui ad illustrandam Ecclesiam tuam beatum Canutum regem martyrii palma et gloriosis miraculis decorare dignatus es: concede propitius; ut, sicut ipse Dominicae passionis imitator fuit, ita nos per eius vestigia gradientes, ad gaudia sempiterna pervenire mereamur
C
[Die 19 Ianuarii. Pro S. Canuto Rege, Martyre]


[N: 253]
Deus, qui ad maiestatis tuae gloriam et generis humani salutem, Unigenitum tuum summum atque aeternum constituisti Sacerdotem: praesta; ut quos ministros et mysteriorum suorum dispensatores elegit in accepto ministerio adimplendo fideles inveniantur
C
[Missae votivae. Feria V. Domini Nostri Iesu Christi Summi et Aeterni Sacerdotis]


[N: 254]
Deus, qui ad maiorem tui nominis gloriam propagandam, novo per beatum Ignatium subsidio militantem Ecclesiam roborasti: concede; ut, eius auxilio et imitatione certantes in terra, coronari cum ipso mereamur in caelis
C
[Die 31 Iulii. S. Ignatii Confessoris]


[N: 255]
Deus, qui ad plurimos pro salute animarum perferendos labores, beatum Ioannem Franciscum Confessorem tuum mirabili caritate, et invicta patientia decorasti: concede propitius: ut, eius exemplis instructi, et intercessionibus adiuti, aeternae vitae praemia consequamur
C
[Missae pro aliquibus locis. Die 16 Iunii. S. Ioannis Francisci Regis Confessoris]


[N: 256]
Deus, qui ad praedicandam gentibus gloriam tuam beatum Patricium Confessorem atque Pontificem mittere dignatus es: eius meritis et intercessione concede; ut, quae nobis agenda praecipis, te miserante adimplere possimus
C
[Die 17 Martii. S. Patricii Episcopi et Confessoris]


[N: 257]
Deus, qui ad praedicandum aeterni Regis Evangelium, Romanum imperium praeparasti: praetende famulo tuo imperatori nostro N. arma caelestia; ut pax ecclesiarum nulla turbetur tempestate bellorum
PC
[Orationes Diversae n 5. Pro Imperatore]


[N: 258]
Deus, qui ad tuendam catholicam fidem beatum Petrum, Confessorem tuum, virtute et doctrina roborasti: concede propitius: ut eius exemplis et monitis errantes ad salutem resipiscant, et fideles in veritatis confessione perseverent
C
[Die 27 Apr. S. Petri Canisii Confessoris et Ecclesiae Doctoris]


[N: 259]
Deus, qui ad Unigenitum Filium tuum exaltatum a terra omnia trahere disposuisti: perfice propitius; ut, meritis et exemplo seraphici Confessoris tui Iosephi, supra terrenas omnes cupiditates elevati, ad eum pervenire mereamur
C
[Die 18 Septembris. S. Iosephi a Cupertino Confessoris]


[N: 260]
Deus, qui Anglorum gentes, praedicatione et miraculis beati Augustini Confessoris tui atque Pontificis, verae fidei luce illustrare dignatus es: concede; ut, ipso interveniente, errantium corda ad veritatis tuae redeant unitatem, et nos in tua simus voluntate concordes
C
[Die 28 Maii. S. Augustini Episcopi et Confessoris]


[N: 261]
Deus, qui animae famuli tui Gregorii aeternae beatitudinis praemia contulisti: concede propitius; ut, qui peccatorum nostrorum pondere premimur, eius apud te precibus sublevemur
C
[Die 12 Martii. S. Gregorii I Papae, Conf. et Eccl. Doct.]


[N: 262]
Deus, qui animam beatae Virginis tuae Scholasticae ad ostendendam innocentiae viam in columbae specie caelum penetrare fecisti; da nobis eius meritis et precibus ita innocenter vivere; ut ad aeterna mereamur gaudia pervenire
C
[Die 10 Februarii. S. Scholasticae Virginis]


[N: 263]
Deus, qui Apostolis tuis cum Maria Matre Iesu unanimiter orantibus, Sanctum dedisti Spiritum: da nobis; ut, eadem Matre nostra et Apostolorum Regina protegente, maiestati tuae fideliter servire, et nominis tui gloriam verbo et exemplo diffundere valeamus
C
[Missae pro aliquibus locis. Sabbato infra Octavam Ascensionis. B. Mariae Virginis Reginae Apostolorum]


[N: 264]
Deus, qui Apostolis tuis Sanctum dedisti Spiritum: concede plebi tuae piae petitionis effectum; ut, quibus dedisti fidem, largiaris et pacem
C
[Feria II infra Octavam Pentecostes]


[N: 265]
Deus, qui beatae Annae gratiam conferre dignatus es, ut Genitricis unigeniti Filii tui mater effici mereretur: concede propitius; ut, cuius solemnia celebramus, eius apud te patrociniis adiuvemur
C
[Die 26 Iulii. S. Annae Matris B. Mariae Virginis]


[N: 266]
Deus, qui beatae Mariae Virginis domum per incarnati Verbi mysterium misericorditer consecrasti, eamque in sinu Ecclesiae tuae mirabiliter collocasti: concede; ut, segregati a tabernaculis peccatorum, digni efficiamur habitatores domus sanctae tuae
C
[Missae pro aliquibus locis. Die 10 Decembris. In Translatione Almae Domus B. Mariae Virginis]


[N: 267]
Deus, qui beatam Catharinam, in contemplanda Filii tui passione, divini amoris igne flagrare fecisti: quaesumus; ut, ipsa intercedente, tuae in nobis flammam caritatis accendas, et eiusdem passionis participes dignanter efficias
C
[Missae pro aliquibus locis. Die 22 Martii. S. Catharinae Fliscae Adurnae Viduae]


[N: 268]
Deus, qui beatam Franciscam famulam tuam, inter cetera gratiae tuae dona, familiari Angeli consuetudine decorasti: concede, quaesumus; ut intercessionis eius auxilio, Angelorum consortium consequi mereamur
C
[Die 9 Martii. S. Franciscae Romanae Viduae]


[N: 269]
Deus, qui beatam Hedwigem a saeculi pompa ad humilem tuae Crucis sequelam toto corde transire docuisti: concede; ut eius meritis et exemplo discamus perituras mundi calcare delicias, et in amplexu tuae Crucis omnia nobis adversantia superare
C
[Die 17 Octobris. S. Hedwigis Viduae]


[N: 270]
Deus, qui beatam Ioannam Virginem ad fidem ac patriam tuendam mirabiliter suscitasti: da, quaesumus, eius intercessione; ut Ecclesia tua, hostium superatis insidiis, perpetua pace fruatur
C
[Missae pro aliquibus locis. Die 30 Maii. S. Ioannae de Arc Virginis]


[N: 271]
Deus, qui beatam Iulianam Virginem tuam extremo morbo laborantem, pretioso Filii tui corpore mirabiliter recreare dignatus es: concede, quaesumus; ut, eius intercedentibus meritis, nos quoque eodem in mortis agone refecti ac roborati, ad caelestem patriam perducamur
C
[Die 19 Iunii. S.Iulianae de Falconeriis Virginis]


[N: 272]
Deus, qui beatam Margaritam reginam eximia in pauperes caritate mirabilem effecisti: da; ut eius intercessione et exemplo, tua in cordibus nostris caritas iugiter augeatur
C
[Die 10 Iunii. S. Margaritae Reginae Viduae]


[N: 273]
Deus, qui beatam Mariam semper Virginem, Spiritus Sancti habitaculum, hodierna die in templo praesentari voluisti: praesta, quaesumus; ut, eius intercessione, in templo gloriae tuae praesentari mereamur
C
[Die 21 Novembris. In praesentatione B. Mariae Virginis]


[N: 274]
Deus, qui beatam Rosam sanctarum tuarum Virginum collegio aggregare dignatus es: tribue nobis, quaesumus; ut eius precibus et meritis a culpis omnibus expiemur, et tuae maiestatis consortio perfruamur aeterno
C
[Missae pro aliquibus locis. Die 4 Septembris. S. Rosae Viterbensis Virginis]


[N: 275]
Deus, qui beatissimae semper Virginis et Genitricis tuae Mariae singulari titulo Carmeli ordinem decorasti: concede propitius; ut, cuius hodie Commemorationem solemni celebramus officio, eius muniti praesidiis, ad gaudia sempiterna pervenire mereamur
C
[Die 16 Iulii. In Commemoratione B. Mariae Virginis de Monte Carmelo]


[N: 276]
Deus, qui beatissimam Virginem Mariam, omnium Sanctorum Reginam, et Matrem pulchrae dilectionis, nos venerari tribuisti: concede propitius; ut, ipsa protegente, te in omnibus et super omnia diligamus in terris, et Sanctorum tuorum felici consortio perfruamur in caelis
C
[Missae pro aliquibus locis. Die 31 Maii. B. Mariae Virginis Reginae Sanctorum Omnium et Matris pulchrae dilectionis]


[N: 277]
Deus, qui beato Caietano Confessori tuo apostolicam vivendi formam imitari tribuisti: da nobis, eius intercessione et exemplo, in te semper confidere, et sola caelestia desiderare
C
[Die 7 Augusti. S. Caietani Confessoris]


[N: 278]
Deus, qui beato Confessori tuo Ferdinando praeliari praelia tua, et fidei inimicos superare dedisti: concede; ut eius nos intercessione muniti, ab hostibus mentis et corporis liberemur
C
[Missae pro aliquibus locis. Die 30 Maii. S. Ferdinandi Regis Confessoris]


[N: 279]
Deus, qui beato Irenaeo Martyri tuo atque Pontifici tribuisti, ut et veritate doctrinae expugnaret haereses, et pacem Ecclesiae feliciter confirmaret: da, quaesumus, plebi tuae in sancta religione constantiam; et pacem tuam nostris concede temporibus
C
[Die 28 Iunii. S. Irenaei Episcopi et Martyris]


[N: 280]
Deus, qui beato Petro Apostolo tuo, collatis clavibus regni caelistis, ligandi atque solvendi pontificium tradidisti: concede; ut, intercessionis eius auxilio, a peccatorum nostrorum nexibus liberemur
C
[Die 18 Ianuarii. In Cathedra S. Petri Apostoli Romae]


[N: 281]
Deus, qui beatum Albertum Pontificem tuum atque Doctorem, in humana sapientia divinae fidei subiicienda magnum effecisti: da nobis, quaesumus, ita eius magisterii inhaerere vestigiis, ut luce perfecta fruamur in caelis
C
[Die 15 Nov. S. Alberti Magni Episcopi, Conf. et Eccl. Doct.]


[N: 282]
Deus, qui beatum Alfonsum Mariam Confessorem tuum atque Pontificem, fidelem divini mysterii dispensatorem et praeconem effecisti: eius meritis precibusque concede; ut fideles tui et frequenter percipiant, et percipiendo sine fine collaudent
PC
[Die 2 Aug. S. Alfonsi Mariae de Ligorio Ep., Conf. et Eccl. Doct.]


[N: 283]
Deus, qui beatum Confessorem tuum Ludovicum mirificasti in terris, et gloriosum in caelis fecisti: eumdem, quaesumus, Ecclesiae tuae constitue defensorem
PC
[Die 25 Augusti. S. Ludovici Regis, Confessoris]


[N: 284]
Deus, qui beatum Cyrillum Confessorem tuum atque Pontificem divinae maternitatis beatissimae Virginis Mariae assertorem invictum effecisti: concede, ipso intercedente; ut, qui vere eam Genitricem Dei credimus, materna eiusdem protectione salvemur
C
[Die 9 Febr. S. Cyrilli Ep. Alexandrini, Conf. et Eccl. Doct.]


[N: 285]
Deus, qui beatum Emigdium Martyrem tuum atque Pontificem, idolorum victoria et miraculorum gloria decorasti: concede propitius; ut, eo interveniente, malorum spirituum fraudes vincere, et coruscare virtutibus mereamur
C
[Missae pro aliquibus locis. Die 9 Aug. S. Emigdii Episc. et Mart.]


[N: 286]
Deus, qui beatum Felicem Confessorem tuum ex eremo ad munus redimendi captivos caelitus vocare dignatus es: praesta, quaesumus; ut per gratiam tuam ex peccatorum nostrorum captivitate, eius intercessione, liberati, ad caelestem patriam perducamur
C
[Die 20 Novembris. S. Felicis de Valois Confessoris]


[N: 287]
Deus, qui beatum Fidelem, seraphico spiritus ardore succensum, in verae fidei propagatione martyrii palma et gloriosis miraculis decorare dignatus es: eius, quaesumus, meritis et intercessione, ita nos per gratiam tuam in fide et caritate confirma; ut in servitio tuo fideles usque ad mortem inveniri mereamur
C
[Die 24 Aprilis. S. Fidelis a Sigmaringa, Martyris]


[N: 288]
Deus, qui beatum Franciscum, novi ordinis institutorem, orandi studio et poenitentiae amore decorasti: da famulis tuis in eius imitatione ita proficere: ut, semper orantes et corpus in servitutem redigentes, ad caelestem gloriam pervenire mereantur
C
[Die 4 Iunii. S. Francisci Caracciolo, Confessoris]


[N: 289]
Deus, qui beatum Gabrielem dulcissimae Matris tuae dolores assidue recolere docuisti, ac per illam sanctitatis et miraculorum gloria sublimasti: da nobis, eius intercessione et exemplo; ita Genitricis tuae consociari fletibus, ut materna eiusdem protectione salvemur
C
[Die 27 Februarii. S. Gabrielis a Virgine Perdolente, Confessoris]


[N: 290]
Deus, qui beatum Gregorium Pontificem Sanctorum tuorum meritis coaequasti: concede propitius; ut, qui commemorationis eius festa percolimus, vitae quoque imitemur exempla
PC
[Die 12 Martii. S. Gregorii I Papae, Conf. et Eccl. Doct.]


[N: 291]
Deus, qui beatum Hermenegildum Martyrem tuum caelesti regno terrenum postponere docuisti: da, quaesumus, nobis; eius exemplo caduca despicere, atque aeterna sectari
C
[Die 13 Aprilis. S. Hermenegildi, Martyris]


[N: 292]
Deus, qui beatum Hermetem Martyrem tuum virtute constantiae in passione roborasti: ex eius nobis imitatione tribue; pro amore tuo prospera mundi despicere, et nulla eius adversa formidare
C
[Die 28 Augusti. Pro S. Hermete Martyre]


[N: 293]
Deus, qui beatum Ioannem Confessorem tuum, ad cultum Sacrorum Cordium Iesu et Mariae rite promovendum, mirabiliter inflammasti, et per eum novas in Ecclesia tua familias congregare voluisti: praesta, quaesumus; ut cuius pia merita veneramur, virtutum quoque instruamur exemplis
C
[Die 19 Augusti. S. Ioannis Eudes, Confessoris]


[N: 294]
Deus, qui beatum Ioannem Confessorem tuum ad fidem in gentibus propagandam mirabiliter excitare dignatus es, ac per eum in erudiendis fidelibus novan in Ecclesia tua familiam congregasti: da nobis famulis tuis; ita eius institutis proficere, ut praemia consequamur aeterna
C
[Die 9 Octobris. S. Ioannis Leonardi Confessoris]


[N: 295]
Deus, qui beatum Ioannem, tuo amore succensum, inter flammas innoxium incedere fecisti, et per eum Ecclesiam tuam nova prole foecundasti: praesta, ipsius suffragantibus meritis; ut igne caritatis tuae vitia nostra curentur, et remedia nobis aeterna proveniant
C
[Die 8 Martii. S. Ioannis de Deo Confessoris]


[N: 296]
Deus, qui beatum Ludovicum Confessorem tuum de terreno regno ad caelestis regni gloriam transtulisti: eius, quaesumus, meritis et intercessione; Regis regum Iesu Christi Filii tui facias nos esse consortes
C
[Die 25 Augusti. S. Ludovici Regis et Confessoris]


[N: 297]
Deus, qui beatum Marcum Evangelistam tuum evangelicae praedicationis gratia sublimasti: tribue, quaesumus; eius nos semper et eruditione proficere et oratione defendi
C
[Die 25 Aprilis. S. Marci Evangelistae]


[N: 298]
Deus, qui beatum Matthiam Apostolorum tuorum collegio sociasti: tribue, quaesumus; ut eius interventione, tuae circa nos pietatis semper viscera sentiamus
C
[Die 24 vel 25 Februarii. S. Matthiae Apostoli]


[N: 299]
Deus, qui beatum Nicolaum Pontificem innumeris decorasti miraculis: tribue, quaesumus; ut eius meritis et precibus a gehennae incendiis liberemur
C
[Die 6 Decembris. S. Nicolai Episcopi et Confessoris]


[N: 300]
Deus, qui beatum Norbertum Confessorem tuum atque Pontificem, verbi tui praeconem eximium effecisti, et per eum Ecclesiam tuam nova prole foecundasti: praesta, quaesumus; ut, eiusdem suffragantibus meritis, quod ore simul et opere docuit, te adiuvante, exercere valeamus
C
[Die 6 Iunii. S. Norberti Episcopi et Confessoris]


[N: 301]
Deus, qui beatum Paschalem Confessorem tuum mirifica erga corporis et sanguinis tui sacra mysteria dilectione decorasti: concedere propitius, ut, quam ille ex hoc divino convivio spiritus percepit pinguedinem, eamdem et nos percipere mereamur
C
[Die 17 Maii. S. Paschalis Baylon Confessoris]


[N: 302]
Deus, qui beatum Petrum Apostolum, a vinculis absolutum, illaesum abire fecisti: nostrorum, quaesumus, absolve vincula peccatorum; et omnia mala a nobis propitiatus exclude
C
[Die 1 Augusti. S. Petri ad Vincula]


[N: 303]
Deus, qui beatum Petrum Caelestinum ad summi pontificatus apicem sublimasti, quique illum humilitati postponere docuisti: concede propitius; ut eius exemplo cuncta mundi despicere, et ad promissa humilibus praemia pervenire feliciter mereamur
C
[Die 19 Maii. S. Petri Caelestini Papae et Confessoris]


[N: 304]
Deus, qui beatum Petrum Confessorem tuum admirabilis poenitentiae et altissimae contemplationis munere illustrare dignatus es: da nobis, quaesumus; ut, eius suffragantibus meritis, carne mortificati, facilius caelestia capiamus
C
[Die 19 Octobris. S. Petri de Alcantara Confessoris]


[N: 305]
Deus, qui beatum Philippum Confessorem tuum Sanctorum tuorum gloria sublimasti: concede propitius; ut, cuius solemnitate laetamur, eius virtutum proficiamus exemplo
C
[Die 26 Maii. S. Philippi Nerii Confessoris]


[N: 306]
Deus, qui beatum Raphaelem Archangelum Tobiae famulo tuo comitem dedisti in via: concede nobis famulis tuis; ut eiusdem semper protegamur custodia, et muniamur auxilio
C
[Die 24 Octobris. S. Raphaelis Archangeli]


[N: 307]
Deus, qui beatum Raymundum poenitentiae sacramenti insignem ministrum elegisti, et per maris undas mirabiliter traduxisti: concede; ut eius intercessione dignos poenitentiae fructus facere, et ad aeternae salutis portum pervenire valeamus
C
[Die 23 Ianuarii. S. Raymundi de Peñafort Confessoris]


[N: 308]
Deus, qui beatum regem Eduardum Confessorem tuum, aeternitatis gloria coronasti fac nos, quaesumus; ita eum venerari in terris, ut cum eo regnare possimus in caelis
C
[Die 13 Octobris. S. Eduardi Regis, Confessoris]


[N: 309]
Deus, qui beatum Thomam Pontificem insignis in pauperes misericordiae virtute decorasti: quaesumus; ut, eius intercessione, in omnes, qui te deprecantur, divitias misericordiae tuae benignus effundas
C
[Die 22 Septembris. S. Thomae de Villanova Episcopi et Confessoris]


[N: 310]
Deus, qui beatum Titum Confessorem tuum atque Pontificem apostolicis virtutibus decorasti: eius meritis et intercessione concede; ut iuste et pie viventes in hoc saeculo, ad caelestem patriam pervenire mereamur
C
[Die 6 Februarii. S. Titi Episcopi et Confessoris]


[N: 311]
Deus, qui beatum Wenceslaum per martyrii palmam a terreno principatu ad caelestem gloriam transtulisti: eius precibus nos ab omni adversitate custodi; et eiusdem tribue gaudere consortio
C
[Die 28 Septembris. S. Wenceslai Ducis, Martyris]


[N: 312]
Deus, qui caritatis dona per gratiam Sancti Spiritus tuorum fidelium cordibus infudisti: da famulis et famulabus tuis, pro quibus tuam deprecamur clementiam, salutem mentis et corporis; ut te tota virtute diligant, et quae tibi placita sunt, tota dilectione perficiant
C
[Orationes Diversae nr. 30. Pro devotis amicis]


[N: 313]
Deus, qui conspicis omni nos virtute destitui: interius exteriusque custodi; ut ab omnibus adversitatibus muniamur in corpore, et a pravis cogitationibus mundemur in mente
C
[Dominica II in Quadragesima]


[N: 314]
Deus, qui conspicis, quia ex nostra pravitate affligimur: concede propitius; ut ex tua visitatione consolemur
C1
[Sabbato Quatuor Temporum Adventus]


[N: 315]
Deus, qui conspicis, quia ex nulla nostra actione confidimus: concede propitius; ut contra adversa omnia, Doctoris gentium protectione muniamur
C
[Dominica in Sexagesima]


[N: 316]
Deus, qui conspicis quia nos undique mala nostra perturbant: praesta, quaesumus; ut beati Ioannis Apostoli tui et Evangelistae intercessio gloriosa nos protegat
C
[Die 6 Maii. S. Ioannis Ap. et Evangelistae ante Portam Latinam]


[N: 317]
Deus, qui conteris bella, et impugnatores in te sperantium potentia tuae defensionis expugnas: auxiliare famulis tuis, implorantibus misericordiam tuam; ut, inimicorum suorum feritate depressa, incessabili te gratiarum actione laudemus
C
[Missae Votivae. Missa pro tempore belli]


[N: 318]
Deus, qui credentes in te populos nullis sinis concuti terroribus: dignare preces et hostias dicatae tibi plebis suscipere; ut pax a tua pietate concessa, christianorum fines ab omni hoste faciat esse securos
SO
[Die 28 Iunii. S. Irenaei Episcopi et Martyris]


[N: 319]
Deus, qui culpa offenderis, poenitentia placaris: preces populi tui supplicantis propitius respice: et flagella tuae iracundiae, quae pro peccatis nostris meremur, averte
C
[Feria V post Cineres]


[N: 320]
Deus, qui de beatae Mariae Virginis utero Verbum tuum, Angelo nuntiante, carnem suscipere voluisti: praesta supplicibus tuis; ut, qui vere eam Genitricem Dei credimus, eius apud te intecessionibus adiuvemur
C
[Die 25 Martii. In Annuntiatione B.Mariae Virginis]


[N: 321]
Deus, qui de vivis et electis lapidibus aeternum maiestati tuae praeparas habitaculum: auxiliare populo tuo supplicanti; ut, quod Ecclesiae tuae corporalibus proficit spatiis, spiritualibus amplificetur augmentis
PC
[Commune Dedicationis Ecclesiae]


[N: 322]
Deus, qui dedisti legem Moysi in summitate montis Sinai, et in eodem loco per sanctos Angelos tuos corpus beatae Catharinae Virginis et Martyris tuae mirabiliter collocasti: praesta, quaesumus; ut, eius meritis et intercessione, ad montem, qui Christus est, pervenire valeamus
C
[Die 25 Novembris. S. Catharinae Virginis et Martyris]


[N: 323]
Deus, qui diligentibus te bona invisibilia praeparasti: infunde cordibus nostris tui amoris affectum: ut te in omnibus et super omnia diligentes, promissiones tuas, quae omne desiderium superant, consequamur
C
[Dominica V post Pentecosten]


[N: 324]
Deus, qui diligentibus te facis cuncta prodesse: da cordibus nostris inviolabilem tuae caritatis affectum; ut desideria de tua inspiratione concepta, nulla possint tentatione mutari
C
[Orationes Diversae n. 29. Ad postulandam caritatem]


[N: 325]
Deus, qui dispersa congregas, et congregata conservas: qui populis obviam Iesu ramos portantibus benedixisti: benedic etiam hos ramos palmae et olivae, quos tui famuli ad honorem nominis tui fideliter suscipiunt; ut, in quemcumque locum introducti fuerint, tuam benedictionem habitatores loci illius consequantur: et omni adversitate effugata, dextera tua protegat, quos redemit Iesus Christus, Filius tuus, Dominus noster
C4
[Dominica in Palmis. Benedictio ramorum]


[N: 326]
Deus, qui diversitatem gentium in confessione tui nominis adunasti: da nobis, et velle, et posse quae praecipis; ut populo ad aeternitatem vocato, una sit fides mentium, et pietas actionum
C
[Sabbato Sancto. Post prophetiam X: Factum est verbum]


[N: 327]
Deus, qui Ecclesiam tuam annua quadragesimali observatione purificas: praesta familiae tuae; ut, quod a te obtinere abstinendo nititur, hoc bonis operibus exsequatur
C
[Dominica I in Quadragesima]


[N: 328]
Deus, qui Ecclesiam tuam beati Bedae Confessoris tui atque Doctoris eruditione clarificas: concede propitius famulis tuis, eius semper illustrari sapientia et meritis adiuvari
C
[Die 27 Maii. S. Beda Venerabilis Conf. et Eccl. Doct.]


[N: 329]
Deus, qui Ecclesiam tuam beati Dominici Confessoris tui illuminare dignatus es meritis et doctrinis: concede; ut, eius intercessione temporalibus non destituatur auxiliis, et spiritualibus semper proficiat incrementis
C
[Die 4 Augusti. S. Dominici Confessoris]


[N: 330]
Deus, qui Ecclesiam tuam beati Ephraem Confessoris tui et Doctoris mira eruditione et praeclaris vitae meritis illustrare voluisti: te supplices exoramus; ut, ipso intercedente, eam adversus erroris et pravitatis insidias perenni tua virtute defendas
C
[Die 18 Iunii. S. Ephraem Syri Diaconi, Conf. et Eccl. Doct.]


[N: 331]
Deus, qui Ecclesiam tuam, beati Francisci meritis, foetu novae prolis amplificas: tribue nobis; ex eius imitatione, terrena despicere, et caelestium donorum semper participatione gaudere
C
[Die 4 Octobris. S. Francisci Confessoris]


[N: 332]
Deus, qui Ecclesiam tuam beati Thomae Confessoris tui mira eruditione clarificas, et sancta operatione foecundas: da nobis, quaesumus, et quae docuit, intellectu conspicere, et quae egit, imitatione complere
C
[Die 7 Martii. S. Thomae de Aquino Conf. et Eccl. Doct.]


[N: 333]
Deus, qui Ecclesiam tuam beati Vincentii Confessoris tui meritis et praedicatione illustrare dignatus es: concede nobis famulis tuis; ut et ipsius instruamur exemplis, et ab omnibus eius patrocinio liberemur adversis
C
[Die 5 Aprilis. S. Vincentii Ferreri Conf. ]
(bis) Deus, qui Ecclesiam tuam in apostolicae petrae soliditate fundatam, ab infernarum eruis terrore portarum: praesta quaesumus, ut intercedente beato N. (Martyre tuo atque) Summo Pontifice, in tua veritate persistens; continua securitate muniatur
(bis) C
[(bis) Commune Sanctorum. Commune unius aut plurium Summorum Pontificum]

[N: 334]
Deus, qui Ecclesiam tuam novo semper foetu multiplicas: concede famulis tuis: ut sacramentum vivendo teneant, quod fide perceperunt
C
[Feria III infra Octavam Paschae]


[N: 335]
Deus, qui Ecclesiam tuam semper gentium vocatione multiplicas: concede propitius; ut, quos aqua baptismatis abluis, continua protectione tuearis
C
[Sabbato Sancto. Post prophetiam VI: Audi Israel mandata]


[N: 336]
Deus, qui errantibus, ut in viam possint redire iustitiae, veritatis tuae lumen ostendis: da cunctis qui christiana professione censentur, et illa respuere, quae huic inimica sunt nomini; et ea quae sunt apta, sectari
C
[Dominica III post Pascha]


[N: 337]
Deus, qui errata corrigis, et dispersa congregas, et congregata conservas: quaesumus, super populum christianum tuae unionis gratiam clementer infunde; ut, divisione reiecta, vero pastori Ecclesiae tuae se uniens, tibi digne valeat famulari
C
[Missae Votivae. Missa ad tollendum schisma]


[N: 338]
Deus, qui et iustis praemia meritorum, et peccatoribus per ieiunium veniam praebes: miserere supplicibus tuis; ut reatus nostri confessio, indulgentiam valeat percipere delictorum
C1
[Feria IV post Dominicam IV Quadragesimae]


[N: 339]
Deus, qui ex omni coaptatione Sanctorum, aeternum tibi condis habitaculum: da aedificationi tuae incrementa caelestia; ut, quorum hic reliquias pio amore complectimur, eorum semper meritis adiuvemur
C
[Commune Dedicationis Ecclesiae. In die Dedicationis Altaris]


[N: 340]
Deus, qui famulam tuam Margaritam de perditionis via ad salutis tramitem misericorditer deduxisti: eadem nobis miseratione concede; ut, quam prius errantem sectari non erubuimus, mox poenitentem impigre sequi gloriemur
C
[Missae pro aliquibus locis. Die 26 Februarii. S. Margaritae de Cortona Poenitentis]


[N: 341]
Deus, qui fidei sacramenta in Unigeniti tui gloriosa Transfiguratione, patrum testimonio roborasti, et adoptionem filiorum perfectam, voce delapsa de nube lucida, mirabiliter praesignasti: concede propitius; ut ipsius Regis gloriae nos coheredes efficias, et eiusdem gloriae tribuas esse consortes
C
[Die 6 Augusti. In Transfiguratione Domini Nostri Iesu Christi]


[N: 342]
Deus, qui fidelium mentes unius efficis voluntatis: da populis tuis id amare quod praecipis, id desiderare quod promittis; ut inter mundanas varietates ibi nostra fixa sint corda, ubi vera sunt gaudia
C
[Dominica IV post Pascha]


[N: 343]
Deus, qui Filium tuum Iesum Christum Dominum nostrum pro salute nostra in hunc mundum misisti, ut se humiliaret ad nos, et nos revocaret ad te: cui etiam, dum Ierusalem veniret, ut adimpleret Scripturas, credentium populorum turba, fidelissima devotione vestimenta sua cum ramis palmarum in via sternebant: praesta, quaesumus; ut illi fidei viam praeparemus, de qua, remoto lapide offensionis, et petra scandali, frondeant apud te opera nostra iustitiae ramis: ut eius vestigia sequi mereamur
C8
[Dominica in Palmis. Benedictio ramorum]


[N: 344]
Deus, qui fundasti terram super stabilitatem suam, suscipe oblationes et preces populi tui: ac trementis terrae periculis penitus amotis, divinae tuae iracundiae terrores, in humanae salutis remedia converte; ut, qui de terra sunt, et in terram revertentur, gaudeant se fieri sancta conversatione caelestes
SO
[Orationes Diversae n 15. Tempore terraemotus]


[N: 345]
Deus, qui Genitricem dilecti Filii tui matrem nobis dedisti, eiusque speciosam Imaginem mira apparitione clarificare dignatus es: concede, quaesumus; ut eiusdem monitis iugiter inhaerentes, secundum cor tuum vivere, et ad caelestem patriam pervenire valeamus
C
[Missae pro aliquibus locis. Die 26 Aprilis. B. Mariae Virginis de Bono Consilio]


[N: 346]
Deus, qui hanc sacratissimam noctem gloria Dominicae Resurrectionis illustras: conserva in nova familiae tuae progenie adoptionis spiritum, quem dedisti; ut corpore et mente renovati, puram tibi exhibeant servitutem
C
[Sabbato Sancto. Ad missam]


[N: 347]
Deus, qui hanc sacratissimam noctem veri luminis fecisti illustratione clarescere: da, quaesumus; ut, cuius lucis mysteria in terra cognovimus, eius quoque gaudiis in caelo perfruamur
C
[Die 25 Dec. In Nativitate Domini. Ad primam missam in nocte]


[N: 348]
Deus, qui hodierna die beatum Henricum Confessorem tuum e terreni culmine imperii ad regnum aeternum transtulisti: te supplices exoramus; ut, sicut illum, gratiae tuae ubertate praeventum, illecebras saeculi superare fecisti, ita nos facias, eius imitatione, mundi huius blandimenta vitare, et ad te puris mentibus pervenire
C
[Die 15 Iulii. S. Henrici Imperatoris, Confessoris]


[N: 349]
Deus, qui hodierna die corda fidelium Sancti Spiritus illustratione docuisti: da nobis, in eodem Spiritu recta sapere; et de eius semper consolatione gaudere
C
[Dominica Pentecostes]


[N: 350]
Deus, qui hodierna die per Unigenitum tuum, aeternitatis nobis aditum devicta morte reserasti: vota nostra, quae praeveniendo aspiras, etiam adiuvando prosequere
C
[Dominica Resurrectionis]


[N: 351]
Deus, qui hodierna die Unigenitum tuum gentibus stella duce revelasti: concede propitius; ut, qui iam te ex fide cognovimus, usque ad contemplandam speciem tuae celsitudinis perducamur
C
[Die 6 Ianuarii. In Epiphania Domini]


[N: 352]
Deus, qui hodiernam diem Apostolorum tuorum Petri et Pauli martyrio consecrasti: da Ecclesiae tuae, eorum in omnibus sequi praeceptum; per quos religionis sumpsit exordium
C
[Die 29 Iunii. Sanctorum Petri et Pauli Apostolorum]


[N: 353]
Deus, qui humani generis utramque substantiam, praesentium munerum et alimento vegetas, et renovas sacramento; tribue quaesumus; ut eorum et corporibus nostris subsidium non desit, et mentibus
SO
[Orationes Diversae n 14. Tempore famis]


[N: 354]
Deus, qui humano generi beatae Mariae virginitate foecunda reparationis gratiam contulisti: concede; ut, quam gratiae Matrem appellamus in terris, eius felici consortio perfruamur in caelis
C
[Missae pro aliquibus locis. Die 9 Iunii. B. Mariae Virg. Matris de Gratia]


[N: 355]
Deus, qui humilia respicis, et alta a longe cognoscis: da famulis tuis humilitatem beatae Mariae semper Virginis puro corde sectari; quae virginitate placuit, humilitate concepit Dominum nostrum Iesum Christum Filium tuum
C
[Missae pro aliquibus locis. Die 17 Iulii Humilitatis B. Mariae Virginis]


[N: 356]
Deus, qui humiliatione flecteris, et satisfactione placaris: aurem tuae pietatis inclina precibus nostris; et capitibus servorum tuorum, horum cinerum aspersione contactis, effunde propitius gratiam tuae benedictionis: ut eos et spiritu compunctionis repleas, et quae iuste postulaverint, efficaciter tribuas; et concessa perpetuo stabilita, et intacta manere decernas
C3
[Feria IV Cinerum. Benedictio cinerum]


[N: 357]
Deus, qui hunc diem beati Venantii Martyris tui triumpho consecrasti: exaudi preces populi tui, et praesta; ut, qui eius merita veneramur, fidei constantiam imitemur
C
[Die 18 Maii. S. Venantii Martyris]


[N: 358]
Deus, qui illuminas omnem hominem venientem in hunc mundum: illumina, quaesumus, corda nostra gratiae tuae splendore; ut digna ac placita maiestati tuae cogitare semper, et te sincere diligere valeamus
PC
[Orationes Diversae n 25. Ad repellendas malas cogitationes]


