[N: 1]
{ TIT.: IN NOMINE DOMINI HOC SACRAMENTORUM DE CIRCULO ANNI EXPOSITO A SANCTO GREGORIO PAPA ROMANO EDITUM EX AUTHENTICO LIBRO BIBLIOTHECAE CUBICULI SCRIPTUM. }


[N: 2]
Hoc est in primis introitum qualis fuerit statutis temporibus sive diebus festis seu cotidianis, deinde kyriae eleison. Item dicitur gloria in excelsis deo, si episcopus fuerit, tantummodo die dominico, sive diebus festis; a praesbyteris autem minime dicitur nisi solo in pascha. Quando vero laetania agitur neque gloria in excelsis deo neque alleluia canitur. Postmodum dicitur oratio, deinde sequitur apostolum. Item gradalem seu alleluia. Postmodum legitur evangelium, deinde offertorium et oblationem super oblatam. :
{ TIT.: QUALITER MISSA ROMANA CELEBRATUR}


[N: 3]
Per omnia saecula saeculorum. Amen Dominus vobiscum. Et cum spiritu tuo Sursum corda. Habemus ad dominum Gratias agamus domino deo nostro. Dignum et iustum est. VD et iustum est aequum et salutare, nos tibi semper et ubique gratias agere, domine, sancte pater, omnipotens aeterne deus, per Christum dominum nostrum. Per quem maiestatem tuam laudant angeli, adorant dominationes, tremunt potestates, caeli caelorumque virtutes ac beata seraphim socia exultatione concelebrant. Cum quibus et nostras voces, ut admitti iubeas deprecamur, supplici confessione dicentes:
{ TIT.: QUALITER MISSA ROMANA CELEBRATUR}


[N: 4]
Sanctus ter. dominus deus sabaoth. Pleni sunt caeli et terra gloria tua, osanna in excelsis. Benedictus qui venit in nomine domini, osanna in excelsis.
{ TIT.: QUALITER MISSA ROMANA CELEBRATUR}


[N: 5]
+ Te igitur, clementissime pater, per Iesum Christum filium tuum dominum nostrum supplices rogamus et petimus, uti acceptas habeas et benedicas haec + dona, haec + munera, haec + sancta sacrificia inlibata. Inprimis quae tibi offerimus pro ecclesia tua sancta catholica, quam pacificare, custodire, adunare et regere digneris toto orbe terrarum, una cum famulo tuo papa illo. et antistite nostro ill. et omnibus ortodoxis atque catholicae et apostolicae fidei cultoribus.
{ TIT.: QUALITER MISSA ROMANA CELEBRATUR}


[N: 6]
Memento, domine, famulorum famularumque tuarum et omnium circum adstantium, quorum tibi fides cognita est et nota devotio, qui tibi offerunt hoc sacrificium laudis pro se suisque omnibus, pro redemptione animarum suarum, pro spe salutis et incolomitatis suae, tibi reddunt vota sua aeterno deo vivo et vero.
{ TIT.: QUALITER MISSA ROMANA CELEBRATUR}


[N: 7]
Communicantes et memoriam venerantes. Inprimis gloriosae semper virginis mariae genetricis dei et domini nostri iesu christi, sed et beatorum apostolorum ac martyrum tuorum petri, pauli, andreae, iacobi, iohannis, thomae, iacobi, philippi, bartholomei, matthei, simonis et thaddei, lini, cleti, clementis, xisti, cornelii, cypriani, laurentii, grisogoni, iohannis et pauli, cosmae et damiani et omnium sanctorum tuorum, quorum meritis precibusque concedas, ut in omnibus protectionis tuae muniamur auxilio. Per christum dominum nostrum.
{ TIT.: QUALITER MISSA ROMANA CELEBRATUR}


[N: 8]
Hanc igitur oblationem servitutis nostrae, sed et cunctae familiae tuae, quaesumus, domine, ut placatus accipias, diesque nostros in tua pace disponas, atque ab aeterna damnatione nos eripi et in electorum tuorum iubeas grege numerari. Per christum dominum nostrum.
{ TIT.: QUALITER MISSA ROMANA CELEBRATUR}


[N: 9]
Quam oblationem tu, deus, in omnibus, quaesumus benedictam adscriptam + ratam rationabilem acceptabilemque facere digneris, ut nobis corpus + et sanguis + fiat dilectissimi filii tui domini dei nostri iesu christi.
{ TIT.: QUALITER MISSA ROMANA CELEBRATUR}


[N: 10]
Qui pridie quam pateretur accepit panem in sanctas ac venerabiles manus suas, elevatis oculis in caelo ad te deum patrem suum omnipotentem, tibi gratias agens, benedixti, fregit, dedit discipulis suis dicens, accipite et manducate ex hoc omnes, hoc est enim corpus meum. Simili modo posteaquam caenatum est, accipiens et hunc praeclarum calicem in sanctas ac venerabiles manus suas, item tibi gratias agens, benedixit, dedit discipulis suis dicens, accipite et bibite ex eo omnes, hic est enim calix sanguinis mei, novi et aeterni testamenti, mysterium fidei, qui pro vobis et pro multis effundetur in remissionem peccatorum. Haec quotiescumque feceritis, in mei memoriam facietis
{ TIT.: QUALITER MISSA ROMANA CELEBRATUR}


[N: 11]
Unde et memores sumus domine nos tui servi, sed et plebs tua sancta christi filii tui domini dei nostri, tam beatae passionis, necnon et ab inferis resurrectionis, sed et in caelis gloriosae ascensionis, offerimus praeclarae maiestati tuae, de tuis donis ac datis, + hostiam puram + hostiam sanctam + hostiam inmaculatam + panem sanctum vitae aeternae + et calicem salutis perpetuae.
{ TIT.: QUALITER MISSA ROMANA CELEBRATUR}


[N: 12]
Supra quae propitio ac sereno vultu respicere digneris et accepta habere sicuti accepta habere dignatus es munera pueri tui iusti abel, et sacrificium patriarchae nostri abrahae, et quod tibi obtulit summus sacerdos tuus melchisedech, sanctum sacrificium inmaculatam hostiam.
{ TIT.: QUALITER MISSA ROMANA CELEBRATUR}


[N: 13]
Supplices te rogamus omnipotens deus, iube haec perferri per manus sancti angeli tui in sublime altare tuum, in conspectum divinae maiestatis tuae, ut quotquot ex hac altaris participatione sacrosanctum filii tui corpus et sanguinem sumpserimus omni benedictione caelesti et gratia repleamur. Per christum dominum nostrum. Memento etiam, domine, famulorum famularumque tuarum ill. et ill., qui nos praecesserunt cum signo fidei et dormiunt in somno pacis. Ipsis et omnibus, domine, in christo quiescentibus locum refrigerii, lucis et pacis ut indulgeas deprecamur. Per christum.
{ TIT.: QUALITER MISSA ROMANA CELEBRATUR}


[N: 14]
Nobis quoque peccatoribus famulis tuis de multitudine miserationum tuarum sperantibus, partem aliquam et societatem donare digneris cum tuis sanctis apostolis et martyribus, cum iohanne, stephano, matthia, barnaba, ignatio, alexandro, marcellino, petro, felicitate, perpetua, agatha, lucia, agnen, caecilia, anastasia et cum omnibus sanctis tuis. Intra quorum nos consortium non aestimator meriti, sed veniae quaesumus largitor admitte. Per christum dominum nostrum.
{ TIT.: QUALITER MISSA ROMANA CELEBRATUR}


[N: 15]
Per quem haec omnia domine semper bona creas + sanctificas + vivificas + benedicis, et praestas nobis.
{ TIT.: QUALITER MISSA ROMANA CELEBRATUR}


[N: 16]
Per ipsum et cum ipso et in ipso, est tibi deo patri omnipotenti in unitate spiritus sancti, omnis honor et gloria, per omnia saecula saeculorum, amen
{ TIT.: QUALITER MISSA ROMANA CELEBRATUR}


[N: 17]
Oremus. Praeceptis salutaribus moniti et divina institutione formati, audemus dicere.
{ TIT.: QUALITER MISSA ROMANA CELEBRATUR}


[N: 18]
Pater noster qui es in caelis sanctificetur nomen tuum adveniat regnum tuum fiat voluntas tua sicut in caelo et in terra. Panem nostrum cottidianum da nobis hodie, et dimitte nobis debita nostra sicut et nos dimittimus debitoribus nostris, et ne nos inducas in temptationem, sed libera nos a malo.
{ TIT.: QUALITER MISSA ROMANA CELEBRATUR}


[N: 19]
Libera nos quaesumus domine, ab omnibus malis praeteritis, praesentibus, et futuris, et intercedente beata et gloriosa semper virgine dei genetrice maria, et beatis apostolis tuis petro et paulo, da propitius pacem in diebus nostris, ut ope misericordiae tuae adiuti et a peccato simus liberi semper, et ab omni perturbatione securi. Per dominum nostrum iesum christum filium tuum, qui tecum vivit et regnat deus in unitate spiritus sancti, per omnia saecula saeculorum, amen.
{ TIT.: QUALITER MISSA ROMANA CELEBRATUR}


[N: 20]
Pax domini sit semper vobiscum Et cum spiritu tuo Agnus dei qui tollis peccata mundi miserere nobis.
{ TIT.: QUALITER MISSA ROMANA CELEBRATUR}


[N: 21]
Adesto supplicationibus nostris omnipotens deus, et quod humilitatis nostrae gerendum est ministerio tuae virtutis impleatur effectu. Per dominum.
{ TIT.: BENEDICTIO EPISCOPORUM}


[N: 22]
Propitiare domine supplicationibus nostris, et inclinato super hunc famulum tuum cornu gratiae sacerdotalis, benedictionis tuae in eo effunde virtutem. Per dominum.
{ TIT.: BENEDICTIO EPISCOPORUM. Alia.}


[N: 23]
Deus honorum omnium, deus omnium dignitatum, quae gloriae tuae sacratis famulantur ordinibus. Deus qui mosen famulum tuum secreti familiaris affectu, inter cetera caelestis documenta culturae, de habitu quoque indumenti sacerdotalis instituens, electum aaron mystico amictu vestiri inter sacra iussisti, ut intelligentiae sensum de exemplis priorum caperet secutura posteritas, ne eruditio doctrina tuae ulli deesset aetati, cum et apud veteres reverentiam ipsa significationum species optineret, et apud nos certioras essent experimenta rerum, quam enigmata figurarum. Illius namque sacerdotii anterioris habitus nostrae mentis ornatus est, et pontificalem gloriam non iam nos honor commendat vestium sed splendor animarum, quia et illa quae tunc carnalibus blandiebantur optutibus, ea potius quae in ipsis erant intellegenda poscebant. Et idcirco huic famulo tuo quem ad summi sacerdotii ministerium elegisti, hanc quaesumus domine gratiam largiaris, ut quidquid illa velamina in fulgore auri, in nitore gemmarum, in multis modis operis varietate signabant, hoc in eius moribus actibusque clarescat. Comple in sacerdote tuo mysterii tui summam et ornamentis totius glorificationis instructum, caelestis unguenti flore sanctifica. + Hoc domine copiose in eius caput influat, + hoc in oris subiecta decurrat, + hoc in totius corporis extrema descendat, ut tui spiritus virtus et interiora eius repleat, et exteriora circumtegat. Habundet in eo constantia fidei, puritas dilectionis, sinceritas pacis. Tribuas ei cathedram epicopalem ad regendam ecclesiam tuam et plebem universam. Sis ei auctoritas, sis ei firmitas, sis potestas. Multiplices super eum benedictionem et gratiam tuam ut ad exorandam misericordiam tuam, tuo munere semper idoneus, tua gratia possit esse devotus. Per dominum.
{ TIT.: BENEDICTIO EPISCOPORUM. Consecratio.}


[N: 24]
Haec hostia domine quaesumus emundet nostra delicta, et sacrificium caelebrandum, subditorum tibi corpora, mentesque sanctificet. Per dominum.
{ TIT.: BENEDICTIO EPISCOPORUM. Super oblata.}