[N: 359]
Deus, qui in Abrahae famuli tui opere, humano generi obedientiae exempla praebuisti: concede nobis, et nostrae voluntatis pravitatem frangere, et tuorum praeceptorum rectitudinem in omnibus adimplere
C
[Sabbato in Vigilia Pentecostes. Post prophetiam I: Tentavit Deus]


[N: 360]
Deus, qui in assumptae carnis infirmitate Clavis affigi, et Lancea vulnerari pro mundi salute voluisti: concede propitius; ut, qui eorumdem Clavorum, et Lanceae solemnia veneramur in terris, de glorioso victoriae tuae triumpho gratulemur in caelis
C
[Missae pro aliquibus locis. Feria VI post Dominicam I Quadragesimae. Sacr. Lanceae et Clavorum Domini nostri Iesu Christi]


[N: 361]
Deus, qui in corde beatae Gertrudis Virginis iucundam tibi mansionem praeparasti: ipsius meritis et intercessione; cordis nostri maculas clementer absterge, et eiusdem tribue gaudere consortio
C
[Die 15 Novembris. S. Gertrudis Virginis]


[N: 362]
Deus, qui in corde beati Andreae Confessoris tui, per arduum quotidie in virtutibus proficiendi votum, admirabiles ad te ascensiones disposuisti: concede nobis, ipsius meritis et intercessione, ita eiusdem gratiae participes fieri; ut, perfectiora semper exsequentes, ad gloriae tuae fastigium feliciter perducamur
C
[Die 10 Novembris. S. Andreae Avellini Confessoris]


[N: 363]
Deus, qui in Ecclesia tua nova semper instauras exempla virtutum: da populo tuo beati Andreae Confessoris tui atque Pontificis ita sequi vestigia; ut assequatur et praemia
C
[Die 4 Februarii. S. Andreae Corsini Episcopi et Confessoris]


[N: 364]
Deus, qui in Filii tui humilitate iacentem mundum erexisti: fidelibus tuis perpetuam concede laetitiam; ut, quos perpetuae mortis eripuisti casibus, gaudiis facias perfrui sempiternis
C
[Dominica II post Pascha]


[N: 365]
Deus, qui in liberandis fidelibus tuis ab impiorum captivitate beatum Raymumdum Confessorem tuum mirabilem effecisti: eius nobis intercessione concede; ut, a peccatorum vinculis absoluti, quae tibi sunt placita, liberis mentibus exsequamur
C
[Die 31 Augusti. S. Raymundi Nonnati Confessoris]


[N: 366]
Deus, qui in obstinatis peccatorum cordibus ad poenitentiam flectendis beatum Leonardum Confessorem tuum opere ac sermone potentem effecisti: da, quaesumus; ut per eius preces et merita e cordibus nostris contritionis lacrimas elicere valeamus
C
[Missae pro aliquibus locis. Die 26 Novembris. S. Leonardi a Portu Mauritio Confessoris]


[N: 367]
Deus, qui in omnibus Ecclesiae tuae filiis, sanctorum prophetarum voce manifestasti, in omni loco dominationis tuae, satorem te bonorum seminum, et electorum palmitum esse cultorem: tribue populis tuis, qui et vinearum apud te nomine censentur, et segetum; ut, spinarum, et tribulorum squalore resecato, digna efficiantur fruge foecundi
C
[Sabbato Sancto. Post prophetiam VIII: Apprehendent septem mulieres]


[N: 368]
Deus, qui in praeclara salutiferae Crucis Inventione, passionis tuae miracula suscitasti: concede; ut vitalis ligni pretio, aeternae vitae suffragia consequamur
C
[Die 3 Maii. In Inventione S. Crucis]


[N: 369]
Deus, qui in tuae caritatis exemplum, ad fidelium redemptionem sanctum Petrum Ecclesiam tuam nova prole foecundare divinitus docuisti: ipsius nobis intercessione concede; a peccati servitute solutis, in caelesti patria perpetua libertate gaudere
C
[Die 28 Ianuarii. S. Petri Nolasci Confessoris]


[N: 370]
Deus, qui Indiarum gentes beati Francisci praedicatione et miraculis Ecclesiae tuae aggregare voluisti: concede propitius; ut, cuius gloriosa merita veneramur, virtutum quoque imitemur exempla
C
[Die 3 Decembris. S. Francisci Xaverii Confessoris]


[N: 371]
Deus, qui ineffabili providentia beatum Ioseph sanctissimae Genitricis tuae sponsum eligere dignatus es: praesta, quaesumus; ut, quem protectorem veneramur in terris, intercessorem habere mereamur in caelis
C
[Feria IV infra Hebdomadam II post Octavam Paschae. In Solemnitate S. Ioseph Sponsi B. Mariae Virginis, Confessoris et Ecclesiae Patronis]


[N: 372]
Deus, qui ineffabili providentia sanctos Angelos tuos ad nostram custodiam mittere dignaris: largire supplicibus tuis; et eorum semper protectione defendi, et aeterna societate gaudere
C
[Die 2 Octobris. Sanctorum Angelorum Custodum]


[N: 373]
Deus, qui ineffabilibus mundum renovas sacramentis: praesta, quaesumus; ut Ecclesia tua et aeternis proficiat institutis, et temporalibus non destituatur auxiliis
C
[Feria VI post Dominicam IV Quadragesimae]


[N: 374]
Deus, qui infirmitati nostrae ad terendam salutis viam in Sanctis tuis exemplum et praesidium collocasti: da nobis, ita beati Gulielmi Abbatis merita venerari; ut eiusdem excipiamus suffragia, et vestigia prosequamur
C
[Die 25 Iunii. S. Gulielmi Abbatis]


[N: 375]
Deus, qui inter apostolicos Sacerdotes, famulos tuos pontificali, seu sacerdotali fecisti dignitate vigere: praesta, quaesumus; ut eorum quoque perpetuo aggregentur consortio
C
[In missis quotidianis Defunctorum. Pro defunctis Episcopis seu Sacerdotibus]


[N: 376]
Deus, qui inter cetera potentiae tuae miracula, etiam in sexu fragili victoriam martyrii contulisti: concede propitius; ut, qui beatae N. Virginis et Martyris tuae natalitia colimus, per eius ad te exempla gradiamur
C
[Commune Sanctorum. Pro Virgine et Martyre. Missa Loquebar]


[N: 377]
Deus, qui inter cetera sapientiae tuae miracula, etiam in tenera aetate maturae sanctitatis gratiam contulisti; da, quaesumus; ut, beati Stanislai exemplo, tempus operando instanter redimentes, in aeternam ingredi requiem festinemus
C
[Missae pro aliquibus locis. Die 13 Novembris. S. Stanislai Kostkae Conf.]


[N: 378]
Deus, qui inter ceteros Angelos, ad annuntiandum incarnationis tuae mysterium, Gabrielem Archangelum elegisti: concede propitius; ut, qui festum eius celebramus in terris, ipsius patrocinium sentiamus in caelis
C
[Die 24 Martii. S. Gabrielis Archangeli]


[N: 379]
Deus, qui inter regales delicias et mundi illecebras, sanctum Casimirum virtute constantiae roborasti: quaesumus; ut eius intercessione fideles tui terrena despiciant, et ad caelestia semper aspirant
C
[Die 4 Martii. S. Casimiri Confessoris]


[N: 380]
Deus, qui invisibiliter omnia contines, et tamen pro salute generis humani signa tuae potentiae visibiliter ostendis: templum hoc potentia tuae inhabitationis illustra, et concede; ut omnes, qui huc deprecaturi conveniunt, ex quacumque tribulatione ad te clamaverint, consolationis tuae beneficia consequantur
C
[Commune Dedicationis Ecclesiae. In ipso die Dedicationis Ecclesiae et per Octavam, et quando varianda est oratio]


[N: 381]
Deus, qui iustificas impium, et non vis mortem peccatoris, maiestatem tuam suppliciter deprecamur: ut famulos tuos de tua misericordia confidentes, caelesti protegas benignus auxilio, et assidua protectione conserves; ut tibi iugiter famulentur, et nullis tentationibus a te separentur
C
[Orationes Diversae n 24. Pro tentatis et tribulatis]


[N: 382]
Deus, qui laboribus hominum etiam de mutis animalibus solatia subrogasti: supplices te rogamus; ut, sine quibus non alitur humana condicio, nostris facias usibus non perire
C
[Orationes Diversae n 19. De peste animalium]


[N: 383]
Deus, qui legalium differentiam hostiarum unius sacrificii perfectione sanxisti: accipe sacrificium a devotis tibi famulis, et pari benedictione, sicut munera Abel, sanctifica; ut, quod singuli obtulerunt ad maiestatis tuae honorem, cunctis proficiant ad salutem
SO
[ Dominica VII post Pentecosten]


[N: 384]
Deus, qui mira Crucis mysteria in beato Francisco Confessore tuo multiformiter demonstrasti: da nobis, quaesumus; devotionis suae semper exempla sectari, et assidua eiusdem Crucis meditatione muniri
PC
[Die 17 Septembris. In Impressione Ss. Stigmatum S. Francisci Conf.]


[N: 385]
Deus, qui mirabiliter creasti hominem, et mirabilius redemisti: da nobis, quaesumus, contra oblectamenta peccati, mentis ratione persistere; ut mereamur ad aeterna gaudia pervenire
C
[Sabbato Sancto. Post prophetiam I: In principio creavit Deus]


[N: 386]
Deus, qui miro dispositionis ordine, ex rebus etiam insensibilibus, dispensationem nostrae salutis ostendere voluisti: da, quaesumus; ut devota tuorum corda fidelium salubriter intelligant, quid mystice designet in facto, quod hodie caelesti lumine afflata, Redemptori obviam procedens, palmarum atque olivarum ramos vestigiis eius turba substravit. Palmarum igitur rami de mortis principe triumphos expectant; surculi vero olivarum, spiritualem unctionem advenisse quodammodo clamant. Intellexit enim iam tunc illa hominum beata multitudo praefigurari: quia Redemptor noster humanis condolens miseriis, pro totius mundi vita cum mortis principe esset pugnaturus, ac moriendo triumphaturus. Et ideo talia obsequens administravit, quae in illo, et triumphos victoriae, et misericordiae pinguedinem declararent. Quod nos quoque plena fide, et factum et significatum retinentes, te, Domine sancte, Pater omnipotens, aeterne Deus, per eumdem Dominum nostrum Iesum Christum suppliciter exoramus: ut in ipso, atque per ipsum, cuius nos memebra fieri voluisti, de mortis imperio victoriam reportantes, ipsius gloriosae resurrectionis participes esse mereamur
C5
[Dominica in Palmis. Benedictio Palmarum]


[N: 387]
Deus, qui miro ordine Angelorum ministeria hominumque dispensas: concede propitius; ut, a quibus tibi ministrantibus in caelo semper assistitur, ab his in terra vita muniatur
C
[Die 8 Maii. In Apparitione S. Michalis Archangeli]


[N: 388]
Deus, qui neminem in te sperantem, nimium affligi permittis, sed pium precibus praestas auditum: pro postulationibus nostris votisque susceptis gratias agimus, te piissime deprecantes; ut per haec quae sumpsimus, a cunctis eripi mereamur adversis
PC
[Missae votivae. Missa pro gratiarum actione]


[N: 389]
Deus, qui nobis, in Corde Filii tui, nostris vulnerato peccatis, infinitos dilectionis thesauros misericorditer largiri dignaris; concede, quaesumus, ut illi devotum pietatis nostrae praestantes obsequium, digne quoque satisfactionis exhibeamus officium
C
[Feria VI post Oct. Ssmi Corporis Christi. Sacratissimi Cordis Iesu]


[N: 390]
Deus, qui nobis in sancta Sindone, qua corpus tuum sacratissimum e cruce depositum, a Ioseph involutum fuit, passionis tuae vestigia reliquisti: concede propitius; ut per mortem et sepulturam tuam, ad resurrectionis gloriam perducamur
C
[Missae pro aliquibus locis. Feria VI post Dominicam II Quadragesimae. Sacratissimae Sindonis Domini nostri Iesu Christi]


[N: 391]
Deus, qui nobis per prophetarum ora praecipisti temporalia relinquere, atque ad aeterna festinare: da famulis tuis; ut, quae a te iussa cognovimus, implere caelesti inspiratione valeamus
C
[Sabbato in Vigilia Pentecostes. Post prophetiam V: Audi Israel]


[N: 392]
Deus, qui nobis per singulos annos huius sancti templi tui consecrationis reparas diem, et sacris semper mysteriis repraesentas incolumes: exaudi preces populi tui, et praesta; ut, quisquis hoc templum beneficia petiturus ingreditur, cuncta se impetrasse laetetur
C
[Commune Dedicationis Ecclesiae]


[N: 393]
Deus, qui nobis sub Sacramento mirabili passionis tuae memoriam reliquisti: tribue, quaesumus, ita nos corporis et sanguinis tui sacra mysteria venerari; ut redemptionis tuae fructum in nobis iugiter sentiamus
C
[In Festo Ssmi Corporis Christi]


[N: 394]
Deus, qui non mortem, sed poenitentiam desideras peccatorum: fragilitatem condicionis humanae benignissime respice; et hos cineres, quos causa proferendae humilitatis, atque promerendae veniae, capitibus nostris imponi decernimus, benedicere pro tua pietate dignare: ut, qui nos cinerem esse, et ob pravitatis nostrae demeritum in pulverem reversuros cognoscimus; peccatorum omnium veniam, et praemia poenitentibus repromissa, misericorditer consequi mereamur
C2
[Feria IV Cinerum. Benedictio Cinerum]


[N: 395]
Deus, qui non mortem, sed paenitentiam desideras peccatorum: populum tuum ad te revertentem propitius respice; ut, dum tibi devotus exsistit, iracundiae tuae flagella ab eo clementer amoveas
C
[Missae Votivae. Missa pro vitanda mortalitate]


[N: 396]
Deus, qui nos ad celebrandum paschale sacramentum, utriusque testamenti paginis instruis: da nobis intelligere misericordiam tuam; ut ex perceptione praesentium munerum, firma sit exspectatio futurorum
C
[Sabbato Sancto. Post prophetiam VII: Facta est]


[N: 397]
Deus, qui nos ad imaginem tuam sacramentis renovas et praeceptis: perfice gressus nostros in semitis tuis; ut caritatis donum, quod fecisti a nobis sperari, per haec, quae offerimus sacrificia, facias veraciter apprehendi
SO
[Orationes Diversae n 29. Ad postulandam caritatem]


[N: 398]
Deus, qui non annuas Apostolorum tuorum Philippi et Iacobi solemnitate laetificas: praesta, quaesumus; ut, quorum gaudemus meritis, instruamur exemplis
C
[Die 1 Maii. Ss. Philippi et Iacobi Apostolorum]


[N: 399]
Deus, qui nos annua beatae Agnetis Virginis et Martyris tuae solemnitate laetificas: da, quaesumus; ut, quam veneramur officio, etiam piae conversationis sequamur exemplo
C
[Die 28 Ianuarii. S. Agnetis Virginis et Martyris secundo]


[N: 400]
Deus, qui nos annua sanctorum Martyrum tuorum Cyriaci, Largi et Smaragdi solemnitate laetificas: concede propitius; ut, quorum natalitia colimus, virtutem quoque passionis imitemur
C
[Die 8 Augusti. Ss. Cyriaci, Largi et Smaragdi Martyrum]


[N: 401]
Deus, qui nos beati Georgii Martyris tui meritis et intercessione laetificas: concede propitius; ut, qui tua per eum beneficia poscimus, dono tuae gratiae consequamur
C
[Die 23 Aprilis. S.Georgi Martyris]


[N: 402]
Deus, qui nos beati Saturnini Martyris tui concedis natalitio perfrui: eius nos tribue meritis adiuvari
C
[Die 29 Novembris. Pro Saturnino Martyre]


[N: 403]
Deus, qui nos concedis sanctorum Martyrum tuorum N. et N. natalitia colere: da nobis in aeterna beatitudine de eorum societate gaudere
C
[Commune Sanctorum. Pro Pluribus Martyribus. Altera missa Sapientiam]


[N: 404]
Deus, qui nos conspicis ex nostra infirmitate deficere: ad amorem tuum nos misericorditer per Sanctorum tuorum exempla restaura
C
[Die 14 Octobris. S. Callisti I Papae et Martyris]


[N: 405]
Deus, qui nos hodierna die Exaltationis sanctae Crucis annua solemnitate laetificas: praesta, quaesumus; ut, cuius mysterium in terra cognovimus, eius redemptionis praemia in caelo mereamur
C
[Die 14 Septembris. In Exaltatione S. Crucis]


[N: 406]
Deus, qui nos in tantis periculis constitutos, pro humana scis fragilitate non posse subsistere: da nobis salutem mentis et corporis; ut ea, quae pro peccatis nostris patimur, te adiuvante vincamus
C
[Dominica IV post Epiphaniam]


[N: 407]
Deus, qui nos patrem et matrem honorare praecipisti: miserere clementer animabus patris et matris meae (parentium nostrorum) eorumque peccata dimitte: meque (nosque) eos in aeternae claritatis gaudio fac videre
C
[Orationes diversae pro Defunctis n 11. Pro patre et matre]


[N: 408]
Deus, qui nos per beatos Apostolos tuos Simonem et Iudam ad agnitionem tui nominis venire tribuisti: da nobis eorum gloriam sempiternam et proficiendo celebrare, et celebrando proficere
C
[Die 28 Octobris. Ss. Simonis et Iudae Apostolorum]


[N: 409]
Deus, qui nos per huius sacrificii veneranda commercia, unius summae divinitatis participes effecisti: praesta, quaesumus; ut, sicut tuam cognoscimus veritatem, sic eam dignis moribus assequamur
SO
[Dominica IV post Pascha]


[N: 410]
Deus, qui nos redemptionis nostrae annua exspectatione laetificas: praesta; ut Unigenitum tuum, quem Redemptorem laeti suscipimus, venienten quoque iudicem securi videamus, Dominum nostrum Iesum Christm Filium tuum
C
[Die 24 Decembris. In Vigilia Nativitatis Domini]


[N: 411]
Deus, qui nos Resurrectionis Dominicae annua solemnitate laetificas: concede propitius; ut per temporalia festa quae agimus, pervenire ad gaudia aeterna mereamur
C
[Feria IV infra Octavam Paschae]


[N: 412]
Deus, qui nos sanctorum Martyrum tuorum Processi et Martiniani gloriosis confessionibus circumdas et protegis: da nobis et eorum imitatione proficere, et intercessione gaudere
C
[Die 2 Iulii. Pro Ss. Processo et Martiniano Martyribus]


[N: 413]
Deus qui novum per beatam Angelam sacrarum Virginum collegium in Ecclesia tua florescere voluisti: da nobis, eius intercessione, angelicis moribus vivere; ut, terrenis omnibus abdicatis, gaudiis perfrui mereamur aeternis
C
[Die 31 Maii. S. Angelae Mericiae Virginis]


[N: 414]
Deus, qui nullum respuis, sed quamtumvis peccantibus, per poenitentiam pia miseratione placaris: respice propitius ad preces humilitatis nostrae, et illumina corda nostra; ut tua valeamus implere praecepta
C
[Orationes Diversae n 22. Pro remissione peccatorum]


[N: 415]
Deus, qui ob invictum beati Ioannis sacramentale silentium nova Ecclesiam tuam martyrii corona decorasti: da; ut, eius exemplo et intercessione, ori nostro custodiam ponentes, beatis, qui lingua non sunt lapsi, annumeremur
C
[Missae pro aliquibus locis. Die 16 Maii. S. Ioannis Nepomuceni Mart.]


[N: 416]
Deus, qui omnes homines vis salvos fieri, et ad agnitionem veritatis venire: mitte, quaesumus, operarios in messem tuam, et da eis cum omni fiducia loqui verbum tuum; ut sermo tuus currat et clarificetur, et omnes gentes cognoscant te solum Deum verum, et quem misisti Iesum Christum Filium tuum, Dominum nostrum
C
[Missae Votivae. Missa pro Fidei Propagatione]


[N: 417]
Deus, qui omnia pro te in hoc saeculo reliquentibus, centuplum in futura et vitam aeternam promisisti: concede propitius; ut, sancti Pontificis Paulini vestigiis inhaerentes, valeamus terrena despicere, et sola caelestia desiderare
C
[Die 22 Iunii. S. Paulini Episcopi et Confessoris]


[N: 418]
Deus, qui omnipotentiam tuam parcendo maxime et miserando manifestas: multiplica super nos misericordiam tuam; ut ad tua promissa currentes, caelestium bonorum facias esse consortes
C
[Dominica X post Pentecosten]


[N: 419]
Deus, qui per beatum Alfonsum Mariam Confessorem tuum atque Pontificem, animarum zelo succensum, Ecclesiam tuam nova prole foecundasti: quaesumus; ut, eius salutaribus monitis edocti et exemplis roborati, ad te pervenire feliciter valeamus
C
[Die 2 Aug. S. Alfonsi Mariae de Ligorio Ep., Conf. et Eccl. Doct.]


[N: 420]
Deus, qui per beatum Gregorium Pontificem et Martyrem tuum Armeniae gentis populum, regemque verae fidei lucem recipere tribuisti: da Ecclesiae tuae de tantis gaudere triumphis, et apud te meritis eiusdem et precibus adiuvari
C
[Missae pro aliquibus locis. Die 1 Octobris. S. Gregorii Episcopi maioris Armeniae et Mart.]


[N: 421]
Deus, qui per beatum Ioannem fideles tuos in virtute sanctissimi nominis Iesu de crucis inimicis triumphare fecisti: praesta, quaesumus; ut, spiritualium hostium, eius intercessione, superatis insidiis, coranam iustitiae a te accipere mereamur
C
[Die 28 Martii. S. Ioannis de Capistrano Confessoris]


[N: 422]
Deus, qui per beatum Philippum Confessorem tuum, eximium nobis humilitatis exemplum tribuisti: da famulis tuis prospera mundi ex eius imitatione despicere, et caelestia semper inquirere
C
[Die 23 Augusti. S. Philippi Benitii Confessoris]


[N: 423]
Deus, qui per Filium tuum, angularem scilicet lapidem, claritatis tuae ignem fidelibus contulisti: productum e silice, nostris profuturum usibus, novum hunc ignem sanctifica: et concede nobis, ita per haec festa paschalia caelestibus desideriis inflammari; ut, ad perpetuae claritatis, puris mentibus, valeamus festa pertingere
C1
[Sabbato Sancto. Benedictio novi ignis]


[N: 424]
Deus, qui per gloriosissimam Filii tui Matrem, ad liberandos Christi fideles a potestate paganorum, nova Ecclesiam tuam prole amplificare dignatus es: praesta, quaesumus; ut, quam pie veneramur tanti operis institutricem, eius pariter meritis et intercessione, a peccatis omnibus et captivitate daemonis liberemur
C
[Dei 24 Septembris. B. Mariae Virginis de Mercede]


[N: 425]
Deus, qui per gloriosissimam Filii tui Matrem beatum Idelfonsum Confessorem tuum atque Pontificem, misso de thesauris caelestibus munere, decorasti: concede propitius; ut, per eius preces et merita, munera capiamus aeterna
C
[Missae pro aliquibus locis. Die 23 Ianuarii S. Ildefonsi Ep., et Conf.]


[N: 426]
Deus, qui per immaculatam Virginis Conceptionem dignum Filio tuo habitaculum praeparasti: quaesumus; ut, qui ex morte eiusdem Filii tui praevisa, eam ab omni labe praeservasti, nos quoque mundos eius intercessione ad te pervenire concedas
C
[Die 8 Decembris. In Conceptione Immaculata B. Mariae Virginis]


[N: 427]
Deus, qui per immaculatam Virginis Conceptionem dignum Filio tuo habitaculum praeparasti: supplices a te quaesumus; ut eiusdem Virginis Apparitionem celebrantes, salutem mentis et corporis consequamur
C
[Die 11 febr. In Apparitione B. Mariae Virginis immaculatae]


[N: 428]
Deus, qui per olivae ramum, pacem terris columbam nuntiare iussisti: praesta, quaesumus; ut hos olivae, ceterarumque arborum ramos, caelesti benedictione sanctifices: ut cuncto populo tuo proficiant ad salutem
C6
[Dominica in Palmis. Benedictio ramorum]


[N: 429]
Deus, qui per sanctum Ioannem ordinem sanctissimae Trinitatis ad redimendum de potestate Saracenorum captivos caelitus instituere dignatus es: praesta, quaesumus; ut eius suffragantibus meritis, a captivitate corporis et animae, te adiuvante, liberemur
C
[Die 8 Februarii. S. Ioannis de Matha Confessoris]


[N: 430]
Deus, qui per sanctum Iosephum Confessorem tuum, ad erudiendum spiritu intelligentiae ac pietatis iuventutem, novum Ecclesiae tuae subsidium providere dignatus es: praesta, quaesumus; nos, eius exemplo et intercessione, ita facere et docere, ut praemia consequamur aeterna
C
[Die 27 Augusti. S. Iosephi Calasanctii Confessoris]


[N: 431]
Deus, qui per stutltiam Crucis eminentem Iesu Christi scientiam beatum Iustinum martyrem mirabiliter docuisti: eius nobis intercessione concede; ut, errorum circumventione depulsa, fidei firmitatem consequamur
C
[Die 14 Aprilis. S. Iustini Martyris]


[N: 432]
Deus, qui populis tuis indulgentia consulis, et amore dominaris: da spiritum sapientiae, suffragantibus meritis Antistitum Ecclesiae tuae, quibus dedisti regimen disciplinae; ut de profectu sanctarum ovium fiant gaudia aeterna pastorum
C
[Missae pro aliquibus locis. Die 3 Iulii. In Commemoratione Omnium Ss. Summorum Pontificum]


[N: 433]
Deus, qui populo tuo aeternae salutis beatum N. ministrum tribusti: praesta, quaesumus; ut, quem Doctorem vitae habuimus in terris, intercessorem habere mereamur in caelis
C
[Die 7 Dec. S. Ambrosii Episcopi, Conf. et Eccl. Doct.]


[N: 434]
Deus, qui potestate virtutis tuae de nihilo cuncta fecisti: qui dispostis universitatis exordiis, homini ad imaginem Dei facto, ideo inseparabile mulieris adiutorium condidisti, ut femineo corpori de virili dares carne principium, docens quod ex uno placuisset institui, numquam licere disiungi: Deus, qui tam excellenti mysterio coniugalem copulam consecrasti, ut Christi et Ecclesiae sacramentum praesignares in foedere nuptiarum: Deus, per quem mulier iungitur viro, et societas principaliter ordinata, ea benedictione donatur, quae sola nec per originalis peccati poenam, nec per diluvii est ablata sententiam: respice propitius super hanc famulam tuam, quae maritali iungenda consortio, tua se expetit protectione muniri: sit in ea iugum dilectionis, et pacis: fidelis et casta nubat in Christo, imitatrixque sanctarum permaneat feminarum: sit amabilis viro suo, ut Rachel: sapiens, ut Rebecca: longeva et fidelis, ut Sara: nihil in ea ex actibus suis ille auctor praevaricationis usurpet: nexa fidei, mandatisque permaneat: uni thoro iuncta, contactus illicitos fugiat: muniat infirmitatem suam robore disciplinae: sit verecundia gravis, pudore venerabilis, doctrinis caelestibus erudita: sit foecunda in sobole, sit probata et innocens: et ad beatorum requiem, atque ad calestia regna perveniat: et videant ambo filios filiorum suorum, usque in tertiam et quartam generationem, et ad optatam perveniant senectutem
C2
[Missae votivae. Missa pro sponso et sponsa. Dicto Pater Noster]


[N: 435]
Deus, qui prae omnibus Sanctis tuis beatum Ioachim Genitricis Filii tui patrem esse voluisti: concede, quaesumus; ut, cuius festa veneramus, eius quoque perpetuo patrocinia sentiamus
C
[Die 16 Augusti. S. Ioachim Patris B. Mariae Virginis, Confessoris]


[N: 436]
Deus, qui praesentem diem honorabilem nobis in beati Ioannis nativitate fecisti: da populis tuis spiritualium gratiam gaudiorum; et omnium fidelium mentes dirige in viam salutis aeternae
C
[Die 24 Iunii. In Nativitate S. Ioannis Baptistae]


[N: 437]
Deus, qui primis temporibus impleta miracula novi testamenti luce reserasti, ut et Mare Rubrum forma sacri fontis exsisteret, et liberata plebs ab Aegyptica servitute, christiani populi sacramenta praeferret: da, ut omnes gentes Israelis privilegium merito fidei consecutae, Spiritus tui participatione regenerentur
C
[Sabbato in Vigilia Pentecostes. Post prophetiam II: Factum est]


[N: 438]
Deus, qui pro nobis Filium tuum crucis patibulum subire voluisti, ut inimici a nobis expelleres potestatem: concede nobis famulis tuis; ut resurrectionis gratiam consequamur
C2
[Feria IV Maioris Hebdomadae]


[N: 439]
Deus, qui sacrandorum tibi auctor es munerum, effunde super hanc orationis domum benedictionem tuam: ut ab omnibus in ea invocationibus nomen tuum, defensionis tuae auxilium sentiatur
SO
[Commune Dedicationis Ecclesiae. In ipso die Dedicationis Ecclesiae et per Octavam et quando varianda est oratio]


[N: 440]
Deus, qui salutis aeternae, beatae Mariae virginitate foecunda, humano generi praemia praestitisti: tribue, quaesumus; ut ipsam pro nobis intercedere sentiamus, per quam meruimus auctorem vitae suscipere, Dominum nostrum Iesum Christum Filium tuum
C
[Die 1 Ianuarii. In Circumcisione Domini et Octava Nativitatis]


[N: 441]
Deus, qui sanctae Ritae tantam gratiam conferre dignatus es, ut inimicos diligeret, et in corde ac fronte caritatis et passionis tuae signa portaret: da nobis, quaesumus; eius intercessione et meritis; inimicis nostris sic parcere, et passionis tuae dolores contemplari, ut promissa mitibus ac lugentibus praemia consequamur
C
[Missae pro aliquibus locis. Die 22 Maii. S. Ritae a Cassia Viduae]


[N: 442]
Deus, qui sanctis tuis Abdon et Sennen ad hanc gloriam veniendi copiosum munus gratiae contulisti: da famulis tuis suorum veniam peccatorum; ut, Sanctorum tuorum intercedentibus meritis, ab omnibus mereantur adversitatibus liberari
C
[Die 30 Iulii. Ss. Abdon et Sennen, Martyrum]


[N: 443]
Deus, qui sanctum Benedictum Iosephum Confessorem tuum humilitatis studio, et paupertatis amore tibi uni adhaerere fecisti: da nobis eius suffragantibus meritis; terrena cuncta despicere, et caelestia semper inquirere
C
[Missae pro aliquibus locis. Die 16 Aprilis S. Benedicti Iosephi Labre Conf.]


[N: 444]
Deus, qui sanctum Camillum, ad animarum in extremo agone luctantium subsidium, singulari caritatis praerogativa decorasti: eius, quaesumus, meritis spiritum nobis tuae dilectionis infunde; ut in hora exitus nostri hostem vincere, et ad caelestem mereamur coronam pervenire
C
[Die 18 Iulii. S. Camilli de Lellis, Confessoris]


[N: 445]
Deus, qui sanctum Ioannem Baptistam Confessorem tuum in evangelizandis pauperibus caritate et patientia decorasti: concede, quaesumus; ut, cuius pia merita veneramur, virtutum quoque imitemur exempla
C
[Missae pro aliquibus locis. Die 23 Maii. S. Ioannis Baptistae de Rossi Confessoris]


[N: 446]
Deus, qui sanctum Ioannem Confessorem tuum adolescentium patrem et magistrum excitasti, ac per eum, auxiliatrice Virgine Maria, novas in Ecclesia tua familias florescere voluisti: concede, quaesumus; ut eodem caritatis igne succensi, animas quaerere, tibique soli servire valeamus
C
[Die 31 Ianuarii. S. Ioannis Bosco Confessoris]


[N: 447]
Deus, qui sanctum Ioannem Confessorem tuum atque Doctorem, perfectae sui abnegationis, et Crucis amatorem eximium effecisti; concede; ut, eius imitationi iugiter inhaerentes, gloriam assequamur aeternam
C
[Die 24 Nov. S. Ioannis a Cruce Conf. et Eccl. Doct.]


[N: 448]
Deus, qui solemnitate paschali, mundo remedia contulisti: populum tuum, quaesumus, caelesti dono prosequere; ut et perfectam libertatem consequi mereamur, et ad vitam proficiat sempiternam
C
[Feria II infra Octavam Paschae]


[N: 449]
Deus, qui sperantibus in te misereri potius eligis, quam irasci: da nobis digne flere mala, quae fecimus; ut tuae consolationis gratiam invenire mereamur
SP
[Sabbato post Dominicam IV Quadragesimae]


[N: 450]
Deus, qui superbis resistis, et gratiam praestas humilibus: concede nobis verae humilitatis virtutem, cuius in se formam fidelibus Unigenitus tuus exhibuit: ut numquam indignationem tuam provocemus elati, sed potius gratiae tuae capiamus dona subiecti
C
[Orationes Diversae n 27. Ad postulandam humilitatem]


[N: 451]
Deus, qui transtulisti patres nostros per Mare Rubrum, et transvexisti eos per aquam nimiam, laudem tui nominis decantantes: te suppliciter deprecamur; ut in navi famulos tuos, repulsis adversitatibus, portu semper optabili, cursuque tranquillo tuearis
C
[Orationes Diversae n 33. Pro navigantibus]


[N: 452]
Deus, qui tribus pueris mitigasti flammas ignium: concede propitius; ut nos famulos tuos non exurat flamma vitiorum
C6
[Sabbato Quatuor Temporum Adventus]


[N: 453]
Deus, qui Unigeniti Filii tui passione, et per quinque Vulnera eius, sanguinis effusione, humanam naturam peccato perditam reparasti: tribue nobis, quaesumus; ut, qui ab eo suscepta vulnera veneramur in terris, eiusdem pretiosissimi sanguinis fructum consequi mereamur in caelis
C
[Missae pro aliquibus locis. Feria VI post Dominicam III Quadragesimae. Sacrorum Quinque Vulnerum Domini Nostri Iesu Christi]


[N: 454]
Deus, qui Unigeniti Filii tui pretioso sanguine, vivificae Crucis vexillum sanctificare voluisti: concede, quaesumus; eos, qui eiusdem sanctae Crucis gaudent honore, tua quoque ubique protectione gaudere
C
[Missae votivae. Feria VI. Missae de S. Cruce]


[N: 455]
Deus, qui Unigeniti tui Matrem ab originali culpa in sua Conceptione mirabiliter praeservasti: da, quaesumus; ut sua nos intercessione munitos, corde mundos facias suae interesse festivitati
C
[Die 7 Dec. In Vigilia Conceptionis immaculatae B. Mariae Virg.]