[N: 25]
Hanc igitur oblationem servitutis nostrae, sed et cunctae familiae tuae quam tibi offerimus, etiam pro famulo tuo illo, quem ad episcopatus ordinem promovere dignatus es, quaesumus domine ut placatus accipias, et propitius in eo tua dona custodias, ut quod divino munere consecutus est, divinis effectibus exequatur, dieseque nostros in tua.
{ TIT.: BENEDICTIO EPISCOPORUM. Praefatio.}


[N: 26]
Haec nos communio domine purget a crimine, et caelestibus remediis faciat esse consortes. Per dominum nostrum iesum.
{ TIT.: BENEDICTIO EPISCOPORUM. Ad completa.}


[N: 27]
Oremus dilectissimi deum patrem omnipotentem, ut super hunc famulum suum quem ad praesbiterii munus elegit caelestia dona multiplicet. Per dominum nostrum.
{ TIT.: ORATIONES AD ORDINANDUM PRAESBITERUM.}


[N: 28]
Exaudi nos domine deus pater noster et super hunc famulum tuum benedictionem sancti spiritus et gratiae sacerdotalis effunde virtutem, ut quem tuae pietatis aspectibus offerimus consecrandum perpetua muneris tui largitate consequaris. Per dominum.
{ TIT.: ORATIONES AD ORDINANDUM PRAESBITERUM. Alia.}


[N: 29]
Domine sancte pater omnipotens aeterne deus, honorum auctor, et distributor omnium dignitatum, per quem proficiunt universa, per quem cuncta firmantur, amplificatis semper in melius naturae rationalis incrementis per ordinem congrua ratione dispositum, unde et sacerdotales gradus atque officia levitarum sacramentis mysticis instituta creverunt. Ut cum pontifices summos regendis populis praefecisses ad eorum societatis, et operis adiumentum, sequentis ordinis viros et secundae dignitatis eligeres. Sic in heremo per septuaginta virorum prudentiam mentem mosi spiritum propagasti, quibus ille adiutoribus usus in populo innumeras multitudines, facile gubernavit. Sic in eleazaro et ithamar paternae plenitudinis habundantiam transfudisti, ut ad hostias salutares et frequentioris officii sacramenta ministerium sufficeret sacerdotum. Hac providentia domine apostolis filii tui doctores fidei comites addidisti, quibus illi orbem totum secundis praedicatoribus impleverunt. Quapropter infirmitati quoque nostrae domine, haec adiumenta largire, qui quanto magis fragiliores sumus tanto his pluribus indigemus. Da quaesumus pater in hunc famulum tuum praesbiterii dignitatem, innova in visceribus eius spiritum sanctitatis, acceptum a te deus secundi meriti munus optineat, censuramque morum exemplo suae conversationis insinuet. Sit probus cooperator ordinis nostri, eluceat in eum totius forma iustitiae, ut bonam rationem dispensationis sibi creditae redditurus, aeternae beatitudinis praemia consequatur. Per dominum.
{ TIT.: ORATIONES AD ORDINANDUM PRAESBITERUM. Consecratio.}


[N: 30]
Oremus dilectissimi deum patrem omnipotentem, ut super hunc famulum suum quem in sacro ordine dignatur adsumere benedictionis suae gratiam clementer effundat, eique donum consecrationis indulgeat per quod eum ad praemia aeterna perducat. Per dominum.
{ TIT.: ORATIONES AD ORDINANDUM DIACONUM.}


[N: 31]
Exaudi domine preces nostras, et super hunc famulum tuum spiritum tuae benedictionis emitte, ut caelesti munere ditatus et tuae gratiam possit maiestatis adquirere et bene vivendi aliis exemplum praebere. Per.
{ TIT.: ORATIONES AD ORDINANDUM DIACONUM. Alia.}


[N: 32]
Adesto quaesumus omnipotens deus honorum dator ordinum distributor officiorumque dispositor qui in te manens innovas omnia et cuncta disponis per verbum virtutem sapientiamque tuam iesum christum filium tuum dominum nostrum, sempiterna providentia preparas et singulis quibusque temporibus aptanda dispensas, cuius corpus ecclesiam tuam caelestium gratiarum varietate distinctam, suorumque conexam distinctione destinctione membrorum per legem mirabilem totius compagis unitam, in augmentum templi tui crescere dilatarique largiris, sacri muneris servitutem trinis gradibus ministrorum nomini tuo militare constituens, electis ad initio livi filiis qui mysticis operationibus domus tuae fidelibus excubiis permanentes, hereditatem benedictionis aeternae sorte perpetua possiderent. Super hunc quoque famulum tuum quaesumus domine placatus intende, quem tuis sacrariis serviturum in officium diaconi suppliciter dedicamus. Et nos quidem tamquam homines divini sensus et summe rationes ignari, huius vitam quantum possumus aestimamus. Te autem domine ea quae nobis sunt ignota non transeunt, te occulta non fallunt, tu cognitor secretorum, tu scrutator es cordium, tu eius vitam poteris examinare iudicio, quo semper praevales et ammissa purgare, et ea quae sunt agenda concedere. Emitte in eum domine quaesumus spiritum sanctum quo in opus ministerii fideliter exequendi septiformis gratiae munere roboretur. Habundet in eo totius forma virtutis, auctoritas modesta, pudor constans, innocentiae puritas, et spiritalis observatio disciplinae. In moribus eius praecepta tua fulgeant, ut suae castitatis exemplo, imitationem sancta plebs adquirat, et bonum conscientiae testimonium proferens in christo firmus et stabilis perseveret, dignisque successibus de inferiori gradu per gratiam tuam capere potiora mereatur. Per dominum nostrum.
{ TIT.: ORATIONES AD ORDINANDUM DIACONUM. Consecratio.}


[N: 33]
Deus qui nos redemtionis nostrae annua expectatione laetificas, praesta, ut unigenitum tuum, quem redemtorem laeti suscepimus, venientem quoque iudicem securi videamus.
{ TIT.: VIII KALENDAS IANUARIAS ID EST XXIIII MENSE MENSE DECEMBRI ORATIONES IN VIGILIAS DOMINI }


[N: 34]
Da nobis, quaesumus, omnipotens deus, ut sicut adoranda filii tui natalicia praevenimus, sic eius munera capiamus sempiterna gaudentes. Per eundem.
{ TIT.: VIII KALENDAS IANUARIAS ID EST XXIIII MENSE MENSE DECEMBRI ORATIONES IN VIGILIAS DOMINI. Super oblata.}


[N: 35]
Da nobis, domine, quaesumus, unigeniti filii tui recensita nativitate respirare, cuius caelesti mysterio pascimur et potamur. Per.
{ TIT.: VIII KALENDAS IANUARIAS ID EST XXIIII MENSE MENSE DECEMBRI ORATIONES IN VIGILIAS DOMINI. Ad completam. }


[N: 36]
Deus qui hanc sacratissimam noctem veri luminis fecisti inlustratione clarescere, da quaesumus, ut cuius lucis mysteria in terra cognovimus, eius quoque gaudiis in caelo perfruamur. Per dominum..
{ TIT.: VIII KALENDAS IANUARIAS ID EST XXV DIE MENSIS DECEMBRIS NATALE DOMINI AD SANCTAM MARIAM MAIOREM}


[N: 37]
Accepta tibi sit, domine, quaesumus, hodiernae festivitatis oblatio, ut tua gratia largiente per haec sacrosancta commertia in illius inveniamur forma, in quo est nostra substantia. Per dominum.
{ TIT.: VIII KALENDAS IANUARIAS ID EST XXV DIE MENSIS DECEMBRIS NATALE DOMINI AD SANCTAM MARIAM MAIOREM. Super oblata.}


[N: 38]
VD et iustum est aequum et salutare. Quia per incarnati verbi mysterium nova mentis nostrae oculis lux tuae claritatis infulsit, ut dum visibiliter deum cognoscimus, per hunc invisibilium amore rapiamur, et ideo cum angelis et archangelis, cum thronis et dominationibus, cumque omni militia caelestis exercitus, ymnum gloriae tuae canimus sine fine dicentes: Sanctus, sanctus, sanctus.
{ TIT.: VIII KALENDAS IANUARIAS ID EST XXV DIE MENSIS DECEMBRIS NATALE DOMINI AD SANCTAM MARIAM MAIOREM. Praefatio.}


[N: 39]
Communicantes et noctem sacratissimam celebrantes, quo beatae Mariae intemerata virginitas huic mundo edidit salvatorem, sed et memoriam venerantes eiusdem gloriosae semper virginis mariae genetricis dei et domini nostri iesu christi sed et beatorum.
{ TIT.: VIII KALENDAS IANUARIAS ID EST XXV DIE MENSIS DECEMBRIS NATALE DOMINI AD SANCTAM MARIAM MAIOREM. }


[N: 40]
Da nobis, quaesumus, domine deus noster, ut qui nativitatem domini nostri iesu christi nos frequentare gaudemus, dignis conversationibus ad eius mereamur pertinere consortium. Per.
{ TIT.: VIII KALENDAS IANUARIAS ID EST XXV DIE MENSIS DECEMBRIS NATALE DOMINI AD SANCTAM MARIAM MAIOREM. Ad completa.}


[N: 41]
Da quaesumus, omnipotens deus, ut qui beatae anastasiae martyris tuae sollemnia colimus, eius apud te patrocinia sentiamus. Per.
{ TIT.: DE NOCTE AD SANCTAM ANASTASIAM }


[N: 42]
Da quaesumus, omnipotens deus, ut qui nova incarnatione verbi tui luce perfundimur, hoc in nostro resplendeat opere quod per fidem fulget in mente. Per.
{ TIT.: DE NOCTE AD SANCTAM ANASTASIAM. Alia}


[N: 43]
Accipe, quaesumus, domine, munera dignanter oblata, et beatae anastasiae suffragantibus meritis ad nostrae salutis auxilium provenire concede. Per.
{ TIT.: DE NOCTE AD SANCTAM ANASTASIAM. Super oblata.}


[N: 44]
Munera nostra, quaesumus, domine, nativitatis hodiernae mysteriis apta proveniant ut sicut homo genitus idem refulsit deus, sic nobis haec terrena substantia conferat quod divinum est. Per dominum.
{ TIT.: DE NOCTE AD SANCTAM ANASTASIAM. Super oblatam. Alia}


[N: 45]
VD et iustum est aequum et salutare, nos tibi semper et ubique gratias agere, domine sancte pater omnipotens aeterne deus. Qui ut de hoste generis humani maior victoria duceretur, non solum per viros virtutem martyrii, sed de eo etiam per feminas triumphasti. Et ideo cum angelis.
{ TIT.: DE NOCTE AD SANCTAM ANASTASIAM. Praefatio.}


[N: 46]
VD et iustum est aequum et salutare. Quia nostri salvatoris hodie lux vera processit, quae clara nobis omnia et intellectu manifestavit et visu. Et ideo cum angelis et archangelis cum thronis et dominationibus cumque omni militia caelestis exercitus ymnum gloriae tuae canimus sine fine dicentes: Sanctus, sanctus, sanctus.
{ TIT.: DE NOCTE AD SANCTAM ANASTASIAM.}


[N: 47]
Satiasti, domine, familiam tuam muneribus sacris eius, quaesumus, semper interventione nos refove, cuius sollemnia celebramus. Per dominum.



{ TIT.: DE NOCTE AD SANCTAM ANASTASIAM. Ad completa.}


[N: 48]
Huius nos, domine, sacramenti semper natalis instauret, cuius nativitas singularis humanam reppulit vetustatem. Per.
{ TIT.: DE NOCTE AD SANCTAM ANASTASIAM. Item alia ad completa.}


[N: 49]
Concede quaesumus, omnipotens deus, ut nos unigeniti tui nova per carnem nativitas liberet, quos sub peccati iugo vetusta servitus tenet. Per eundem dominum nostrum iesum christum.
{ TIT.: IN NATALE DOMINI AD SANCTUM PETRUM}


[N: 50]
Oblata, domine, munera nova unigeniti tui nativitate sanctifica, nosque a peccatorum nostrorum maculis emunda. Per.
{ TIT.: IN NATALE DOMINI AD SANCTUM PETRUM. Super oblata.}


[N: 51]
VD et iustum set aequum et salutare. Quia per incaranti verbi mysterium, nova mentis nostrae oculis lux tuae claritatis infulsit, ut dum visibiliter deum cognoscimus per hunc in invisibilium amore rapiamur. Et ideo cum angelis et archangelis cum thronis et dominationibus, cumque omni militia caelestis exercitus ymnum gloriae tuae canimus sine fine dicentes: Sanctus, sanctus, sanctus.
{ TIT.: IN NATALE DOMINI AD SANCTUM PETRUM. Praefatio.}


[N: 52]
Communicantes et diem sacratissimum celebrantes, quo beatae mariae intemerata virginitas huic mundo edidit salvatorem, sed et memoriam venerantes eiusdem gloriosae semper virginis mariae genetricis dei et domini nostri iesu christi sed et beatorum.
{ TIT.: IN NATALE DOMINI AD SANCTUM PETRUM}


[N: 53]
Praesta quaesumus, omnipotens deus, ut natus hodie salvator mundi, sicut divinae nobis generationis est auctor, ita et inmortalitatis sit ipse largitor. . (bis) Concede quaesumus omnipotens deus ut quos sub peccati iugo vestusta servitus tenet, eos unigeniti tui nova per carnem nativitas liberet. Qui tecum.


{ TIT.: IN NATALE DOMINI AD SANCTUM PETRUM. Ad completa / bis = ALIAE ORATIONES DE NATALE DOMINI}


[N: 54]
Respice nos, misericors deus, et mentibus clementer humanis nascente christo summae veritatis lumen ostende. Per.
{ TIT.: ALIAE ORATIONES DE NATALE DOMINI}


[N: 55]
Largire quaesumus, domine, famulis tuis fidei et securitatis augmentum, ut qui nativitate filii tui domini nostri gloriantur, et adversa mundi te gubernante non sentiant, et quae temporaliter celebrare desiderant sine fine percipiant. Per dominum.
{ TIT.: ALIAE ORATIONES DE NATALE DOMINI}


[N: 56]
Deus qui per beatae virginis partum sine humana concupiscentia procreatum, in filii tui membra venientis paternis fecisti praeiudiciis non teneri, praesta quaesumus, ut huius creaturae novitate suscepti, vetustatis antiquae contagiis exuamur. Per.
{ TIT.: ALIAE ORATIONES DE NATALE DOMINI. Alia oratio.}


[N: 57]
Concede nobis, omnipotens deus, ut salutare tuum nova caelorum luce mirabili, quod ad salutem mundi hodierna festivitate processit, nostris semper innovandis cordibus oriatur. Per dominum.
{ TIT.: ALIAE ORATIONES DE NATALE DOMINI. Alia.}


[N: 58]
Omnipotens sempiternae deus, qui hunc diem per incarnationem verbi tui et partum beatae Mariae virginis consecrasti, da populis tuis in hac caelebritate consortium, ut qui tua gratia sunt redemti, tua sint adoptione securi. Per.
{ TIT.: ALIAE ORATIONES DE NATALE DOMINI. Alia.}


[N: 59]
Deus qui humanae substantiae dignitatem et mirabiliter condidisti, et mirabilius reformasti, da nobis quaesumus eius divinitatis esse consortes qui humanitatis nostrae fieri dignatus est participes. Per dominum.
{ TIT.: ALIAE ORATIONES DE NATALE DOMINI. Alia.}


[N: 60]
Omnipotens sempiterne deus, qui in filii tui domini nostri nativitate tribuisti totius religionis initium perfectionemque constare, da nobis quaesumus in eius portione censeri, in quo totius salutis humanae summa consistit. Per dominum
{ TIT.: ALIAE ORATIONES DE NATALE DOMINI. Alia.}


[N: 61]
Da quaesumus domine populo tuo inviolabilem fidei firmitatem, ut qui unigenitum tuum in tua tecum gloria sempiternum in veritate nostri corporis natum de matre virgine confitentur, et a praesentibus liberentur adversis, et mansuris gaudiis inserantur. Per dominum nostrum.
{ TIT.: ALIAE ORATIONES DE NATALE DOMINI. Alia.}


[N: 62]
Da nobis, quaesumus, domine, imitari quod colimus, ut discamus et inimicos diligere, quia eius natalicia caelebramus, qui novit etiam pro persecutoribus exorare. Per.
{ TIT.: VII KALENDAS IANUARII ID EST XXVI DIE MENSIS DECEMBRIS NATALE SANCTI STEPHANI }


[N: 63]
Suscipe, domine, munera pro tuorum commemoratione sanctorum, ut quod illos passio gloriosos, nos devotio reddat innocuos. Per.
{ TIT.: VII KALENDAS IANUARII ID EST XXVI DIE MENSIS DECEMBRIS NATALE SANCTI STEPHANI. Super oblata.}


[N: 64]
Auxilientur nobis, domine, sumpta mysteria, et intercedente beato stephano martyre tuo sempiterna protectione confirment. Per.
{ TIT.: VII KALENDAS IANUARII ID EST XXVI DIE MENSIS DECEMBRIS NATALE SANCTI STEPHANI. Ad completa.}


[N: 65]
Omnipotens sempiternae deus, qui primitias martyrum in beati levitae stephani sanguine dedicasti, tribue quaesumus, ut pro nobis intercessor existat, qui pro suis etiam persecutoribus exoravit. Per.
{ TIT.: VII KALENDAS IANUARII ID EST XXVI DIE MENSIS DECEMBRIS NATALE SANCTI STEPHANI. Aliae orationes.}


[N: 66]
Deus qui nos unigeniti tui clementer incarnatione redemisti, da nobis patrocinia tuorum continuata sanctorum quibus capere valeamus salutaris mysterii portionem. Per dominum.
{ TIT.: VII KALENDAS IANUARII ID EST XXVI DIE MENSIS DECEMBRIS NATALE SANCTI STEPHANI. Alia.}


[N: 67]
Ecclesiam tuam domine benignus inlustra, ut beati iohannis evangelistae inluminata doctrinis ad dona perveniat sempiterna. Per.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTA}


[N: 68]
Suscipe munera domine, quae in eius tibi sollemnitate deferimus, cuius nos scimus patrocinio liberari. Per dominum.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Super oblata.}


[N: 69]
Refecti cibo potuque caelesti deus noster te supplices depraecamur, ut in cuius haec commemoratione percepimus, eius muniamur et precibus. Per.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Ad completa.}


[N: 70]
Beati iohannis evangelistae, quaesumus, domine, supplicatione placatus, et veniam nobis tribue et remedia sempiterna concede. Per dominum.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Ad vesperum ubi supra.}


[N: 71]
Beati evangelistae iohannis domine praecibus adiuvemur, ut quod possibilitas nostra non optinet, eius nobis intercessione donetur. Per.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Ad fontes.}


[N: 72]
Sit, domine beatus iohannes evangelista nostrae fragilitatis adiutor, ut pro nobis tibi supplicans copiosius audiatur. Per.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Ad sanctum Andream. }


[N: 73]
Deus qui per os beati apostoli tui iohannis, verbi tui nobis arcana reserasti, praesta quaesumus ut quod ille, nostris auribus excellenter infudit, intelligentiae conpetentis eruditione capiamus. Per dominum.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Alia.}


[N: 74]
Omnipotens sempiterne deus, qui huius diei venerandam sanctamque laetitiam beati apostoli tui iohannis evangelistae festivitate tribuisti, da ecclesiae tuae quaesumus et amare quod credidit, et praedicare quod docuit. Per dominum nostrum iesum.
{ TIT.: VI KALENDAS IANUARII ID EST XXVII DIE MENSIS DECEMBRIS NATALIS SANCTI IOHANNIS EVANGELISTAE. Alia.}


[N: 75]
Deus cuius hodierna die praeconium innocentes martyres non loquendo sed moriendo confessi sunt, omnia in nobis vitiorum mala mortifica, ut fidem tuam quam lingua nostra loquitur, etiam moribus vita fateatur. Per.
{ TIT.: V KALENDAS IANUARIAS ID EST XXVIII DIE MENSIS DECEMBRIS NATALE INNOCENTUM AD SANCTUM PAULUM}


[N: 76]
Sanctorum tuorum nobis, domine, pia non desit oratio, quae et munera nostra conciliet et tuam nobis indulgentiam semper optineat. Per.
{ TIT.: V KALENDAS IANUARIAS ID EST XXVIII DIE MENSIS DECEMBRIS NATALE INNOCENTUM AD SANCTUM PAULUM. Super oblata.}


[N: 77]
Votiva, domine, dona percepimus, per quae sanctorum nobis precibus et praesentis, quaesumus, vitae pariter et aeternae tribue conferre subsidium. Per.
{ TIT.: V KALENDAS IANUARIAS ID EST XXVIII DIE MENSIS DECEMBRIS NATALE INNOCENTUM AD SANCTUM PAULUM. Ad completa.}


[N: 78]
Deus, qui licet sis magnus in magnis, mirabilia tamen gloriosius operaris in minimis, da nobis, quaesumus, in eorum caelebritate gaudere, qui filio tuo domino nostro testimonium praebuerunt etiam non loquentes. Per dominum.
{ TIT.: V KALENDAS IANUARIAS ID EST XXVIII DIE MENSIS DECEMBRIS NATALE INNOCENTUM AD SANCTUM PAULUM. Alia.}


[N: 79]
Da, quaesumus, omnipotens deus, ut beati silvestri confessoris tui atque pontificis veneranda sollemnitas et devotionem nobis augeat et salutem. Per.
{ TIT.: PRIDIE KALENDAS IANUARIAS ID EST XXXI DIE MENSIS DECEMBRIS NATALE SANCTI SILVESTRI PAPAE}


[N: 80]
Sancti tui nos, quaesumus, domine, ubique laetificent, ut dum eorum merita recolimus, patrocinia sentiamus. Per dominum.
{ TIT.: PRIDIE KALENDAS IANUARIAS ID EST XXXI DIE MENSIS DECEMBRIS NATALE SANCTI SILVESTRI PAPAE. Super oblata.}


[N: 81]
Praesta, quaesumus, omnipotens deus, ut de perceptis muneribus gratiae exibentes, beneficia potiora sumamus. Per.
{ TIT.: PRIDIE KALENDAS IANUARIAS ID EST XXXI DIE MENSIS DECEMBRIS NATALE SANCTI SILVESTRI PAPAE. Ad completa.}


[N: 82]
Deus, qui salutis aeternae beatae mariae virginitate fecunda humano generi praemia praestitisti, tribue quaesumus, ut ipsam pro nobis intercedere sentiamus, per quam meruimus auctorem vitae suscipere. Per dominum.
{ TIT.: MENSE IANUARIO IN OCTABAS DOMINI AD SANCTAM MARIAM AD MARTYRES}


[N: 83]
Muneribus nostris quaesumus, domine, precibusque susceptis, et caelestibus nos munda mysteriis et clementer exaudi. Per dominum.
{ TIT.: MENSE IANUARIO IN OCTABAS DOMINI AD SANCTAM MARIAM AD MARTYRES. Super oblata.}


[N: 84]
Haec nos communio domine purget a crimine, et caelestibus remediis faciat esse consortes. Per.
{ TIT.: MENSE IANUARIO IN OCTABAS DOMINI AD SANCTAM MARIAM AD MARTYRES. Ad completa.}


[N: 85]
Omnipotens sempiterne deus, dirige actus nostros in beneplacito tuo, ut in nomine dilecti filii tui mereamur bonis operibus abundare. Per dominum.
{ TIT.: ORATIO IN ALIA DOMINICA}


[N: 86]
Vota, quaesumus, domine, supplicantis populi tui caelesti pietate prosequere, ut et quae agenda sunt videnat, et adimplenda quae viderint convalescant.
{ TIT.: ITEM ALIA IN DOMINICA}