[N: 456]
Deus, qui Unigeniti tui patientia antiqui hostis contrivisti superbiam: da nobis, quaesumus, quae idem pie pro nobis pertulit, digne recolere; sicque exemplo eius, nobis adversantia aequanimiter tolerare
C
[Orationes Diversae n 28. Ad postulandam patientiam]


[N: 457]
Deus, qui Unigenitum Filium tuum constituisti humani generis Salvatorem, et Iesum vocari iussisti: concede propitius; ut, cuius sanctum nomen veneramur in terris eius quoque aspectu perfruamur in caelis
C
[Dominica inter Circumcisionem et Epiphaniam vel, si ipsa non occurrat, die 2 Ianuarii. Sanctissimi Nominis Iesu]


[N: 458]
Deus, qui Unigenitum tuum mundi Redemptorem constituisti, et per eum, devicta morte, nos misericorditer ad vitam reparasti: concede; ut, haec beneficia recolentes, tibi perpetua caritate adhaerere, et eiusdem redemptionis fructum percipere mereamur
C
[Missae pro aliquibus locis. Die 23 Oct. Sanctissimi Redemptoris]


[N: 459]
Deus, qui universum mundum beati Pauli Apostoli praedicatione docuisti: da nobis, quaesumus; ut, qui eius hodie Conversionem colimus, per eius ad te exempla gradiamur
C
[Die 25 Ianuarii. In conversione S. Pauli Apostoli]


[N: 460]
Deus, qui virginalem aulam beatae Mariae, in qua habitare, eligere dignatus es: da, quaesumus; ut, sua nos defensione munitos, iucundos facias suae interesse festivitati
C
[Die 14 Augusti. In Vigilia Assumptionis B. Mariae Virginis]


[N: 461]
Deus, refugium nostrum et virtus: adesto piis Ecclesiae tuae precibus, auctor ipse pietatis, et praesta; ut, quod fideliter petimus; efficaciter consequamur
C
[Dominica XXII post Pentecosten]


[N: 462]
Deus, regnorum omnium, et christiani maxime protector imperii: da servo tuo imperatori nostro N. triumphum virtutis tuae scienter excolere; ut, quia tua institutione est princeps, tuo sit semper munere potens
C
[Orationes Diversae n 5. Pro Imperatore]


[N: 463]
Deus, regnorum omnium, regumque dominator, qui nos et percutiendo sanas, et ignoscendo conservas: preatende nobis misericordiam tuam; ut tranquillitate pacis, tua potestate servata, ad remedia correctionis utamur
PC
[Missae Votivae. Missa tempore belli]


[N: 464]
Deus, tuorum gloria sacerdotum: praesta, quaesumus; ut sancti Martyris tui et Episcopi Donati, cuius festa gerimus, sentiamus auxilium
C
[Die 7 Augusti. Pro S. Donato Episcopo et Martyre]


[N: 465]
Deus, veniae largitor, et humanae salutis amator: quaesumus clementiam tuam; ut animas famulorum, famularumque tuarum, quae ex hoc saeculo transierunt, beata Maria semper Virgine intercedente cum omnibus Sanctis tuis, ad perpetuae beatitudinis consortium pervenire concedas
C
[Die 2 Nov. vel, si in Dominicam inciderit, die 3 sequenti. In Commemoratione omnium fidelium Defunctorum. Ad tertiam missam]


[N: 466]
Deus, virginitatis amator, qui beatam Maria Magdalenam Virginem, tuo amore succensam, caelestibus donis decorasti: da; ut, quam festiva celebritate veneramur, puritate et caritate imitemur
C
[Die 29 Maii. S. Mariae Magdalenae de Pazzis Virginis]


[N: 467]
Deus virtutum, cuius est totum quod est optimum: insere pectoribus nostris amorem tui nominis, et praesta in nobis religionis augmentum; ut, quae sunt bona, nutrias, ac pietatis studio, quae sunt nutrita, custodias
C
[Dominica VI post Pentecosten]


[N: 468]
Devotionem populi tui, quaesumus, Domine, benignus intende: ut, qui per abstinentiam macerantur in corpore, per fructum boni operis reficiantur in mente
C2
[Feria IV Quatuor Temporum Quadragesimae]


[N: 469]
Devotionis nostrae tibi, quaesumus, Domine, hostia iugiter immoletur: quae et sacri peragat instituta mysterii, et salutare tuum in nobis mirabiliter operetur
SO
[Dominica III Adventus]


[N: 470]
Dirigat corda nostra, quaesumus, Domine, tuae miserationis operatio: quia tibi sine te placere non possumus
C
[Dominica XVIII post Pentecosten]


[N: 471]
Dirigere dignare, Domine Deus, in adiutorum nostrum sanctum Raphaelem Archangelum: et, quem tuae maiestati semper assistere credimus, tibi nostras exiguas preces benedicendas assignet
PC
[Die 24 Octobris. s. Raphaelis Archangeli]


[N: 472]
Dirumpe, Domine, vincula peccatorum nostrorum: et, ut sacrificare tibi hostiam laudis absoluta libertate, ac munda mente possimus, retribue quae ante tribuisti: et salva nos per indulgentiam, quos dignatus es salvare per gratiam
SO
[Orationes Diversae n 26. Ad postulandam continentiam]


[N: 473]
Divina dape refectis tribue, quaesumus, Domine: sancti Silvestri Abbatis vestigiis ita inhaerere; ut copiosam mercedem in regno gloriae tuae cum Sanctis habeamus
PC
[Die 26 Novembris. S. Silvestri Abbatis]


[N: 474]
Divina libantes mysteria, quaesumus, Domine: ut haec salutaria sacramenta illis proficiant ad prosperitatem et pacem; pro quorum quarumque dilectione haec tuae obtulimus maiestati
PC
[Orationes Diversae n 30. Pro devotis amicis]


[N: 475]
Divina libatio corporis et sanguinis tui, Domine Iesu Christe, quam in honorem Genitricis tuae devote suscepimus, temporalis vitae pariter et aeternae munera largiatur
PC
[Missae pro aliquibus locis. Sabbato ante Dominicam ultimam Augusti. B. Mariae Virginis titulo Salus Infirmorum]


[N: 476]
Divini muneris fonte refecti, quaesumus, Domine Deus noster: ut, sicut nos facis beati Ioseph protectione gaudere; ita, eius meritis et intercessione, caelestis gloriae facias esse participes
PC
[Feria IV infra Hebd. II post Oct. Paschae. In Solemnitate S. Ioseph Sponsi B. Mariae Virg., Conf., et Eccl. Universalis Patroni]


[N: 477]
Divini muneris largitate satiati, quaesumus, Domine Deus noster: ut huius semper participatione vivamus
PC
[Sabbato post Dominicam Passionis]


[N: 478]
Divini operatio sacramenti, omnipotens Deus, suffragantibus beatarum N. et N. meritis, illuminet nos pariter et inflammet: ut et sanctis iugiter desideriis ferveamus, et bonis operibus abundemus
PC
[Commune Sanctorum pro aliquibus locis. Pro neque Martyribus neque Virginibus. Missa Domine Deus]


[N: 479]
Divinis, Domine, muneribus satiati: quaesumus; ut beati Antonii Confessoris tui atque Doctoris meritis et intercessione, salutaris sacrificii sentiamus effectum
PC
[Die 13 Iunii. S. Antonii de Padua Conf. et Eccl. Doct.]


[N: 480]
Divinis, Domine, refecti mysteriis, te supplices deprecamur: ut exemplo et meritis beati Cyrilli Pontificis adiuti, sanctissimae Genitrici Unigeniti tui digne famulari valeamus
PC
[Die 9 Febr. S. Cyrilli, Ep. Alexandrini, Conf. et Eccl. Doct.]


[N: 481]
Divinis donis Cordis tui satiati: quaesumus, Domine Iesu, ut in tui semper amore permanere et usque in finem crescere mereamur
PC
[Missae pro aliquibus locis. Feria V post Octavam Corporis Christi. Eucharistici Cordis Iesu]


[N: 482]
Divinis refecti muneribus te, Domine, suppliciter exoramus: ut beatae Mariae Viriginis intercessione, cuius immaculati Cordis solemnia venerando egimus, a praesentibus periculis liberati, aeternae vitae gaudia consequamur
PC
[Die 22 Augusti. Immaculati Cordis B. Mariae Virginis]


[N: 483]
Divinitatis tuae, Domine, sempiterna fruitione satiemur: quam beatus Laurentius in sacro altaris mysterio praegustabat
PC
[Missae pro aliquibus locis. Die 7 Iulii. S. Laurentii a Brundusio Confessoris]


[N: 484]
Domine, adiutor et protector noster, adiuva nos: et refloreat cor et caro nostra vigore pudicitiae, et castimoniae novitate; ut per hoc sacrificium, quod tuae obtulimus pietati, ab omnibus tentationibus emundemur
PC
[Orationes Diversae n 26. Ad postulandam contintentiam]


[N: 485]
Domine Deus noster, multiplica super nos gratiam tuam: et, quorum praevenimus gloriosa solemnia, tribue subsequi in sancta professione laetitiam
C
[Die 31 Octobris. In Vigilia Omnium Sanctorum]


[N: 486]
Domine Deus noster, qui beatae Birgitte per Filium tuum unigenitum secreta caelestia revelasti: ipsius pia intercessione da nobis famulis tuis; in revelatione sempiternae gloriae tuae gaudere laetantes
C
[Die 8 Octobris. S. Birgittae Viduae]


[N: 487]
Domine Deus noster, qui in his potius creaturis, quas ad fragilitatis nostrae subsidium condidisti, tuo quoque nomini munera iussisti dicanda constitui: tribue, quaesumus; ut et vitae nobis praesentis auxilium, et aeternitatis efficiant sacramentum
SO
[Feria V post Dominicam Passionis]


[N: 488]
Domine Deus omnipotens, qui per immaculatam Genitricem Filii tui omnia nos habere voluisti: da nobis tantae Matris auxilio, praesentis temporis pericula devitare; ut vitam consequamur aeternam
PC
[Missae pro aliquibus locis. Die 27 Novembris. B. Mariae Virginis Immaculatae a Sacro Numismate]


[N: 489]
Domine Deus, Pater omnipotens, lumen indeficiens, qui es conditor omnium luminum: benedic hoc lumen, quod a te sanctificatum, atque benedictum est, qui illuminasti omnem mundum: ut ab eo lumine accendamur, atque illuminemur igne claritatis tuae: et sicut illuminasti Moysen exeuntem de Aegypto, ita illumines corda, et sensus nostros; ut ad vitam, et lucem aeternam pervenire mereamur
C2
[Sabbato Sancto. Benedictio novi ignis]


[N: 490]
Domine Deus virtutum, qui collapsa reparas, et reparata conservas: auge populos in tui nominis sanctificatione renovandos; ut omnes, qui sacro baptismate diluuntur, tua semper inspiratione dirigantur
C
[Sabbato in Vigilia Pentecostes. Post prophetiam VI: Facta est]


[N: 491]
Domine Iesu Christe, Filii Dei vivi, qui hora sexta pro redemptione mundi Crucis patibulum ascendisti, et sanguinem tuum pretiosum in remissionem peccatorum nostrorum fudisti: te humiliter deprecamur; ut post obitum nostrum, paradisi ianuas nos gaudenter introire concedas
PC
[Missae Votivae. Feria VI. Missa de Passione Domini]


[N: 492]
Domine Iesu Christe, lux vera, quae illuminas omnem hominem venientem in hunc mundum: effunde benedictionem tuam super hos cereos, et sanctifica eos lumine gratiae tuae, et concede propitius; ut, sicut haec luminaria igne visibili accensa nocturnas depellunt tenebras; ita corda nostra invisibili igne, id est, Sancti Spiritus splendore illustrata, omnium vitiorum caecitate careant: ut, purgato mentis oculo, ea cernere possimus, quae tibi sunt placita, et nostrae saluti utilia; quatenus post huius saeculi caliginosa discrimina, ad lucem indeficientem pervenire mereamur. Per te, Christe Iesu, Salvator mundi, qui in Trinitate perfecta vivis et regnas Deus, per omnia saecula saeculorum
C3
[Die 2 Februarii. In Purificatione B. Mariae Virginis. Benedictio candelarum]


[N: 493]
Domine Iesu Christe, noster apud Patrem mediator, qui beatissimam Virginem matrem tuam, matrem quoque nostram et apud te mediatricem constituere dignatus es: concede propitius; ut quisquis ad te beneficia petiturus accesserit, cuncta se per eam impetrasse laetetur
C
[Missae pro aliquibus locis. Die 31 Maii. B. Mariae Virginis Omnium Gratiarum Mediatricis]


[N: 494]
Domine Iesu Christe, pastor bone, qui pro ovibus tuis animam dedisti, nosque populum tuum et oves pascuae tuae in cruce pendens Matri Virgini commendasti: ipsa interveniente concede; ut, te pastorem nostrum sequentes in terris, ad pascua aeternae vitae perducamur in caelis
C
[Missae pro aliquibus locis. Die 3 Septembris. B. Mariae Virginis Divini Pastoris Matris]


[N: 495]
Domine Iesu Christe, pater misericordiarum, et Deus totius consolationis: concede propitius; ut, sicut lumbos praecincti, purissimam Genitricem Mariam tuam sub Consolationis titulo gaudentes veneramur in terris, ita perenni eiusdem consortio perfrui mereamur in caelis
C
[Missae pro aliquibus locis. Sabbato post Festum S. Augustini E.C.D. Beatae Mariae Virginis de Consolatione]


[N: 496]
Domine Iesu Christe, qui ad mysterium Crucis praedicandum, sanctum Paulum singulari caritate donasti, et per eum novam in Ecclesia familiam florescere voluisti: ipsius nobis intercessione concede; ut passionem tuam iugiter recolentes in terris, eiusdem fructum consequi mereamur in caelis
C
[Die 28 Aprilis. S. Pauli a Cruce Confessoris]


[N: 497]
Domine Iesu Christe, qui ad recolendam memoriam dolorum sanctissimae Genitricis tuae, per septem beatos Patres nova Servorum eius familia Ecclesiam tuam foecundasti: concede propitius; ita nos eorum consociari fletibus, ut perfruamur et gaudiis
C
[Die 12 Febr. Ss. Septem Fundatorum Ordinis Servorum B.M.V., Conf.]


[N: 498]
Domine Iesu Christe, qui beatam Veronicam Virginem passionis tuae signis mirabilem effecisti: concede propitius; ut, carnem crucifigentes, ad gaudia aeterna pervenire mereamur
C
[Missae pro aliquibus locis. Die 9 Iulii S. Veronicae De Iulianis Virginis]


[N: 499]
Domine Iesu Christe, qui beatissimam Virginem Mariam Matrem tuam ab origine immaculatam innumeris miraculis clarescere voluisti: concede; ut, eiusdem patrocinium semper implorantes, gaudia consequamur aeterna
C
[Missae pro aliquibus locis. Die 27 Novembris. B. Mariae Virg. a Sacro Numismate]


[N: 500]
Domine Iesu Christe, qui de caelis ad terram de sinu Patris descendisti, et sanguinem tuum pretiosum in remissionem peccatorum nostrorum fudisti: te humiliter deprecamur; ut in die iudicii, ad dexteram tuam audire mereamur: Venite, benedicti
C
[Missae Votivae. Feria VI. Missa de Passione Domini]


[N: 501]
Domine Iesu Christe, qui divitias amoris tui erga homines effundens Eucharistiae Sacramentum condidisti: da nobis, quaesumus; ut amantissimum Cor tuum diligere, et tanto Sacramento digne semper uti valeamus
C
[Missae pro aliquibus locis. Feria V post Octavam Corporis Christi. Eucharistici Cordis Iesu]


[N: 502]
Domine Iesu Christe, qui frigescente mundo, ad inflammandum corda nostra tui amoris igne, in carne beatissimi Francisci passionis tuae sacra Stigmata renovasti: concede propitius; ut eius meritis et precibus crucem iugiter feramus, et dignos fructus poenitentiae faciamus
C
[Die 17 Sept. In Impressione Ss. Stigmatum S. Francisci Conf.]


[N: 503]
Domine Iesu Christe, qui Genitricem tuam Mariam, cuius insignem veneramur imaginem, Matrem nobis dedisti perpetuo succurrere paratam: concede, quaesumus; ut nos, maternam eius opem assidue implorantes, redemptionis tuae fructum perpetuo experiri mereamur
C
[Missae pro aliquibus locis. Die 27 Iunii. B. Mariae Virginis de Perpetuo Succursu]


[N: 504]
Domine Iesu Christe, qui hodierna die in nostrae carnis substantia inter homines apparens, a parentibus in templo es praesentatus: quem Simeon venerabilis senex, lumine Spiritus tui irradiatus, agnovit, suscepit et benedixit: praesta propitius; ut eiusdem Spiritus Sancti gratia illuminati atque edocti, te veraciter agnoscamus, et fideliter diligamus
C5
[Die 2 Februarii. In Purificatione B. Mariae Virg. Benedictio candelarum]


[N: 505]
Domine Iesu Christe, qui in horto verbo et exemplo nos orare docuisti ad tentationum pericula superanda: concede propitius; ut nos orationi semper intenti, eius copiosum fructum consequi mereamur
C
[Missae pro aliquibus locis. Feria III post Dominicam Septuagesimae. Orationis Domini nostri Iesu Christi]


[N: 506]
Domine Iesu Christe, qui investigabiles divitias Cordis tui beatae Margaritae Mariae Virgini mirabiliter revelasti: da nobis, eius meritis et intercessione; ut te in omnibus, et super omnia diligentes, iugem in eodem Corde tuo mansionem habere mereamur
C
[Die 17 Octobris. S. Margaritae Maria Alacoque]


[N: 507]
Domine Iesu Christe, qui Mariae et Ioseph subditus, domesticam vitam ineffabilius virtutibus consecrasti: fac nos, utriusque auxilio, Familiae sanctae tuae exemplis instrui; et consortium consequi sempiternum
C
[Dominica infra Octavam Epiphaniae. Sanctae Familiae Iesu, Mariae et Ioseph]


[N: 508]
Domine Iesu Christe, qui temetipsum in cruce holocaustum immaculatum et spontaneum Deo Patri obtulisti: quaesumus; ut eiusdem sacrificii oblatio veneranda indulgentiam nobis obtineat et gloriam sempiternam
PC
[Missae pro aliquibus locis. Feria VI post Dominicam I Quadragesimae. Sacrorum Lanceae et Clavorum Domini nostri Iesu Christi]


[N: 509]
Domine Iesu Christe, verae humilitatis et exemplar et praemium: quaesumus; ut, sicut beatum Franciscum in terreni honoris contemptu imitatorem tui gloriosum effecisti, ita nos eiusdem imitationis et gloriae tribuas esse consortes
C
[Die 10 Octobris. S. Francisci Borgiae Confessoris]


[N: 510]
Domine Iesu, qui beato Bernardino Confessori tuo eximium sancti nominis tui amorem tribuisti: eius, quaesumus, meritis et intercessione, spiritum nobis tuae dilectionis benignus infunde
C
[Die 20 Maii. S. Bernardini Senensis Confessoris]


[N: 511]
Domine, qui dixisti: Nisi efficiamini sicut parvuli, non intrabitis in regnum calorum: da nobis, quaesumus; ita sanctae Teresiae Virginis in humilitate et simplicitate cordis vestigia sectari, ut praemia consequamur aeterna
C
[Die 3 Octobris. S. Teresiae a Iesu Infante Virginis]


[N: 512]
Domine sancte, Pater omnipotens, aeterne Deus: benedicentibus nobis hunc ignem in nomine tuo, et unigeniti Filii tui Dei ac Domini nostri Iesu Christi, et Spiritus Sancti, cooperari digneris; et adiuva nos contra ignita tela inimici, et illustra gratia caelesti
C3
[Sabbato Sancto. Benedictio novi ignis]


[N: 513]
Domine sancte, Pater omnipotens, aeterne Deus, qui omnia ex nihilo creasti, et iussu tuo per opera apum, hunc liquorem ad perfectionem cerei venire fecisti: et qui hodierna die petitionem iusti Simeonis implesti: te humiliter deprecamur; ut has candelas ad usus hominum, et sanitatem corporum et animarum, sive in terra, sive in aquis, per invocationem tui sanctissimi nominis, et per intercessionem beatae Mariae semper Virginis, cuius hodie festa devote celebrantur, et per preces omnium Sanctorum tuorum, benedicere, et sanctificare digneris: et huius plebis tuae, quae illas honorifice in manibus desiderat portare, teque cantando laudare, exaudias voces de caelo sancto tuo, et de sede maiestatis tuae: et propitius sis omnibus clamantibus ad te, quos redemisti pretioso Sanguine Filii tui
C1
[Die 2 Februarii. In Purificatione B. Mariae Virginis. Benedictio candelarum]


[N: 514]
Donis caelestibus da nobis, quaesumus, Domine, libera tibi mente servire: ut munera quae deferimus, interveniente beato Hieronymo Confessore tuo, et medelam nobis operentur, et gloriam
SO
[Die 30 Septembris. S. Hieronymi Presbyteri, Conf. et Eccl. Doct.]


[N: 515]
Ecclesiae tuae, quaesumus, Domine, dona propitius intuere: quibus non iam aurum, thus et myrrha profertur; sed quod eisdem muneribus declaratur, immolatur et sumitur, Iesus Christus Filius tuus Dominus noster
SO
[Die 6 Ianuarii. In Epiphania Domini]


[N: 516]
Ecclesiae tuae, quaesumus, Domine, preces et hostias beati Petri Apostoli commendet oratio: ut, quod pro illius gloria celebramus, nobis prosit ad veniam
SO
[Die 18 Ianuarii. In Cathedra S. Petri Apostoli Antiochiae]


[N: 517]
Ecclesiae tuae, quaesumus, Domine, preces placatus admitte: ut, destructis adversitatibus et erroribus universis, secura tibi serviat libertate
C
[Orationes Diversae n 10. Contra persecutores Ecclesiae]


[N: 518]
Ecclesiae tuae, quaesumus, Domine, unitatis et pacis propitius dona concede: quae sub oblatis muneribus mystice designantur
SO
[In Festo Sanctissimi Corporis Christi]


[N: 519]
Ecclesiam tuam, Deus, beati Antonii Confessoris tui atque Doctoris solemnitas votiva laetificet: ut spiritualibus semper muniatur auxiliis et gaudiis perfrui mereatur aeternis
C
[Die 13 Iunii. S. Antonii de Padua Conf. atque Eccl. Doct.]


[N: 520]
Ecclesiam tuam, Domine, benignus illustra: ut beati Ioannis Apostoli tui et Evangelistae illuminata doctrinis, ad dona perveniat sempiterna
C
[Die 27 Decembris. S. Ioannis Apostoli et Evangelistae]


[N: 521]
Ecclesiam tuam, Domine, miseratio, continuata mundet et muniat: et quia sine te non potest salva consistere; tuo semper munere gubernetur
C
[Dominica XV post Pentecosten]


[N: 522]
Ecclesiam tuam, Domine, sancti Caroli Confessoris tui atque Pontificis continua protectione custodi: ut, sicut illum pastoralis sollicitudo gloriosum reddidit; ita nos eius intercessione in tuo semper faciat amore ferventes
C
[Die 4 Novembris. S. Caroli Episcopi et Confessoris]


[N: 523]
Ecclesiam tuam, quaesumus, Domine, gratia caelestis amplificet: quam beati Ioannis Chrysostoni Confessoris tui atque Pontificis illustrare voluisti gloriosis meritis, et doctrinis
C
[Die 27 Ianuarii. S. Ioannis Chrysostomi Ep., Conf. et Eccl. Doct.]


[N: 524]
Esto, Domine, plebi tuae sanctificator et custos: ut, Apostoli tui Iacobi munita praesidiis, et conversatione tibi placeat, et secura mente deserviat
C
[Die 25 Iulii. S. Iacobi Apostoli]


[N: 525]
Esto, Domine, propitius plebi tuae: et, quam tibi facis esse devotam benigno refove miseratus auxilio
C
[Feria VI Quatuor Temporum Quadragesimae]


[N: 526]
Esto, quaesumus, Domine, propitius plebi tuae: ut, quae tibi non placent, respuentes; tuorum potius repleantur delectationibus mandatorum
SP
[Feria V post Dominicam Passionis]


[N: 527]
Exaudi, Domine, populum tuum cum Sanctorum tuorum patrocinio supplicantem: ut et temporalis vitae nos tribuas pace gaudere; et aeternae reperire subsidium
C
[Die 19 Ianuarii. Ss. Marii, Marthae, Audifacis et Abachum Martyrum]


[N: 528]
Exaudi, Domine, preces nostras: et, interveniente beato Damaso Confessore tuo atque Pontifice, indulgentiam nobis tribue placatus et pacem
C
[Die 11 Decembris. S. Damasi I Papae et Confessoris]


[N: 529]
Exaudi, Domine, preces nostras: et sanctorum Martyrum tuorum Euphemiae, Luciae et Geminiani, quorum festa solemniter celebramus, continuis foveamur auxiliis
PC
[Die 16 Sept. Pro Ss. Euphemia Virgine, Lucia et Geminiano Mart.]


[N: 530]
Exaudi, Domine, preces nostras: et, ut digna sint munera, quae oculis tuae maiestatis offerimus, subsidium nobis tuae pietatis impende
SO
[Die 2 Februarii. In Purificatione B. Mariae Virginis]


[N: 531]
Exaudi, Domine, preces nostras: ut redemptionis nostrae sacrosancta commercia, et vitae nobis conferant praesentis auxilium, et gaudia sempiterna concilient
PC
[Feria V infra Octavam Paschae]


[N: 532]
Exaudi, nos Deus salutaris noster: et populum tuum ab iracundiae tuae terroribus liberum, et misericordiae tuae fac largitate securum
PC
[Missae Votivae. Missa pro vitanda mortalitate]


[N: 533]
Exaudi, nos Deus salutaris noster: ut, per huius sacramenti virtutem, a cunctis nos mentis et corporis hostibus tuearis; gratiam tribuens in praesenti, et gloriam in futuro
SO
[Orationes Diversae n 2. Ad poscenda suffragia sanctorum. Alia.]


[N: 534]
Exaudi, nos Deus salutaris noster: ut, sicut de beatae N. Virginis tuae festivitate gaudemus; ita piae devotionis erudiamur affectu
C
[Commune Sanctorum. Pro Virgine tantum. Missa Dilexisti]


[N: 535]
Exaudi nos, misericors Deus: et mentibus nostris gratiae tuae lumen ostende
SP
[Feria VI Quatuor Temporum Quadragesimae]


[N: 536]
Exaudi nos, omnipotens et misericors Deus: et continentiae salutaris propitius nobis dona concede
C
[Feria III post Dominicam III Quadragesimae]


[N: 537]
Exaudi nos, omnipotens et misericors Deus: ut, quod nostro ministratur officio, tua benedictione potius impleatur
C
[Missae Votivae. Missa pro Sponso et Sponsa]


[N: 538]
Exaudi preces familiae tuae, omnipotens Deus: et praesta; ut sancta haec, quae a te sumpsimus, incorrupta in nobis te donante, serventur
PC
[Orationes diversae n 22. Pro remissione peccatorum]


[N: 539]
Exaudi, quaesumus, Domine, plebem tuam: et, quae extrinsecus annua tribuis devotione venerari, interius assequi gratiae tuae luce concede
C
[Die 2 Februarii. In Purificatione B. Mariae Virginis. Oratio post distributionem candelarum]


[N: 540]
Exaudi, quaesumus, Domine, preces nostras, quas in beati N. Confessoris tui atque Pontificis solemnitate deferimus: et, qui tibi digne meruit famulari, eius intercedentibus meritis, ab omnibus nos absolve peccatis
C
[Commune Sanctorum. Pro Confessore Pontifice. Altera missa Sacerdotes tui]


[N: 541]
Exaudi, quaesumus, Domine, supplicum preces, et devoto tibi pectore famulantes, perpetua defensione custodi: ut nullis perturbationibus impediti, liberam servitutem tuis semper exhibeamus officiis
C
[Missae Votivae. In collatione sacrorum Ordinum]


[N: 542]
Excita, Domine, corda nostra ad praeparandas Unigeniti tui vias: ut per eius adventum, purificatis tibi mentibus servire mereamur
C
[Dominica II Adventus]


[N: 543]
Excita, Domine, in Ecclesia tua Spiritum, cui beatus Laurentius Levita servivit: ut, eodem nos repleti, studeamus amare quod amavit, et opere exercere quod docuit
C
[Die 17 Augusti. Pro die Octava S. Laurentii Martyris]


[N: 544]
Excita, quaesumus, Domine, in Ecclesia tua Spiritum, quo repletus beatus Iosaphat Martyr et Pontifex tuus animam suam pro ovibus posuit: ut, eo intercedente, nos quoque eodem Spiritu moti ac roborati, animam nostram pro fratribus ponere non vereamur
C
[Die 14 Novembris. S. Iosaphat Episcopi et Martyris]


[N: 545]
Excita, quaesumus, Domine, potentiam tuam, et veni: et magna nobis virtute succurre; ut per auxilium gratiae tuae, quod nostra peccata praepediunt, indulgentia tuae propitiationis acceleret
C
[Dominica IV Adventus]


[N: 546]
Excita, quaesumus, Domine, potentiam tuam, et veni: ut ab imminentibus peccatorum nostrorum periculis, te mereamur protegente eripi, te liberante salvari
C
[Dominica I Adventus]


[N: 547]
Excita, quaesumus, Domine, potentiam tuam, et veni: ut hi, qui in tua pietate confidunt, ab omni citius adversitate liberentur
C
[Feria VI Quatuor Temporum Adventus]


[N: 548]
Excita, quaesumus, Domine, tuorum fidelium voluntates: ut divini operis fructum propensius exsequentes; pietatis tuae remedia maiora percipiant
C
[Dominica XXIV et ultima post Pentecosten]


[N: 549]
Fac nos, Domine Deus, supereminentem Iesu Christi scientiam, spiritu Pauli Apostoli ediscere: qua beatus Antonius Maria mirabiliter eruditus, novas in Ecclesia tua clericorum et virginum familias congregavit
C
[Die 5 Iulii. S. Antonii Mariae Zaccaria Confessoris]


[N: 550]
Fac nos, Domine Iesu, sanctissimi Cordi tui virtutibus indui, et affectibus inflammari: ut et imagini bonitatis tuae conformes, et tuae redemptionis mereamur esse participes
C
[Missae pro aliquibus locis. FeriaVI post Octavam Corporis Christi. Sacratissimi Cordis Iesu]


[N: 551]
Fac nos, quaesumus, Domine: accepto pignore salutis aeternae, sic tendere congruenter; ut ad eam pervenire possimus
PC
[Feria VI post Dominicam II Quadragesimae]


[N: 552]
Fac nos, quaesumus, Domine, divinitatis tuae sempiterna fruitione repleri: quam pretiosi corporis et sanguinis tui temporalis perceptio praefigurat
PC
[In Festo Ssmi Corporis Christi]


[N: 553]
Fac nos, quaesumus, Domine, his muneribus offerendis convenienter aptari: et per sacratissimi Rosarii mysteria sic vitam, passionem et gloriam Unigeniti tui recolere; ut eius digni promissionibus efficiamur
SO
[Die 7 Octobris. Sacratissimi Rosarii B. Mariae Virginis]


[N: 554]
Fac nos, quaesumus, Domine, his muneribus offerendis convenienter aptari: quibus ipsius venerabilis sacramenti celebramus exordium
SO
[Feria IV Cinerum]


[N: 555]
Fac nos, quaesumus, Domine, sanctorum Martyrum tuorum Primi et Feliciani semper festa sectari: quorum suffragiis protectionis tuae dona sentiamus
C
[Die 9 Iunii. Primi et Feliciani Martyrum]


[N: 556]
Familiam tuam, Deus, suavitas aeterna contingat et vegetet: quae in Martyre tuo Gorgonio Christi Filii tui bono iugiter odore pascatur
PC
[Die 9 Septembris. S. Gorgonii Martyris]


[N: 557]
Familiam tuam, quaesumus, Domine, continua pietate custodi: ut a cunctis adversitatibus, te protegente, sit libera; et in bonis actibus tuo nomini sit devota
C
[Dominica XXI post Pentecosten]


[N: 558]
Familiam tuam, quaesumus, Domine, continua pietate custodi: ut quae in sola spe gratiae caelestis innitur, tua semper protectione muniatur
C
[Dominica V post Epiphaniam]


[N: 559]
Famulis tuis, quaesumus, Domine, caelestis gratiae munus impertire: ut, quibus beatae Virginis partus exstitit salutis exordium; Visitaionis eius votiva solemnitas, pacis tribuat incrementum
C
[Die 2 Iulii. In Visitatione B. Mariae Virginis]


[N: 560]
Famulorum tuorum, quaesumus, Domine, delictis ignosce: ut, qui tibi placere de actibus nostris non valemus; Genitricis Filii tui Domini nostri intercessione salvemur
C
[Die 15 Augusti. In Assumptione B. Mariae Virginis]


[N: 561]
Festina, quaesumus, Domine, ne tardaveris, et auxilium nobis supernae virtutis impende: ut adventus tui consolationibus subleventur, qui in tua pietate confidunt
C2
[Feria IV Quatuor Temporum Adventus]


[N: 562]
Fiat, Domine, quaesumus, per gratiam tuam fructuosus nostrae devotionis affectus: quia tunc nobis proderunt suscepta ieiunia, si tuae sint placita pietati
C
[Sabbato post Dominicam IV Quadragesimae]


[N: 563]
Fiat tibi, quaesumus, Domine, hostia sacranda placabilis, pretiosi celebritate martyrii: quae et peccata nostra purificet, et tuorum tibi vota conciliet famulorum
SO
[Die 9 Iunii. Ss. Primi et Feliciani Martyrum]


[N: 564]
Fideles tui, Deus, per tua dona firmentur: ut eadem et percipiendo requirant, et quaerendo sine fine percipiant
PC
[Dominica in Septuagesima]


[N: 565]
Fideles tuos, Deus, benedictio desiderata confirmet: quae eos, et a tua voluntate numquam faciat discrepare, et tuis semper indulgeat beneficiis gratulari
SP
[Sabbato Quatuor Temporum Quadragesimae]


[N: 566]
Fideles tuos, quaesumus, Domine, intercedentibus beatis Virginibus N. et N., ita corpore et mente purifica: ut a noxiis delectationibus elongentur, ac tua iugiter suavitate pascantur
C
[Commune Sanctorum pro aliquibus locis. Pro Virginibus tantum. Missa Virgines laudant. Alia oratio]


[N: 567]
Fidelium, Deus, omnium conditor et redemptor: animabus famulorum, famularumque tuarum remissionem cunctorum tribue peccatorum; ut indulgentiam, quam semper optaverunt, piis supplicationibus consequantur
C
[Die 2 Novembris. In Commemoratione omnium Fidelium defunctorum. Ad primam missam]


[N: 568]
Fons vitae, Domine Iesu, reple mentem nostram torrente voluptatis tuae: ut, beatissimae semper Virginis Mariae Consolationis Matris praesidio terrena calcantes, caelestibus semper recreari valeamus
PC
[Missae pro aliquibus locis. Sabbato post Festum S. Augustini E.C.D. B. Mariae Virginis de Consolatione]


[N: 569]
Fragilitatem nostram, Domine, caelestis haec mensa fortium pane confirmet: qui beati Martyris et Sacerdotis tui Ioannis tentatam contra honorem sacramenti constantiam, iugiter aluit ad victoriam
PC
[Missae pro aliquibus locis. Die 16 Maii. S. Ioannis Nepomuceni Martyris]


[N: 570]
Fraterna nos, Domine, Martyrum tuorum corona laetificet: quae et fidei nostrae praebeat incrementa virtutum; et multiplici nos suffragio consoletur
C
[Die 1 Augusti. Pro Ss. Machabaeis Martyribus]


[N: 571]
Gloriam, Domine, sanctorum Apostolorum tuorum Simonis et Iudae perpetuam venerantes: quaesumus; ut eam, sacris mysteriis expiati, dignius celebremus
SO
[Die 28 Octobris. Ss. Simonis et Iudae Apostolorum]


[N: 572]
Grata tibi sit, Domine, nostrae servitutis oblatio: pro qua sanctus Gorgonius Martyr interventor exsistat
SO
[Die 9 Septembris. S. Gorgonii Martyris]


[N: 573]
Gratia tua nos, quaesumus, Domine, non derelinquat: quae et sacrae nos deditos faciat servituti, et tuam nobis opem semper acquirat
PC
[Feria V post Dominicam II Quadragesimae]


[N: 574]
Gratiam Spiritus Sancti, Domine Deus, cordibus nostris clementer infunde: quae nos gemitibus lacrimarum efficiat maculas nostrorum diluere peccatorum; atque optatae nobis, te largiente, indulgentiae praestet effectum
PC
[Orationes Diversae n 21. Pro petitione lacrimarum]


[N: 575]
Gratiam tuam, quaesumus, Domine, mentibus nostris infunde: ut qui, Angelo nuntiante, Christi Filii tui incarnationem cognovimus; per passionem eius et crucem, ad resurrectionis gloriam perducamur
PC
[Die 25 Martii. In Annuntiatione B. Mariae Virginis]


[N: 576]
Gratias tibi referimus Domine, sacro munere vegetati: tuam misericordiam deprecantes; ut dignos nos eius participatione perficias
PC
[Dominica XVIII post Pentecosten ]
(bis) Gregem tuum, Pastor aeterne, placatus intende: et per beatum N. (Martyrem tuum atque) Summum Pontificem, perpetua protectione custodi; quem totius Ecclesiae praestitisti esse pastorem
(bis) C
[(bis) Commune unius aut plurium Summorum Pontificum]

[N: 577]
Guberna, quaesumus, Domine, temporalibus alimentis: quos dignaris aeternis informare mysteriis
PC
[Orationes Diversae n 14. Tempore famis]


[N: 578]
Haec, Domine, oblatio salutaris famulum tuum N. regem nostrum ab omnibus tueatur adversis: quatenus et ecclesiasticae pacis obtineat tranquillitatem; et post huius temporis decursum, ad aeternam perveniat hereditatem
PC
[Orationes Diversae n 6. Pro Rege]


[N: 579]
Haec dona devotae plebis, Domine, quibus tua cumulamus altaria, beati Francisci meritis tibi grata, nobisque salutaria, te miserante, reddantur
SO
[Die 2 Aprilis. S. Francisci de Paula Confessoris]


[N: 580]
Haec hostia, Domine, placationis et laudis, tua nos protectione dignos efficiat
SO
[Feria II post Dominicam II Quadragesimae]


[N: 581]
Haec hostia, Domine, quaesumus, emundet nostra delicta: et ad sacrificium celebrandum, subditorum tibi corpora, mentesque sanctificet
SO
[Dominica III post Epiphaniam]


[N: 582]
Haec hostia salutaris, Domine, illam nobis in rebus arduis conferat fortitudinem, cuius beata Ioanna, sub tanta discrimunum varietate, tam insignia praebuit exempla: ut, ad inimicos repellendos, etiam belli pericula subire non dubitaverit
SO
[Missae pro aliquibus locis. Die 30 Maii. S. Ioannae de Arc Virg.]


[N: 583]
Haec in nobis sacrificia, Deus, et actione permaneant, et operatione firmentur
SO
[Feria VI post Dominicam II Quadragesimae]


[N: 584]
Haec munera, Domine, mediator noster Iesus Christus Tibi reddat accepta; et nos, una secum, hostias tibi gratas exhibeat
SO
[Missae Votivae. Feria V. Domini nostri Iesu Christi Summi et Aeterni Sacerdotis]


[N: 585]
Haec munera, quaesumus, Domine, et vincula nostrae pravitatis absolvant, et tuae nobis misericordiae dona concilient
SO
[Dominica de Passione]


[N: 586]
Haec munera, quaesumus, Domine, quae oculis tuae maiestatis offerimus, salutaria nobis esse concede
SO
[Dominica XIX post Pentecosten]


[N: 587]
Haec nos communio, Domine, eruat a delictis: et ab inimicorum defendat insidiis
PC
[Orationes Diversae n 31. Pro inimicis]


[N: 588]
Haec nos communio, Domine, purget a crimine: et caelestis remedii faciat esse consortes
PC
[Feria II post Dominicam II Quadragesimae]


[N: 589]
Haec nos oblatio, Deus, mundet, quaesumus, et renovet, gubernet, et protegat
SO
[Dominica VI post Epiphaniam]


[N: 590]
Haec nos, quaesumus, Domine, divini sacramenti perceptio protegat: et famulum tuum N., quem pastorem Ecclesiae tuae praesse voluisti; una cum commisso sibi grege, salvet semper, et muniat
PC
[Missae Votivae. In die Creationis et Coronationis Papae et in eorum dierum anniversario]


[N: 591]
Haec oblatio, Domine, per salutiferam beatissimae Unigeniti Filii tui Genitricis intercessionem, nos in tua gratia confirmet, et a malis omnibus reddat immunes
SO
[Missae pro aliquibus locis. Sabbato ante Dominicam ultimam Augusti. B. Mariae Virginis titulo Salus Infirmorum]


[N: 592]
Haec oblatio, Domine, quaesumus, ab omnibus nos purget offensis: quae in ara Crucis etiam totius mundi tulit offensam
SO
[Missae Votivae. Feria VI. Missa de S. Cruce]


[N: 593]
Haec oblatio, Domine, quaesumus, verae nobis humilitatis gratiam obtineat: simulque a cordibus nostris concupiscentiam carnis et oculorum, atque ambitionem saeculi auferat: quatenus sobrie, iuste, pieque viventes, praemia consequamur aeterna
SO
[Orationes Diversae n 27. Ad postulandam humilitatem]


[N: 594]
Haec oblatio, quaesumus, Domine, cordis nostri maculas emundet: ut Sancti Spiritus digna efficiatur habitatio
SO
[Missae Votivae. Missa ad postulandam gratiam Spiritus Sancti]


[N: 595]
Haec sacra nos, Domine, potenti virtute mundatos, ad suum faciant puriores venire principium
SO
[Dominica I Adventus]


[N: 596]
Haec tua, Domine, sacra mysteria illum in nobis, quaesumus, ignem accendant: quo inclytus Martyr et Sacerdos tuus Ioannes, ea peragendo, flagrabat
SO
[Missae pro aliquibus locis. Die 16 Maii. S. Ioannis Nepomuceno]


[N: 597]
Haec tua, Domine, sumpta sacra communio: sicut fidelium in te unionem praesignat;sic in tua Ecclesia unitatis, quaesumus, operetur effectum
PC
[Missae Votivae. Missa ad tollendum schisma]


[N: 598]
Hanc nostrae oblationis hostiam, Deus, gratam oculis tuae maiestatis efficiant beatorum N. et N. Pontificum expetita suffragia: qui digne in hoc saeculo sacrificia tibi, ac preces in salutem populi obtulerunt
SO
[Commune Sanctorum pro aliquibus locis. Commune plurium Confessorum Pontificum. Missa Sacerdotes Sion. Alia secreta]


[N: 599]
Hanc oblationem, omnipotens Deus, beati Venantii merita tibi reddant acceptam: ut, ipsius subsidiis adiuti, gloriae eius consortes efficiamur
SO
[Die 18 Maii. S. Venantii Martyris]


[N: 600]
Hanc oblationem, quaesumus, Domine Deus, quam tuae maiestati pro peccatis nostris offerimus, propitius respice: et produc de oculis nostris lacrimarum flumina, quibus debita flammarum incendia valeamus exstinguere
SO
[Orationes Diversae n 21. Pro petitione lacrimarum]


[N: 601]
Has, quaesumus, Domine, hostias sancti Ioannis Confessoris tui meritis benignus assume: et praesta; ut te super omnia, et omnes propter te diligentes, corde tibi et opere placeamus
SO
[Die 20 Octobris. S. Ioannis Cantii Confessoris]


[N: 602]
Has tibi, Domine, offerimus oblationes pro salute nostra: quatenus animas nostras ab immundis cogitationibus purges, illaesasque custodias, et Sancti Spiritus gratia illuminare digneris
SO
[Orationes Diversae n 25. Ad repellendas mala cogitationes]


[N: 603]
His, Domine, quaesumus, placatus intende muneribus: et quod ad laudem tui nominis supplicantes offerimus, ad indulgentiam proficiat defunctorum
SO
[Orationes Diversae pro Defunctis n 17. Pro pluribus defunctis Alia]


[N: 604]
His nobis, Domine, mysteriis conferatur, quo terrena desideria mitigantes, discamus amare caelestia
SO
[Dominica III Post Pascha]


[N: 605]
His sacrificiis, Domine, concede placatus: ut, qui propriis oramus absolvi delictis, non gravemur externis
SO
[Sabbato post Dominicam II Quadragesimae]


[N: 606]
His sacrificiis, quaesumus, Domine, anima famulae tuae N. a peccatis omnibus exuatur, sine quibus a culpa nemo liber exstitit: ut, per haec piae placationis officia, perpetuam misericordiam consequatur
SO
[Orationes Diverdae pro Defunctis n 10. Pro una defuncta]


[N: 607]
His sacrificiis, quaesumus, omnipotens Deus, propitiatus intende: et beata Catharina intercedente, spiritum in nobis tuae dilectionis accende
SO
[Missae pro aliquibus locis. Die 22 Martii. S. Catharinae Fliscae Adurnae Viduae]


[N: 608]
His sacrificiis, quaesumus, omnipotens Deus, purgata anima famuli tui N. Episcopi, ad indulgentiam et refrigerium sempiternum pervenire mereatur
PC
[Orationes Diversae pro Defunctis n 6. Item pro defuncto Episcopo]


[N: 609]
Hostia immaculata, qua illud Domini nostri Iesu Christi immensae caritatis opus renovamus, sit, Deus Pater omnipotens, sancto Camillo intercedente, contra omnes corporis et animae infirmitates salutare remedium, et in extremo agone solatium et tutela
SO
[Die 18 Iulii. S. Camilli de Lellis Confessoris]


[N: 610]
Hostia laudis, quam tibi, Domine, per merita gloriosae et immaculatae Virginis offerimus, sit tibi in odorem suavitatis, et nobis optatam conferat corporis et animae sanitatem
SO
[Die 11 Februarii. In Apparitione B. Mariae Virginis Immaculatae]


[N: 611]
Hostia nomini tuo, Domine, reverenter exhibita, glorioso beatarum Virginum et Martyrum tuarum N. et N. suffragio commendetur: quae se tibi gratas pudoris et fidei victimas immolarunt
SO
[Commune Sanctorum pro aliquibus locis. Pro Virginibus et Martyribus. Missa Deus meus. Alia secreta]


[N: 612]
Hostia salutari refecti: te, Domine, supplices exoramus; ut eadem, beati Augustini interveniente suffragio, in omni loco nomini tuo iugiter immoletur
PC
[Die 28 Maii. S. Augustini Episcopi et Confessoris]


[N: 613]
Hostiam tibi, Domine, humanae reconciliationis offerimus: praesta, quaesumus; ut Quem sacrificiis praesentibus immolamus, Ipse cunctis gentibus unitatis et pacis dona concedat, Iesus Christus Filius tuus Dominus noster
SO
[Dominica ultima Octobris. Domini nostri Iesu Christi Regis]


[N: 614]
Hostias ad altare tuum offerentibus, Domine, da nobis illum pietatis affectum, quem beatis N. et N. Confessoribus tuis infudisti: ut pura mente ac fervido corde rei sacrae attendamus, et sacrificium tibi placitum nobisque proficuum immolemus
SO
[Commune Sanctorum pro aliquibus locis. Commune plurium Confessorum non Pontificum. Missa Confiteantur tibi]


[N: 615]
Hostias, Domine, quas tibi offerimus, propitius respice: et per haec sancta commercia, vincula peccatorum nostrorum absolve
SO
[Feria IV post Dominicam II Quadragesimae]


[N: 616]
Hostias, Domine, tuae plebis intende: et, quas in honore Sanctorum tuorum devota mente celebrat, proficere sibi sentiat ad salutem
SO
[Die 30 Augusti. Pro Ss. Felice et Adaucto Martyribus]


[N: 617]
Hostias nostra, quaesumus, Domine, tibi dicatas placatus assume: et ad perpetuum nobis tribue provenire subsidium
SO
[Dominica I post Pentecosten]


[N: 618]
Hostias, quaesumus, Domine, placatus assume: quas et pro renatorum expiatione peccati deferimus, et pro acceleratione caelestis auxilii
SO
[Feria VI infra Octavam Paschae]


[N: 619]
Hostias, quaesumus, Domine, propitius intende, quas sacris altaribus exhibemus: ut nobis indulgentiam largiendo, tuo nomini dent honorem
SO
[Dominica XII post Pentecosten]


[N: 620]
Hostias, quaesumus, Domine, quas tibi pro animabus famulorum, famularumque tuarum offerimus, propitiatus intende: ut, quibus fidei christianae meritum contulisti, dones et praemium
SO
[Die 2 Novembris. In Commemoratione omnium Fidelium defunctorum. Ad primam missam]


[N: 621]
Hostias tibi, Domine, deferimus immolandas: quae temporalem consolationem significent; ut promissa non desperemus aeterna
SO
[Feria III post Dominicam Passionis]


[N: 622]
Hostias tibi, Domine, in odorem suavitatis offerimus: et praesta; ut beati Roberti monitis et exemplis edocti, per semitam mandatorum tuorum dilatato corde curramus
SO
[Die 13 Maii. S. Roberti Bellarmini Ep., Conf. et Eccl. Doct.]


[N: 623]
Hostias tibi, Domine, laudis offerimus, suppliciter deprecantes: ut easdem, angelico pro nobis interveniente suffragio, et placatus accipias, et ad salutem nostram provenire concedas
SO
[Die 8 Maii. In Apparitione S. Michaelis Archangeli]


[N: 624]
Hostias tibi, Domine, placationis offerimus: ut et delicta nostra miseratus absolvas, et nutantia corda tu dirigas
SO
[Dominica V post Epiphaniam]


[N: 625]
Hostias tibi, Domine, pro nati Filii tui apparitione deferimus, suppliciter exorantes: ut, sicut ipse nostrorum auctor est munerum, ita sit ipse misericors et susceptor, Iesus Christus Dominus noster
SO
[Die 13 Ianuarii. In Octava Epiphaniae]


[N: 626]
Hostias tibi, Domine, pro sanctorum Martyrum tuorum Felicis, Simplicii, Faustini et Beatricis commemoratione deferimus: suppliciter deprecantes; ut indulgentiam nobis pariter conferant, et salutem
SO
[Die 29 Iulii. Pro Ss. Felice II Papa, Simplicio, Faustino et Beatrice Martyrum]


[N: 627]
Hostias tibi, Domine, quas nomini tuo sacrandas offerimus, sancti Matthiae Apostoli tui prosequatur oratio: per quam nos expiari facias et defendi
SO
[Die 24 vel 25 Februarii. S. Matthiae Apostoli]


[N: 628]
Hostium nostrorum, quaesumus, Domine, elide superbiam: et eorum contumaciam dexterae tuae virtute prosterne
C
[Orationes Diversae n 11. Contra persecutores et male agentes]


[N: 629]
Huius, Domine, virtute sacramenti, peccatorum meorum maculas absterge: et praesta; ut ad exsequendum iniuncti officii ministerium, me tua gratia dignum efficiat
SO
[Orationes Diversae n 20. Pro seipso sacerdote]


[N: 630]
Huius nos, Domine, perceptio sacramenti mundet a crimine: et ad caelestia regna perducat
PC
[Feria VI post Dominicam III Quadragesimae]


[N: 631]
Huius nos, Domine, sacramenti semper novitas natalis instauret: cuius Nativitas singularis humanam repulit vetustatem
PC
[Die 25 Dec. In Nativitate Domini. Ad secudam missam in Aurora]


[N: 632]
Huius sancti sacrificii meritis fac nos, quaesumus, Domine, divina institutione formatos curam orationi tam efficaciter impendere: ut Iesu Christus Filius tuus in exitu nostro vigiles nos, et a culpa solutos inveniat
SO
[Missae pro aliquibus locis. Feria III post Dominicam Septuagesimae. Orationis Domini nostri Iesu Christi]


[N: 633]
Illo nos amoris igne, quaesumus, Domine, haec hostia salutaris inflammet: quo beatae Ioannae Franciscae cor vehementer incendit, et flammis adussit aeternae caritatis
SO
[Die 21 Augusti. S. Ioannae Franciscae Fremiot de Chantal]


[N: 634]
Illo nos, Domine, amoris igne caeleste mysterium inflammet: quo sancta Teresia Virgo tua se tibi pro hominibus caritatis victimam devovit
PC
[Die 3 Octobris. S. Teresiae a Iesu Infante Virginis]


[N: 635]
Illo nos igne, quaesumus, Domine, Spiritus Sanctus inflammet: quem Dominus noster Iesus Christus misit in terram, et voluit vehementer accendi
C2
[Sabbato Quatuor Temporum Pentecostes]


[N: 636]
Immaculatam hostiam tibi, Domine, offerimus deprecantes: ut, sancti Leonardi Confessoris interveniente suffragio, semper in nobis dilecti Filii tui passionis memoria perseveret et fructus
SO
[Missae pro aliquibus locis. Die 26 Novembris. S. Leonardii a Portu Mauritio Confessoris]


[N: 637]
Immortalitatis alimoniam consecuti, quaesumus, Domine: ut, qui sub Christi Regis vexillis militare gloriamur, cum Ipso, in caelesti sede, iugiter regnare possimus
PC
[Dominica ultima Octobris. Domini nostri Iesu Christi Regis]


[N: 638]
Immortalitatis alimoniam consecuti, quaesumus, Domine: ut, quod ore percepimus, pura mente sectemur
PC
[Dominica XXI post Pentecosten]


[N: 639]
Imploramus, Domine, clementiam tuam: ut haec divina subsidia, a vitiis expiatos, ad festa ventura nos praeparent
PC
[Dominica III Adventus]


[N: 640]
Imploramus, Domine, clementiam tuam: ut Sanctorum tuorum, quorum Reliquias veneramur, suffragantibus meritis, hostia, quam offerimus, nostrorum sit expiatio delictorum
SO
[Missae pro aliquibus locis. Die 5 Novembris. Sacrarum Reliquiarum]


[N: 641]
In mentibus nostris, quaesumus, Domine, verae fidei sacramenta confirma: ut, qui conceptum de Virgine Deum verum et hominem confitemur; per eius salutiferae resurrectionis potentiam, ad aeternam mereamur pervenire laetitiam
SO
[Die 25 Martii. In Annuntiatione B. Mariae Virginis]


[N: 642]
In tuorum, Domine, pretiosa morte iustorum sacrificium illud offerimus, de quo martyrium sumpsit omne principium
SO
[Feria V post Dominicam III Quadragesimae]


[N: 643]
Inchoata ieiunia, quaesumus, Domine, benigno favore prosequere: ut observantiam, quam corporaliter exhibemus, mentibus etiam sinceris exercere valeamus
C
[Feria VI post Cineres]


[N: 644]
Inclina, Domine, aurem tuam ad preces nostras, quibus misericordiam tuam supplices deprecamur: ut animam famuli tui N. Diaconi Cardinalis, quam de hoc saeculo migrare iussisti, in pacis ac lucis regione constituas, et Sanctorum tuorum iubeas esse consortem
C
[Orationes Diversae pro Defunctis n 5. Pro Diacono Cardinali, qui in ordine presbyteratus non fuerit constitutus]


[N: 645]
Inclinantes se, Domine, maiestati tuae, propitiatus intende: ut, qui divino munere sunt refecti, caelestibus semper mutriantur auxiliis
SP
[Feria IV Cinerum]


[N: 646]
Indignos nos, quaesumus, Domine, famulos tuos, quos actionis propriae culpa contristat, unigeniti Filii tui adventu laetifica
C3
[Sabbato Quatuor Temporum Adventus]


[N: 647]
Indulgentiam nobis, quaesumus, Domine, beata N. Virgo et Martyr imploret: quae tibi grata semper exstitit, et merito castitatis, et tuae professione virtutis
C
[Commune Sanctorum. Pro Virgine et Martyre. Altera missa Me expectaverunt]


[N: 648]
Ineffabilem misericordiam tuam, Domine, nobis, clementer ostende: ut simul nos et a peccatis omnibus exuas; et a poenis, quas pro his meremur, eripias
C
[Missae Votivae. Pro quacumque necessitate]


[N: 649]
Infirmitatem nostram respice, omnipotens Deus: et, quia pondus propriae actionis gravat, beatorum Martyrum tuorum Fabiani et Sebastiani intercessio gloriosa nos protegat
C
[Die 20 Ianuarii. Ss. Fabiani Papae et Sebastiani Martyrum]


[N: 650]
Intende, quaesumus, Domine, munera altaribus tuis pro sanctarum Virginum et Martyrum tuarum N. et N. festivitate proposita: ut, sicut per haec beata mysteria illis gloriam contulisti; ita nobis indulgentiam largiaris
SO
[Commune Sanctorum. Pro pluribus Virginibus Martyribus]


[N: 651]
Intercessio nos, quaesumus, Domine, beati N. Abbatis commendet: ut, quod nostris meritis non valemus, eius patrocinio assequamur
C
[Commune Sanctorum. Commune Abbatum. Missa Os iusti]


[N: 652]
Interveniat pro nobis, quaesumus, Domine Iesu Christe: nunc, et in hora mortis nostrae, apud tuam clementiam beata Virgo Maria Mater tua; cuius sacratissimam animam in hora tuae passionis doloris gladium pertransivit
C
[Feria VI post Dominicam Passionis. Septem Dolorum B. Mariae Virginis. In Missis Votivis]


[N: 653]
Interveniat pro nobis, quaesumus, Domine, sanctus tuus Lucas Evangelista: qui crucis mortificationem iugiter in suo corpore, pro tui nominis honore, portavit
C
[Die 18 Octobris. S. Lucae Evangelistae]


[N: 654]
Inveniat, quaesumus, Domine, anima famulae tuae N. lucis aeternae consortium: cuius perpetuae misericordiae consecuta est sacramentum
PC
[Orationes Diversae pro Defunctis n 10. Pro una defuncta]


[N: 655]
Ipse tibi, quaesumus, Domine sancte, Pater omnipotens, aeternae Deus, sacrificium nostrum reddat acceptum, qui discipulis suis in sui commemorationem hoc fieri hodierna traditione monstravit, Iesus Christus Filius tuus Dominus noster
SO
[Feria V in Cena Domini]


[N: 656]
Ieiunia nostra, quaesumus, Domine, benigno favore prosequere: ut, sicut ab alimentis abstinemus in corpore; ita a vitiis ieiunemus in mente
C
[Feria VI post Dominicam III Quadragesimae]


[N: 657]
Iesu Christi Domini nostri corpore et sanguine saginandi, per quem Crucis est sanctificatus vexillum: quaesumus, Domine Deus noster; ut, sicut illud adorare meruimus, ita perenniter eius gloriae salutaris potiamur effectu
SO
[Die 14 Septembris. In Exaltatione Crucis]


[N: 658]
Laetetur Ecclesia tua, Deus, beati Agapiti Martyris tui confisa suffragiis: atque, eius precibus gloriosis, et devota permaneat, et secura consistat
C
[Die 18 Augusti. Pro S. Agapito Martyre]


[N: 659]
Laetificet nos, Domine, munus oblatum: ut, sicut in Apostolo tuo Petro te mirabilem praedicamus; sic per illum tuae sumamus indulgentiae largitatem
PC
[Die 18 Ianuarii. In Cathedra S. Petri Apostoli Romae]


[N: 660]
Largire nobis, quaesumus, Domine, semper spiritum cogitandi quae recta sunt, propitius et agendi: ut, qui sine te esse non possumus, secundum te vivere valeamus
C
[Dominica VIII post Pentecosten]


[N: 661]
Largire, quaesumus, Domine, fidelibus tuis indulgentiam placatus et pacem: ut pariter ab omnibus mundentur offensis, et secura tibi mente deserviant
C
[Dominica XX post Pentecosten]


[N: 662]
Largire sensibus nostris, omnipotens Deus: ut, per temporalem Filii tui mortem, quam mysteria veneranda testantur, vitam te nobis dedisse perpetuam confidamus
PC
[Feria IV Maioris Hebdomadae]


[N: 663]
Laudis hostia, Domine, quam pro sancto Ignatio gratias agentes obtulimus: ad perpetuam nos maiestatis tuae laudationem, eius intercessione, perducat
PC
[Die 31 Iulii. S. Ignatii Confessoris]


[N: 664]
Laudis tibi, Domine, hostias immolamus in tuorum commemoratione Sanctorum: quibus nos et praesentibus exui malis confidimus et futuris
SO
[Commune Sanctorum. Pro Confessore non Pontifice. Missa Os iusti]


[N: 665]
Laudis tibi, Domine, hostias immolamus, suppliciter deprecantes: ut, qui cum beatissima matre Virgine Maria in Aegyptum exsul deferri voluisti; exsules nos, eadem beata Virigine intercedente, ad caelestem patriam benignus perducas
SO
[Missae pro aliquibus locis. Die 17 Februarii. Fugae Domini nostri Iesu Christi in Aegyptum]


[N: 666]
Libera, quaesumus, Domine, a peccatis et hostibus famulos tuos, tibi supplicantes: ut, in sancta conversatione viventes, nullis afficiantur adversis
PC
[Orationes diversae n 3. Pro omni gradu Ecclesiae]


[N: 667]
Magnificet te, Domine, sanctorum tuorum Cosmae et Damianae beata solemnitas: qua et illis gloriam sempiternam, et opem nobis ineffabili providentia contulisti
C
[Feria V post Dominicam III Quadragesimae]


[N: 668]
Maiestatem tuam, Domine, supplices exoramus: ut, sicut nos iugiter Sanctorum tuorum commemoratione laetificas; ita semper supplicatione defendas
C
[Die 30 Augusti. Pro Ss. Felice et Adaucto Martyribus]


[N: 669]
Maiestatem tuam, Domine, suppliciter deprecamur: ut haec sancta, quae gerimus, et a praeteritis nos delictis exuant, et futuris
SO
[Dominica XVII post Pentecosten]


[N: 670]
Maiestatem tuam, Domine, suppliciter exoramus: ut, sicut Ecclesiae tuae beatus Andreas Apostolus exstitit praedicator et rector; ita apud te sit pro nobis perpetuus intercessor
C
[Die 30 Novembris. S. Andreae Apostoli]


[N: 671]
Maiestatem tuam nobis, Domine, quaesumus, haec hostia reddat immolanda placatam, tuorum digna postulatione Sanctorum
SO
[Die 7 Octobris. Pro Ss. Sergio, Baccho, Marcello et Apuleio Mart.]


[N: 672]
Maiestati tuae, Domine, Agnum immaculatum offerentes, quaesumus: ut corda nostra ignis ille divinus accendat, qui Cor beatae Mariae Viriginis ineffabiliter inflammavit
SO
[Die 22 Augusti. Purissimi Cordis B. Mariae Virginis]


[N: 673]
Maiestati tuae, quaesumus, Domine, accepta sint dona: in quibus ipsa Unigeniti tui Vulnera tibi offerimus, nostrae pretia libertatis
SO
[Missae pro aliquibus locis. Feria VI post Dominicam III Quadragesimae. Sacrorum Quinque Vulnerum Domini nostri Iesu Christi]


[N: 674]
Matris tuae ac mediatricis nostrae precibus, Domine, quaesumus: haec hostiarum oblatio nosmetipsos, tua gratia largiente, tibi perficiat munus aeternum
SO
[Missae pro aliquibus locis. Die 31 Maii B. Mariae Virginis Omnium Gratiarum Mediatricis]


[N: 675]
Mensa caelestis, omnipotens Deus, intercedentibus beatorum N. et N. Pontificum meritis, supernas in omnibus vires firmet et augeat; ut et fidei donum integrum custodiamus, et per ostensum salutis tramitem ambulemus
PC
[Commune Sanctorum pro aliquibus locis. Commune plurium Confessorum Pontificum. Missa Sacerdotes Sion]


[N: 676]
Mensae caelestis participes effecti, imploramus clementiam tuam, Domine Deus noster: ut, qui Assumptionem Dei Genitricis colimus, a cunctis malis imminentibus eius intercessione liberemur
PC
[Die 15 Augusti. In Assumptione B. Mariae Virginis]


[N: 677]
Mentes nostras, et corpora possideat, quaesumus, Domine, doni caelestis operatio: ut non noster sensus in nobis, sed iugiter eius praeveniat effectus
PC
[Dominica XV post Pentecosten]


[N: 678]
Mentes nostras, quaesumus, Domine, lumine tuae claritatis illustra: ut videre possimus, quae agenda sunt; et, quae recta sunt, agere valeamus
SP
[Feria IV Quatuor Temporum Quadragesimae]


[N: 679]
Mentes nostras, quaesumus, Domine, Paraclitus, qui a te procedit, illuminet: et inducat in omnem, sicut tuus promisit Filius, veritatem
C1
[Feria IV Quatuor Temporum Pentecostes]


[N: 680]
Mentes nostras, quaesumus, Domine, Spiritus Sanctus divinis reparet sacramentis: quia ipse est remissio omnium peccatorum
PC
[Feria III infra Octavam Pentecostes]


[N: 681]
Mentibus nostris, quaesumus, Domine, Spiritum Sanctum benignus infunde: cuius et sapientia conditi sumus, et providentia gubernamur
C1
[Sabbato Quatuor Temporum Pentecostes]


[N: 682]
Miserere, Domine, populo tuo: et continuis tribulationibus laborantem, propitius respirare concede
SP
[Feria III post Dominicam IV Quadragesimae]


[N: 683]
Miserere, quaesumus, Domine, famulis et famulabus tuis, pro quibus hoc sacrificium laudis tuae offerimus maiestati: ut per haec sancta, supernae benedictionis gratiam obtineant, et gloriam aeternae beatitudinis acquirant
SO
[Orationes Diversae n 30. Pro devotis amicis]


[N: 684]
Misericordiae tuae remediis, quaesumus, Domine, fragilitas nostra subsistat: ut, quae sua conditione atteritur, tua clementia reparetur
C1
[Feria IV Quatuor Temporum Septembris ]
(bis) Multiplica, quaesumus, Domine, in Ecclesia tua spiritum gratiae, quem dedisti: ut beati N. (Martyris tui atque) Summi Pontificis deprecatione nec pastori oboedientia gregis nec gregi desit cura pastoris
(bis) PC
[(bis) Commune unius aut plurium Summorum Pontificum]

[N: 685]
Multiplica super nos, quaesumus, Domine, per haec sancta, quae sumpsimus, misericordiam tuam: ut, sicut in tuorum solemnitate Sanctorum, quorum Reliquias colimus, pia devotione laetamur; ita eorum perpetua societate, te largiente, fruamur
PC
[Missae pro aliquibus locis. Die 5 Nov. Sacrarum Reliquiarum]


[N: 686]
Munda nos, quaesumus, Domine, sacrificii praesentis effectu: et perfice miseratus in nobis; ut eius mereamur esse participes
SO
[Dominica XVI post Pentecosten]


[N: 687]
Mundet et muniat nos, quaesumus, Domine, divini sacramenti munus oblatum: et intercedente beata Virgine Dei Genitrice Maria, cum beato Ioseph, beatis Apostolis tuis Petro et Paulo, atque beato N. et omnibus Sanctis; a cunctis nos reddat et perversitatibus expiatos, et adversitatibus expeditos
PC
[Orationes Diversae n 2. Alia ad poscenda suffragia sanctorum]


[N: 688]
Munera, Domine, quae pro Apostolorum tuorum Philippi et Iacobi solemnitate deferimus, propitius suscipe: et mala omnia, quae meremur, averte
SO
[Die 1 Maii. Ss. Philippi et Iacobi Apostolorum]


[N: 689]
Munera, Domine, quaesumus, oblata sanctifica: ut et nobis Unigeniti tui corpus et sanguis fiant; et regi nostro ad obtinendam animae, corporisque salutem, et peragendum iniunctum officium, te largiente, usquequaque proficiant
SO
[Orationes Diversae n 6. Pro rege]


[N: 690]
Munera haec pro unione populi christiani tibi, Domine, oblata sanctifica: per quae unitatis et pacis in Ecclesia tua nobis dona concedas
SO
[Missae Votivae. Missa ad tollendum schisma]


[N: 691]
Munera nos, Domine, quaesumus, oblata purificent: et te nobis iugiter faciant esse placatum
SO
[Feria VI post Dominicam IV Quadragesimae]


[N: 692]
Munera nostra, Domine, apud clementiam tuam Dei Genitricis commendet oratio: quam idcirco de praesenti saeculo transtulisti; ut pro peccatis nostris apud te fiducialiter intercedat
SO
[Die 14 Augusti. In Vigilia Assumptionis B. Mariae Virginis]


[N: 693]
Munera nostra, Domine, apud tuam clementiam immaculatae Dei Genitricis commendet oratio: quam ab omni originali labe praeservasti; ut dignum Filii tui habitaculum effici mereretur
SO
[Die 7 Dec. In Vigilia Conceptionis immaculatae B. Mariae Virginis]


[N: 694]
Munera nostra, Domine Deus, benignus suscipe: quorum mirabile mysterium sanctus martyr Iustinus adversum impiorum calumnias strenue defendit
SO
[Die 14 aprilis. S. Iustini Martyris]


[N: 695]
Munera nostra, Domine, sacris altaribus offerentes, quaesumus, clementiam tuam: ut eadem suffragantibus beatorum N. et N. Pontificum meritis, et supremam tibi gloriam operentur, et uberrimam nobis gratiam assequantur
SO
[Commune Sanctorum pro aliquibus locis. Commune plurium Confessorum Pontificum. Missa Sacerdotes Sion]


[N: 696]
Munera nostra, omnipotens Deus, benignus respice: et, intercedente beato Cyrillo, praesta; ut unigenitum tuum Iesum Christum Dominum nostrum in tua tecum gloria coaeternum, in cordibus nostris digne suscipere mereamur
SO
[Die 9 Febr. S. Cyrilli Ep. Alexandrini, Conf. et Eccl. Doct.]


[N: 697]
Munera nostra, quaesumus, Domine, beatae Mariae Magdalenae gloriosa merita tibi reddant accepta: cuius oblationis obsequium unigenitus Filius tuus clementer suscepit impensum
SO
[Die 22 Iulii. S. Mariae Magdalenae Paenitentis]


[N: 698]
Munera nostra, quaesumus, Domine, Nativitatis hodiernae mysteriis apta proveniant, et pacem nobis semper infundant: ut, sicut homo genitus idem refulsit et Deus, sic nobis haec terrena substantia conferat, quod divinum est
SO
[Die 25 Dec. In Nativitate Domini. Ad secundam missam in Aurora]


[N: 699]
Munera nostrae oblationis, quaesumus, Domine, suscipe placatus: quae, ut nobis patientiae donum largiri digneris, maiestati tuae devota offerimus actione
SO
[Orationes Diversae n 28. Ad postulandam patientiam]


[N: 700]
Munera plebis tuae, quaesumus, Domine, sanctorum Martyrum tuorum Naboris et Felicis fiant grata suffragiis: et quorum triumphis tuo nomini offeruntur, ipsorum digna perficiantur et meritis
SO
[Die 12 Iulii. Pro Ss. Nabore et Felice Martyribus ]
(bis) Munera, quae tibi, Domine, laetantes offerimus, suscipe benignus, et praesta: ut, intercedente beato N., Ecclesia tua et fidei integritate laetetur, et temporum tranquillitate semper exultet
(bis) SO
[(bis) Commune Sanctorum. Commune unius aut plurium Summorum Pontificum Alia secreta]

[N: 701]
Munera, quae tibi, Domine, pro sancti Martyris tui Ioannis Baptistae passione deferimus: quaesumus; ut eius obtentu nobis proficiant ad salutem
SO
[Die 29 Augusti. In Decollatione S. Ioannis Baptistae]


[N: 702]
Munera, quaesumus, Domine, oblata sanctifica: et corda nostra Sancti Spiritus illustratione emunda
SO
[Sabbato in Vigilia Pentecostes]


[N: 703]
Munera, quaesumus, Domine, quae tibi pro anima famuli tui N. (famulae tuae N.) offerimus, placatus intende: ut remediis purgata caelestibus, in tua pietate requiescat
SO
[Missae Defunctorum. In die tertio, septimo et trigesimo depositionis defuncti]


[N: 704]
Munera tibi, Domine, dicata sanctifica: et, intercedente beato Francisco, ab omni nos culparum labe purifica
SO
[Die 17 Sept. In Impressione Ss. Stigmatum S. Francisci Conf.]