[N: 87]
Deus qui hodierna die unigenitum tuum gentibus stella duce revelasti, concede propitius, ut qui iam te ex fide cognovimus, usque ad contemplandam speciem tuae celsitudinis perducamur. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM}


[N: 88]
Ecclesiae tuae, quaesumus, domine, dona propitius intuere, quibus non iam aurum, tus et murra profertur, sed hisdem muneribus declaratur, immolatur et sumitur. Per dominum.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Super oblata.}


[N: 89]
VD et iustum est aequum et salutare. Quia cum unigenitus tuus in substantia nostrae mortalitatis apparuit, in nova nos mortalitatis suae luce reparavit. Et ideo cum angelis et archangelis cum thronis et dominitionibus, cumque omni militia caelestis exercitus ymnum gloriae tuae canimus sine fine dicentes: Sanctus (ter).
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Praefatio.}


[N: 90]
Communicantes et diem sacratissimum celebrantes, quo unigenitus tuus in tua tecum gloria quoaeternus in veritate carnis nostrae visibiliter corporalis apparuit, sed et memoriam.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM}


[N: 91]
Praesta quaesumus, domine deus noster, ut quae sollemni caelebramus officio, purificatae mentis intellegentiam consequamur. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Ad completa.}


[N: 92]
Deus inluminator omnium gentium, da populis tuis perpetua pace gaudere, et illud lumen splendidum infunde cordibus nostris, quod trium magorum mentibus aspirasti. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 93]
Deus, cuius unigenitus in substantia nostrae carnis apparuit, praesta quaesumus, ut per eum quem similem nobis foras agnovimus, intus reformari mereamur. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 94]
Omnipotens sempiterne deus, fidelium splendor animarum qui hanc sollemnitatem electionis gentium primitiis consecrasti, imple mundum gloria tua et subditis tibi populis per luminis tui appare claritatem. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 95]
Concede nobis omnipotens deus, ut salutare tuum nova caelorum luce mirabili quod ad salutem mundi hodierna festivitate processit nostris semper innovandis cordibus oriatur. Per dominum.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 96]
Da nobis quaesumus domine digne caelebrare mysterium, quo in nostri salvatoris infantia miraculis coruscantibus declaratur, et corporalibus incrementis manifesta designatur humanitas. Per
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 97]
Praesta quaesumus omnipotens deus, ut salvatoris mundi stella duce manifestata nativitas mentibus nostris reveletur semper et crescat. Per dominum
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 98]
Inlumina domine quaesumus populum tuum et splendore gloriae tuae cor eius semper accende, ut salvatorem suum et incessanter agnoscat, et veraciter adpraehendat. Per.
{ TIT.: VIII IDUS IANUARIAS ID EST VI DIE MENSIS IANUARII EPIPHANIA AD SANCTUM PETRUM. Alia}


[N: 99]
Concede quaesumus, omnipotens deus, ut ad meliorem vitam sanctorum tuorum exempla nos provocent, quatenus quorum sollemnia agimus, etiam actibus imitemur. Per.
{ TIT.: XVIII KALENDAS FEBRUARIAS ID EST XIIII DIE MENSIS IANUARII NATALE SANCTI FELICIS IN PINCIS}


[N: 100]
Hostias tibi domine beati felicis confessoris tui dicatas meritis benignus adsume, et ad perpetuum nobis tribue provenire subsidium. Per.
{ TIT.: XVIII KALENDAS FEBRUARIAS ID EST XIIII DIE MENSIS IANUARII NATALE SANCTI FELICIS IN PINCIS. Super oblata.}


[N: 101]
Quaesumus domine salutaribus repleti mysteriis, ut cuius sollemnia caelebramus, eius orationibus adiuvemur. Per.
{ TIT.: XVIII KALENDAS FEBRUARIAS ID EST XIIII DIE MENSIS IANUARII NATALE SANCTI FELICIS IN PINCIS. Ad completa.}


[N: 102]
Praeces populi tui, quaesumus, domine, clementer exaudi, ut beati marcelli martyris tui atque ponfiticis meritis adiuvemur, cuius passione laetamur. Per.
{ TIT.: XVII KALENDAS FEBRUARIAS ID EST XVI DIE MENSIS IANUARII NATALE SANCTI MARCELLI PAPAE}


[N: 103]
Suscipe quaesumus domine, munera dignanter oblata et beati marcelli suffragantibus meritis ad nostrae salutis auxilium provenire concede. Per.
{ TIT.: XVII KALENDAS FEBRUARIAS ID EST XVI DIE MENSIS IANUARII NATALE SANCTI MARCELLI PAPAE. Super oblata.}


[N: 104]
Satiasti domine familiam tuam muneribus sacris, eius, quaesumus domine semper interventione nos refove, cuius sollemnia caelebramus. Per.
{ TIT.: XVII KALENDAS FEBRUARIAS ID EST XVI DIE MENSIS IANUARII NATALE SANCTI MARCELLI PAPAE. Ad completa.}


[N: 105]
Da quaesumus omnipotens deus ut qui beatae priscae martyris tuae natalicia colimus et annua sollemnitate laetemur et tantae fidei proficiamus exemplo. Per dominum.
{ TIT.: XV KALENDAS FEBRUARIAS ID EST XVIII DIE MENSIS IANUARII NATALE SANCTAE PRISCAE}


[N: 106]
Hostia, domine, quam sanctorum tuorum natalicia recensentes offerimus et vincula nostrae pravitatis absolvat et tuae nobis misericordiae dona conciliet. Per dominum.
{ TIT.: XV KALENDAS FEBRUARIAS ID EST XVIII DIE MENSIS IANUARII NATALE SANCTAE PRISCAE. Super oblata.}


[N: 107]
Quaesumus domine salutaribus repleti mysteriis ut cuius sollemnia caelebramus, eius orationibus adiuvemur. Per.
{ TIT.: XV KALENDAS FEBRUARIAS ID EST XVIII DIE MENSIS IANUARII NATALE SANCTAE PRISCAE. Ad completa.}


[N: 108]
Infirmitatem nostram respice, omnipotens deus, et quia pondus propriae actionis gravat, beati fabiani martyris tui atque pontificis intercessio gloriosa nos protegat. Per.
{ TIT.: XIII KALENDAS FEBRUARIAS ID EST XX DIE MENSIS IANUARII NATALE SANCTI FAVIANI}


[N: 109]
Hostias tibi, domine, beati fabiani martyris tui dicatas meritis benignus adsume, et ad perpetuum nobis tribue provenire subsidium. Per.
{ TIT.: XIII KALENDAS FEBRUARIAS ID EST XX DIE MENSIS IANUARII NATALE SANCTI FAVIANI. Super oblata.}


[N: 110]
Refecti participatione muneris sacri, quaesumus, domine deus noster, ut cuius exsequimur cultum, sentiamus effectum. Per dominum.
{ TIT.: XIII KALENDAS FEBRUARIAS ID EST XX DIE MENSIS IANUARII NATALE SANCTI FAVIANI. Ad completa.}


[N: 111]
Deus qui beatum sebastianum martyrem tuum virtutem constantiae in passione roborasti, ex eius nobis imitatione tribue pro amore tuo prospera mundi despicere, et nulla eius adversa formidare. Per.
{ TIT.: ITEM EODEM DIE NATALE SANCTI SEBASTIANI}


[N: 112]
Accepta sit in conspectu tuo, domine, nostra devotio, et eius nobis fiat supplicatione salutaris, pro cuius sollemnitate defertur. Per.
{ TIT.: ITEM EODEM DIE NATALE SANCTI SEBASTIANI}


[N: 113]
Sacro munere satiati supplices te domine deprecamur, ut quod devitae servitutis caelebramus officio, intercedente beato sebastiano martyre tuo, salvationis tuae sentiamus augmentum. Per.
{ TIT.: ITEM EODEM DIE NATALE SANCTI SEBASTIANI. Ad completa.}


[N: 114]
Omnipotens sempiterne deus, qui infirma mundi eligis ut fortia quaeque confundas, concede propitius, ut qui beatae agne martyris tuae sollemnia colimus, eius apud te patrocinia sentiamus. Per.
{ TIT.: XII KALENDAS FEBRUARIAS ID EST XXI DIE MENSIS IANUARII NATALE SANCTAE AGNAE}


[N: 115]
Hostias, domine, quas tibi offerimus propitius suscipe, et intercedente beata agne martyre tua, vincula peccatorum nostrorum absolve. Per.
{ TIT.: XII KALENDAS FEBRUARIAS ID EST XXI DIE MENSIS IANUARII NATALE SANCTAE AGNAE. Super oblata.}


[N: 116]
Refecti cibo potuque caelesti deus noster te supplices exoramus, ut in cuius haec commemoratione percepimus, eius muniamur et praecibus. Per dominum nostrum.
{ TIT.: XII KALENDAS FEBRUARIAS ID EST XXI DIE MENSIS IANUARII NATALE SANCTAE AGNAE. Ad completa.}


[N: 117]
Adesto quaesumus, domine, supplicationibus nostris, ut qui ex iniquitate nostra reos nos esse cognoscimus, beati vincentii martyris tui intercessione liberemur. Per.
{ TIT.: XI KALENDAS FEBRUARIAS ID EST XXII DIE MENSIS IANUARII NATALE SANCTI VINCENTI}


[N: 118]
Muneribus nostris, quaesumus, domine, praecibusque susceptis, et caelestibus nos munda mysteriis et clementer exaudi. Per.
{ TIT.: XI KALENDAS FEBRUARIAS ID EST XXII DIE MENSIS IANUARII NATALE SANCTI VINCENTI. Super oblata.}


[N: 119]
Quaesumus, omnipotens deus, ut qui caelestia alimenta percepimus, intercedente beato vincentio martyre tuo, per haec contra omnia adversa muniamur. Per dominum.
{ TIT.: XI KALENDAS FEBRUARIAS ID EST XXII DIE MENSIS IANUARII NATALE SANCTI VINCENTI. Ad completa.}


[N: 120]
Deus qui nos annua beatae agne martyris tuae sollemnitate laetificas, da quaesumus, ut quam veneramur officio, etiam piae conversationis sequamur exemplo. Per.
{ TIT.: V KALENDAS FEBRUARIAS ID EST XXVIII DIE MENSIS IANUARII NATALE SANCTAE AGNE SECUNDO}


[N: 121]
Super has, quaesumus, hostias, domine, benedictio copiosa descendat, quae et sanctificationem nobis clementer operetur et de martyrum nos sollemnitate laetificet. Per.
{ TIT.: V KALENDAS FEBRUARIAS ID EST XXVIII DIE MENSIS IANUARII NATALE SANCTAE AGNE SECUNDO. Super oblata.}


[N: 122]
Sumpsimus, domine, celebritatis annuae votiva sacramenta, praesta quaesumus, ut et temporalis nobis vitae remedia praebeant et aeternae. Per dominum nostrum iesum.
{ TIT.: V KALENDAS FEBRUARIAS ID EST XXVIII DIE MENSIS IANUARII NATALE SANCTAE AGNE SECUNDO. Ad completa.}


[N: 123]
Erudi quaesumus, domine, plebem tuam, et quae extrinsecus annua tribuis devotione venerari, interius adsequi gratiae tuae luce concede. Per dominum.
{ TIT.: MENSE FEBRUARIO IIII NONAS FEBRUARIAS ID EST II DIE MENSIS FEBRUARII YPOPANTI AD SANCTAM MARIAM. Oratio collecta ad sanctum hadrianum}


[N: 124]
Omnipotens sempiterne deus, maiestatem tuam supplices exoramus, ut sicut unigenitus filius tuus hodierna die cum nostrae carnis substantia in templo est praesentatus, ita nos facias purificatis tibi mentibus praesentari. Per dominum nostrum.
{ TIT.: MENSE FEBRUARIO IIII NONAS FEBRUARIAS ID EST II DIE MENSIS FEBRUARII YPOPANTI AD SANCTAM MARIAM. Item ad missa ad sanctam mariam maiorem.}