[N: 705]
Munera tibi, Domine, dicata sanctifica: et intercedentibus sanctis Martyribus tuis Marco et Marcelliano, per eadem nos placatus intende
SO
[Die 18 Iunii. Pro Ss. Marco et Marcellino Martyribus]


[N: 706]
Munera tibi, Domine, dicata sanctifica: ut, meritis beati Dominici Confessoris tui nobis proficiant ad medelam
SO
[Die 4 Augusti. S. Dominici Confessoris]


[N: 707]
Munera tibi, Domine, nostrae devotionis offerimus: quae et pro tuorum tibi grata sint honore iustorum, et nobis salutaria, te miserante, reddantur
SO
[Die 22 Ianuarii. Ss Vincenti et Anastasii Martyribum]


[N: 708]
Munera tibi, Domine, oblata sanctifica: ut per ea, intercedente beato Emigdio Martyre tuo atque Pontifice, ab omnibus animae et corporis periculis liberemur
SO
[Missae pro aliquibus locis. Die 9 Augusti. S. Emigdi Ep. et Mart.]


[N: 709]
Munera tua nos, Deus, a delectationibus terrenis expediant: et caelestibus semper instaurent alimentis
PC
[Dominica IV post Epiphaniam]


[N: 710]
Muneribus nostris, Domine, sanctorum Apostolorum tuorum Simonis et Iudae festa praecedimus: te suppliciter deprecantes; ut, quae conscientiae nostrae praepediuntur obstaculis, illorum meritis grata reddantur
SO
[Die 27 Octobris. In Vigilis Ss. Simonis et Iudae Apostolorum]


[N: 711]
Muneribus nostris, quaesumus, Domine, precibusque susceptis; et caelestibus nos munda mysteriis, et clementer exaudi
SO
[Feria VI Quatuor Temporum Adventus]


[N: 712]
Muneribus tibi, Domine, pro baeatarum Virginum N. et N. honore dicatis, benedictionem tuam propitiatus effunde: ut per eadem, et ea a vitiis omnibus emundemur, et caelestibus deliciis impleamur
SO
[Commune Sancotrum pro aliquibus locis. Pro Virginibus tantum. Missa Virgines laudant]


[N: 713]
Munus, quod tibi, Domine, nostrae servitutis offerimus, tu salutare nobis perfice sacramentum
SO
[Feria II post Dominicam III Quadragesimae]


[N: 714]
Mysteria, Domine, sacrosancta, quae sumpsimus, amissam nobis, quaesumus, reconcilient gratiam: atque munus patientiae in illatis omnibus, semper et ubique protegendo, impertiant
PC
[Orationes Diversae n 28. Ad postulandam patientiam]


[N: 715]
Mysteria nos, Domine, quaesumus, sumpta purificent: et suo munere tueantur
PC
[Dominica IV post Pentecosten]


[N: 716]
Mysteria tua, Domine, pro sanctorum Martyrum tuorum honore, devota mente tractemus: quibus et praesidium nobis crescat, et gaudium
SO
[Die 1 Augusti. Pro Ss. Macchabaeis Martyribus]


[N: 717]
Mystica nobis, Domine, prosit oblatio: quae nos et a reatibus nostris expediat, et perpetua salvatione confirmet
SO
[Die 14 Octobris. S. Callisti I Papae et Martyris]


[N: 718]
Mysticis, Domine, repleti sumus votis et gaudiis: praesta, quaesumus; ut intercessionibus sanctarum Martyrum tuarum Perpetuae et Felicitatis, quae temporaliter agimus, spiritualiter consequamur
PC
[Die 6 Martii. Ss. Perpetuae et Felicitatis Martyrum]


[N: 719]
Natalitiis Sanctorum tuorum, quaesumus, Domine: ut, sacramenti munere vegetati, bonis, quibus per tuam gratiam nunc fovemur, perfruamur aeternis
PC
[Die 12 Iulii. Ss. Naboris et Felicis Martyrum]


[N: 720]
Ne despicias, omnipotens Deus, populum tuum in afflictione clamantem: sed propter gloriam nominis tui, tribulatis succurre placatus
C
[Orationes Diversae n 13. Pro quacumque tribulatione]


[N: 721]
Non intres in iudicium cum servo tuo, Domine, quia nullus apud te iustificabitur homo, nisi per te omnium peccatorum ei tribuatur remissio. Non ergo eum, quaesumus, tua iudicialis sententia premat, quem tibi vera supplicatio fidei christianae commendat: sed, gratia tua illi succurrente, mereatur evadere iudicium ultionis, qui, dum viveret, insignitus est signaculo sanctae Trinitatis
C
[Absolutio super tumulum]


[N: 722]
Nostra tibi, Domine, quaesumus, sint accepta ieiunia: quae nos et expiando gratia tua dignos efficiant; et ad remedia perducant aeterna
C
[Feria III post Dominicam Passionis]


[N: 723]
Oblata, Domine, munera nova Unigeniti tui Nativitate sanctifica: nosque a peccatorum nostrorum maculis emunda
SO
[Die 25 Decembris. In Nativitate Domini. Ad tertiam missam in die]


[N: 724]
Oblata munera, clementissime Deus, propitius respice: et, sancti Benedicti Iosephi Confessoris tui interveniente suffragio, in salutem nobis provenire concede
SO
[Missae pro aliquibus locis. Die 16 Aprilis. S. Benedicti Iosephi Labre Conf.]


[N: 725]
Oblata tibi, Domine Deus, in honorem beatarum N. et N. Martyrum tuarum dona intuere propitius: ut acceptum nostrae tibi faciant servitutis obsequium, et opportunum nobis tribuant tuae protectionis auxilium
SO
[Commune Sanctorum pro aliquibus locis. Commune plurium non Virginum. Missa Da nobis]


[N: 726]
Oblata tibi, Domine, munera populi tui, pro tuorum honore Sanctorum, suscipe propitius, quaesumus: et eorum nos intercessione sanctifica
SO
[Die 9 Octobris. Ss. Dionysii Episcopi, Rustici et Eleuterii Martyrum]


[N: 727]
Oblatio nos, Domine, tuo nomini dicanda purificet: et de die in diem ad caelestis vitae transferat actionem
SO
[Dominica infra Octavam Ssmi Corporis Christi, secunda post Pentecosten]


[N: 728]
Oblationes populi tui, quaesumus, Domine, beati Iacobi Apostoli passio beata conciliet: et quae nostris non aptae sunt meritis, fiant tibi placite eius deprecatione
SO
[Die 25 Iulii. S. Iacobi Apostoli]


[N: 729]
Oblationibus nostris, quaesumus, Domine, placare susceptis: et ad te nostras etiam rebelles compelle propitius voluntates
SO
[Sabbato post Dominicam IV Quadragesimae]
(bis) Oblatis muneribus, quaesumus, Domine, Ecclesiam tuam benignus illumina: ut, et gregis tui proficiat ubique successus, et grati fiant nomini tuo, te gubernante, pastores
(bis) SO
[(bis) Commune unius aut plurium Summorum Pontificum]

[N: 730]
Oblatis, quaesumus, Domine, placare muneribus: et a cunctis nos defende periculis
SO
[Feria III post Dominicam I Quadragesimae]


[N: 731]
Oblatis, quaesumus, Domine, placare muneribus: et famulum tuum N., quem pastorem Ecclesiae tuae preesse voluisti, assidua protectione guberna
SO
[In die Creationis et Coronationis Papae et in eorum dierum Anniversario]


[N: 732]
Oblatis, quaesumus, Domine, placare muneribus: et nos ab inimicis nostris clementer eripe, eisque indulgentiam tribue delictorum
SO
[Orationes Diversae n 31. Pro inimicis]


[N: 733]
Oblatis, quaesumus, Domine, placare muneribus: et opportunum nobis tribue pluviae sufficientis auxilium
SO
[Orationes Diversae n 16. Ad petendam pluviam]


[N: 734]
Oblatum tibi, Domine, sacrificium vivificet nos semper, et muniat
SO
[Dominica infra Octavam Epiphaniae]


[N: 735]
Oblatum tibi munus, quaesumus, Domine, in odorem suavitatis ascendat: et, sancto Ioanne Baptista Confessore tuo intercedente, nos corpore et mente purificet
SO
[Missae pro aliquibus locis. Die 23 Maii. S. Ioannis Baptistae de Rossi Conf.]


[N: 736]
Odorem, Domine, sacrificii huius cum gratiarum actionibus suscipe, et praesta: ut quos exaudire, et incolumes servare dignatus es, ab omni in posterum adversitate custodias; et in tuo servitio, et amore concrescant
SO
[Missae Votivae. Missa pro gratiarum actione]


[N: 737]
Offerentes tibi, Domine Deus, hostiam pro beatarum N. et N. honore propositam, te supplices exoramus: ut spem nostram in te firmiter collocemus, et pias petitiones cordis nostri abs te iugiter habeamus
SO
[Commune Sanctorum pro aliquibus locis. Pro non Martyribus. Missa Domine Deus]


[N: 738]
Offerentes tibi hostiam laudis, misericors Deus, apud maiestatem tuam beatarum Virginum N. et N. suffragio commendemur: quae consonis operibus in sua virginitate iucundum tibi habitaculum praepararunt
SO
[Commune Sanctorum pro aliquibus locis. Pro Virginibus tantum. Missa Virgines laudent. Altera secreta]


[N: 739]
Offerimus tibi, Domine, laudes et munera, pro concessis beneficiis gratias referentes, et pro concedendis semper suppliciter deprecantes
SO
[Orationes Diversae n 18. Ad repellendas tempestates]


[N: 740]
Offerimus tibi preces et hostias, Domine Iesu Christe, humiliter supplicantes: ut, qui Transfixionem dulcissimi spiritus beatae Mariae, Matris tuae, precibus recensemus; suo, suorumque sub Cruce Sanctorum consortium multiplicato piissimo interventu, meritis mortis tuae, meritum cum beatis habeamus
SO
[Feria VI post Dominicam Passionis. Septem Dolorum B. Mariae Virg.]


[N: 741]
Omnipotens aeterne Deus, qui creasti et redemisti nos, respice propitius vota nostra: et sacrificium salutaris hostiae, quod in honorem nominis Filii tui, Domini nostri Iesu Christi, maiestati tuae obtulimus, placido et benigno vultu suscipere digneris; ut gratia tua nobis infusa, sub glorioso nomine Iesu, aeternae praedestinationis titulo gaudeamus nomina nostra scripta esse in caelis
PC
[Dominica inter Circumcisionem et Epiphaniam vel, si ipsa non occurrat, die 2 Ianuarii. Sanctissimi Nominis Iesu]


[N: 742]
Omnipotens et misericors Deus, de cuius munere venit, ut tibi a fidelibus tuis digne et laudabiliter serviatur: tribue, quaesumus, nobis; ut ad promissiones tuas sine offensione curramus
C
[Dominica XII post Pentecosten]


[N: 743]
Omnipotens et misericors Deus, humilitatis meae preces benignus intende: et me famulum tuum, quem, nullis suffragantibus meritis, sed immensa clementiae tuae largitate caelestibus mysteriis servire tribuisti, dignum sacris altaribus fac ministrum; ut, quod mea voce depromitur, tua sanctificatione firmetur
C
[Orationes Diversae n 20. Pro seipso Sacerdote]


[N: 744]
Omnipotens et misericors Deus, qui ad defensionem populi christiani in beatissima Virgine Maria perpetuum auxilium mirabiliter constituisti: concede propitius; ut, tali praesidio muniti certantes in vita, victoriam de hoste maligno consequi valeamus in morte
C
[Missa pro aliquibus locis. Die 24 Maii. B. Mariae Virginis titulo Auxilium Christianorum]


[N: 745]
Omnipotens et misericors Deus, qui beatam Ioannam Franciscam tuo amore succensam, admirabili spiritus fortitudine per omnes vitae semitas in via perfectionis donasti, quique per illam illustrare Ecclesiam tuam nova prole voluisti: eius meritis et precibus concede; ut, qui infirmitatis nostrae conscii de tua virtute confidimus, caelestis gratiae auxilio cuncta nobis adversantia vincamus
C
[Die 21 Augusti. S. Ioannae Frémiot de Chantal Viduae]


[N: 746]
Omnipotens et misericors Deus, qui humano generi et salutis remedia, et vitae aeternae munera contulisti: respice propitius famulum tuum infirmitate corporis laborantem, et animam refove, quam creasti; ut in hora exitus illius, absque peccati macula tibi Creatori suo per manus sanctorum Angelorum repraesentari mereatur
C
[Missae Votivae. Pro infirmo qui proximus est morti]


[N: 747]
Omnipotens et misericors Deus, qui in beata Virgine Maria peccatorum refugium et, auxilium collocasti: concede; ut, ipsa protegente, a culpis omnibus absoluti, misericordiae tuae effectum felicem consequamur
C
[Missae pro aliquibus locis. Die 13 Augusti. B. Mariae Virginis titulo Refugium peccatorum]


[N: 748]
Omnipotens et misericors Deus, qui nos sacramentorum tuorum et participes efficis, et ministros: praesta, quaesumus; ut, intercedente beato Donato Martyre tuo atque Pontifice, eiusdem proficiamus et fidei consortio, et digno servitio
PC
[Die 7 Augusti. Pro S. Donato Episcopo et Martyre]


[N: 749]
Omnipotens et misericors Deus, qui omnem animam poenitentem, et confitentem tibi, magis vis emendare, quam perdere: respice super hos famulo tuos; et per haec sancta sacramenta quae sumpsimus, averte ab eis iram indignationis tuae, et omnia eorum peccata dimitte
PC
[Orationes Diversae n 23. Pro publice paenitentibus]


[N: 750]
Omnipotens et misericors Deus, qui sanctum Ioannem Mariam pastorali studio et iugi orationis ac poenitentiae ardore mirabilem effecisti: da, quaesumus; ut eius exemplo et intercessione, animas fratrum lucrari Christo, et cum eis aeternam gloriam consequi valeamus
C
[Die 9 Augusti. S. Ioannis Mariae Vianney Confessoris]


[N: 751]
Omnipotens et misericors Deus, universa nobis adversantia propitiatus exclude: ut mente et corpore pariter expediti, quae tua sunt, liberis mentibus exsequamur
C
[Dominica XIX post Pentecosten]


[N: 752]
Omnipotens et mitissime Deus, qui sitienti populo fontem viventis aquae de petra produxisti: educ de cordis nostri duritia lacrimas compunctionis; ut peccata nostra plangere valeamus, remissionemque eorum, te miserante, mereamur accipere
C
[Orationes Diversae n 21. Pro petitione lacrimarum]


[N: 753]
Omnipotens et mitissime Deus, respice propitius ad preces nostras: et libera corda nostra de malarum tentationibus cogitationum; ut Sancti Spiritus dignum fieri habitaculum mereamur
C
[Orationes Diversae n 25. Ad repellendas malas cogitationes]


[N: 754]
Omnipotens sempiterne Deus, adesto magnae pietatis tuae mysteriis, adesto sacramentis: et ad recreandos novos populos, quos tibi fons baptismatis parturit, spiritum adoptionis emitte; ut, quod nostrae humilitatis gerendum est ministerio, virtutis tuae impleatur effectu
C2
[Sabbato Sancto. Benedictio Fontis]


[N: 755]
Omnipotens sempiterne Deus, altare hoc nomini tuo dedicatum, caelestis virtutis benedictione sanctifica: et omnibus in te sperantibus auxilii tui munus ostende; ut, et hic sacramentorum virtus, et votorum obtineatur effectus
PC
[Commune Dedicationis Ecclesiae. In die Dedicationis altaris dicitur missa ut in Dedicatione Ecclesiae praeter Orationes]


[N: 756]
Omnipotens sempiterne Deus, confitentibus tibi famulis tuis pro tua pietate relaxa peccata: ut non amplius eis noceat conscientiae reatus ad poenam, quam indulgentia tuae propitiationis prosit ad veniam
C
[Orationes Diversae n 23. Pro publice paenitentibus]


[N: 757]
Omnipotens sempiterne Deus, cuius iudicio universa fundantur: respice propitius ad preces nostras, et electum nobis Antistitem tua pietate conserva; ut christiana plebs, quae te gubernatur auctore, sub tanto Pontifice, credulitatis tuae meritis augeatur Oremus et pro beatissimo Papa nostro N. ut Deus et Dominus noster, qui elegit eum in ordine episcopatus, salvum, atuqe incolumen custodiat Ecclesiae suae, ad regendum populum sanctum Dei
C2
[Feria VI in Parasceve. Orationes solemnes]


[N: 758]
Omnipotens sempiterne Deus, cuius spiritu totum corpus Ecclesiae santificatur et regitur: exaudi nos pro universis ordinibus supplicantes; ut, gratiae tuae munere, ab omnibus tibi gradibus fideliter serviatur Oremus et pro omnibus Episcopis, Presbyteris, Diaconibus, Subdiaconibus, Acolythis, Exorcistis, Lectoribus, Ostiariis, Confessoribus, Virginibus, Viduis: et pro omni populo sancto Dei
C3
[Feria VI in Parasceve. Orationes solemnes]


[N: 759]
Omnipotens sempiterne Deus, da nobis fidei, spei et caritatis augmentum: et, ut mereamur assequi quod promittis, fac nos amare quod praecipis
C
[Dominica XIII post Pentecosten]


[N: 760]
Omnipotens sempiterne Deus, da nobis ita Dominicae passionis sacramenta peragere; ut indulgentiam percipere mereamur
C
[Feria III Maioris Hebdomadae]


[N: 761]
Omnipotens sempiterne Deus, dirige actus nostros in beneplacito tuo: ut in nomine dilecti Filii tui mereamur bonis operibus abundare
C
[Dominica infra Octavam Nativitatis]


[N: 762]
Omnipotens sempiterne Deus: fac nos tibi semper et devotam gerere voluntatem; et maiestati tuae sincero corde servire
C
[Dominica infra Octavam Ascensionis]


[N: 763]
Omnipotens sempiterne Deus, in cuius manu sunt omnium potestates, et omnium iura regnorum: respice ad Romanum benignum Imperium; ut gentes, quae in sua feritate confidunt, potentiae tuae dextera comprimantur Oremus et pro Christianissimo Imperatore ( si non est coronatus, dicatur electo imperatore) nostro N. ut Deus et Dominus noster subditas illi faciat omnes barbaras nationes, ad nostram perpetuam pacem
C4
[Feria VI in Parasceve. Orationes solemnes]


[N: 764]
Omnipotens sempiterne Deus, infirmitatem nostram propitius respice: atque ad protegendum nos, dexteram tuae maiestatis extende
C
[Dominica III post Epiphaniam]


[N: 765]
Omnipotens sempiterne Deus, maiestatem tuam supplices exoramus: ut, sicut unigenitus Filius tuus hodierna die cum nostra carnis substantia in templo est praesentatus; ita nos facias purificatis tibi mentibus praesentari
C
[Die 2 Februarii. In Purificatione B. Mariae Virginis. Ad missam]


[N: 766]
Omnipotens sempiterne Deus, moestorum consolatio, laborantium fortitudo: perveniant ad te preces de quacumque tribulatione clamantium; ut omnes sibi in necessitatibus suis misericordiam tuam gaudeant affuisse Oremus, dilectissimi nobis, Deum Patrem omnipotentem, ut cunctis mundum purget erroribus: morbos auferat: famem depellat: aperiat carceres: vincula dissolvat: peregrinantibus reditum: infirmantibus sanitatem: navigantibus portum salutis indulgeat
C6
[Feria VI in Parasceve. Orationes solemnes]


[N: 767]
Omnipotens sempiterne Deus, multiplica in honorem nominis tui, quod patrum fidei spopondisti: et promissionis filios sacra adoptione dilata; ut, quod priores sancti non dubitaverunt futurum, Ecclesia tua magna iam ex parte cognoscat impletum
C
[Sabbato Sancto. Post Prophetiam V: Haec est hereditas]


[N: 768]
Omnipotens sempiterne Deus, munera tuae maiestati oblata, per intercessionem beati Ambrosii confessoris tui atque Pontificis, ad perpetuam nobis fac provenire salutem
SO
[Die 7 Dec. S. Ambrosii Ep., Conf. et Eccl. Doct.]


[N: 769]
Omnipotens sempiterne Deus, parce poenitentibus, propitiare supplicantibus: et mittere digneris sanctum Angelum tuum de caelis, qui benedicat, et sanctificet hos cineres, ut sint remedium salubre omnibus nomen sanctum tuum humiliter implorantibus, ac semetipsos pro conscientia delictorum suorum accusantibus, ante conspectum divinae clementiae tua facinora sua deplorantibus, vel serenissimam pietatem tuam suppliciter obnixeque flagitantibus: et praesta per invocationem sanctissimi nominis tui; ut, quicumque per eos aspersi fuerint, pro redemptionem peccatorum suorum, corporis sanitatem, et animae tutelam percipiant
C1
[Feria IV Cinerum. Benedictio Cinerum]


[N: 770]
Omnipotens sempiterne Deus, qui abundantia pietatis tuae, et merita supplicum excedis et vota: effunde super nos misericordiam tuam; ut dimittas quae conscientia metuit, et adicias quod oratio non praesumit
C
[Dominica XI post Pentecosten]


[N: 771]
Omnipotens sempiterne Deus, qui ad cultum sacrarum imaginum asserendum, beatum Ioannem caelesti doctrina et admirabili spiritus fortitudine imbuisti: concede nobis eius intercessione et exemplo; ut, quorum colimus imagines, virtutes imitemur et patrocinia sentiamus
C
[Die 27 Martii. S. Ioannis Damasceni Conf. et Eccl. Doct.]


[N: 772]
Omnipotens sempiterne Deus, qui beatas N. et N. virginitatis et martyrii gloria decorasti: da nobis earum precibus ita corporis et mentis servare puritatem; ut nec blanditiis carnis, nec malorum acerbitate vincamur
C
[Commune Sanctorum pro aliquibus locis. Pro Virginibus et Martyribus. Missa Deus meus: Alia oratio]


[N: 773]
Omnipotens sempiterne Deus, qui caelestia simul et terrena moderaris: supplicationes populi tui clementer exaudi; et pacem tuam nostris concede temporibus
C
[Dominica II post Epiphaniam]


[N: 774]
Omnipotens sempiterne Deus, qui dedisti famulis tuis in confessione verae fidei, aeternae Trinitatis gloriam agnoscere, et in potentia maiestatis adorare unitatem: quaesumus; ut eiusdem fidei firmitate, ab omnibus semper muniamur adversis
C
[In Festo Sanctissimae Trinitatis]


[N: 775]
Omnipotens sempiterne Deus, qui dispositione mirabili infirma mundi eligis, ut fortia quaeque confundas: concede propitius humilitatis nostrae; ut, piis beati Didaci Confessoris tui precibus, ad perennem in caelis gloriam sublimari mereamur
C
[Die 13 Novembris. S. Didaci Confessoris]


[N: 776]
Omnipotens sempiterne Deus, qui Dominum nostrum Iesum Christum super pullum asinae sedere fecisti, et turbas populorum vestimenta, vel ramos arborum in via sternere, et Hosanna decantare in laudem ipsius docuisti: da, quaesumus; ut illorum innocentiam imitari possimus, et eorum meritum consequi mereamur
C
[Dominica in Palmis. Post distributionem ramorum]


[N: 777]
Omnipotens sempiterne Deus, qui Ecclesiam tuam nova semper prole foecundas: auge fidem et intellectum catechumenis nostris; ut renati fonte baptismatis, adoptionis tuae filiis aggregentur Oremus et pro catechumenis nostris: ut Deus et Dominus noster adaperiat aures praecordiorum ipsorum, ianuamque misericordiae; ut per lavacrum regenerationis accepta remissione omnium peccatorum, et ipsi inveniantur in Christo Iesu Domino nostro
C5
[Feria IV in Parasceve. Orationes solemnes]


[N: 778]
Omnipotens sempiterne Deus, qui etiam iudaicam perfidiam a tua misericordia non repellis: exaudi preces nostras, quas pro illius populi obcaecatione deferimus; ut agnita veritatis tuae luce, quae Christus est, a suis tenebris eruantur Oremus et pro [perfidis] Iudaeis: ut Deus et Dominus noster auferat velamen de cordibus eorum; ut et ipsi agnoscant Iesum Christum Dominum nostrum
C8
[Feria VI in Parasceve. Orationes solemnes]


[N: 779]
Omnipotens sempiterne Deus, qui facis mirabilia magna solus: praetende super famulos tuos, et super congregationes illis commissas spiritum gratiae salutaris; et, ut in veritate tibi complaceant, perpetuum eis rorem tuae benedictionis infunde
C
[Orationes Diversae n 7. Pro Praelatis et congregationibus eis commissis]


[N: 780]
Omnipotens sempiterne Deus, qui gloriam tuam omnibus in Christo gentibus revelasti: custodi opera misericordiae tuae; ut Ecclesia tua toto orbe diffusa, stabili fide in confessione tui nominis perseveret Oremus, dilectissimi nobis, pro Ecclesia sancta Dei: ut eam Deus et Dominus noster pacificare, adunare, et custodire dignetur toto orbe terrarum: subiiciens ei principatus, et potestates: detque nobis quietam et tranquillam vitam degentibus, glorificare Deum Patrem omnipotentem
C1
[Feria VI in Parasceve. Orationes solemnes]


[N: 781]
Omnipotens sempiterne Deus, qui hodierna die Unigenitum tuum ulnis sancti Simeonis in templo sancto tuo suscipiendum praesentasti: tuam supplices deprecamur clementiam; ut has candelas, quas nos famuli tui, in tui nominis magnificentiam suscipientes, gestare cupimus luce accensas, benedicere, et sanctificare, atque lumine supernae benedictionis accendere digneris: quatenus eas tibi Domino Deo nostro offerendo digni, et sancto igne dulcissime caritatis tuae succensi, in templo sancto gloriae tuae repraesentari mereamur
C2
[Die 2 Februarii. In Purificatione B. Mariae Virginis. Benedictio Candelarum]


[N: 782]
Omnipotens sempiterne Deus, qui huius diei venerandam sanctamque laetitiam in beati Apostoli tui Bartholomaei festivitate tribuisti: da Ecclesiae tuae, quaesumus; et amare quod credidit, et praedicare quod docuit
C
[Die 24 Augusti. S. Bartholomaei Apostoli]


[N: 783]
Omnipotens sempiterne Deus, qui humano generi ad imitandum humilitatis exemplum, Salvatorem nostrum carnem sumere, et crucem subire fecisti: concede propitius; ut et patientiae ipsius habere documenta, et resurrectionis consortia mereamur
C
[Dominica in Palmis. Ad missam.]
(bis) Omnipotens sempiterne Deus, qui Immaculatam Virginem Mariam, Filii tui Genitricem, corpore et anima ad caelestem gloriam assumpsisti: concede quaesumus; ut ad superna semper intenti, ipsius gloriae mereamur esse consortes
(bis) C
[(bis) Die 15 Augusti. In Assumptione B. Mariae Virginis]

[N: 784]
Omnipotens sempiterne Deus, qui in Corde beatae Mariae Virginis dignum Spiritus Sancti habitaculum praeparasti: concede propitius; ut eiusdem immaculati Cordis festivitatem devota mente recolentes, secundum cor tuum vivere valeamus
C
[Die 22 Augusti. Immaculati Cordis B. Mariae Virginis]


[N: 785]
Omnipotens sempiterne Deus, qui in dilecto Filio tuo, universorum Rege, omnia instaurare voluisti, concede propitius; ut cunctae familiae Gentium, peccati vulnere disgregatae, eius suavissimo subdantur imperio
C
[Dominica ultima Octobris. Domini nostri Iesu Christi Regis]


[N: 786]
Omnipotens sempiterne Deus, qui in omnium operum tuorum dispensatione mirabilis es: intelligant redempti tui, non fuisse excellentius quod initio factus est mundus, quam quod in fine saeculorum Pascha nostrum immolatus est Christus
C
[Sabbato Sancto. Post Prophetiam IX: Dixit Dominus]


[N: 787]
Omnipotens sempiterne Deus, qui infirma mundi eligis, ut fortia quaeque confundas: concede propitius; ut, qui beatae Agnetis Virginis et Martyris tuae solemnia colimus, eius apud te patrocinia sentiamus
C
[Die 21 Ianuarii. S. Agnetis Virginis et Martyris]


[N: 788]
Omnipotens sempiterne Deus, qui me peccatorem sacris altaribus astare voluisti, et sancti nominis tui laudare potentiam: concede propitius, per huius sacramenti mysterium, meorum mihi veniam peccatorum; ut tuae maiestati digne merear famulari
PC
[Orationes Diversae n 20. Pro seipso sacerdote]


[N: 789]
Omnipotens sempiterne Deus, qui Ninivitis in cinere et cilicio poetentibus, indulgentiae tuae remedia praestitisti: concede propitius; ut sic eos imitemur habitu, quatenus veniae prosequamur obtentu
C4
[Feria IV Cinerum. Benedictio Cinerum]


[N: 790]
Omnipotens sempiterne Deus, qui non mortem peccatorum, sed vitam semper inquiris: suscipe propitius orationem nostram, et libera eos ab idolorum cultura; et aggrega Ecclesiae tuae sanctae, ad laudem, et gloriam nominis tui Oremus et pro paganis: ut Deus omnipotens auferat iniquitatem a cordibus eorum; ut, relictis idolis suis, convertantur ad Deum vivum et verum, et unicum Filium eius Iesum Christum Deum et Dominum nostrum
C9
[Feria VI in Parasceve. Orationes solemnes]


[N: 791]
Omnipotens sempiterne Deus, qui nos et castigando sanas, et ignoscendo conservas: praesta supplicibus tuis; ut et tranquillitatibus huius optatae consolationis laetemur, et dono tuae pietatis semper utamur
PC
[Orationes Diversae n 18. Ad repellendas tempestates]


[N: 792]
Omnipotens sempiterne Deus, qui nos omnium Sanctorum tuorum merita sub una tribuisti celebritate venerari: quaesumus; ut desideratam nobis tuae propitiationis abundantiam, multiplicatis intercessoribus, largiaris
C
[Die 1 Novembris. In Festo omnium Sanctorum]


[N: 793]
Omnipotens sempiterne Deus, qui paschale sacramentum in reconciliationis humanae foedere contulisti: da mentibus nostris; ut, quod professione celebramus, imitemur effectu
C
[Feria VI infra Octavam Paschae]


[N: 794]
Omnipotens sempiterne Deus, qui per continentiam salutarem corporibus mederis et mentibus: maiestatem tuam supplices exoramus; ut pia ieiunantium deprecatione placatus, et praesentia nobis subsidia tribuas, et futura
C1
[Sabbato Quatuor Temporum Septembris]


[N: 795]
Omnipotens sempiterne Deus, qui per Moysen famulum tuum purissimum olei liquorem ad luminaria ante conspectum tuum iugiter concinnanda praeparari iussisti: benedictionis tuae gratiam super hos cereos benignus infunde: quatenus sic administrent lumen exterius, ut, te donante, lumen Spiritus tui nostris non desit mentibus interius
C4
[Die 2 Februarii. In Purificatione B. Mariae Virginis. Benedictio Candelarum]


[N: 796]
Omnipotens sempiterne Deus, qui per unicum Filium tuum, Ecclesiae tuae demonstrasti te esse cultorem, omnem palmitem, fructum in eodem Christo tuo, qui vera vitis est, afferentem, clementer excolens, ut fructus afferat ampliores: fidelibus tuis, quos velut vineam ex Aegypto per fontem baptismi transtulisti, nulla peccatorum spinae praevaleant; ut Spiritus tui sanctificatione muniti, perpetua fruge ditentur
C
[Sabbato in Vigilia Pentecostes. Post Prophetiam IV: Apprehendent]


[N: 797]
Omnipotens sempiterne Deus, qui primitias Martyrum in beati Levitae Stephani sanguine dedicasti: tribue, quaesumus; ut pro nobis intercessor exsistat, qui pro suis etiam persecutoribus exoravit Dominum nostrum Iesum Christum Filium tuum
C
[Die 2 Ianuarii. In Octava S. Stephani Protomartyris]


[N: 798]
Omnipotens sempiterne Deus, qui respicis terram et facis eam tremere: parce metuentibus, propitiare supplicibus; ut, cuius iram terrae fundamenta concutientem expavimus, clementiam contritiones eius sanantem iugiter sentiamus
C
[Orationes Diversae n 15. Tempore terraemotus]


[N: 799]
Omnipotens sempiterne Deus, qui salvas omnes, et neminem vis perire: respice ad animas diabolica fraude deceptas; ut omni haeretica pravitate deposita, errantium corda resipiscant, et ad veritatis tuae redeant unitatem Oremus et pro haereticis et schismaticis: ut Deus et Dominus noster eruat eos ab erroribus universis: et ad sanctam matrem Ecclesiam Catholicam, atque Apostolicam revocare dignetur
C7
[Feria VI in Parasceve. Orationes solemnes]


[N: 800]
Omnipotens sempiterne Deus, qui Slavoniae gentes per beatos Confessores tuos atque Pontifices Cyrillum et Methodium ad agnitionem tui nominis venire tribuisti: praesta; ut, quorum festivitate gloriamur, eorum consortio copulemur
C
[Die 7 Iulii. Ss. Cyrilli et Methodii Episcoporum et Confessorum]


[N: 801]
Omnipotens sempiterne Deus, qui Unigenitum filium tuum mundi Redemptorem constituisti, ac eius sanguine placari voluisti: concede, quaesumus, salutis nostrae pretium solemni cultu ita venerari, atque a praesentis vitae malis eius virtute defendi in terris; ut fructu perpetuo laetemur in caelis
C
[Die 1 Iulii. Pretiosissimi Sanguinis Domini nostri Iesu Christi]


[N: 802]
Omnipotens sempiterne Deus, qui vivorum dominaris simul et mortuorum, omniumque misereris, quos tuos fide et opere futuros esse praenoscis: te supplices exoramus; ut, pro quibus effundere preces decrevimus, quosque vel praesens saeculum adhuc in carne retinet, vel futurum iam exutos corpore suscepit, intercedentibus omnibus Sanctis tuis, pietatis tuae clementia omnium delictorum suorum veniam consequantur
C
[Orationes Diversae n 35. Pro vivis et defunctis]


[N: 803]
Omnipotens sempiterne Deus, respice propitius ad devotionem populi renascentis, qui, sicut cervus, aquarum tuarum expetit fontem: et concede propitius; ut fidei ipsius sitis, baptismatis mysterio animam, corpusque sanctificet
C
[Sabbato Sancto. Benedictio Fontis]


[N: 804]
Omnipotens sempiterne Deus, salus aeterna credentium: exaudi nos pro famulis tuis infirmis, pro quibus misericordiae tuae imploramus auxilium; ut, reddita sibi sanitate, gratiarum tibi in Ecclesia tua referant actiones
C
[Missae Votivae. Missa pro infirmis]


[N: 805]
Omnipotens sempiterne Deus, spes unica mundi, qui prophetarum tuorum praeconio, praesentium temporum declarasti mysteria: auge populi tui vota placatus; quia in nullo fidelium, nisi ex tua inspiratione, proveniunt quarumlibet incrementa virtutum
C
[Sabbato Sancto. Post prophetiam XII: Nabuchodonosor rex]


[N: 806]
Parce Domine, parce populo tuo: ut dignis flagellationibus castigatus, in tua miseratione respiret
SP
[Feria V post Cineres]


[N: 807]
Peteant aures misericordiae tuae, Domine, precibus supplicantium: et, ut petentibus desiderata concedas, fac eos, quae tibi sunt placita postulare
SP
[Feria IV post Dominicam IV Quadragesimae]


[N: 808]
Per haec caelestia alimenta, quae sancti Camilli Confessoris tui solemnia celebrantes, pia devotione suscepimus: da, quaesumus, Domine; ut in hora mortis nostrae sacramentis refecti, et culpis omnibus expiati, in sinum misericordiae tuae laeti suscipi mereamur
PC
[Die 18 Iulii. S. Camilli de Lellis Confessoris]


[N: 809]
Per haec divina mysteria, ad novi, quaesumus, testamenti mediatorem Iesum accedamus: et supra altaria tua, Domine virtutum, aspersionem sanguinis melius loquentem, quam Abel, innovemus
SO
[Die 1 Iulii. Pretisissimi Sanguinis Domini nostri Iesu Christi]


[N: 810]
Per haec sacra mysteria concede nobis, Domine: ut, sicut beatae Helenae misericorditer tribuisti ut Filium tuum crucifixum in corde semper gestaret; ita et nos eum in cordibus nostris perpetuo deferamus
SO
[Missae pro aliquibus locis. Die 18 Aug. S. Helenae Imperatricis, Viduae]


[N: 811]
Per haec sancta quae sumpsimus, ab hostium nos, Domine, impugnatione defende; et intercedente beato Alberto, Confessore tuo atque Pontifice, perpetua pace respirare concede
PC
[Die 15 Nov. S. Alberti Magni Ep., Conf. et Eccl. Doct.]


[N: 812]
Per haec veniat, quaesumus, Domine, sacramenta nostrae redemptionis effectus: qui nos et ab humanis retrahat semper excessibus, et ad salutaria dona perducat
SO
[Feria III post Dominicam III Quadragesimae]


[N: 813]
Per huius, Domine, operationem mysterii, et vitia nostra purgentur, et iusta desideria compleantur
PC
[Dominica infra Octavam Nativitatis]


[N: 814]
Percepta nobis, Domine, praebeant sacramenta subsidium: ut tibi grata sint nostra ieiunia, et nobis proficiant ad medelam
PC
[Feria IV Cinerum]


[N: 815]
Perceptis, Domine, sacramentis suppliciter exoramus: ut, intercedente beato Andrea Apostolo tuo, quae pro illius veneranda gerimus passione, nobis proficiant ad medelam
PC
[Die 29 Novembris. In Vigilia S. Andreae Apostoli]


[N: 816]
Perfice, quaesumus, Domine, benignus in nobis observantiae sanctae subsidium: ut, quae te auctore facienda cognovimus, te operante impleamus
C
[Feria III post Dominicam II Quadragesimae]


[N: 817]
Perficiant in nobis, Domine, quaesumus, tua sacramenta quod continent: ut, quae nunc specie gerimus, rerum veritate capiamus
PC
[Sabbato Quatuor Temporum Septembris]


[N: 818]
Petimus, Domine sancte Pater omnipotens, aeterne Deus: ut hanc creaturam olivae, quam ex ligni materia prodire iussisti, quamque columba rediens ad arcam pertulit ore, benedicere, et sanctificare digneris: ut, quicumque ex ea receperint, accipiant sibi protectionem animae et corporis: fiatque, Domine, nostrae salutis remedium, tuae gratiae sacramentum
C2
[Dominica in Palmis. Benedictio ramorum]


[N: 819]
Placare, quaesumus, Domine, humilitatis nostrae precibus et hostiis: et ubi nulla suppetunt suffragia meritorum, tuis nobis succurre praesidiis
SO
[Dominica II Adventus]


[N: 820]
Placations hostia, quam tibi offerimus, Domine, beatae Margaritae interveniente suffragio, optatae nobis indulgentiae plenitudinem largiatur
SO
[Missae pro aliquibus locis. Die 26 Februarii. S. Margaritae de Cortona Paenitentis]


[N: 821]
Placationis hostiam offeirmus tibi, Domine, suppliciter deprecantes: ut, per intercessionem Deiparae Virginis cum beato Ioseph, familias nostras in pace et gratia tua firmiter constituas
SO
[Dominica infra Octavam Epiphaniae. Sanctae Familiae Iesu, Mariae, Ioseph]


[N: 822]
Plenum, quaesumus, Domine, in nobis remedium tuae miserationis operare: ac tales nos esse perfice propitius, et sic foveri; ut tibi in omnibus placere valeamus
PC
[Missae Votivae. In Consecrationis Episcopi]


[N: 823]
Populi tui, Deus, institutor et rector, peccata, quibus impugnare, expelle: ut semper tibi placitus, et tuo munimine sit securus
SP
[Feria V post Dominicam IV Quadragesimae]


[N: 824]
Populi tui, quaesumus, Domine, tibi grata sit hostia, quae in natalitiis sanctorumm Martyrum tuorum Chrysanthi et Dariae solemniter immolatur
SO
[Die 25 Octobris. Ss. Chrysanthi et Dariae Martyrum]


[N: 825]
Populum tuum, quaesumus, Domine, continua pietate custodi: et, beati Rochi suffragantibus meritis, ab omni fac animae et corporis contagione securum
C
[Missae pro aliquibus locis. Die 16 Augusti. S. Rochi Confessoris]


[N: 826]
Populum tuum, quaesumus, Domine, propitius respice: atque ab eo flagella tuae iracundiae clementer averte
C1
[Sabbato Quatuor Temporum Quadragesimae]


[N: 827]
Populum tuum, quaesumus, Domine, propitius respice: et quos ab escis carnalibus praecipis abstinere, a noxiis quoque vitiis cessare concede
C
[Feria IV post Dominicam II Quadragesimae]


[N: 828]
Praebeant nobis, Domine, divinum tua sancta fervorem: quo eorum pariter et actu delectemur et fructu
PC
[Feria II Maioris Hebdomadae]


[N: 829]
Praebeant nobis, Domine Iesu, divinum tua sancta fervorem; quo dulcissimi Cordis tui suavitate percepta, discamus terrena despicere, et amare caelestia
PC
[Feria VI post Octavam SSmi Corporis Christi. Sacratissimi Cordis Iesu]


[N: 830]
Praesens oblatio fiat, Domine, populo tuo salutaris: pro quo dignatus es Patri tuo te viventem hostiam immolare
SO
[Die 13 Iunii. S. Antonii de Padua Conf. et Eccl. Doct.]


[N: 831]
Praesens sacrificium, Domine, quod tibi pro delictis nostris offerimus, sit tibi munus acceptum: et tam viventibus, quam defunctis proficiat ad salutem
SO
[Orationes Diversae n 22. Pro remissione peccatorum]


[N: 832]
Praesentibus sacrificiis, quaesumus, Domine, ieiunia nostra sanctifica: ut, quod observantia nostra profitetur extrinsecus, interius operetur
SO
[Sabbato Quatuor Temporum Quadragesimae]


[N: 833]
Praesta, Domine, fidelibus tuis: ut ieiuniorum veneranda solemnia, et congrua pietate suscipiant, et secura devotione percurrant
C
[Feria IV Cinerum. Ad missam]


[N: 834]
Praesta, Domine, precibus nostris cum exsultatione proventum: ut sanctorum Martyrum Euphaemiae, Luciae et Geminiani, quorum diem passionis annua devotione recolimus, etiam fidei constantiam subsequamur
C
[Die 16 Sept. Pro Ss. Euphemia Virgine, Lucia et Geminiano Mm.]


[N: 835]
Praesta nobis, aeterne Salvator: ut percipientes hoc munere veniam peccatorum, deinceps peccata vitemus
PC
[Missae Votivae. Missa pro remissione peccatorum]


[N: 836]
Praesta nobis, misericors Deus: ut digne tuis servire semper altaribus mereamur; et eorum perpetua participatione salvari
SO
[Feria VI post Dominicam Passionis]


[N: 837]
Praesta nobis, quaesumus, Domine, auxilium gratiae tuae: ut ieiuniis et orationibus convenienter intenti, liberemur ab hostibus mentis et corporis
C
[Feria V post Dominicam II Quadragesimae]


[N: 838]
Praesta nobis, quaesumus, Domine: ut salutaribus ieiuniis eruditi, a noxiis quoque vitiis abstinentes, propitiationem tuam facilius impetremus
C
[Feria IV post Dominicam III Quadragesimae]


[N: 839]
Praesta nobis, quaesumus, omnipotens Deus: ut nostrae humilitatis oblatio, et pro tuorum tibi grata sit honore Sanctorum, et nos corpore pariter et mente purificet
SO
[Commune Sanctorum. Pro Confessore non Pontifice. Altera missa Iustus]


[N: 840]
Praesta nobis, quaesumus, omnipotens Deus: ut vivificationis tuae gratiam consequentes, in tuo semper munere gloriemur
PC
[Dominica II post Pascha]


[N: 841]
Praesta nobis, quaesumus, omnipotens et misericors Deus: ut, quae visibilibus mysteriis sumenda percepimus, invisibili consequamur effectu
PC
[In Ascensione Domini]


[N: 842]
Praesta, quaesumus, Domine Deus noster: ut, quorum festivitate votiva sunt sacramenta, eorum intercessione salutaria nobis reddantur
PC
[Die 11 Novembris. S. Martini Episcopi et Confessoris]


[N: 843]
Praesta, quaesumus, Domine, familiae tuae supplicanti: ut, dum a cibis corporalibus se abstinet, a vitiis quoque mente ieiunet
C2
[Feria IV Quatuor Temporum Septembris]


[N: 844]
Praesta, quaesumus, Domine: ut anima famuli tui N. Sacerdotis, quem, in hoc saeculo commorantem, sacris muneribus decorasti; in caelesti sede gloriosa semper exsultet
C
[Orationes Diversae pro Defunctis n 8. Item pro defuncto Sacerdote]


[N: 845]
Praesta, quaesumus, Domine: ut animae famulorum, famularumque tuarum, his purgatae sacrificiis, indulgentiam pariter et requiem capiant sempiternam
PC
[Die 2 Novembris. In Commemoratione omnium Fidelium defunctorum. Ad secundam missam]


[N: 846]
Praesta, quaesumus, Domine: ut sancti Martyris tui et Episcopi Donati intercessione, quem ad laudem nominis tui dicatis muneribus honoramus, piae nobis fructus devotionis accrescat
SO
[Die 7 Augusti. Pro S. Donato Episcopo et Martyre]


[N: 847]
Praesta, quaesumus, Domine: ut, sicut nos sanctorum Martyrum tuorum Naboris et Felicis natalitia celebranda non deserunt; ita iugiter suffragiis comitentur
C
[Die 12 Iulii. Pro Ss. Nabore et Felice Martyribus]


[N: 848]
Praesta, quaesumus, Domine: ut, sicut populus christianus Martyrum tuorum Felicis, Simplicii, Faustini et Beatricis temporali solemnitate congaudet, ita perfruatur aeterna; et, quod votis celebrat, comprehendat effectu
C
[Die 29 Iulii. Pro Ss. Felice II Papa, Simplicio, Faustino et Beatrice Martyrum]


[N: 849]
Praesta, quaesumus, Domine: ut, terrenis affectibus expiati, ad superni plenitudinem sacramenti, cuius libavimus sancta, tendamus
PC
[Missae Votivae. Missa pro quacumque necessitate]


[N: 850]
Praesta, quaesumus, omnipotens Deus: sic nos ab epulis carnalibus abstinere; ut a vitiis irruentibus pariter ieiunemus
C5
[Sabbato Quatuor Temporum Pentecostes]


[N: 851]
Praesta, quaesumus, omnipotens Deus: ut animam famuli tui N. Sacerdotis in congregatione iustorum aeternae beatitudinis iubeas esse consortem
PC
[Orationes Diversae pro Defunctis n 8. Item pro defuncto Sacerdote]


[N: 852]
Praesta, quaesumus, omnipotens Deus: ut, beatae Felicitatis Martyris tuae solemnia recensentes, meritis ipsius protegamur et precibus
C
[Die 23 Novembris. S. Felicitatis Martyris]


[N: 853]
Praesta, quaesumus, omnipotens Deus: ut beati Petri Martyris tui fidem congrua devotione sectemur; qui, pro eiusdem fidei dilatationem, martyrii palmam meruit obtinere
C
[Die 29 Aprilis. S. Petri Martyris]


[N: 854]
Praesta, quaesumus, omnipotens Deus: ut claritatis tuae super nos splendor effulgeat; et lux tuae lucis corda eorum, qui per gratiam tuam renati sunt, Sancti Spiritus illustratione confirmet
C
[Sabbato in Vigilia Pentecostes. Ad missam]


[N: 855]
Praesta, quaesumus, omnipotens Deus: ut dignitas conditionis humanae per immoderantiam sauciata, medicinalis parsimoniae studio reformetur
C
[Feria V post Dominicam Passionis]


[N: 856]
Praesta, quaesumus, omnipotens Deus: ut familia tua per viam salutis incedat; et, beati Ioannis Praecursoris hortamenta sectando, ad eum quem praedixit, secura perveniat, Dominum nostrum Iesum Christum Filium tuum
C
[Die 23 Iunii. In Vigilia Nativitatis S. Ioannis Baptistae]


[N: 857]
Praesta, quaesumus, omnipotens Deus: ut familia tua, quae se, affligendo carnem, ab alimentis abstinet; sectando iustitiam, a culpa ieiunet
C
[Feria II post Dominicam II Quadragesimae]


[N: 858]
Praesta, quaesumus, omnipotens Deus: ut natus hodie Salvator mundi, sicut divinae nobis generationis est auctor; ita et immortalitatis sit ipse largitor
PC
[Die 25 Dec. In Nativitate Domini. Ad tertiam missam in die]


[N: 859]
Praesta, quaesumus, omnipotens Deus: ut nullis nos permittas perturbationibus concuti; quos in apostolicae confessionis petra solidasti
C
[Die 28 Iunii. In Vigilia Ss. Petri et Pauli Apostolorum]


[N: 860]
Praesta, quaesumus, omnipotens Deus: ut observationes sacras annua devotione recolentes, et corpore tibi placeamus, et mente
C
[Feria II post Dominicam IV Quadragesimae]


[N: 861]
Praesta, quaesumus, omnipotens Deus: ut per haec sancta, quae sumpsimus, interveniente beato Matthia Apostolo tuo, veniam consequamur, et pacem
PC
[Die 24 vel 25 Februarii. S. Matthiae Apostoli]


[N: 862]
Praesta, quaesumus, omnipotens Deus: ut quae solemni celebramus officio, purificatae mentis intelligentia consequamur
PC
[Die 6 Ianuarii. In Epiphania Domini]


[N: 863]
Praesta, quaesumus, omnipotens Deus: ut, qui beati N. Martyris tui natalitia colimus, intercessione eius, in tui nominis amore roboremur
C
[Commune Sanctorum. Pro Martyre non Pontifice. Missa in virtute]


[N: 864]
Praesta, quaesumus, omnipotens Deus: ut, qui beati Valentini Martyris tui natalitia colimus, a cunctis malis imminentibus, eius intercessione, liberemur
C
[Die 14 Februarii. S. Valentini Presbyteri et Martyris]


[N: 865]
Praesta, quaesumus, omnipotens Deus: ut, qui gloriosus Martyres fortes in sua confessione cognovimus, pios apud te in nostra intercessione sentiamus
C
[Die 10 Martii. Ss. Quadraginta Martyrum]


[N: 866]
Praesta, quaesumus, omnipotens Deus: ut, qui in memoriam passionis Domini nostri Iesu Christi Coronam eius spineam veneramur in terris, ab ipso gloria et honore coronari mereamur in caelis
C
[Missae pro aliquibus locis. Feria VI post Cineres. Sacrae Spinae Coronae Domini nostri Iesu Christi]


[N: 867]
Praesta, quaesumus, omnipotens Deus: ut, qui in tua protectione confidimus, cuncta nobis adversantia, te adiuvante, vincamus
SP
[Feria VI post Dominicam III Quadragesimae]


[N: 868]
Praesta, quaesumus, omnipotens Deus: ut, qui nostris excessibus incessanter affligimur, per unigeniti Filii tui passionem liberemur
C
[Feria IV Maioris Hebdomadae]


[N: 869]
Praesta, quaesumus, omnipotens Deus: ut, qui paschalia festa peregimus, haec, te largiente, moribus et vita teneamus
C
[Dominica in Albis. In Octava Paschae]


[N: 870]
Praesta, quaesumus, omnipotens Deus: ut, qui sanctorum Martyrum tuorum Tiburtii, Valeriani et Maximi solemnia colimus; eorum etiam virtutes imitemur
C
[Die 14 Aprilis. Pro Ss. Tiburtio, Valentino et Maximo Martyribus]


[N: 871]
Praesta, quaesumus, omnipotens Deus: ut, quod de sancto altari tuo accepimus, precibus beati Evangelistae tui Lucae sanctificet animas nostras, per quod tuti esse possimus
PC
[Die 18 Octobris. S. Lucae Evangelistae]


[N: 872]
Praesta, quaesumus, omnipotens Deus: ut, quorum memoriam sacramenti participatione recolimus, fidem quoque proficiendo sectemur
PC
[Die 1 Augusti. Pro Ss. Macchabaeis Martyribus]


[N: 873]
Praesta, quaesumus, omnipotens Deus: ut, quos ieiunia votiva castigant, ipsa quoque devotio sancta laetificet; ut, terrenis affectibus mitigatis, facilius caelestia capiamus
C2
[Feria IV post Dominicam IV Quadragesimae]


[N: 874]
Praesta, quaesumus, omnipotens Deus: ut redemptionis nostrae ventura solemnitas, et praesentis nobis vitae subsidia conferat, et aeternae beatitudinis praemia largiatur
C1
[Feria IV Quatuor Temporum Adventus]


[N: 875]
Praesta, quaesumus, omnipotens Deus: ut semper rationabilia meditantes, quae tibi sunt placita, et dictis exsequamur, et factis
C
[Dominica VI post Epiphaniam]


[N: 876]
Praesta, quaesumus, omnipotens Deus: ut, sicut beatus Ludovicus Confessor tuus, spretis mundi oblectamentis, soli Regi Christo placere studuit; ita eius oratio nos tibi reddat acceptos
SO
[Die 25 Augusti. S. Ludovici Regis, Confessoris]


[N: 877]
Praesta, quaesumus, omnipotens et misericors Deus: ut animae famulorum famularumque tuarum, pro quibus hoc sacrificium laudis tuae obtulimus maiestati; per huius virtutem sacramenti: a peccatis omnibus expiatae, lucis perpetuae, te miserante, recipiant beatitudinem
PC
[Die 2 Novembris. In Commemoratione omnium Fidelium Defunctorum. Ad tertiam missam]


[N: 878]
Praesta, quaesumus, omnipotens et misericors Deus: ut, quod ore contingimus, pura mente capiamus
PC
[Feria II post Dominicam III Quadragesimae]


[N: 879]
Praesta, quaesumus, omnipotens et misericors Deus: ut Spiritus Sanctus adveniens, templum nos gloriae suae dignanter inhabitando perficiat
C2
[Feria IV Quatuor Temporum Pentecostes]


[N: 880]
Praetende, Domine, fidelibus tuis dexteram caelestis auxilii: ut te toto corde perquirant; et quae digne postulant, consequi mereantur
SP
[Sabbato post Dominicam III Quadragesimae]


[N: 881]
Praeveniat nos, quaesumus, Domine, gratia tua semper, et subsequatur: et has oblationes, quas pro peccatis nostris nomini tuo consecrandas deferimus, benignus assume; ut, per intercessionem Sanctorum tuorum, cunctis nobis proficiant ad salutem
SO
[Orationes Diversae n 17. Ad postulandam serenitatem]


[N: 882]
Preces, Domine, tuorum respice, oblationesque fidelium: ut et tibi gratae sint pro tuorum festivitate Sanctorum, et nobis conferant tuae propitiationis auxilium
SO
[Die 19 Ianuarii. Ss. Marii, Marthae, Audifacis et Abachum Martyrum]


[N: 883]
Preces nostras, quaesumus, Domine, clementer exaudi: atque a peccatorum vinculis absolutos, ab omni nos adversitate custodi
C
[Dominica in Quinquagesima]


[N: 884]
Preces nostras, quaesumus, Domine, clementer exaudi: et contra cuncta nobis adversantia, dexteram tuae maiestatis extende
C1
[Feria IV Quatuor Temporum Quadragesimae]


[N: 885]
Preces nostras, quaesumus, Domine, clementer exaudi: et per haec sacramenta quae sumpsimus, famulum tuum a vinculis suae captivitatis absolve
PC
[Orationes Diversae n 32. Pro constituto in carcere vel in captivitate]


[N: 886]
Preces populi tui, quaesumus, Domine, clementer exaudi: ut beati Marcelli Martyris tui atque Pontificis meritis adiuvemur, cuius passione laetamur
C
[Die 16 Ianuarii. S. Marcelli I Papae et Confessoris]


[N: 887]
Preces populi tui, quaesumus, Domine, clementer exaudi: ut, qui iuste pro peccatis nostris affligimur, pietatis tuae visitatione consolemur
C5
[Sabbato Quatuor Temporum Adventus]


[N: 888]
Preces, quas tibi, Domine, offerimus, intercedente beato Petro Martyre tuo, clementer intende: et propugnatores fidei sub tua protectione custodi
SO
[Die 29 Aprilis. S. Petri Martyris]


[N: 889]
Pretiosi corporis et sanguinis tui, Domine, pasti deliciis, tuam supplices deprecamur clementiam: ut, sancti Ioannis Confessoris tui meritis et exemplis, eiusdem caritatis imitatores effecti, consortes simus et gloriae
PC
[Die 20 Octobris. S. Ioannis Cantii Confessoris]


[N: 890]
Pretiosi corporis et sanguinis tui nos, Domine, sacramento refectos, mirifica tuae maiestatis gratia de illius summi Pontificis concessione laetificet: qui et plebem tuam virtutibus instruat, et fidelium mentes spiritualium aromatum odore perfundat
PC
[Missae Votivae. Missa pro eligendo Summo Pontifice]


[N: 891]
Pretiosi corporis et sanguinis tui sacris refecti mysteriis, Domine, adprecamur: ut beati Ioannis Confessoris tui exemplo, studeamus confiteri, quod credidit, et opere exercere quod docuit
PC
[Die 9 Octobris. S. Ioannis Leonardi Confessoris]


[N: 892]
Pro animabus famulorum, famularumque tuarum, et omnium catholicorum hic et ubique in Christo dormientium, hostiam, Domine, suscipe benignus oblatam: ut hoc sacrificio singulari, vinculis horrendae mortis exuti, vitam mereantur aeternam
SO
[Orationes Diversae pro Defunctis n 15. Pro his qui in coemeterio requiescunt]


[N: 893]
Pro nostrae servitutis augmento sacrificium tibi, Domine, laudis offerimus: ut, quod immeritis contulisti, propitius exsequaris
SO
[Dominica XXIII post Pentecosten]


[N: 894]
Pro religionis christianae triumpho hostias placationis tibi, Domine, immolamus: quae, ut nobis proficiant, opem auxiliatrix Virgo praestet; per quam talis perfecta est victoria
SO
[Missae pro aliquibus locis. Die 24 Maii. B. Mariae Virginis titulo Auxilium Christianorum]


[N: 895]
Pro sanctorum Martyrum tuorum Proti et Hyacinthi commemoratione, munera tibi, Domine, quae debemus, exsolvimus: praesta, quaesumus; ut remedium nobis perpetuae salutis operentur
SO
[Die 11 Septembris. Ss. Proti et Hyacinthi Martyrum]


[N: 896]
Pro sanctorum tuorum Basilidis, Cyrini, Naboris atque Nazarii sanguine venerando, hostias tibi, Domine, solemniter immolamus, tua mirabilia pertractantes: per quem tais est perfecta victoria
SO
[Die 12 Iunii. Pro Ss. Basilide, Cyrino, Nabore et Nazario Martyribus]


[N: 897]
Proficiat nobis ad salutem corporis et animae, Domine Deus noster, huius sacramenti susceptio: et sempiternae sanctae Trinitatis, eiusdemque individuae unitatis confessio
PC
[In Festo Sanctissimae Trinitatis]


[N: 898]
Proficiat, quaesumus, Domine, plebs tibi dicata piae devotionis affectu: ut sacris actinibus erudita, quanto maiestati tuae fit gratior, tanto donis potioribus augeatur
C
[Sabbato post Dominicam Passionis]


[N: 899]
Propitiare, Domine, populo tuo, propitiare muneribus: ut hac oblatione placatus, et indulgentiam nobis tribuas, et postulata concedas
SO
[Dominica XIII post Pentecosten]


[N: 900]
Propitiare, Domine, supplicationibus nostris, et animarum nostrarum medere languoribus: ut, remissione percepta, in tua semper benedictione laetemur
SP
[Feria III post Dominicam II Quadragesimae]


[N: 901]
Propitiare, Domine, supplicationibus nostris: et has oblationes, famulorum famularumque tuarum benignus assume; ut, quod singuli obtulerunt ad honorem nominis tui, cunctis proficiat ad salutem
SO
[Dominicam V post Pentecosten]


[N: 902]
Propitiare, Domine, supplicationibus nostris, et has oblationes, quas tibi offerimus pro famulis tuis, benignus assume: ut viam illorum et praecedente gratia tua dirigas, et subsequente comitari digneris; ut de actu atque incolumitate eorum, secundum misericordiae tuae praesidia gaudeamus
SO
[Missae Votivae. Missa pro peregrinantibus et iter agentibus]


[N: 903]
Propitiare, Domine, supplicationibus nostris, et has populi tui oblationes benignus assume: et ut nullius sit irritum votum, nullius vacua postulatio, praesta; ut, quod fideliter petimus, efficaciter consequamur
SO
[Dominica VI post Pentecosten]


[N: 904]
Propitiare, Domine, supplicationibus nostris, et institutis tuis, quibus propagationem humani generis ordinasti, benignus assiste: ut, quod te auctore iungitur, te auxiliante servetur
C
[Missae Votivae. Missa pro Sponso et Sponsa. Dicto Pater noster]


[N: 905]
Propitiare, Domine, supplicationibus nostris, pro animabus famulorum famularumque tuarum, pro quibus tibi offerimus sacrificium laudis: ut eas Sanctorum tuorum consortio sociare digneris
SO
[Die 2 Novembris. In Commemoratione omnium Fidelium defunctorum. Ad secundam missam]


[N: 906]
Propitiare, quaesumus, Domine, animae famuli tui N. (famulae tuae N.) pro qua hostiam laudis tibi immolamus, maiestatem tuam suppliciter deprecantes: ut per haec piae placationis officia, pervenire mereatur ad requiem sempiternam
SO
[Missae Defunctorum. In die Obitus seu depositionis Defuncti]


[N: 907]
Propitius, Domine, quaesumus, haec dona sanctifica: et hostiae spiritalis oblatione suscepta, nosmetipsos tibi perfice munus aeternam
SO
[Feria II infra Octavam Pentecostes]


[N: 908]
Propitius esto, Domine, supplicationibus nostris: et populi tui oblationibus, precibusque susceptis, omnium nostrum ad te corda converte; ut a terrenis cupiditatibus liberati, ad caelestia desideria transeamus
SO
[Dominica XXIV et ultima post Pentecosten]


[N: 909]
Prosit, quaesumus, Domine, animabus famulorum tuorum Pontificum, seu Sacerdotum, misericordiae tuae implorata clementia: ut eius, in quo speraverunt et crediderunt, aeternum capiant, te miserante, consortium
PC
[Missae Defunctorum. In missis quotidianis Defunctorum. Pro defuncto Episcopo seu Sacerdotibus]


[N: 910]
Protector in te sperantium, Deus, qui Unigenitum tuum Redemptorem nostrum ex Herodis gladio fuga in Aegyptum eripere voluisti: concede nobis famulis tuis, beatissima semper Virgine eius matre Maria intercedente; ut, ab omnibus mentis et corporis periculis liberati, ad caelestem patriam pervenire mereamur
C
[Missae pro aliquibus locis. Die 17 Februarii. Fugae Domini nostri Iesu Christi in Aegyptum]


[N: 911]
Protector in te sperantium, Deus, sine quo nihil est validum, nihil sanctum: multiplica super nos misericordiam tuam; ut, te rectore, te duce, sic transeamus per bona temporalia, ut non amittamus aeterna
C
[Dominica infra Octavam Sacratissimi Cordis Iesu, tertia post Pentecosten]


[N: 912]
Protector noster aspice, Deus: et propugnatores tuos a paganorum defende periculis; ut, omni perturbatione submota, liberis tibi mentibus deserviant
PC
[Missae Votivae. Missa contra paganos]


[N: 913]
Protector noster aspice, Deus, et respice in faciem Christi tui, qui dedit redemtionem semetipsum pro omnibus: et fac; ut ab ortu solis usque ad occasum magnificetur nomen tuum in gentibus, ac in omni loco sacrificetur et offeratur nomini tuo oblatio munda
SO
[Missae Votivae. Missa pro Fidei Propagatione]


[N: 914]
Protector noster aspice, Deus: ut, qui malorum nostrorum pondere premimur, percepta misericordia, libera tibi mente famulemur
C2
[Sabbato Quatuor Temporum Quadragesimae]


[N: 915]
Protegat nos, Domine, cum tui perceptione sacramenti beatus N. Abbas, pro nobis intercedendo: ut, et conversationis eius experiamur insignis, et intercessionis percipiamus suffragia
PC
[Commune Sanctorum. Commune Abbatum. Missa Os iusti]


[N: 916]
Protegat, quaesumus, Domine, populum tuum et participatio caelestis indulta convivii, et deprecatio collata Sanctorum
PC
[Die 27 Septembris. Ss. Cosmae et Damiani Martyrum]


[N: 917]
Protege, Domine, populum tuum: et Apostolorum tuorum Petri et Pauli patrocinio confidentem, perpetua defensione conserva
PC
[Die 6 Iulii. In Octava Ss. Petri et Pauli Apostolorum]


[N: 918]
Protege nos, Domine, tuis mysteriis servientes: ut, divinis rebus inhaerentes, et corpore tibi famulemur, et mente
SO
[Orationes Diversae n 10. Contra persecutores Ecclesiae]


[N: 919]
Purifica nos, misericors Deus: ut Ecclesiae tuae preces, quae tibi gratae sunt, pia munera deferentes, fiant expiatis mentibus gratiores
SO
[Feria V post Dominicam IV Quadragesimae]


[N: 920]
Purifica, quaesumus, Domine, mentes nostras benignus, et renova caelestibus sacramentis: ut consequenter et corporum praesens pariter, et futurum capiamus auxilium
PC
[Dominica XVI post Pentecosten]


[N: 921]
Purificent nos, Domine, sacramenta quae sumpsimus: et, intercedente, beato Nicomede Martyre tuo, a cunctis efficiant vitiis absolutos
PC
[Die 15 Septembris. Pro S. Nicomede Martyre]


[N: 922]
Purificent nos, quaesumus, Domine, sacramenta quae sumpsimus: et famulos tuos ab omni culpa liberos esse concede; ut, qui conscientae reatu constringuntur, caelestis remedii plenitudine glorientur
PC
[Orationes Diversae n 24. Pro tentatis et tribulatis]


[N: 923]
Purificent nos, quaesumus, omnipotens et misericors Deus, sacramenta quae sumpsimus: et, intercedentibus omnibus Sanctis tuis, praesta; ut hoc tuum sacramentum non sit nobis reatus ad poenam, sed intercessio salutaris ad veniam: sit ablutio scelerum, sit fortitudo fragilium, sit contra omnia mundi pericula firmamentum: sit vivorum atque mortuorum fidelium remissio omnium delictorum
PC
[Orationes Diversae n 35. Pro vivis et defunctis]


[N: 924]
Purificent semper et muniant tua sacramenta nos, Deus: et ad perpetuae ducant salvationis effectum
PC
[Dominica XIV post Pentecosten]


[N: 925]
Purificet nos, quaesumus, Domine, muneris praesentis oblatio: et dignos sacra participatione efficiat
SO
[Feria III infra Octavam Pentecostes]


[N: 926]
Quaesumus clementiam tuam, omnipotens Deus, ut per huius virtutem sacramenti famulum tuum gratia tua confirmare digneris: ut in hora mortis eius non praevaleat contra eum adversarius; sed cum Angelis tuis transitum habere mereatur ad vitam
PC
[Missae Votivae. Missa pro infirmis. Pro infirmo qui proximus est morti]


[N: 927]
Quaesumus, Domine Deus noster: ut, quos divinis reparare non desinis sacramentis, tuis non destituas benignus auxiliis
PC
[Dominica X post Pentecosten]


[N: 928]
Quaesumus, Domine Deus noster: ut sacrosancta mysteria, quae pro reparationis nostrae munimine contulisti; et praesens nobis remedium esse facias, et futurum
PC
[Sabbato Quatuor Temporum Adventus]


[N: 929]
Quaesumus, Domine, pro tua pietate miserere animae famulae tuae N.: et a contagiis mortalitatis exutam, in aeternae salvationis partem restitue
C
[Orationes Diversae pro Defunctis n 10. Pro una defuncta]


[N: 930]
Quaesumus, Domine, salutaribus repleti mysteriis: ut, beati Felicis Martyris tui cuius solemnia celebramus, orationibus adiuvemur
PC
[Die 14 Ianuarii. Pro S. Felice Presbytero et Martyre]


[N: 931]
Quaesumus, Domine, ut animae famuli tui N. (famulae tuae N.), cuius depositionis diem tertium (vel septimum, vel trigesimum) commemoramus, Sanctorum atque electorum tuorum largiri digneris consortium: et rorem misericordiae tuae perennem infundas
C
[Missae Defunctorum. In die tertio, septimo et trigesimo depositionis defuncti]


[N: 932]
Quaesumus, Domine: ut beatorum Martyrum tuorum Nerei, Achillei, Domitillae atque Pancratii deprecationibus, sacramenta sancta, quae sumpsimus, ad tuae nobis proficiant placationis augmentum
PC
[Die 12 Maii. Ss. Nerei, Achillei et Domitillae Virg. atque Pancratii Mm.]