[N: 125]
Exaudi, domine, praeces nostras, et ut digna sint munera quae oculis tuae maiestatis offerimus, subsidium nobis tuae pietatis inpende. Per dominum.
{ TIT.: MENSE FEBRUARIO IIII NONAS FEBRUARIAS ID EST II DIE MENSIS FEBRUARII YPOPANTI AD SANCTAM MARIAM. Item ad missa ad sanctam mariam maiorem. Super oblata.}


[N: 126]
Quaesumus, domine deus noster, ut sacrosancta mysteria, quae pro reparationis nostrae munimine contulisti, intercedente beata semper virgine Maria, et praesens nobis remedium esse facias et futurum. Per.
{ TIT.: MENSE FEBRUARIO IIII NONAS FEBRUARIAS ID EST II DIE MENSIS FEBRUARII YPOPANTI AD SANCTAM MARIAM. Item ad missa ad sanctam mariam maiorem. Ad completa.}


[N: 127]
Perfice in nobis quaesumus domine gratiam tuam, qui iusti symeonis expectationem implesti, ut sicut ille mortem non vidit, ita et nos vitam optineamus aeternam. Per dominum.
{ TIT.: MENSE FEBRUARIO IIII NONAS FEBRUARIAS ID EST II DIE MENSIS FEBRUARII YPOPANTI AD SANCTAM MARIAM. Item ad missa ad sanctam mariam maiorem. Alia oratio.}


[N: 128]
Deus, qui inter cetera potentiae tuae miracula etiam in sexu fragili victoriam martyrii contulisti, concede propitius, ut cuius natalicia colimus, per eius ad te exempla gradiamur. Per.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE}


[N: 129]
Suscipe munera, domine, quae in beatae agathae martyris tuae sollemnitate deferimus, cuius nos scimus patrocinio liberari. Per.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE. Super oblata.}


[N: 130]
Auxilientur nobis, domine, sumpta mysteria et intercedente beata agathe martyre tua sempiterna protectione confirment. Per.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE. Ad completa.}


[N: 131]
Indulgentiam nobis, domine, beata agathe martyr imploret, quae tibi semper existit et merito castitatis et tuae professione virtutis. Per.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE. Alia.}


[N: 132]
Deus qui nos annua beatae agathe martyris tuae sollemnitate laetificas, da ut quam veneramur officio, etiam piae conversationis sequamur exemplo. Per dominum.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE. Alia oratio.}


[N: 133]
Beatae agathe martyris tuae domine praecibus confidentes, quaesumus clementiam tuam, ut per ea quae sumpsimus aeterna remedia capiamus. Per.
{ TIT.: NONIS FEBRUARIIS ID EST V DIE MENSIS FEBRUARII NATALE SANCTAE AGATHAE. Alia.}


[N: 134]
Praesta quaesumus, omnipotens deus, ut qui beati valentini martyris tui natalicia colimus, a cunctis malis imminentibus eius intercessione liberemur. Per.
{ TIT.: XVI KALENDAS MARTIAS ID EST XIIII DIE DIE MENSIS FEBRUARII NATALE SANCTI VALENTINI}


[N: 135]
Oblatis, quaesumus, domine, placare muneribus et intercedente beato valentino martyre tuo, a cunctis nos defende periculis. Per.
{ TIT.: XVI KALENDAS MARTIAS ID EST XIIII DIE DIE MENSIS FEBRUARII NATALE SANCTI VALENTINI. Super oblata.}


[N: 136]
Sit nobis, domine, reparatio mentis et corporis caeleste mysterium, ut cuius exsequimur actionem, sentiamus effectum. Per dominum.
{ TIT.: XVI KALENDAS MARTIAS ID EST XIIII DIE DIE MENSIS FEBRUARII NATALE SANCTI VALENTINI. Ad completa.}


[N: 137]
Deus qui animae famuli tui gregorii aeternae beatitudinis praemia contulisti, concede propitius ut qui peccatorum nostrorum pondere praemimur, eius aput te praecibus sublevemur. Per.
{ TIT.: IIII IDUS MARTIAS ID EST XII DIE MENSIS MARTII NATALE SANCTI GREGORII PAPAE}


[N: 138]
Annue nobis domine ut animae famuli tui gregorii prosit oblatio quem immolando totius mundi tribuisti relaxari delicta. Per.
{ TIT.: IIII IDUS MARTIAS ID EST XII DIE MENSIS MARTII NATALE SANCTI GREGORII PAPAE. Super oblata.}


[N: 139]
Deus qui beatum gregorium pontificem sanctorum tuorum meritis quoaequasti, concede propitius, ut qui commemorationis eius festa percolimus, vitae quoque imitemur exempla. Per.
{ TIT.: IIII IDUS MARTIAS ID EST XII DIE MENSIS MARTII NATALE SANCTI GREGORII PAPAE. Ad completa.}


[N: 140]
Deus qui de beatae virginis utero verbum tuum angelo adnuntiante carnem suscipere voluisti, presta supplicibus tuis ut qui vere eam genetricem dei credimus eius apud te intercessionibus adiuvemur. Per.
{ TIT.: VIII KALENDAS APRILES ID EST XXV DIE MENSIS MARTII ADNUNTIATIO SANCTAE MARIAE}


[N: 141]
Deus qui hodierna die verbum tuum beatae virginis alvo coadunare voluisti, fac nos ita peragere ut tibi placere valeamus. Per dominum.
{ TIT.: VIII KALENDAS APRILES ID EST XXV DIE MENSIS MARTII ADNUNTIATIO SANCTAE MARIAE. Ad missas.}


[N: 142]
In mentibus nostris domine vere fidei sacramenta confirma, ut qui conceptum de virgine deum verum et hominem confitemur, per eius salutifere resurrections potentiam ad aeternam mereamur pervenire laetitiam. Per dominum.
{ TIT.: VIII KALENDAS APRILES ID EST XXV DIE MENSIS MARTII ADNUNTIATIO SANCTAE MARIAE. Super oblata.}


[N: 143]
Gratiam tuam domine, mentibus nostris infunde, ut qui angelo nuntiante christi filii tui incarnationem cognovimus, per passionem eius et crucem ad resurrectionis gloriam perducamur. Per.
{ TIT.: VIII KALENDAS APRILES ID EST XXV DIE MENSIS MARTII ADNUNTIATIO SANCTAE MARIAE. Ad completa.}


[N: 144]
Praeces populi tui domine, clementer exaudi, ut qui iuste pro peccatis nostris affligimur pro tui nominis gloria misericorditer liberemur. Per.
{ TIT.: ORATIO IN SEPTUAGESIMA AD SANCTUM LAURENTIUM FORIS MURUM.}


[N: 145]
Muneribus nostris, quaesumus, domine, precibusque susceptis, et caelestibus nos munda mysteriis et clementer exaudi. Per.
{ TIT.: ORATIO IN SEPTUAGESIMA AD SANCTUM LAURENTIUM FORIS MURUM. Super oblata.}


[N: 146]
Fideles tui, deus, per tua dona firmentur, ut eadem et percipiendo requirant et quaerendo sine fine percipiant. Per.
{ TIT.: ORATIO IN SEPTUAGESIMA AD SANCTUM LAURENTIUM FORIS MURUM. Ad completa.}


[N: 147]
Deus qui conspicis quia ex nulla nostra actione confidimus, concede propitius, ut contra adversa omnia doctoris gentium protectione muniamur. Per.
{ TIT.: IN SEXAGESIMA AD SANCTUM PAULUM}


[N: 148]
Oblatum tibi, domine, sacrificium vivificet nos semper et muniat. Per.
{ TIT.: IN SEXAGESIMA AD SANCTUM PAULUM. Super oblata.}


[N: 149]
Supplices te rogamus, omnipotens deus, ut quos tuis reficis sacramentis, tibi etiam placitis moribus dignanter deservire concedas. Per dominum.
{ TIT.: IN SEXAGESIMA AD SANCTUM PAULUM. Ad complendum.}


[N: 150]
Praeces nostras, quaesumus, domine, clementer exaudi, atque a peccatorum vinculis absolutos, ab omni nos adversitate custodi. Per.
{ TIT.: IN QUINQUAGESIMA AD SANCTUM PETRUM}


[N: 151]
Haec hostia, domine, quaesumus, emundet nostra delicta, et sacrificium celebrandum subditorum tibi corpora mentesque sanctificet. Per.
{ TIT.: IN QUINQUAGESIMA AD SANCTUM PETRUM. Super oblata. }


[N: 152]
Quaesumus, omnipotens deus, ut qui caelestia alimenta percepimus, per haec contra omnia adversa muniamur. Per dominum.
{ TIT.: IN QUINQUAGESIMA AD SANCTUM PETRUM. Ad complendum. }


[N: 153]
Concede nobis, domine, praesidia militiae christianae sanctis incoare ieiuniis, ut contra spiritales nequitiae pugnaturi, continentiae muniamur auxiliis. Per
{ TIT.: FERIA IIII. Collecta ad sanctam anastasiam.}


[N: 154]
Praesta, domine, fidelibus tuis, ut ieiuniorum veneranda sollemnia et congrua pietate suscipiant et secura devotione percurrant. Per.
{ TIT.: FERIA IIII. Item missa ad sanctam sabinam.}


[N: 155]
Fac nos, quaesumus, domine, his muneribus offerendis convenienter aptari, quibus ipsius venerabilis sacramenti caelebramus exordium. Per.
{ TIT.: FERIA IIII. itam missa ad sanctam sabinam. Super oblata. }


[N: 156]
Percepta nobis, domine, praebeant sacramenta subsidium, ut et tibi grata sint nostra ieiunia et nobis proficiant ad medellam. Per.
{ TIT.: FERIA IIII. Item missa ad sanctam sabinam. Ad completa. }


[N: 157]
Inclinantes se, domine, maiestati tuae propitiatus intende, ut qui divino munere sunt refecti, caelestibus semper nutriantur auxiliis. Per dominum.
{ TIT.: FERIA IIII. Item missa ad sanctam sabinam. Super populum. }


[N: 158]
Deus qui culpa offenderis, poenitentia placaris, praeces populi tui supplicantis propitius respice et flagella tuae iracundiae quae pro peccatis nostris meremur averte. Per
{ TIT.: FERIA QUINTA AD SANCTUM GEORGIUM}


[N: 159]
Sacrificiis praesentibus domine quaesumus intende placatus, ut et devotioni nostrae proficiant et saluti. Per dominum
{ TIT.: FERIA QUINTA AD SANCTUM GEORGIUM. Super oblata.}


[N: 160]
Caelestis doni benedictione percepta, supplices te deus omnipotens deprecamur, ut hoc idem nobis et sacramenti causa sit et salutis. Per.
{ TIT.: FERIA QUINTA AD SANCTUM GEORGIUM. Ad complendum}


[N: 161]
Parce domine parce populo tuo, ut dignis flagellationibus castigatus, in tua miseratione respiret. Per.
{ TIT.: FERIA V AD SANCTUM GEORGIUM. Super populum.}


[N: 162]
Incoata ieiunia, quaesumus, domine, benigno favore prosequere, ut observantiam quam corporaliter exhibemus, mentibus etiam sinceris exercere valeamus. Per.
{ TIT.: FERIA VI AD SANCTOS IOHANNEM ET PAULUM}


[N: 163]
Sacrificium, domine, observantiae paschalis offerimus, praesta quaesumus, ut tibi et mentes nostras reddat acceptas et continentiae promptioris nobis tribuat facultatem. Per.
{ TIT.: FERIA VI AD SANCTOS IOHANNEM ET PAULUM. Super oblatam. }


[N: 164]
Spiritum in nobis, domine, tuae caritatis infunde, ut quos uno caelesti pane satiasti, tua facias pietate concordes. Per.
{ TIT.: FERIA VI AD SANCTOS IOHANNEM ET PAULUM. Ad complendum. }


[N: 165]
Tuere, domine, populum tuum et ab omnibus peccatis clementer emunda, quia nulla ei nocebit adversitas, si nulla dominetur iniquitas. Per dominum nostrum.
{ TIT.: FERIA VI AD SANCTOS IOHANNEM ET PAULUM. Super populum. }


[N: 166]
Deus qui ecclesiam tuam annua quadragesimali observatione purificas, praesta familiae tuae, ut quod a te obtinere abstinendo nititur, hoc bonis moribus exsequatur. Per.
{ TIT.: IN QUADRAGESIMA AD SANCTUM IOHANNEM IN LATERANIS}


[N: 167]
Sacrificium domine quadragesimalis initii sollemniter immolamus te domine deprecantes ut cum aepularum restrictione carnalium, a noxiis quoque voluptatibus temperemur. Per.
{ TIT.: IN QUADRAGESIMA AD SANCTUM IOHANNEM IN LATERANIS. Super oblata.}


[N: 168]
Tui nos, domine, sacramenti libatio sancta restauret, et a vetustate purgatos, in mysterii salutaris faciat transire consortium. Per.
{ TIT.: IN QUADRAGESIMA AD SANCTUM IOHANNEM IN LATERANIS. Ad complendum.}


[N: 169]
Da nobis, quaesumus, omnipotens deus, et aeternae promissionis gaudia quaerere et quaesita citius invenire. Per.
{ TIT.: IN QUADRAGESIMA AD SANCTUM IOHANNEM IN LATERANIS. Ad vesperum.}


[N: 170]
Adesto quaesumus, domine, supplicationibus nostris, et in tua misericordia confidentes ab omni adversitate custodi. Per.
{ TIT.: IN QUADRAGESIMA AD SANCTUM IOHANNEM IN LATERANIS. Ad fontes. }


[N: 171]
Converte nos, deus salutaris noster, et ut nobis ieiunium quadragesimale proficiat, mentes nostras caelestibus instrue disciplinis. Per.
{ TIT.: FERIA II AD SANCTUM PETRUM AD VINCULA}


[N: 172]
Munera domine oblata sanctifica, nosque a peccatorum nostrorum maculis emunda. Per.
{ TIT.: FERIA II AD SANCTUM PETRUM AD VINCULA. Super oblata.}


[N: 173]
Salutaris tui, domine, munere satiasti supplices exoramus, ut cuius laetamur gustu, renovemur effectu. Per.
{ TIT.: FERIA II AD SANCTUM PETRUM AD VINCULA. Ad complendum }


[N: 174]
Absolve, domine, quaesumus, nostrorum vincula peccatorum, et quidquid pro eis meremur, propitiatus averte. Per.
{ TIT.: FERIA II AD SANCTUM PETRUM AD VINCULA. Super populum. }


[N: 175]
Respice, domine, familiam tuam et praesta, ut apud te mens nostra tuo desiderio fulgeat, quae se carnis maceratione castigat. Per.
{ TIT.: FERIA III AD SANCTAM ANASTASIAM}


[N: 176]
Oblatis, quaesumus, domine, placare muneribus, et a cunctis nos defende periculis. Per.
{ TIT.: FERIA III AD SANCTAM ANASTASIAM. Super oblata. }


[N: 177]
Quaesumus, omnipotens deus, ut illius salutaris capiamus effectum, cuius per haec mysteria pignus accepimus. Per.
{ TIT.: FERIA III AD SANCTAM ANASTASIAM. Ad complendum. }


[N: 178]
Ascendant ad te, domine, praeces nostrae, et ab ecclesia tua cunctam repelle nequitiam. Per dominum.
{ TIT.: FERIA III AD SANCTAM ANASTASIAM. Super populum. }


[N: 179]
Praeces nostras, quaesumus, domine, clementer exaudi, et contra cuncta nobis adversantia dexteram tuae maiestatis extende. Per.
{ TIT.: FERIA IIII AD SANCTAM MARIAM. }


[N: 180]
Devotionem populi tui, quaesumus, domine, benignus intende, ut qui per abstinentiam macerantur in corpore, per fructum boni operis reficiantur in mente. Per.
{ TIT.: FERIA IIII AD SANCTAM MARIAM. Alia.}


[N: 181]
Hostias tibi, domine, placationis offerimus, ut et delicta nostra miseratus absolvas et nutantia corda tu dirigas. Per.
{ TIT.: FERIA IIII AD SANCTAM MARIAM. Super oblata. }


[N: 182]
Tui, domine, perceptio sacramenti nostris mundemur occultis, et ab hostium liberemur insidiis. Per dominum.
{ TIT.: FERIA IIII AD SANCTAM MARIAM. Ad complendum. }


[N: 183]
Mentes nostras, quaesumus, domine, lumine tuae claritatis inlustra, ut videre possimus quae agenda sunt, et quae recta sunt agere valeamus. Per.
{ TIT.: FERIA IIII AD SANCTAM MARIAM. Super populum. }


[N: 184]
Devotionem populi tui, quaesumus, domine, benignus intende, ut qui per abstinentia macerantur in corpore, per fructum boni operis reficiantur in mente. Per.
{ TIT.: FERIA V AD SANCTUM LAURENTIUM IN FORMONSUM}


[N: 185]
Sacrificia, domine, quaesumus, propitius ista nos salvent, quae medicinalibus sunt instituta ieiuniis. Per dominum.
{ TIT.: FERIA V AD SANCTUM LAURENTIUM IN FORMONSUM. Super oblata.}


[N: 186]
Tuorum nos, domine, largitate donorum, et temporalibus adtolle praesidiis et renova sempiternis. Per dominum.
{ TIT.: FERIA V AD SANCTUM LAURENTIUM IN FORMONSUM. Ad completa.}


[N: 187]
Da quaesumus domine, populis christianis, et quod profitentur agnoscere et caeleste munus diligere quod frequentant. Per.
{ TIT.: FERIA V AD SANCTUM LAURENTIUM IN FORMONSUM. Super populum.}


[N: 188]
Esto, domine, propitius plebi tuae, et quam tibi facis esse devotam, benigno refove miseratus auxilio. Per.
{ TIT.: FERIA VI AD APOSTOLOS}


[N: 189]
Suscipe quaesumus, domine, nostris oblata servitiis, et tua propitius dona sanctifica. Per.
{ TIT.: FERIA VI AD APOSTOLOS. Super oblata. }


[N: 190]
Per huius domine operationem mysterii, et vitia nostra purgentur, et iusta desideria impleantur. Per.
{ TIT.: FERIA V AD SANCTUM LAURENTIUM IN FORMONSUM. Ad complendum.}


[N: 191]
Exaudi nos, misericors deus, et mentibus nostris gratiae tuae lumen ostende. Per dominum.
{ TIT.: FERIA VI AD APOSTOLOS. Super populum. }


[N: 192]
Populum tuum, domine, quaesumus, propitius respice, atque ab eo flagella tuae iracundiae clementer averte. Per.
{ TIT.: SABBATO IN XII LECTIONES AD SANCTUM PETRUM.}


[N: 193]
Deus qui nos in tantis periculis constitutos, pro humana scis fragilitate non posse subsistere, da nobis salutem mentis et corporis, ut ea quae pro peccatis nostris patimur, te adiuvante vincamus. Per
{ TIT.: SABBATO IN XII LECTIONES AD SANCTUM PETRUM. Alia. }


[N: 194]
Protector noster, aspice, deus, et qui malorum nostrorum pondere praemimur, percepta misericordia libera tibi mente famulemur. Per dominum.
{ TIT.: SABBATO IN XII LECTIONES AD SANCTUM PETRUM. Alia.}


[N: 195]
Adesto quaesumus, domine, supplicationibus nostris, ut esse te largiente mereamur et inter prospera humiles et inter adversa securi. Per.
{ TIT.: SABBATO IN XII LECTIONES AD SANCTUM PETRUM. Alia.}


[N: 196]
Preces populi tui, domine, quaesumus, clementer exaudi, ut qui iuste pro peccatis nostris affligimur, pro tui nominis gloria misericorditer liberemur. Per.
{ TIT.: SABBATO IN XII LECTIONES AD SANCTUM PETRUM. Alia.}


[N: 197]
Quaesumus, omnipotens deus, vota humilium respice, atque ad defensionem nostram dexteram tuae maiestatis extende. Per.
{ TIT.: SABBATO IN XII LECTIONES AD SANCTUM PETRUM. Alia}


[N: 198]
Actiones nostras, quaesumus, domine, et aspirando praeveni et adiuvando prosequere, ut cuncta nostra operatio et a te semper incipiat, et per te cepta finiatur. Per.
{ TIT.: SABBATO IN XII LECTIONES AD SANCTUM PETRUM. Alia.}


[N: 199]
Deus, qui tribus pueris mitigasti flammas ignium, concede propitius, ut nos famulos tuos non exurat flamma vitiorum. Per.
{ TIT.: SABBATO IN XII LECTIONES AD SANCTUM PETRUM. Alia.}


[N: 200]
Praesentibus sacrificiis, domine, ieiunia nostra sanctifica, ut quod observantia nostra profitetur extrinsecus, interius operetur. Per.
{ TIT.: SABBATO IN XII LECTIONES AD SANCTUM PETRUM. Super oblata.}


[N: 201]
Sanctificationibus tuis, omnipotens deus, et vitia nostra curentur et remedia nobis aeterna proveniant. Per.
{ TIT.: SABBATO IN XII LECTIONES AD SANCTUM PETRUM. Ad complendum.}


[N: 202]
Deus qui conspicis omni nos virtute destitui, interius exteriusque custodi, ut et ab omnibus adversitatibus muniamur in corpore et a pravis cogitationibus mundemur in mente. Per dominum.
{ TIT.: DIE DOMINICO VACAT}


[N: 203]
Sacrificiis praesentibus domine quaesumus intende placatus, ut devotioni nostrae proficiant et saluti. Per.
{ TIT.: DIE DOMINICO VACAT. Super oblata.}


[N: 204]
Supplices te rogamus omnipotens deus, ut quos tuis reficis sacramentis, tibi etiam placitis moribus deservire concedas. Per.
{ TIT.: DIE DOMINICO VACAT. Ad complendum.}


[N: 205]
Praesta quaesumus, omnipotens deus, ut familia tua quae se affligendo carne ab alimentis abstinet sectando iustitiam a culpa ieiunet. Per.
{ TIT.: FERIA II AD SANCTUM CLEMENTEM}


[N: 206]
Haec hostia, domine, placationis et laudis tua nos propitiatione dignos efficiat. Per.
{ TIT.: FERIA II AD SANCTUM CLEMENTEM. Super oblata. }


[N: 207]
Haec nos communio, domine, purget a crimine, et caelestibus remediis faciat esse consortes. Per dominum.
{ TIT.: FERIA II AD SANCTUM CLEMENTEM. Ad complendum. }


[N: 208]
Adesto supplicationibus nostris, omnipotens deus, et quibus fiduciam sperandae pietatis indulgis, consuetae misericordiae tribue benignus effectum. Per.
{ TIT.: FERIA II AD SANCTUM CLEMENTEM. Super populum. }


[N: 209]
Perfice quaesumus, domine, benignus in nobis observantiae sanctae subsidium, ut quae te auctore facienda cognovimus, te operante impleamus. Per.
{ TIT.: FERIA III AD SANCTAM BALBINAM}


[N: 210]
Sanctificationem tuam nobis, domine, his mysteriis placatus operare, quae nos et a terrenis purget vitiis et ad caelestia dona perducat. Per.
{ TIT.: FERIA III AD SANCTAM BALBINAM. Super oblata. }


[N: 211]
Ut sacris, domine, reddamur digni muneribus, fac nos tuis, quaesumus, oboedire mandatis. Per.
{ TIT.: FERIA III AD SANCTAM BALBINAM. Ad complendum. }


[N: 212]
Propitiare, domine, supplicationibus nostris, et animarum nostrarum medere languoribus, ut remissione percepta in tua semper benedictione laetemur. Per dominum.
{ TIT.: FERIA III AD SANCTAM BALBINAM. Super populum. }