[N: 933]
Quaesumus, Domine, tu dum haec munera divinae maiestati tuae reverenter offerimus; pia mentis praeparatione et cordis puritate, beati Silvestri Abbatis imitatores effecti, corpus et sanguinem Filii tui sanctae percipere mereamur
SO
[Die 26 Novembris. S. Silvestri Abbatis]


[N: 934]
Quaesumus, omnipotens Deus, clementiam tuam: ut inundantiam coerceas imbrium, et hilaritatem vultus tui nobis impertiri digneris
PC
[Orationes Diversae n 17. Ad postulandam serenitatem]


[N: 935]
Quaesumus, omnipotens Deus, familiam tuam propitius respice: ut, te largiente, regatur in corpore; et, te servante, custodiatur in mente
C
[Dominica in Passione]


[N: 936]
Quaesumus, omnipotens Deus: instituta providentiae tuae pio favore comitare; ut, quos legitima societate connectis, longevae pace custodias
PC
[Missae Votivae. Missa pro Sponso et Sponsa]


[N: 937]
Quaesumus, omnipotens Deus: ut beatus Andreas Apostolus, cuius praevenimus festivitatem, tuum pro nobis imploret auxilium; ut, a nostris reatibus absoluti, a cunctis etiam periculis eruamur
C
[Die 29 Novembris. In vigilia S. Andreae Apostoli]


[N: 938]
Quaesumus, omnipotens Deus: ut de perceptis muneribus gratias exhibentes, beneficia potiora sumamus
PC
[Feria VI Quatuor Temporum Septembris]


[N: 939]
Quaesumus, omnipotens Deus, ut famulus tuus N. rex noster, qui tua miseratione suscepit regni gubernacula, virtutum etiam omnium percipiat incrementa; quibus decenter ornatus, et vitiorum monstra devitare, et ad te, qui via, veritas, et vita es, gratiosus valeat pervenire
C
[Orationes Diversae n 6. Pro Rege]


[N: 940]
Quaesumus, omnipotens Deus: ut illius salutaris capiamus effectum, cuius per haec mysteria pignus accepimus
PC
[Dominica V post Epiphaniam]


[N: 941]
Quaesumus, omnipotens Deus: ut in hoc loco, quem nomini tuo indigni dedicavimus, cunctis petentibus aures tuae pietatis accomodes
PC
[Commune Dedicationis Ecclesiae. In ipso die Dedicationis Ecclesiae et per Octavam, et quando varianda est Oratio]


[N: 942]
Quaesumus, omnipotens Deus: ut inter eius membra numeremur, cuius corpori communicamus, et sanguini
PC
[Sabbato post Dominicam III Quadragesimae]


[N: 943]
Quaesumus, omnipotens Deus: ut nos geminata laetitia hodiernae festivitatis excipiat, quae de beatorum Ioannis et Pauli glorificatione procedit; quos eadem fides et passio vere fecit esse germanos
C
[Die 26 Iunii. Ss Ioannis et Pauli Martyrum]


[N: 944]
Quaesumus, omnipotens Deus: ut per haec sacramenta, quae sumpsimus, intercedentibus meritis et precibus beati Ioachim Patris Genitricis dilecti Filii tui Domini nostri Iesu Christi, tuae gratiae in praesenti, et aeternae gloriae in futuro participes esse mereamur
PC
[Die 16 Augusti. S. Ioachim Patris B. Mariae Virginis]


[N: 945]
Quaesumus, omnipotens Deus: ut, qui caelestia alimenta percepimus, per haec contra omnia adversa muniamur
PC
[Dominica in Quinquagesima]


[N: 946]
Quaesumus, omnipotens Deus: ut, qui nobis munera dignaris praebere caelestia, intercedentibus sanctis tuis Cyrillo et Methodio, despicere terrena concedas
PC
[Die 7 Iulii. Ss Cyrilli et Methodi Episcoporum et Confessorum]


[N: 947]
Quaesumus, omnipotens Deus: ut, quos divina tribuis participatione gaudere, humanis non sinas subiacere periculis
PC
[Dominica XXIII post Pentecosten]


[N: 948]
Quaesumus, omnipotens Deus: ut reatus nostros munera sacrata purificent, et recte vivendi nobis operentur effectum
PC
[Die 14 Octobris. S. Callisti I Papae et Martyris]


[N: 949]
Quaesumus, omnipotens Deus: ut sanctorum Martyrum tuorum Primi et Feliciani caelestibus mysteriis celebrata solemnitas, indulgentiam nobis tuae propitiationis acquirat
PC
[Die 9 Iunii. Ss. Primi et Feliciani Martyrum]


[N: 950]
Quaesumus, omnipotens Deus, vota humilium respice: atque ad defensionem nostram, dexteram tuae maiestatis extende
C
[Dominica III in Quadragesima]


[N: 951]
Quas tibi, Domine, in festivitate sancti Gabrielis Confessoris tui, pro collatis donis gratias agimus: suscipe propitius per manus gloriosae semper Virginis Mariae; ex qua carnem illam assumpsisti, cuius in hoc salutari convivio meruimus gustare dulcedinem
PC
[Die 27 Febr. S. Gabrielis a Virgine Perdolente Confessoris]


[N: 952]
Quod ore sumpsimus, Domine, pura mente capiamus: et de munere temporali, fiat nobis remedium sempiternum
PC
[Feria V post Dominicam Passionis]


[N: 953]
Quos caelesti, Domine, alimento satiasti: apostolicis intercessoribus ab omni adversitate custodi
PC
[In Die 28 Iunii. In Vigilia Ss. Petri et Pauli Apostolorum]


[N: 954]
Quos caelesti, Domine, alimento satiasti, sublevet dextera Genitricis tuae immaculatae: ut ad aeternam patriam, ipsa adiuvante, pervenire mereamur
PC
[Die 11 Febr. In Apparitione B. Mariae Virg. immaculatae]


[N: 955]
Quos caelesti recreas munere, perpetuo, Domine, comitare praesidio: et, quos fovere non desinis, dignos fieri sempiterna redemptione concede
PC
[Orationes Diversae n 7. Pro Praelatis et congregationibus eis commissis]


[N: 956]
Quos caelestibus reficis sacramentis, fac, Domine Iesu, sanctae Familiae tuae exempla iugiter imitari: ut, in hora mortis nostrae, occurrente gloriosa Virgine Matre tua cum beato Ioseph; per te in aeterna tabernacula recipi mereamur
PC
[Dominica infra Oct. Epiphaniae. Sanctae Familiae Iesu, Maria, Ioseph]


[N: 957]
Quos tantis, Domine, largiris uti mysteriis: quaesumus; ut effectibus nos eorum veraciter aptare digneris
PC
[Dominica III post Epiphaniam]


[N: 958]
Quos tuis, Domine, reficis sacramentis, continuis attolle benignus auxiliis: ut tuae redemptionis effectum, et mysteriis capiamus, et moribus
PC
[Missae Votivae. In collatione sacrorum Ordinum]


[N: 959]
Redemptionis nostrae munere vegetati, quaesumus, Domine: ut hoc perpetuae salutis auxilio, fides semper vera proficiat
PC
[Sabbato in Albis]


[N: 960]
Refecti alimonia caelesti, supplices te rogamus, Pater omnipotens: ut, per unigeniti Filii tui orationis virtutem, nos in tantis corporis et animae periculis constituti, ad caelestia regna secure pervenire mereamur
PC
[Missae pro aliquibus locis. Feria III post Dominicam Septuagesimae. Orationes Domini nostri Iesu Christi]


[N: 961]
Refecti cibo potuque caelesti, Deus noster, te supplices deprecamur: ut, in cuius haec commemoratione percepimus, eius muniamur et precibus
PC
[Die 27 Decembris. S. Ioannis Apostoli et Evangelistae]


[N: 962]
Refecti, Domine, pane caelesti: ad vitam, quaesumus, nutriamur aeternam
PC
[Die 6 Maii. S. Ioannis Ap. et Evang. ante Portam Latinam]


[N: 963]
Refecti participatione muneris sacri, quaesumus, Domine Deus noster: ut, cuius exsequimur cultum, intercedente beato N. Martyre tuo atque Pontifice, sentiamus effectum
PC
[Die 26 Ianuarii. S. Polycarpi Episcopi et Martyris]


[N: 964]
Refecti vitalibus alimentis, quaesumus, Domine Deus noster: ut, quod tempore nostrae mortalitatis exsequimur, immortalitatis tuae munere consequamur
PC
[Feria V in Cena Domini]


[N: 965]
Refecti vitalibus alimoniis, quaesumus, Domine Deus noster: ut, qui Vulnera Domini Nostri Iesu Christi hodie devote colimus; haec in nostris cordibus impressa, moribus et vita teneamus
PC
[Missae pro aliquibus locis. Feria VI post Dominicam III Quadragesimae. Sacrorum Quinque Vulnerum]
(bis) Refectione sancta enutritam guberna, quaesumus, Domine, tuam placatus Ecclesiam: ut, potenti moderatione directa, et incrementa libertatis accipiat et in religionis integriatis persistat
(bis) PC
[(bis) Commune Sanctorum. Commune unius aut plurium Pontificum]

[N: 966]
Refectione sacra enutritos, fac nos, omnipotens Deus, vestigiis beatorum N. et N. Pontificum semper insistere: qui studuerunt perpeti devotione te colere, et indefessa omnibus caritate proficere
PC
[Commune Santorum pro aliquibus locis. Commune plurium Confessorum Pontificum]


[N: 967]
Repleti alimonia caelesti, et spiritali poculo recreati, quaesumus, omnipotens Deus: ut ab hoste maligno defendas, quos per lignum sanctae Crucis Filii tui, arma iustitiae pro salute mundi, triumphare iussisti
PC
[Die 3 Maii. In Inventione S. Crucis]


[N: 968]
Repleti alimonia caelesti et spirituali poculo recreati, quaesumus, omnipotens Deus: ut, intercedente beato Ioanne Confessore tuo, nos ab hoste maligno defendas, et Ecclesiam tuam perpetua pace custodias
PC
[Die 28 Martii. S. Ioannis a Capistrano Confessoris]


[N: 969]
Repleti alimonia caelesti, quaesumus, Domine: ut, interveniente beato Hieronymo Confessore tuo, misericordiae tuae gratiam consequi mereamur
PC
[Die 30 Septembris. S. Hieronymi Presb., Conf. et Eccl. Doct.]


[N: 970]
Repleti cibo spiritualis alimoniae, supplices te, Domine, deprecamur: ut huius participatione mysterii, doceas nos terrena despicere et amare caelestia
PC
[Dominica II Adventus]


[N: 971]
Repleti, Domine, benedictione caelesti, quaesumus clementiam tuam: ut, intercedente beato Hermete Martyre tuo, quae humiliter gerimus, salubriter sentiamus
PC
[Die 28 Augusti. Pro S. Hermete Martyre]


[N: 972]
Repleti, Domine, benedictione caelesti, suppliciter imploramus: ut, quod fragili celebramus officio, sanctorum Angelorum atque Archangelorum nobis prodesse sentiamus auxilio
PC
[Missa Votivae. Feria III. Missa de Angelis]


[N: 973]
Repleti, Domine, benedictione solemni: quaesumus; ut per intercessionem sanctorum Martyrum tuorum Viti, Modesti et Crescentiae, medicina sacramenti et corporibus nostris prosit, et mentibus
PC
[Die 15 Iunii. Ss. Viti, Modesti atque Crescentiae Martyrum]


[N: 974]
Repleti, Domine, muneribus sacris: da, quaesumus; ut in gratiarum semper actione maneamus
PC
[Dominica infra Octavam Ascensionis]


[N: 975]
Repleti sumus, Domine, muneribus tuis: tribue, quaesumus; ut eorum et mundemur effectu, et muniamur auxilio
PC
[Dominica VI post Pentecosten]


[N: 976]
Respice, Domine, familiam tuam: et praesta; ut apud te mens nostra tuo desiderio fulgeat, quae se carnis maceratione castigat
C
[Feria III post Dominicam I Quadragesimae]


[N: 977]
Respice, Domine, immaculatam hostiam, quam tibi offerimus: et praesta; ut meritis beati Pontificis et Confessoris tui Cyrilli, eam mundo corde suscipere studeamus
SO
[Die 18 Martii. S. Cyrilli Ep. Hierosolymitani, Conf. et Eccl. Doct.]


[N: 978]
Respice, Domine, munera populi tui, Sanctorum festivitate votiva: et tuae testificatio veritatis nobis proficiat ad salutem
SO
[Die 13 Augusti. Ss. Hippolyti et Cassiani Martyrum]


[N: 979]
Respice, Domine, munera supplicantis Ecclesiae: et saluti credentium perpetua sanctificatione sumenda concede
SO
[Dominica infra Octavam Sacratissimi Cordis Iesu, tertia post Pentecosten]


[N: 980]
Respice, Domine, propitius super haec munera: quae pro beati Sacerdotis et Martyris tui Apollinaris commemoratione deferimus, et pro nostris offensionibus immolamus
SO
[Die 23 Iulii. S. Apollinaris Episcopi et Martyris]


[N: 981]
Respice, Domine, quaesumus, nostram propitius servitutem: ut, quod offerimus, sit tibi munus acceptum, et sit nostrae fragilitatis subsidium
SO
[Dominica XI post Pentecosten]


[N: 982]
Respice, misericors Deus, dona quae offerimus recolentes animo caritatem: qua beatus Ioannes inter haec mysteria flagrabat
SO
[Missae pro aliquibus locis. Die 13 Augusti. S. Ioannis Berchmans Confessoris]


[N: 983]
Respice, quaesumus, Domine, ad ineffabilem Cordis dilecti Filii tui caritatem: ut quod offerimus sit tibi munus acceptum et nostrorum expiatio delictorum
SO
[Feria VI post Octavam Sacratissimi Corporis Christi. Sacratissimi Cordis Iesu]


[N: 984]
Respice, quaesumus, Domine, munera, quae in sanctorum Martyrum tuorum Mauritii et Sociorum eius commemoratione deferimus: et praesta; ut, quorum honore sunt grata, eorum nobis fiant intercessione perpetua
SO
[Die 22 Septembris. Pro Ss. Mauritio et Sociis Martyribus]


[N: 985]
Respice, quaesumus, Domine, populum tuum: et quem aeternis dignatus es renovare mysteriis, a temporalibus culpis dignanter absolve
PC
[Feria VI infra Octavam Paschae]


[N: 986]
Respice, quaesumus, Domine, propitius ad munera, quae sacramus: ut tibi grata sint, et nobis salutaria semper exsistant
SO
[Feria VI post Dominicam III Quadragesimae]


[N: 987]
Respice, quaesumus, Domine, super hanc familiam tuam, pro qua Dominus noster Iesus Christus non dubitavit manibus tradi nocentium, et crucis subire tormentum
SP
[Feria IV Maioris Hebdomadae]


[N: 988]
Respice, quas offerimus, hostias, omnipotens Deus: et praesta; ut, qui passionis Dominicae mysteria celebramus, imitemur quod agimus
SO
[Die 2 Septembris. S. Stephani Regis, Confessoris]


[N: 989]
Sacrae nobis, quaesumus, Domine, observationis ieiunia: et piae conversatonis augmentum, et tuae propitiationis continuum praestent auxilium
C
[Feria III post Dominicam IV Quadragesimae]


[N: 990]
Sacramenta corporis et sanguinis tui, quae sumpsimus, Domine Iesu Christe, beati Cyrilli Pontificis precibus, mentes et corda nostra sanctificent: ut divinae consortes naturae effici mereamur
PC
[Die 18 Mart. S. Cyrilli Ep. Hierosolymitani, Conf. et Eccl. Doct.]


[N: 991]
Sacramenta, quae sumpsimus, Domine Deus noster: et spiritualibus nos repleant alimentis, et corporalibus tueantur auxiliis
PC
[Feria IV post Dominicam IV Quadragesimae]


[N: 992]
Sacramenta, quae sumpsimus, Domine Deus noster: illius in nobis culpae vulnera reparent; a qua immaculatam beatae Mariae Conceptionem singulariter praeservasti
PC
[Die 8 Decembris. In Conceptione Immaculata B. Mariae Virginis]


[N: 993]
Sacramenta, quae sumpsimus, Domine Deus noster, in nobis foveant caritatis ardorem: quo beatus Robertus vehementer accensus, pro Ecclesia tua se iugiter impendebat
PC
[Die 13 Maii. S. Roberti Bellarmino Ep., Conf. et Eccl. Doct.]


[N: 994]
Sacramenta, quae sumpsimus, Domine: per intercessionem beati Emigdii Martyris tui atque Pontificis sint nobis ad tutamentum mentis et corporis, et ad misericordiam tuam efficaciter consequendam
PC
[Missae pro aliquibus locis. Die 9 Aug. S. Emigdi Ep. et Mart.]


[N: 995]
Sacramenta salutis nostrae suscipientes, concede, quaesumus, omnipotens Deus: ut beati Ambrosii Confessoris tui atque Pontificis, nos ubique oratio adiuvet; in cuius veneratione haec tuae obtulimus maiestati
PC
[Die 7 Dec. S. Ambrosii Ep., Conf. et Eccl. Doct.]


[N: 996]
Sacramenti tui, Domine, divina libatio, penetralia nostri cordis infundat: et sui nos participes potenter efficiat
PC
[Sabbato post Dominicam II Quadragesimae]


[N: 997]
Sacramenti tui, quaesumus, Domine, participatio salutaris, et purificationem nobis tribuat, et medelam
PC
[Feria II post Dominicam Passionis]


[N: 998]
Sacramentis, Domine, et gaudiis optatae celebritatis expletis: quaesumus; ut eorum precibus adiuvemur, quorum recordationibus exhibentur
PC
[Die 31 Octobris. In Vigilia Omnium Sanctorum]


[N: 999]
Sacramentis, Domine, muniamur acceptis: et sanctorum Martyrum tuorum Sergii, Bacchi, Marcelli et Apuleii intercessione, contra omnes nequitias irruentes, armis caelestibus protegamur
PC
[Die 7 Oct. Pro Ss. Sergio, Baccho, Marcello et Apuleio Martyrum]


[N: 1000]
Sacramentorum tuorum, Domine, communio sumpta nos salvet: et in tuae veritatis luce confirmet
PC
[Die 13 Augusti. Ss. Hippolyti et Cassiani Martyrum]


[N: 1001]
Sacrandum tibi, Domine, munus offerimus: quo beati Andreae Apostoli solemnia recolentes, purificationem quoque nostris mentibus imploramus
SO
[Die 29 Novembris. In Vigilia S. Andreae Apostoli]


[N: 1002]
Sacrificia, Domine, paschalibus gaudiis immolamus: quibus Ecclesia tua mirabiliter et pascitur et nutritur
SO
[Feria IV infra Octavam Paschae]


[N: 1003]
Sacrificia, Domine, quaesumus, propensius ista nos salvent, quae medicinalibus sunt instituta ieieniis
SO
[Feria V post Dominicam I Quadragesimae]


[N: 1004]
Sacrificia, Domine, tuis oblata conspectibus, ignis ille divinus absumat, qui discipulorum Christi Filii tui per Spiritum Sanctum corda succendit
SO
[Feria VI Quatuor Temporum Pentecostes]


[N: 1005]
Sacrificia nos, Domine, immaculata purificent: et mentibus nostris supernae gratiae dent vigorem
SO
[Dominica infra Octavam Ascensionis]


[N: 1006]
Sacrificia, quae sumpsimus, Domine Iesu Christe, Transfixionem Matris tuae et Virginis devote celebrantes: nobis impetrent apud clementiam tuam omnis boni salutaris effectum
PC
[Feria VI post Dom. Passionis. Septem Dolorum B. Mariae Virginis]


[N: 1007]
Sacrificia, quae sumpsimus, Domine, pro solemnitate sancti Pontificis tui Nicolai, sempiterna nos protectione conservent
PC
[Die 6 Decembris. S. Nicolai Episcopi et Confessoris]


[N: 1008]
Sacrificiis, Domine, placatus oblatis: opem tuam nostris temporibus clementer impende
SO
[Orationes Diversae n 19. Pro peste animalium]


[N: 1009]
Sacrificiis praesentibus, Domine, quaesumus, intende placatus: ut quod Passionis Filii tui Domini nostri mysterio gerimus, beati Alberti intercessione et exemplo, pio consequamur effectu
SO
[Die 15 Nov. S. Alberti Magni Ep., Conf. et Eccl. Doct.]


[N: 1010]
Sacrificiis praesentibus, quaesumus, Domine, intende placatus: et praesta; ut illo nos igne Spiritus Sanctus inflammet, quo beati Philippi cor mirabiliter penetravit
SO
[Die 26 Maii. S. Philippi Nerii Confessoris]


[N: 1011]
Sacrificiis praesentibus, quaesumus, Domine, placatus intende: ut et devotioni nostrae proficiant, et saluti
SO
[Sabbato Quatuor Temporum Adventus]


[N: 1012]
Sacrificium, Domine, observantiae quadragesimalis, quod offerimus, praesta, quaesumus: ut tibi et mentes nostras reddat acceptas, et continentiae promptioris nobis tribuat facultatem
SO
[Feria VI post Cineres]


[N: 1013]
Sacrificium, Domine, quod tibi immolamus, placatus intende: ut ab omni nos eruat bellorum nequitia, et per vexillum sanctae Crucis Filii tui, ad conterendas postestatis adversae insidias, nos in tuae protectionis securitate constituat
SO
[Die 3 Maii. In Inventione S. Crucis]


[N: 1014]
Sacrficium nostrum, Domine, suffragantibus beatarum N. et N. precibus, tibi reddatur acceptum: ut nobis et culparum veniam largiatur, et meritorum copiam operetur
SO
[Commune Sanctorum pro aliquibus locis. Pro pluribus nec Martyribus nec Virginibus. Missa Domine Deus]


[N: 1015]
Sacrificium nostrum tibi, Domine, quaesumus, beati Andreae Apostoli precatio sancta conciliet: ut, in cuius honore solemniter exhibetur, eius meritis efficiatur acceptum
SO
[Die 30 Novembris. S. Andreae Apostoli]


[N: 1016]
Sacrificium quadragesimalis initii solemniter immolamus, te Domine, deprecantes: ut, cum epularum restrictione carnalium, a noxiis quoque voluptatibus temperemus
SO
[Dominica I in Quadragesima]


[N: 1017]
Sacrificium tibi, Domine, laudis offerimus in tuorum commemoratione Sanctorum: da, quaesumus; ut, quod illis contulit gloriam, nobis prosit ad salutem
SO
[Die 28 Augusti. Pro S. Hermete Martyre]


[N: 1018]
Sacrificium tibi offerimus, Domine, in solemnitate beati Augustini Pontificis et Confessoris tui, humiliter deprecantes: ut oves, quae perierunt, ad unum ovile reversae, hoc salutari pabulo nutriantur
SO
[Die 28 Maii. S. Augustini Episcopi et Confessoris]


[N: 1019]
Sacris altaribus, Domine, hostias superpositas sanctus N. Abbas, quaesumus, in salutem nobis provenire deposcat
SO
[Commune Sanctorum. Commune Abbatum. Missa Os iusti]


[N: 1020]
Sacris, Domine, mysteriis expiati: et veniam, quaesumus, consequamur, et gratiam
PC
[Feria III post Dominicam III Quadragesimae]


[N: 1021]
Sacris, Domine, refecti muneribus: quaesumus; ut sancti Benedicti Iosephi Confessoris tui virtutes imitemur, cuius poscimus meritis adiuvari
PC
[Missae pro aliquibus locis. Die 16 Aprilis S. Benedicti Iosephi Labre Confessoris]


[N: 1022]
Sacro munere satiati, supplices, te, Domine, deprecamur: ut, quod debitae servitutis celebramus officio, salvationis tuae sentiamus augmentum
PC
[Die 14 Aprilis. Pro Ss. Tiburtio, Valeriano et Maximo Martyribus]


[N: 1023]
Sacrosancti sacrificii, quaesumus, Domine, quod hodie in solemnitate beati Francisci tuae obtulimus maiestati, grata semper in mentibus nostris memoria perseveret, et fructus
PC
[Die 4 Iunii. S. Francisci Caracciolo Confessoris]


[N: 1024]
Salutarem hostiam in memoriam sancti Gabrielis tibi, Domine, offerentes, fac nos sacrificium mortis tuae rite recolere: ac, meritis perdolentis Virginis, eiusdem sacrificii fructum copiose percipere
SO
[Die 27 Februarii. S. Gabrielis a Virgine Perdolente Confessoris]


[N: 1025]
Salutarem hostiam, quam in solemnitate immaculatae Conceptionis beatae Virginis Mariae tibi, Domine, offerimus, suscipe et praesta: ut, sicut illam tua gratia praeveniente ab omni labe immunem profitemur; ita eius intercessione a culpis omnibus liberemur
SO
[Die 8 Decembris. In Conceptione Immaculata B. Mariae Virginis]


[N: 1026]
Salutaris tui, Domine, munere satiati, supplices deprecamur: ut, cuius laetamur gustu, renovemur effectu
PC
[Feria IV Quatuor Temporum Adventus]


[N: 1027]
Sancta tua nos, Domine, sumpta vivificent: et misericordiae sempiternae praeparent expiatos
PC
[Dominica infra Oct. Ssmi Cordis Iesu III post Pentecosten]


[N: 1028]
Sancti Antonini, Domine, Confessoris tui atque Pontificis meritis adiuvemur: ut, sicut te in illo mirabilem praedicamus, ita in nos misericordem fuisse gloriemur
C
[Die 10 Maii. S. Antonini Episcopi et Confessoris]


[N: 1029]
Sancti Apostoli tui N, quaesumus, Domine, supplicatione placatus: et veniam nobis tribue, et remedia sempiterna concede
PC
[Commune Sanctorum. In Vigiliis Apostolorum. Missa Ego autem]


[N: 1030]
Sancti Brunonis Confessoris tui, quaesumus, Domine, intercessionibus adiuvemur: ut, qui maiestatem tuam graviter delinquendo offendimus, eius meritis et precibus, nostrorum delictorum veniam consequamur
C
[Die 6 Octobris. S. Brunonis Confessoris]


[N: 1031]
Sancti N. Confessoris tui atque Pontificis, quaesumus, Domine, annua solemnitas pietati tuae nos reddat acceptos: ut, per haec piae placationis officia, et illum beata retributio comitetur, et nobis gratiae tuae dona conciliet
SO
[Commune Sanctorum. Pro Confessore Pontifice. Altera missa Sacerdotes tui]


[N: 1032]
Sancti Ioannis Baptistae Praecursoris et Martyris tui, quaesumus, Domine, veneranda festivitas: salutaris auxilii nobis praestet effectum
C
[Die 29 Augusti. In Decollatione S. Ioannis Baptistae]


[N: 1033]
Sancti nominis tui, Domine, timorem pariter et amorem fac nos habere perpetuum: quia numquam tua gubernatione destituis, quos in soliditate tuae dilectionis instituis
C
[Dom. infra Oct. Ssmi Corporis Christi, secunda post Pentecosten]


[N: 1034]
Sancti Spiritus, Domine, corda nostra mundet infusio: et sui roris intima aspersione foecundet
PC
[Sabbato in Vigilia Pentecostes]


[N: 1035]
Sancti Spiritus gratia, quaesumus, Domine, corda nostra illuminet: et perfectae caritatis dulcedine abundanter reficiat
PC
[Orationes Diversae n 29. Ad postulandam caritatem]


[N: 1036]
Sancti tui, quaesumus, Domine, nos ubique laetificent: ut, dum eorum merita recolimus, patrocinia sentiamus
SO
[Commune Sanctorum. Pro Confessore Pontifice. Missa Statuit]


[N: 1037]
Sanctifica, Domine, quaesumus, oblata libamina: et beatae Dei Genitricis Mariae saluberrima intercessione, nobis salutaria fore concede
SO
[Die 16 Iulii. In Commemoraitone B. Mariae Virg. de Monte Carmelo]


[N: 1038]
Sanctifica, quaesumus, Domine Deus, haec munera, quae in solemnitate sancti Antistitis tui Nicolai offerimus: ut per ea, vita nostra inter adversa et prospera ubique dirigatur
SO
[Die 6 Decembris. S. Nicolai Episcopi et Confessoris]


[N: 1039]
Sanctifica, quaesumus, Domine, Deus noster, per tui sancti nominis invocationem, huius oblationis hostiam; et per eam nosmetipsos tibi perfice munus aeternum
SO
[In Festo Sanctissimae Trinitatis]


[N: 1040]
Sanctifica, quaesumus, Domine, nostra ieieunia: et cunctarum nobis indulgentiam propitius largire culparum
C
[Feria II post Dominicam Passionis]


[N: 1041]
Sanctificati divino mysterio, maiestatem tuam, Domine, suppliciter deprecamur, et petimus; ut famulos tuos, quos donis facis caelestibus memorari; per lignum sanctae Crucis, et a peccatis abstrahas, et a periculis cunctis miseratus eripias
PC
[Orationes Diversae n 33. Pro navigantibus]


[N: 1042]
Sanctificati, Domine, salutari mysterio: quaesumus; ut, intercedente sancto Josepho Confessore tuo, ad maius semper proficiamus pietatis incrementum
PC
[Die 27 Augusti. S. Iosephi Calasanctii Confessoris]


[N: 1043]
Sanctificati, Domine, salutari mysterio: quaesumus; ut nobis eius non desit oratio, cuius nos donasti patrocinio gubernari
PC
[Die 25 Ianuarii. In Conversione S. Pauli Apostoli]


[N: 1044]
Sanctificationem tuam nobis, Domine, his mysteriis operare placatus: quae nos et a terrenis purget vitiis, et ad caelestia dona perducat
SO
[Feria III post Dominicam II Quadragesimae]


[N: 1045]
Sanctificationibus tuis, omnipotens Deus, et vitia nostra curentur, et remedia nobis aeterna proveniant
PC
[Sabbato Quatuor Temporum Quadragesimae]


[N: 1046]
Sanctificato hoc ieiunio, Deus, tuorum corda fidelium miserator illustra: et quibus devotionis praestas affectum, praebe supplicantibus pium benignus auditum
C
[Feria IV post Dominicam Passionis]


[N: 1047]
Sanctificet et roboret nos, quaesumus, Domine, supernorum munerum fructuosa receptio: ut, suffragantibus beatis Martyribus tuis N. et N., et vitiorum aestibus obsistamus, et contra omnium impetus hostium repugnemus
PC
[Commune Sanctorum pro aliquibus locis. Pro Martyribus non Virginibus. Missa Da nobis]


[N: 1048]
Sanctificet nos, Domine, qua pasti sumus, mensa caelesti: et a cunctis erroribus expiatos, supernis promissionibus reddat acceptos
PC
[Feria IV post Dominicam III Quadragesimae]


[N: 1049]
Sanctificet nos, quaesumus, Domine, hoc sanctum et immaculatum sacrificium vespertinum: quod unigenitus Filius tuus in cruce obtulit pro salute mundi
SO
[Missae pro aliquibus locis. Feria VI post Dominicam I Quadragesimae. Sacrorum Lanceae et Clavorum Domini nostri Iesu Christi]


[N: 1050]
Sanctificet, nos, quaesumus, Domine, tui perceptio sacramenti: et intercessione Sanctorum tuorum tibi reddat acceptos
PC
[Die 29 Novembris. Pro S. Saturnino Martyre]


[N: 1051]
Sanctissimae Genitricis tuae, cuius Rosarium celebramus, quaesumus, Domine, precibus adiuvemur: ut et mysteriorum, quae colimus, virtus percipiatur; et sacramentorum, quae sumpsimus, obtineatur effectus
PC
[Die 7 Octobris. Sacratissimi Rosarii B. Mariae Virginis]


[N: 1052]
Sanctissimae Genitricis tuae sponsi patrocinio suffulti, rogamus, Domine, clementiam tuam: ut corda nostra facias terrena cuncta despicere, ac te verum Deum perfecta caritate diligere
SO
[Feria IV infra hebdomadam II post Oct. Paschae. In Solemnitate S. Ioseph Sponsi B. Mariae Virginis, Confessoris et Ecclesiae Universalis Patroni]


[N: 1053]
Sanctorum Martyrum tuorum Basilidis, Cyrini, Naboris atque Nazarii, quaesumus, Domine, natalitia nobis votiva resplendeant: et, quod illis contulit excellentia sempiterna, fructibus nostrae devotionis accrescat
C
[Die 12 Iunii. Pro Ss. Basilide, Cyrino, Nabore et Nazario Martyrum]


[N: 1054]
Sanctorum Martyrum tuorum nos, Domine, Sergii, Bacchi, Marcelli et Apuleii beata merita prosequantur: et tuo semper faciant amore ferventes
C
[Die 7 Oct. Pro Ss. Sergio, Baccho, Marcello et Apuleio Martyribus]


[N: 1055]
Sanctorum Martyrum tuorum, quaesumus, Domine, Nerei, Achillei, Domitillae atque Pancratii sit tibi grata confessio: quae et munera nostra commendet, et tuam nobis indulgentiam semper imploret
SO
[Die 12 Maii. Ss. Nerei, Achillei et Domitillae Virg. atque Pancratii Martyrum]


[N: 1056]
Sanctorum tuorum, Domine, intercessione placatus: praesta, quaesumus; ut, quae temporali celebramus actione, perpetua salvatione capiamus
PC
[Die 19 Ian. Ss. Marii, Marthae, Audifacis et Abachum Martyrum]


[N: 1057]
Sanctorum tuorum, Domine, nobis pia non desit oratio: quae et munera nostra conciliet, et tuam nobis indulgentiam semper obtineat
SO
[Die 28 Decembris. Ss. Innocentium Martyrum]


[N: 1058]
Sanctorum tuorum nos, Domine, Nazarii, Celsi, Victoris et Innocentii confessio beata communiat: et fragilitati nostrae subsidium dignanter exoret
C
[Die 28 Iulii. Ss. Nazarii et Celsi Martyrum, Victoris I Papae et Martyris ac Innocentii I Papae et Confessoris]


[N: 1059]
Sanctus tuus, Domine, Gorgonius sua nos intercessione laetificet: et pia faciat solemnitate gaudere
C
[Die 9 Septembris. S. Gorgoni Martyris]


[N: 1060]
Satiasti, Domine, familiam tuam muneribus sacris: eius, quaesumus, semper interventione nos refove, cuius solemnia celebramus
PC
[Die 25 Decembris. In Nativitate Domini. Ad secundam missam in Aurora. Commemoratio S. Anastasiae Martyris]


[N: 1061]
Semper, Domine, sanctorum Martyrum tuorum Basilidis, Cyrini, Naboris atque Nazarii solemnia celebrantes: praesta, quaesumus; ut eorum patrocinia iugiter sentiamus
PC
[Die 12 Iunii. Pro Ss. Basilide, Cyrino, Nabore et Nazario Martyrum]


[N: 1062]
Semper nos, Domine, Martyrum tuorum Nerei, Achillei, Domitillae atque Pancratii foveat, quaesumus, beata solemnitas: et tuo dignos reddat obsequio
C
[Die 12 Maii. Ss. Nerei, Achillei et Domitillae atque Pancratii Martyrum]


[N: 1063]
Sentiamus, quaesumus, Domine, tui perceptione sacramenti, subsidium mentis et corporis: ut in utroque salvati, caelestis remedii plelitudine gloriemur
PC
[Dominica XI post Pentecosten]


[N: 1064]
Sicut gloriam divinae potentiae munera pro Sanctis oblata testantur: sic nobis effectum, Domine, tuae salvationis impendant
SO
[Die 15 Iunii. Ss. Viti, Modesti atque Crescentiae Martyrum]


[N: 1065]
Sit nobis, Domine, reparatio mentis et corporis caeleste mysterium: ut, cuius exsequimur cultum, sentiamus effectum
PC
[Dominica VIII post Pentecosten]


[N: 1066]
Sit nobis, Domine, sacramenti tui certa salvatio: quae cum beatorum Martyrum tuorum Cosmae et Damiani meritis imploratur
PC
[Feria V post Dominicam III Quadragesimae]


[N: 1067]
Spiritum, Domine, fortitudinis haec nobis tribuat mensa caelestis: quae sancti Iosaphat Martyris tui atque Pontificis vitam pro Ecclesiae honore iugiter aluit ad victoriam
PC
[Die 14 Novembris. S. Iosaphat Episcopi et Martyris]


[N: 1068]
Spiritum nobis, Domine, tuae caritatis infunde: ut, quos caelestis panis virtute satiasti, beata Ioanna Francisca intercedente, facias terrena despicere, et te solum Deum pura mente sectari
PC
[Die 21 Augusti. S. Ioannae Franciscae Frémiot de Chantal]


[N: 1069]
Spiritum nobis, Domine, tuae caritatis infunde: ut, quos uno pane caelsti satiasti, tua facias pietate concordes
PC
[Feria VI post Cineres]


[N: 1070]
Subiectum tibi populum, quaesumus, Domine, propitiatio caelestis amplificet: et tuis semper faciat servire mandatis
SP
[Feria V post Dominicam III Quadragesimae]


[N: 1071]
Subveniat, Domine, plebi tuae Dei Genitricis oratio: quam etsi pro conditione carnis migrasse cognoscimus, in caelesti gloria apud te pro nobis intercedere sentiamus
SO
[Die 15 Augusti. In Assumptione B. Mariae Virginis]


[N: 1072]
Subveniat nobis, Domine, beatae Mariae Matris tuae ac nostrae mediatricis oratio; ut per haec sacrosancta commercia, tua gratia largiente, ad redemptionis aeternae proficiamus augmentum
PC
[Missae pro aliquibus locis. Die 31 Maii. B. Mariae Virginis Omnium Gratiarum Mediatricis]


[N: 1073]
Subveniat nobis, quaesumus, Domine, sacrificii praesentis oblatio: quae nos et ab erroribus universis potenter absolvat, et a totius eripiat perditionis incursu
SO
[Missae Votivae. Missa pro vitanda mortalitate]


[N: 1074]
Sumat Ecclesia tua, Deus, beati Ioannis Baptistae generatione laetitiam: per quem suae regenerationis cognovit auctorem, Dominum nostrum Iesum Christum Filium tuum
PC
[Die 24 Iunii. In Nativitate S. Ioannis Baptistae]


[N: 1075]
Sumentes, Domine, caelestia sacramenta, quaesumus, clementiam tuam: ut, quod temporaliter gerimus, aeternis gaudiis consequamur
PC
[Feria IV Quatuor Temporum Pentecostes]


[N: 1076]
Sumentes, Domine, dona caelestia, suppliciter deprecamur: ut, quae sedula servitute donante te gerimus, dignis sensibus tuo munere capiamus
PC
[Feria IV Quatuor Temporum Septembris]


[N: 1077]
Sumpsimus, Domine, aeternae vitae sacramenta, te humiliter deprecantes: ut, beato Venantio Martyre tuo pro nobis deprecante, veniam nobis concilient, et gratiam
PC
[Die 18 Maii. S. Venantii Martyris]


[N: 1078]
Sumpsimus, Domine, celebritate annuae votiva sacramenta: praesta, quaesumus; ut et temporalis vitae nobis remedia praebeant, et aeternae
PC
[Die 28 Ianuarii. S. Agnetis Virginis et Martyri secundo]


[N: 1079]
Sumpsimus, Domine, divina mysteria, beati Andreae festivitate laetantes: quae, sicut tuis Sanctis ad gloriam, ita nobis, quaesumus, ad veniam prodesse perficias
PC
[Die 30 Novembris. S. Andreae Apostoli]


[N: 1080]
Sumpsimus, Domine, divina mysteria, sanctorum Angelorum tuorum festivitate laetantes: quaesumus; ut eorum protectione ab hostium iugiter liberemur insidiis, et contra omnia adversa muniamur
PC
[Die 2 Octobris. Sanctorum Angelorum Custodum]


[N: 1081]
Sumpsimus, Domine, divinum sacramentum, immensae caritatis tuae memoriale perpetuum: tribue, quaesumus; ut, sancti Pauli meritis et imitatione, aquam de fontibus tuis hauriamus in vitam aeternam salientem, et tuam sacratissimam passionem cordibus nostris impressam moribus et vita teneamus
PC
[Die 28 Aprilis. S. Pauli a Cruce Confessoris]


[N: 1082]
Sumpsimus, Domine, pignus redemptionis aeternae: quod sit nobis, quaesumus, intervenientibus sanctis Martyribus tuis, vitae praesentis auxilium pariter et futurae
PC
[Die 11 augusti. Ss. Tiburtii et Susannae Virginis Martyrum]


[N: 1083]
Sumpsimus, Domine, sacri dona mysterii: humiliter deprecantes; ut, quae in tui commemorationem nos facere praecepisti, in nostrae proficiant infirmitatis auxilium
PC
[Feria VI Quatuor Temporum Pentecostes]


[N: 1084]
Sumpta mysteria, quaesumus, Domine, suffragantibus beatarum Virginum N. et N. meritis, incitent nos iugiter et illustrent: ut digne adventum Filii tui praestolemur, et ad supernas eius nuptias admittamur
PC
[Commune Sanctorum pro aliquibus locis. Pro Virginibus tantum. Missa Virgines]


[N: 1085]
Sumpta nos, quaesumus, Domine, dona caelestibus armis tueantur: et beati Ioannis patrocinia circumdet Sanctorum unanimi suffragio cumulata; quorum imagines evicit in Ecclesia esse venerandas
PC
[Die 27 Martii. S. Ioannis Damasceni Conf. et Eccl. Doct.]