[N: 213]
Populum tuum, domine, propitius respice, et quos ab escis carnalibus praecipis abstinere, a noxiis quoque vitiis cessare concede. Per.
{ TIT.: FERIA IIII AD SANCTAM CAECILIAM.}


[N: 214]
Hostias, domine, quas tibi offerimus propitius respice, et per haec sancta commertia vincula peccatorum nostrorum absolve. Per dominum.
{ TIT.: FERIA IIII AD SANCTAM CAECILIAM. Super oblata.}


[N: 215]
Sumptis, domine, sacramentis ad redemtionis aeternae, quaesumus, proficiamus augmentum. Per.
{ TIT.: FERIA IIII AD SANCTAM CAECILIAM. Ad complendum.}


[N: 216]
Deus innocentiae restitutor et amator, dirige ad te tuorum corda servorum, ut spiritus tui fervore concepto, et in fide inveniantur stabiles et in opere efficaces. Per dominum.
{ TIT.: FERIA IIII AD SANCTAM CAECILIAM. Super populum.}


[N: 217]
Praesta nobis, domine, quaesumus, auxilium gratiae tuae, ut ieiuniis et orationibus convenienter intenti, liberemur ab hostibus mentis et corporis. Per.
{ TIT.: FERIA V AD SANCTAM MARIAM TRANS TIBERIM.}


[N: 218]
Praesente sacrificio nomini tuo nos, domine, ieiunia dicata sanctificent, per quod observantia nostra profitetur exterius, et interius operetur effectum. Per.
{ TIT.: FERIA V AD SANCTAM MARIAM TRANS TIBERIM. Super oblata.}


[N: 219]
Gratia tua nos, quaesumus, domine, non derelinquat, quae nobis opem semper adquirat. Per.
{ TIT.: FERIA V AD SANCTAM MARIAM TRANS TIBERIM. Ad complendum.}


[N: 220]
Adesto, domine, famulis tuis et perpetua largire poscentibus, ut his qui te auctore et gubernatore gloriantur, et congregata restaures, et restaurata conserves. Per.
{ TIT.: FERIA V AD SANCTAM MARIAM TRANS TIBERIM. Super populum.}


[N: 221]
Da quaesumus, omnipotens deus, ut sacro nos purificante ieiunio, sinceris mentibus ad sancta ventura facias pervenire. Per dominum nostrum.
{ TIT.: FERIA VI AD SANCTUM VITALEM}


[N: 222]
Haec in nobis sacrificia, deus, et actione permaneant et operatione firmentur. Per.
{ TIT.: FERIA VI AD SANCTUM VITALEM. Super oblata. }


[N: 223]
Fac nos, domine, quaesumus, accepto pignore salutis aeternae, sic tendere congruenter, ut ad eam pervenire possimus. Per.
{ TIT.: FERIA VI AD SANCTUM VITALEM. Ad complendum. }


[N: 224]
Da quaesumus, domine, populo tuo salutem mentis et corporis, ut bonis operibus inherendo tuae semper virtutis mereantur protectione defendi. Per.
{ TIT.: FERIA VI AD SANCTUM VITALEM. Super populum. }


[N: 225]
Da quaesumus, domine, nostris effectum ieiuniis salutare, ut castigatio carnis adsumta, ad nostrarum vegetationem transeat animarum. Per dominum nostrum.
{ TIT.: SABBATO AD SANCTOS MARCELLINUM ET PETRUM}


[N: 226]
His sacrificiis, domine, concede placatus, ut qui propriis oramus absolvi delictis, non gravemur externis. Per dominum.
{ TIT.: SABBATO AD SANCTOS MARCELLINUM ET PETRUM. Super oblata. }


[N: 227]
Sacramenti tui, domine, divina libatio, poenetrabilia nostri cordis infundat, et sui participes potenter efficiat. Per dominum.
{ TIT.: SABBATO AD SANCTOS MARCELLINUM ET PETRUM. Ad completa. }


[N: 228]
Familiam tuam, quaesumus, domine, continua pietate custodi, ut qui in sola spe gratiae caelestis innititur, caelesti etiam protectione muniatur. Per dominum.
{ TIT.: SABBATO AD SANCTOS MARCELLINUM ET PETRUM. Super populum. }


[N: 229]
Quaesumus, omnipotens deus, vota humilium respice, atque ad defensionem nostram dexteram tuae maiestatis extende. Per.
{ TIT.: DIE DOMINICO AD SANCTUM LAURENTIUM FORIS MURUM.}


[N: 230]
Haec hostia, domine, quaesumus, mundet nostra delicta, et sacrificium celebrandum subditorum tibi corpora mentesque sanctificet. Per.
{ TIT.: DIE DOMINICO AD SANCTUM LAURENTIUM FORIS MURUM. Super oblata.}


[N: 231]
Cunctis nos, domine, reatibus et periculis propitiatus absolve, quos tanti mysterii tribuis esse participes. Per dominum.
{ TIT.: DIE DOMINICO AD SANCTUM LAURENTIUM FORIS MURUM. Ad completa.}


[N: 232]
Cordibus nostris, quaesumus, domine, benignus infunde, ut sicut ab escis corporalibus abstinemus, ita sensus quoque nostros a noxiis retrahamus excessibus. Per
{ TIT.: FERIA II AD SANCTAM MARIAM (=AD SANCTUM MARCUM)}


[N: 233]
Munus quod tibi, domine, nostrae servitutis offerimus, tu salutare nobis perfice sacramentum. Per.
{ TIT.: FERIA II AD SANCTAM MARIAM (=AD SANCTUM MARCUM). Super oblata.}


[N: 234]
Praesta quaesumus, omnipotens et misericors deus, ut quae ore contingimus, pura mente capiamus. Per dominum.
{ TIT.: FERIA II AD SANCTAM MARIAM (=AD SANCTUM MARCUM). Ad completa.}


[N: 235]
Subveniat nobis, domine, misericordia tua, ut ab imminentibus peccatorum nostrorum periculis te mereamur protegente salvari. Per.
{ TIT.: FERIA II AD SANCTAM MARIAM (=AD SANCTUM MARCUM). Super populum.}


[N: 236]
Exaudi nos, omnipotens et misericors deus, et continentiae salutaris propitius nobis dona concede. Per.
{ TIT.: FERIA III AD SANCTAM PUDENTIANAM.}


[N: 237]
Per haec veniat, quaesumus, domine, sacramenta nostrae redemptionis effectus, qui nos et ab humanis retrahat semper excessibus et ad salutaria cuncta perducat. Per.
{ TIT.: FERIA III AD SANCTAM PUDENTIANAM. Super oblata.}


[N: 238]
Sacris, domine, mysteriis expiati, et veniam consequamur et gratiam. Per dominum nostrum iesum.
{ TIT.: FERIA III AD SANCTAM PUDENTIANAM. Ad completa.}


[N: 239]
Tua nos, domine, protectione defende, et ab omni semper iniquitate custodi. Per dominum.
{ TIT.: FERIA III AD SANCTAM PUDENTIANAM. Super populum.}


[N: 240]
Praesta nobis, quaesumus, domine, ut salutaribus ieiuniis eruditi, a noxiis quoque vitiis abstinentes propitiationem tuam facilius impetremus. Per dominum.
{ TIT.: FERIA IIII AD SANCTUM SYXTUM}


[N: 241]
Suscipe quaesumus, domine, preces populi tui cum oblationibus hostiarum, et tua mysteria caelebrantes, ab omnibus nos defende periculis. Per dominum.
{ TIT.: FERIA IIII AD SANCTUM SYXTUM. Super oblata.}


[N: 242]
Sanctificet nos, domine, qua pasti sumus mensa caelestis et a cunctis erroribus expiatos, supernis promissionibus reddat acceptos. Per dominum.
{ TIT.: FERIA IIII AD SANCTUM SYXTUM. Ad completa.}


[N: 243]
Concede quaesumus, omnipotens deus, ut qui protectionis tuae gratiam quaerimus, liberati a malis omnibus secura tibi mente serviamus. Per.
{ TIT.: FERIA IIII AD SANCTUM SYXTUM. Super populum.}


[N: 244]
Magnificet te, domine, sanctorum tuorum cosmae et damiani beata sollemnitas, quia et illis gloriam sempiternam et opem nobis ineffabili providentiae contulisti. Per dominum.
{ TIT.: FERIA V AD SANCTOS COSMAM ET DAMIANUM}


[N: 245]
In tuorum, domine, pretiosa morte iustorum sacrificium illud offerimus, de quo martyrium sumpsit omne principium. Per dominum.
{ TIT.: FERIA V AD SANCTOS COSMAM ET DAMIANUM. Super oblata. }


[N: 246]
Sit nobis, domine, sacramenti tui certa salvatio, quae cum beatorum tuorum cosmae et damiani meritis imploratur. Per.
{ TIT.: FERIA V AD SANCTOS COSMAM ET DAMIANUM. Ad completa. }


[N: 247]
Subiectum tibi populum quaesumus domine propitiato caelestis amplificet, et tuis semper faciat servire mandatis. Per.
{ TIT.: FERIA V AD SANCTOS COSMAM ET DAMIANUM. Super populum.}


[N: 248]
Ieiunia nostra, quaesumus, domine, benigno favore prosequere, ut sicut ab alimentis in corpore ita a vitiis ieiunemus in mente. Per.
{ TIT.: FERIA VI AD SANCTUM LAURENTIUM IN LUCINAE.}


[N: 249]
Respice, domine, propitius ad munera quae sacramus, ut et tibi grata sint et nobis salutaria semper existant. Per.
{ TIT.: FERIA VI AD SANCTUM LAURENTIUM IN LUCINAE. Super oblata.}


[N: 250]
Huius nos, domine, perceptio sacramenti mundet a crimine, et ad caelestia regna perducat. Per.
{ TIT.: FERIA VI AD SANCTUM LAURENTIUM IN LUCINAE. Ad complendum.}


[N: 251]
Praesta quaesumus, omnipotens deus, ut qui in tua protectione confidimus, cuncta nobis adversantia te adiuvante vincamus. Per.
{ TIT.: FERIA VI AD SANCTUM LAURENTIUM IN LUCINAE. Super populum.}


[N: 252]
Praesta quaesumus, omnipotens deus, ut qui se affligendo carnem ab alimentis abstinent, sectando iustitiam a culpa ieiunent. Per.
{ TIT.: SABBATO AD SANCTAM SUSANNAM}


[N: 253]
Concede quaesumus, omnipotens deus, ut huius sacrificii munus oblatum, fragilitatem nostram ab omni malo purget semper et muniat. Per.
{ TIT.: SABBATO AD SANCTAM SUSANNAM. Super oblata. }


[N: 254]
Quaesumus, omnipotens deus, ut inter eius membra numeremur, cuius corpori communicamus et sanguini. Per.
{ TIT.: SABBATO AD SANCTAM SUSANNAM. Ad complendum. }


[N: 255]
Praetende, domine, fidelibus tuis dexteram caelestis auxilii, ut et te toto corde perquirant, et quae digne postulant consequi mereantur. Per.
{ TIT.: SABBATO AD SANCTAM SUSANNAM. Super populum. }


[N: 256]
Concede quaesumus omnipotens deus ut qui ex merito nostrae actionis affligimur, tuae gratiae consolatione respiremus. Per.
{ TIT.: DIE DOMINICO AD HIERUSALEM.}


[N: 257]
Sacrificiis praesentibus, domine, quaesumus, intende placatus, ut et devotioni nostrae proficiant et saluti. Per.
{ TIT.: DIE DOMINICO AD HIERUSALEM. Super oblata. }


[N: 258]
Da nobis, misericors deus, ut sancta tua quibus incessanter explemur, sinceris tractemus obsequiis et fideli semper mente sumamus. Per.
{ TIT.: DIE DOMINICO AD HIERUSALEM. Ad completa. }


[N: 259]
Deus qui in deserti regione multitudinem populi tui tua virtute satiasti, in huius quoque saeculi transeuntis excursu, victum nobis spiritalem ne deficiamus inpende. Per.
{ TIT.: DIE DOMINICO AD HIERUSALEM. Alia oratio ad missam.}