[N: 1086]
Sumpti sacrificii, Domine, perpetua nos tuitio non derelinquat: et noxia semper a nobis cuncta depellat
PC
[Feria VI post Dominicam Passionis]


[N: 1087]
Sumptis, Domine, sacramentis: ad redemptionis aeternae, quaesumus, proficiamus augmentum
PC
[Feria IV post Dominicam II Quadragesimae]
(bis) Sumptis, Domine, salutaribus sacramentis, da, quaesumus ut, meritis et intercessione beatae Virginis Mariae in caelum assumptae, ad resurrectionis gloriam perducamur
(bis)PC
[(bis) Die 15 Augusti. In Assumptione B. Mariae Virginis]

[N: 1088]
Sumptis, Domine, salutis nostrae subsidiis: da nobis, quaesumus, beatae Mariae semper Virginis ac Reginae Apostolorum patrocinio, perseverantem in tua voluntate famulatum: ut Ecclesia tua novis semper proficiat incrementis
PC
[Missae pro aliquibus locis. Sabbato infra Octavam Ascensionis B. Mariae Virginis Reginae Apostolorum]


[N: 1089]
Sumptis, Domine, salutis nostrae subsidiis: da, quaesumus, beatae Mariae semper Virginis patrociniis nos ubique protegi; in cuius veneratione haec tuae obtulimus maiestati
PC
[Commune Festorum B. Mariae Virginis]


[N: 1090]
Sumptis muneribus, quaesumus, Domine: ut cum frequentatione mysterii, crescat nostrae salutis effectus
PC
[Dominica IV Adventus]


[N: 1091]
Sumptis redemptionis nostrae muneribus: praesta, quaesumus, misericors Deus; eorum nobis celebratione, tua protectionis contra omnes adversitates subsidium
PC
[Orationes Diversae n 8. Pro congregatione et familia]


[N: 1092]
Sumpto, Domine, sacramento, suppliciter deprecamur: ut, intercedentibus beatis Apostolis tuis Simone et Iuda, quod temporaliter gerimus, ad vitam capiamus aeternam
PC
[Die 27 Octobris. In Vigilia Ss. Simonis et Iudae Apostolorum]


[N: 1093]
Sumpto, quaesumus, Domine, unico ac salutari remedio, corpore et sanguine tuo pretioso: ab omnibus malis, sanctae Mariae Magdalenae patrociniis, eruamur
PC
[Die 22 Iulii. S. Mariae Magdalenae Paenitentis]


[N: 1094]
Super has, quaesumus, Domine, hostias benedictio copiosa descendat: quae captivi huius vincula solvat, et de eius liberatione nos cito laetificet
SO
[Orationes Diversae n 32. Pro constituto in carcere, vel in captivitate]


[N: 1095]
Super has, quaesumus, Domine, hostias benedictio copiosa descendat: quae et sanctificationem nobis clementer operetur, et de Martyrum nos solemnitate laetificet
SO
[Die 28 Ianuarii. S. Agnetis Virginis et Martyris secundo]


[N: 1096]
Supplicationibus beati Matthei Apostoli et Evangelistae, quaesumus, Domine, Ecclesiae tuae commendetur oblatio: cuius magnificis praedicationibus eruditur
SO
[Die 21 Septembris. S. Matthaei Apostoli et Evangelistae]


[N: 1097]
Suppplices, Domine, pro animabus famulorum, famularumque tuarum preces effundimus: obsecrantes; ut, quidquid conversatione contraxerunt humana, et clementer indulgeas, et in tuorum sede laetantium constituas redemptorum
PC
[Orationes Diversae pro Defunctis n 17. Pro pluribus Defunctis. Alia]


[N: 1098]
Supplices te rogamus, omnipotens Deus: ut haec sacramenta quae sumpsimus, per sacrosanctae Filii tui Coronae, cuius solemnia recensemus, virtutem nobis proficiant ad medelam
PC
[Missae pro aliquibus locis. Feria VI post Cineres. Sacrae Spinae Coronae Domini nostri Iesu Christi]


[N: 1099]
Supplices te rogamus, omnipotens Deus: ut his sacrificiis peccata nostra mundentur; quia tunc veram nobis tribuis et mentis et corporis sanitatem
SO
[Feria IV post Dominicam IV Quadragesimae]


[N: 1100]
Supplices te rogamus, omnipotens Deus: ut intercedentibus Sanctis tuis, et tua in nobis dona multiplices, et tempora nostra disponas
PC
[Die 23 Novembris. Pro S. Felicitate Martyre]


[N: 1101]
Supplices te rogamus, omnipotens Deus: ut, quos donis caelestibus satiasti, intercedente beato Laurentio Martyre tuo, perpetua protectione custodias
PC
[Die 17 Augusti. Pro die Octava S. Laurentii Martyris]


[N: 1102]
Supplices te rogamus, omnipotens Deus: ut, quos tuis reficere dignatus es sacramentis, intercedente beata Catharina, tribuas pro tui amore terrena despicere; et caelestium semper participatione gaudere
PC
[Missae pro aliquibus locis. Die 22 Martii. S. Catharinae Fliscae Adurnae Viduae]


[N: 1103]
Supplices te rogamus, omnipotens Deus: ut quos reficis sacramentis, tibi etiam placitis moribus dignanter deservire concedas
PC
[Dominica infra Octavam Epiphaniae]


[N: 1104]
Supplici, Domine, hmilitate deposcimus: ut sacrosanctae Romanae Ecclesiae concedat Pontificem illum tua immensa pietas; qui et pio in nos studio semper tibi placitus, et tuo populo pro salubri regimine sit assidue ad gloriam tui nominis reverendus
C
[Missae Votivae. Missa pro eligendo Summo Pontifice]


[N: 1105]
Suscipe, clementissime Deus, sacrificium in honorem sancti Patriarchae Ioachim, patris Mariae Virginis, maiestati tuae oblatum: ut, ipso cum coniuge sua, et beatissima prole intercedente, perfectam consequi mereamur remissionem peccatorum, et gloriam sempiternam
SO
[Die 16 Augusti. S. Ioachim Patris B. Mariae Virginis, Confessoris]


[N: 1106]
Suscipe, Domine, fidelium preces cum oblationibus hostiarum: ut per haec piae devotionis officia, ad caelestem gloriam transeamus
SO
[Feria III infra Octavam Paschae]


[N: 1107]
Suscipe, Domine, munera pro tuorum commemoratione sanctorum: ut, sicut illos passio gloriosos effecit; ita nos devotio reddat innocuos
SO
[Die 26 Decembris. S. Stephani Protomartyris]


[N: 1108]
Suscipe, Domine, munera propitius oblata: quae maiestati tuae beati Nicomedis Martyris commendet oratio
SO
[Die 15 Septembris. Pro S. Nicomede Martyre]


[N: 1109]
Suscipe, Domine, munera, quae in eius tibi solemnitate deferimus, cuius nos confidimus patrocinio liberari
SO
[Die 27 Decembris. S. Ioannis Apostoli et Evangelistae]


[N: 1110]
Suscipe, Domine, munera, quae pro Filii tui gloriosa Ascensione deferimus: et concede propitius; ut a praesentibus periculis liberemur, et ad vitam perveniamus aeternam
SO
[In Ascensione Domini]


[N: 1111]
Suscipe, Domine, munera, quae tibi offerimus pro hoc famulo tuo: ut propitius in eo tua dona custodias
SO
[Missae Votivae. In consecratione Episcopi]


[N: 1112]
Suscipe, Domine, munus, quod tibi offerimus, memoriam recolentes purissimae Virginis Mariae, quae consolatur nos in omni tribulatione nostra: et praesta; ut mens nostra superno lumine Sancti Spiritus irradiata, terrena despiciat, et ad caelestia semper adspiret
SO
[Missae pro aliquibus locis. Sabbato post S. Augustini E.C.D. B. Mariae Virginis de Consolatione]


[N: 1113]
Suscipe, Domine, oblationem mundam salutaris hostiae: et praesta; ut intercedente beato Ioanne Confessore tuo, ubique gentium iugiter offeratur
SO
[Die 9 Octobris. S. Ioannis Leonardi Confessoris]


[N: 1114]
Suscipe, Domine, oblationem mundam salutaris hostiae: et praesta; ut, te in omnibus et super omnia diligentes, in gloriae tuae laudem vivere mereamur
SO
[Die 31 Ianuarii. S. Ioannis Bosco Confessoris]


[N: 1115]
Suscipe, Domine, preces et hostias Ecclesiae tuae, pro salute famuli tui supplicantis: et in protectione fidelium populorum, antiqua brachii tui operare miracula; ut, superatis pacis inimicis, secura tibi serviat christiana libertas
SO
[Orationes Diversae n 5. Pro Imperatore]


[N: 1116]
Suscipe, Domine, preces et munera: quae ut tuo sint digna conspectu, Sanctorum tuorum precibus adiuvemur
SO
[Die 2 Iulii. Pro Ss. Processo et Martiniano Martyribus]


[N: 1117]
Suscipe, Domine, preces nostras pro anima famuli tui N. (famulae tuae N.): ut; si quae ei maculae de terrenis contagiis adhaeserunt, remissionis tuae misericordiae deleantur
PC
[Missae Defunctorum. In die tertio, septimo et trigesimo depositionis Defuncti]


[N: 1118]
Suscipe, Domine, propitius hostias: quibus et te placari voluisti, et nobis salutem potenti pietati restitui
SO
[Dominica XXI post Pentecosten]


[N: 1119]
Suscipe, Domine, quaesumus, pro anima famuli tui N. Sacerdotis, quas offerimus, hostias: ut, cui sacerdotale donasti meritum, dones et praemium
SO
[Orationes Diversae pro Defunctis n 8. Item pro defuncto Sacerdote]


[N: 1120]
Suscipe, Domine, quaesumus, pro animabus famulorum tuorum Pontificum, seu Sacerdotum, quas offerimus hostias; ut, quibus in hoc saeculo pontificale, seu sacerdotale donasti meritum, in caelesti regno Sanctorum tuorum iubeas iungi consortio
SO
[In Missis quotidianis Defunctorum. Pro defunctis Episcopis seu Sacerdotibus]


[N: 1121]
Suscipe, Domine, sacrificium, cuius te voluisti dignanter immolatione placari: praesta, quaesumus; ut, huius operatione mundati, beneplacitum tibi nostrae mentis offeramus affectum
SO
[Sabbato post Cineres]


[N: 1122]
Suscipe, misericors Deus, quas tibi humiliter offerimus laudis hostias: et, interveniente beata Veronica Virgine tua, fac eas nobis ad perpetuum provenire subsidium
SO
[Missae pro aliquibus locis. Die 9 Iulii S. Veronicae de Iulianis Virg.]


[N: 1123]
Suscipe munera, Domine, quaesumus, exsultantis Ecclesiae: et cui causam tanti gaudii praestitisti, perpetuae fructum concede laetitiae
SO
[Dominica in Albis, in Octava Paschae]


[N: 1124]
Suscipe, quaesumus, Domine, hostiam, quam tibi offerimus pro famulo tuo in extremo vitae constituto: et concede, ut per eam universa illius purgentur delicta; ut, qui tuae dispositionis flagellis in hac vita atteritur, in futura requiem consequatur aeternam
SO
[Missae Votivae. Missa pro Infirmis. Pro Infirmo qui proximus est morti]


[N: 1125]
Suscipe, quaesumus, Domine, munera nostris oblata servitiis: et tua propitius dona sanctifica
SO
[Feria VI Quatuor Temporum Quadragesimae]


[N: 1126]
Suscipe, quaesumus, Domine, munera populorum tuorum propitius: ut confessione tui nominis et baptismate renovati, sempiternam beatitudinem consequantur
SO
[Feria V infra Octavam Paschae]


[N: 1127]
Suscipe, quaesumus, Domine, munera quae tibi de tua largitate deferimus: ut haec sacrosancta mysteria, gratiae tuae operante virtute, et praesentis vitae nos conversatione sanctificent, et ad gaudia sempiterna perducant
SO
[Dominica VIII post Pentecosten]


[N: 1128]
Suscipe, quaesumus, Domine, munus oblatum, et dignanter operare: ut, quod passionis Filii tui Domini nostri mysterio gerimus, piis affectibus consequamur
SO
[Feria IV Maioris Hebdomadae]


[N: 1129]
Suscipe, quaesumus, Domine, oblatum redemptionis aeternae mysterium: et praesta; ut, unigeniti Filii tui gloriosis meritis intercedentibus, vivificet nos semper et muniat
SO
[Missae pro aliquibus locis. Die 23 Octobris. Sanctissimi Redemptoris]


[N: 1130]
Suscipe, quaesumus, Domine, preces populi tui cum oblationibus hostiarum: et tua mysteria celebrantes, ab omnibus nos defende periculis
SO
[Feria IV post Dominicam III Quadragesimae]


[N: 1131]
Suscipe, quaesumus, Domine, preces populi tui, cum oblationibus hostiarum: ut paschalibus initiata mysteriis, ad aeternitatis nobis medelam, te operante, proficiant
SO
[Sabbato Sancto]


[N: 1132]
Suscipe, quaesumus, Domine, pro sacra connubii lege munus oblatum: et, cuius largitor es operis, esto dispositor
SO
[Missae Votivae. Missa pro Sponso et Sponsa]


[N: 1133]
Suscipe, quaesumus, omnipotens Deus, oblationem nostrae devotionis: et per virtutem huius sacramenti, famulos tuos a cunctis adversitatibus protege
SO
[Orationes Diversae n 8 Pro congregatione et familia]


[N: 1134]
Suscipe sacrificium, Domine, quod tibi pro animabus patris et matris meae (parentum nostrorum) offero: eisque gaudium sempiternum in regione vivorum concede: meque (nosque) cum illis felicitati Sanctorum coniunge
SO
[Orationes Diversae pro Defunctis n 11 Pro patre et matre]


[N: 1135]
Suscipiamus, Domine, misericordima tuam in medio templi tui: ut reparationis nostrae ventura solemnia congruis honoribus praecedamus
PC
[Dominica I Adventus]


[N: 1136]
Tantis, Domine, repleti muneribus: praesta, quaesumus; ut et salutaria dona capiamus, et a tua numquam laude cessemus
PC
[Dominica I post Pentecosten]


[N: 1137]
Tibi, Domine, sacrificia dicata reddantur: quae sic ad honorem nominis tui deferenda tribuisti, ut eadem remedia fieri nostra praestares
SO
[Dominica X post Pentecosten]


[N: 1138]
Tribuant nobis, quaesumus, Domine, continnum tua sancta praesidium: quo, beati Marci Evangelistae tui precibus, nos ab omnibus semper tueantur adversis
PC
[Die 25 Aprilis. S. Marci Evangelistae]


[N: 1139]
Tribuant nobis, omnipotens Deus, suffragantibus beatorum N. et N. Confessorum tuorum precibus, refectio sacra subsidium: ut et castitatis munditiam observemus in corpore, et lumen veritatis exhibeamus in opere
PC
[Commune Sanctorum pro aliquibus locis. Commune plurium Confessorum non Pontificum. Missa Confiteatur tibi]


[N: 1140]
Tribue nobis, Domine, caelestis mensae virtute satiati: et desiderare quae recta sunt, et desiderata percipere
PC
[Dominica V post Pascha]


[N: 1141]
Tribue nobis per haec sancta, Domine, illum pietatis et humilitatis affectum, quem ex hoc divino fonte hausit sanctus Pontifex tuus Paulinus: et, ipsius intercessione, in omnes, qui te deprecantur, gratiae tuae divitias benignus effunde
PC
[Die 22 Iunii. S. Paulini Episcopi et Confessoris]


[N: 1142]
Tribulationem nostram, quaesumus, Domine, propitius respice: et iram tuae indignationis, quam iuste meremur, averte
PC
[Orationes Diversae n 13. Pro quacumque tribulatione]


[N: 1143]
Tua, Domine, muneribus altaria cumulamus: illius nativitatem honore debito celebrantes, qui Salvatorem mundi et cecinit adfuturum, et adesse monstravit, Dominum nostrum Iesum Christum Filium tuum
SO
[Die 24 Iunii. In Nativitate S. Ioannis Baptistae]


[N: 1144]
Tua, Domine, propitiatione, et beatae Mariae semper Virginis intercessione, ad perpetuam atque praesentem haec oblatio nobis proficiat prosperitatem et pacem
SO
[Commune Festorum B. Mariae Virginis]


[N: 1145]
Tua, Domine, propitiatione, et beatae Mariae semper Virginis intercessione haec nostra obtineat oblatio: ut Ecclesia tua fidelium numero crescat, et iugiter fulgeat varietate virtutum
SO
[Missae pro aliquibus locis. Sabbato infra Octavam Ascensionis. B. Mariae Virginis reginae Apostolorum]


[N: 1146]
Tua, nos, Domine, medicinalis operatio, et a nostris perversitatibus clementer expediat, et ad ea quae sunt recta, perducat
PC
[Dominica VII post Pentecosten]


[N: 1147]
Tua, nos, Domine, protectione defende: et ab omni semper iniquitate custodi
SP
[Feria III post Dominicam III Quadragesimae]


[N: 1148]
Tua, nos, Domine, sacramenta custodiant: et contra diabolicos semper tueantur incursus
SO
[Dominica XV post Pentecosten]


[N: 1149]
Tua nos misericordia, Deus, et ab omni subreptione vetustatis expurget, et capaces sanctae novitatis efficiat
SP
[Feria III Maioris Hebdomadae]


[N: 1150]
Tua nos, quaesumus, Domine, gratia semper et praeveniat et sequatur: ac bonis operibus iugiter praestet esse intentos
C
[Dominica XVI post Pentecosten]


[N: 1151]
Tua nos, quaesumus, Domine, sancta purificent: et operatione sua tibi placitos esse perficiant
PC
[Sabbato post Dominicam IV Quadragesimae]


[N: 1152]
Tua sancta sumentes, quaesumus, Domine, ut beati Apollinaris nos foveant continuata praesidia: quia non desinis propitius intueri, quos talibus auxiliis concesseris adiuvari
PC
[Die 23 Iulii. S. Apollinaris Episcopi et Martyris]


[N: 1153]
Tuae nobis, Domine, abundantia pietatis indulgeat: ut per sacra munera, quae tibi reverenter offerimus, gratum maiestati tuae Pontificem sanctae Matris Ecclesiae regimini praeesse gaudeamus
SO
[Missae Votivae. Missa pro eligendo Summo Pontifice]


[N: 1154]
Tueatur, quaesumus, Domine, dextera tua populum deprecantem: et purificatum dignanter erudiat; ut consolatione praesenti, ad futura bona proficiat
SP
[Sabbato post Dominicam Passionis]


[N: 1155]
Tuere, Domine, populum tuum, et ab omnibus peccatis clementer emunda: quia nulla ei nocebit adversitas, si nulla ei dominetur iniquitas
SP
[Feria VI post Cineres]


[N: 1156]
Tuere nos, Domine, tua tibi holocausta offerentes: ad quae, ut ferventius corda nostra praeparentur, flammis adure tuae divinae caritatis
SO
[Missae pro aliquibus locis. Feria V post Octavam Corporis Christi. Eucharistici Cordis Iesu]


[N: 1157]
Tuere, quaesumus, Domine, familiam tuam: ut salutis aeternae remedia, quae te inspirante requirimus, te largiente consequamur
C 3
[Sabbato Quatuor Temporum Septembris]


[N: 1158]
Tui, Domine, perceptione sacramenti, et a nostris mundemur occultis, et ab hostium liberemur insidiis
PC
[Feria IV Quatuor Temporum Quadragesimae]


[N: 1159]
Tui nobis, quaesumus, Domine, communio sacramenti, et purificationem conferat, et tribuat unitatem
PC
[Dominica IX post Pentecosten]


[N: 1160]
Tui, nos, Domine, sacramenti libatio sancta restauret: et a vetustate purgatos, in mysterii salutaris faciat transire consortium
PC
[Feria VI Quatuor Temporum Adventus]


[N: 1161]
Tuis, quaesumus, Domine, operare mysteriis: ut haec tibi munera dignis mentibus offeramus
SO
[Missae Votivae. In Collatione sacrorum Ordinum]


[N: 1162]
Tuorum corda fidelium, Deus miserator, illustra: et beatae Elisabeth precibus glriosis; fac nos prospera mundi despicere, et caelesti semper consolatione gaudere
C
[Die 19 Novembris. S. Elisabeth Viduae]


[N: 1163]
Tuorum militum, Rex omnipotens, virtutem robora: ut, quos in huius mortalitatis stadio unigeniti Filii tui Corona laetificet; consummato cursu certaminis, immortalitatis bravium apprehendant
SO
[Missae pro aliquibus locis. Feria VI post Cineres. Sacrae Spineae Coronae Domini nostri Iesu Christi]


[N: 1164]
Tuorum nos, Domine, largitate donorum, et temporalibus attolle praesidiis, et renova sempiternis
PC
[Feria V post Dominicam I Quadragesimae]


[N: 1165]
Uberes, Domine, sanctae tuae Margaritae lacrimae duritiem nostri cordis emolliant: ut per huius virtutem sacramenti debitas reatibus flammas incessanti fletu exstinguamus
PC
[Missae pro aliquibus locis. Die 26 Februarii. S. Margaritae de Cortona Paenitentis]


[N: 1166]
Unigeniti Filli tui, quam tibi, Deus Pater omnipotens, in honorem sanctorum Pontificum offerimus, immaculata hostia, prosit nobis ad medelam percipiendam
SO
[Missae pro aliquibus locis. Die 3 Iulii. In Commemoratione Omnium Ss. Pontificum]


[N: 1167]
Unigeniti tui, Domine, nobis succurrat humanitas: ut, qui natus de Virgine, matris integritatem non minuit, sed sacravit, in Visitationis eius solemnis, nostris nos piaculis exuens, oblationem nostram tibi faciat acceptam Iesus Christus Dominus noster
SO
[Die 2 Iulii. In Visitatione B. Mariae Virginis]


[N: 1168]
Ure igne Sancti Spiritus renes nostros, et cor nostrum, Domine: ut tibi casto corpore serviamus, et mundo corde placeamus
C
[Orationes Diversae n 26. Ad postulandam continentiam]


[N: 1169]
Ut accepta tibi sint, Domine, nostra ieiunia: praesta nobis, quaesumus; huius munere sacramenti purificatum tibi pectus offerre
SO
[Sabbato Quatuor Temporum Pentecostes]


[N: 1170]
Ut nobis, Domine, caelestis, quem sumpsimus, panis sit vitae: beato Stanislao Confessore tuo intercedente, quaesumus; ut panis sit intellectus, et potus aqua sapientiae salutaris
PC
[Missae pro aliquibus locis. Die 13 Novembris. S. Stanislai Kostkae Confessoris]


[N: 1171]
Ut nobis, Domine, tribuis solemne tibi deferre ieiunium: sic nobis, quaesumus, indulgentiae praesta subsidium
C 5
[Sabbato Quatuor Temporum Septembris]


[N: 1172]
Ut nobis, Domine, tua sacrificia dent salutem: beatus N. Pontifex (vel Confessor) tuus et Doctor egregius, quaesumus, precator accedat
PC
[Commune Sanctorum. Commune Doctorum. Missa In medio]


[N: 1173]
Ut percepta nos, Domine, tua sancta purificent: beatorum Martyrum tuorum Proti et Hyacinthi, quaesumus, imploret oratio
PC
[Die 11 Septembris. Ss. Proti et Hyacinthi Martyrum]


[N: 1174]
Ut, quae tibi, Domine, offerimus, dona tuo sint digna conspectu: beati Ioannis et Sanctorum, quos eius opera expositos in templis colimus, pia suffragatio conspiret
SO
[ Die 27 Martii. S. Ioannis Damasceni Conf. et Eccl. Doct.]


[N: 1175]
Ut sacris, Domine, reddamur digni muneribus: fac nos tuis, quaesumus, semper obedire mandatis
PC
[Feria III post Dominicam II Quadragesimae]


[N: 1176]
Veniat, quaesumus, omnipotens Deus, super hoc incensum larga tuae benedictionis infusio: et hunc nocturnum splendorem invisibilis regenerator accende; ut non solum sacrificium, quod hac nocte litatum est, arcana luminis tui admixtione refulgeat; sed in quocumque loco ex huius sanctificationis mysterio aliquid fuerit deportatum, expulsa diabolicae fraudis nequitia, virtus tuae maiestatis assistat
C
[Sabbato Sancto. Benedictio granuum incensi]


[N: 1177]
Vivificet nos, quaesumus, Domine, divina quam obtulimus et sumpsimus hostia; ut perpetua tibi caritate coniuncti, fructum, qui semper maneat, afferamus
PC
[Missae Votivae. Feria V Domini nostri Iesu Christi Summi et Aeterni Sacerdotis]


[N: 1178]
Vivificet nos, quaesumus, Domine, huius participatio sancta mysterii: et pariter nobis expiationem tribuat, et munimen
PC
[Dominica XII post Pentecosten]


[N: 1179]
Vota nostra, quaesumus, Domine, pio favore prosequere: ut, dum dona tua in tribulatione percipimus, de consolatione nostra in tuo amore crescamus
PC
[In Litaniis maioribus et minoribus]


[N: 1180]
Vota populi tui, quaesumus, Domine, propitius intende: et, quorum nos tribuis solemnia celebrare, fac gaudere suffragiis
SO
[Die 16 Sept. Pro Ss. Euphemia Virg., Lucia et Geminiano Martyrum]


[N: 1181]
Vota, quaesumus, Domine, supplicantis populi caelesti pietate prosequere: ut et quae agenda sunt videant, et ad implenda quae viderint, convalescant
C
[Dominica infra Octavam Epiphaniae]


[N: 1182]
Votiva, Domine, dona percepimus: quae sanctorum nobis precibus, et praesentis, quaesumus, vitae pariter et aeternae tribue conferre subsidium
PC
[Die 28 Decembris. Ss. Innocentium Martyrum]


[N: 1183]
Quia per incarnati Verbi mysterium nova mentis oculis lux tuae claritatis influsit: tu, dum visibiliter Deum cognoscimus, per hunc in invisibilium amorem rapiamur
PR
[Praefatio de NATIVITATE DOMINI]


[N: 1184]
Quia, cum Unigenitus tuus in substantia nostrae mortalitatis apparuit, nova cum immortalitatis suae luce reparavit
PR
[Praefatio de EPIPHANIA DOMINI]


[N: 1185]
Qui corporali ieiunio vitia comprimis, mentem elevas, virtutem largiris et praemia: per Christum Dominum nostrum. Per quem maiestatem tuam laudant Angeli
PR
[Praefatio de QUADRAGESIMA]


[N: 1186]
Qui salutem humani generis in ligno Crucis constituisti: ut, unde mors oriebatur,inde vita resurgeret: et, qui in ligno vincebat, in ligno quoque vinceretur: per Christum Dominum nostrum
PR
[Praefatio de SANCTA CRUCE]


[N: 1187]
Te quidem Domine, omni tempore, sed in hac potissimum die (vel in hoc potissimum) gloriosius praedicare, cum Pascha nostrum immolatus est Christus. Ipse enim verus est Agnus, qui abstulit peccata mundi. Qui mortem nostram moriendo dextruxit et vitam resurgendo reparavit
PR
[Praefatio PASCHALIS]


[N: 1188]
Qui post resurrectionem suam omnibus discipulis suis manifestus apparuit, et ipsis cernentibus est elevatus in caelum, ut nos divinitatis suae tribueret esse participes
PR
[Praefatio de ASCENSIONE DOMINI]


[N: 1189]
Qui Unigenitum tuum in Cruce pendentem lancea militis transfigi voluisti, ut apertum Cor, divinae largitatis sacrarium, torrentes nobis funderet miserationis et gratiae, et, quod amore nostri flagare numquam destitit, piis esset requies et paenitentibus pateret salutis refugium
PR
[Praefatio de SACRATISSIMO CORDE IESU]


[N: 1190]
Qui unigenitum Filium tuum, Dominum nostrum Iesum Christum, Sacerdotem aeternum et universorum Regem, oleo exsutationis unxisti: ut, seipsum in ara Crucis hostiam immaculatam et pacificam offerens, redemptionis humanae sacramenta perageret: et, suo subiectis imperio omnibus creaturis, aeternum et universale regnum immensae tuae traderet maiestati: regnum veritatis et vitae; regnum sanctitatis et gratiae; regnum iustitiae, amoris et pacis
PR
[Praefatio de D.N. IESU CHRISTO REGE]


[N: 1191]
Qui ascendens super omnes caelos. sedenque ad dexteram tuam, promissum Spiritum Sanctum (hodierna die) in filios adoptionis effudit. Quapropter profusis gaudiis totus in orbe terrarum mundus exsultat. Sed et supernae Virtutes, atque angelicae Postestates, hymnum gloriae tuae concinunt, sine fine dicentes
PR
[Praefatio de SPIRITU SANCTO]


[N: 1192]
Qui cum unigenito Filio tuo, et Spiritu Sancto, unus es Deus, unus es Dominus: non in unius singularitate personae, sed in unius Trinitate substantiae. Quod enim de tua gloria, revelante te, credimus, hoc de Filio tuo, hoc de Spiritu Sancto, sine differentia discretionis sentimus. Ut in confessione verae sempiternaeque Deitatis, et in personis proprietas, et in essentia unitas, et in maiestate adoretur aequalitas
PR
[Praefatio de SS. TRINITATE]


[N: 1193]
Et te in ... beatae Mariae semper Virginis collaudare benedicere et praedicare. Quae et Unigenitum tuum Sancti Spiritus obumbratione concepit: et, virginitatis gloria permanente, lumen aeternum mundo effudit, Iesum Christum Dominum nostrum
PR
[Praefatio de BEATA MARIA VIRGINE]


[N: 1194]
Et te in ... beati Ioseph debitis magnificare praeconiis, benedicere et praedicare. Qui et vir iustus, a te Deiparae Virgini Sponsus est datus, et fidelis servus ac prudens, super Familiam tuam est constitutus: ut Unigenitum tuum, Sancti Spiritus obumbratione conceptum, paterna vice custodiret, Iesum Christum Dominum nostrum
PR
[Praefatio de S. IOSEPH, SPONSO B.M.V.]


[N: 1195]
Te, Domine, suppliciter exorare, ut gregem tuum, Pastor aeterne, non deseras: sed per beatos Apostolos tuos continua protectione custodias: Ut iisdem rectoribus gubernetur, quos operis tui vicarios eidem contulisti praeesse pastores
PR
[Praefatio de APOSTOLIS]


[N: 1196]
Per quem maiestatem tuam laudant Angeli, adorant Dominationes, tremunt Potestates. Caeli caelorumque Virtutes, ac beata Seraphim, socia exsultatione concelebrant. Cum quibus et nostras voces ut admitti iubeas, deprecamur, supplici confessione dicentes
PR
[Praefatio COMMUNIS]


[N: 1197]
In quo nobis spes beatae resurrectionis effulsit, ut, quos contristat certa moriendi condicio, eosdem consoltetur futurae immortalitatis promissio. Tuis enim fidelibus, Domine, vita mutatur, non tollitur, et, dissoluta terrestris huius incolatus domo, aeterna in caelis habitatio comparatur
PR
[Praefatio DEFUNCTORUM]