[N: 260]
Praesta quesumus, omnipotens deus, ut observationes sacras annua devotione recolentes, et corpore tibi placeamus et mente. Per.
{ TIT.: FERIA II AD SANCTOS IIII CORONATOS}


[N: 261]
Oblatum tibi domine sacrificium vivificet nos semper et muniat. Per.
{ TIT.: FERIA II AD SANCTOS QUATTUOR CORONATOS. Super oblata.}


[N: 262]
Sumptis domine salutaribus sacramentis ad redemtionis aeternae quaesumus proficiamus augmentum. Per.
{ TIT.: FERIA II AD SANCTOS QUATTUOR CORONATOS. Ad complendum.}


[N: 263]
Deprecationem nostram, quaesumus, domine, benignus exaudi, et quibus supplicandi praestas affectum, tribue defensionis auxilium. Per.
{ TIT.: FERIA II AD SANCTOS QUATTUOR CORONATOS. Super populum. }


[N: 264]
Sacrae nobis, quaesumus, domine, observationis ieiunia, et piae conversationis augmentum et tuae propitiationis continuum praestent auxilium. Per.
{ TIT.: FERIA III AD SANCTUM LAURENTIUM IN DAMASC.}


[N: 265]
Haec hostia domine quaesumus emundet nostra delicta et sacrificium caelebrandum subditorum tibi corpora mentesque sanctificet. Per.
{ TIT.: FERIA III AD SANCTUM LAURENTIUM IN DAMASC. Super oblata.}


[N: 266]
Huius nos, domine, perceptio sacramenti mundet a crimine, et ad caelestia regna perducat. Per.
{ TIT.: FERIA III AD SANCTUM LAURENTIUM IN DAMASC. Ad complendum.}


[N: 267]
Miserere, domine, populo tuo, et continuis tribulationibus laborantem propitius respirare concede. Per dominum nostrum.
{ TIT.: FERIA III AD SANCTUM LAURENTIUM IN DAMASC. Super populum.}


[N: 268]
Deus qui et iustis praemia meritorum et peccatoribus per ieiunium veniam praebes miserere supplicibus tuis, ut reatus nostri indulgentiam valeat percipere delictorum. Per.
{ TIT.: FERIA IIII AD SANCTUM PAULUM.}


[N: 269]
Praesta quaesumus, omnipotens deus, ut quos ieiunia votiva castigant, ipsa quoque devotio sancta laetificet, ut terrenis affectibus mitigatis facilius caelestia capiamus. Per dominum.
{ TIT.: FERIA IIII AD SANCTUM PAULUM. Alia.}


[N: 270]
Supplices, domine, te rogamus, ut his sacrificiis peccata nostra mundentur, quia tunc veram nobis tribuis et mentis et corporis sanitatem. Per.
{ TIT.: FERIA IIII AD SANCTUM PAULUM. Super oblata. }


[N: 271]
Sacramenta quae sumpsimus, domine deus noster, et spiritalibus nos repleant alimentis et corporalibus tueantur auxiliis. Per.
{ TIT.: FERIA IIII AD SANCTUM PAULUM. Ad completa. }


[N: 272]
Pateant aures misericordiae tuae, domine, precibus supplicantum, et ut petentibus desiderata concedas, fac eos quae tibi sunt placita postulare. Per.
{ TIT.: FERIA IIII AD SANCTUM PAULUM. Super populum. }


[N: 273]
Praesta quaesumus, omnipotens deus, ut quos votiva ieiunia castigant, ipsa quoque devotio sancta laetificet, ut terrenis affectibus mitigatis facilius caelestia capiamus. Per.
{ TIT.: FERIA V AD SANCTUM SILVESTRUM}


[N: 274]
Purifica nos, misericors deus, ut ecclesiae tuae preces quae tibi gratae sunt pia munera deferentes, fiant expiatis mentibus gratiores. Per.
{ TIT.: FERIA V AD SANCTUM SILVESTRUM. Super oblata. }


[N: 275]
Caelestia dona capientibus, quaesumus, domine, non ad iudicium pervenire patiaris, quod fidelibus tuis ad remedium providisti. Per.
{ TIT.: FERIA V AD SANCTUM SILVESTRUM. Ad completa. }


[N: 276]
Populi tui, deus, institutor et rector peccata quibus inpugnantur expelle, ut semper tibi placatus et tuo munimine sit securus. Per.
{ TIT.: FERIA V AD SANCTUM SILVESTRUM. Super populum. }


[N: 277]
Deus qui ineffabilibus mundum revonas sacramentis, praesta quaesumus, ut ecclesia tua aeternis proficiat institutis, et temporalibus non destituatur auxiliis. Per.
{ TIT.: FERIA VI AD SANCTUM EUSEBIUM}


[N: 278]
Munera nos, domine, quaesumus oblata purificent, et te nobis iugiter faciant esse placatum. Per.
{ TIT.: FERIA VI AD SANCTUM EUSEBIUM. Super oblata. }


[N: 279]
Haec nos, quaesumus, domine, participatio sacramenti et propriis reatibus indesinenter expediat et ab omnibus tueatur adversis. Per.
{ TIT.: FERIA VI AD SANCTUM EUSEBIUM. Ad completa. }


[N: 280]
Da quaesumus, omnipotens deus, ut qui infirmitatis nostrae conscii de tua virtute confidimus, sub tua semper pietate gaudeamus. Per.
{ TIT.: FERIA VI AD SANCTUM EUSEBIUM. Super populum. }


[N: 281]
Fiat domine quaesumus per gratiam tuam fructuosus nostrae devotionis affectus, quia tunc nobis proderunt suscepta ieiunia, si tuae sint placita pietati. Per.
{ TIT.: SABBATUM AD SANCTUM LAURENTIUM FORIS MURUM.}


[N: 282]
Oblationibus, quaesumus, domine, placare susceptis, et ad te nostras etiam rebelles conpelle propitius voluntates. Per dominum.
{ TIT.: SABBATUM AD SANCTUM LAURENTIUM FORIS MURUM. Super oblata.}


[N: 283]
Tua nos, quaesumus, domine, sancta purificent, et operationis suae perficiant esse placatos. Per.
{ TIT.: SABBATUM AD SANCTUM LAURENTIUM. Ad completa. }


[N: 284]
Deus qui sperantibus in te misereri potius eligis quam irasci, da nobis digne flere mala quae fecimus, ut tuae consolationis gratiam invenire mereamur. Per.
{ TIT.: SABBATUM AD SANCTUM LAURENTIUM. Super populum. }


[N: 285]
Quaesumus omnipotens deus familiam tuam propitius respice, ut te largiante regatur in corpore et te servante custodiatur in mente. Per.
{ TIT.: DIE DOMINICO DE PASSIONE DOMINI AD SANCTUM PETRUM}


[N: 286]
Haec munera, domine, quaesumus, et vincula nostrae pravitatis absolvant et tuae nobis misericordiae dona concilient. Per dominum.
{ TIT.: DIE DOMINICO DE PASSIONE AD SANCTUM PETRUM. Super oblata. }


[N: 287]
Adesto nobis, domine, deus noster, et quos tuis mysteriis recreasti, perpetuis defende praesidiis. Per dominum.
{ TIT.: DIE DOMINICO DE PASSIONE AD SANCTUM PETRUM. Ad completa.}


[N: 288]
Sanctifica quaesumus, domine, nostra ieiunia, et cunctarum nobis propitius indulgentiam largire culparum. Per.
{ TIT.: FERIA II AD SANCTUM GRISOGONUM}


[N: 289]
Concede nobis, domine deus noster, ut haec hostia salutaris et nostrorum fiat purgatio delictorum et tuae propitiatio maiestatis. Per.
{ TIT.: FERIA II AD SANCTUM GRISOGONUM. Super oblata. }


[N: 290]
Sacramenti tui, quaesumus, domine, participatio salutaris, et purificationem nobis praebeat et medellam. Per.
{ TIT.: FERIA II AD SANCTUM GRISOGONUM. Ad completa. }


[N: 291]
Da quaesumus, domine, populo tuo salutem mentis et corporis, ut bonis operibus inherendo, tua semper mereatur protectione defendi. Per dominum.
{ TIT.: FERIA II AD SANCTUM GRISOGONUM. Super populum. }


[N: 292]
Nostra tibi, quaesumus, domine, sint accepta ieiunia, quae nos et expiando gratia tua dignos efficiant et ad remedia perducant aeterna. Per dominum nostrum iesum.
{ TIT.: FERIA III AD SANCTUM CYRIACUM}


[N: 293]
Hostias tibi, domine, deferimus immolandas, quae temporalem consolationem significent ut promissa non desperemus aeterna. Per dominum.
{ TIT.: FERIA III AD SANCTUM CYRIACUM. Super oblata. }


[N: 294]
Da quaesumus, omnipotens deus, ut quae divina sunt iugiter exequentes, donis mereamur caelestibus propinquare. Per dominum nostrum.
{ TIT.: FERIA III AD SANCTUM CYRIACUM. Ad completa. }


[N: 295]
Da nobis, domine, quaesumus, perseverantem in tua voluntate famulatum, ut in diebus nostris et merito et numero populus tibi serviens augeatur. Per dominum.
{ TIT.: FERIA III AD SANCTUM CYRIACUM. Super populum. }


[N: 296]
Sanctificato hoc ieiunio, deus, tuorum corda fidelium miserator inlustra, et quibus devotionis praestas affectum, praebe supplicantibus pium benignus auditum. Per.
{ TIT.: FERIA IIII AD SANCTUM MARCELLUM}


[N: 297]
Annue, misericors deus, ut hostias placationis et laudis sincero tibi deferamus obsequio. Per.
{ TIT.: FERIA IIII AD SANCTUM MARCELLUM. Super oblata. }


[N: 298]
Caelestis doni benedictione percepta, supplices te, deus omnipotens, deprecamur, ut hoc idem nobis et sacramenti causa sit et salutis. Per.
{ TIT.: FERIA IIII AD SANCTUM MARCELLUM. Ad completa. }


[N: 299]
Adesto supplicationibus nostris, omnipotens deus, ut quibus fiduciam sperandae pietatis indulgis, consuetae misericordiae tribue benignus effectum. Per.
{ TIT.: FERIA IIII AD SANCTUM MARCELLUM. Super populum. }


[N: 300]
Praesta quaesumus omnipotens deus, ut dignitas conditionis humanae per inmoderantiam satiata medicinalibus parsimoniis studio reformetur. Per
{ TIT.: FERIA V AD SANCTUM APOLLONAREM.}


[N: 301]
Domine deus noster qui in his potius creaturis quas ad fragilitatis nostrae subsidium condidisti tuoque nomini munera iussisti dicandam constitui tribue quaesumus ut et vitae nobis praesentis auxilium et aeternitatis efficiant sacramentum. Per dominum nostrum.
{ TIT.: FERIA V AD SANCTUM APOLLONAREM. Super oblata.}


[N: 302]
Quod ore sumpsimus domine mente capiamus, et de munere temporali fiat nobis remedium sempiternum. Per dominum.
{ TIT.: FERIA V AD SANCTUM APOLLONAREM. Ad completa.}


[N: 303]
Esto quaesumus domine propitius plebi tuae, ut quae tibi non placent respuentes, tuorum propitius repleatur dilectationis mandatorum. Per.
{ TIT.: FERIA V AD SANCTUM APOLLONAREM. Super populum.}


[N: 304]
Cordibus nostris, quaesumus, domine, benignus infunde, ut peccata nostra castigatione voluntaria cohibentes, temporaliter potius maceremur quam suppliciis deputemur aeternis. Per.
{ TIT.: FERIA VI AD SANCTUM STEFANUM}


[N: 305]
Praesta nobis, misericors deus, ut digne tuis servire semper altaribus mereamur, et eorum perpetua participatione salvari. Per.
{ TIT.: FERIA VI AD SANCTUM STEFANUM. Super oblata. }


[N: 306]
Sumptis sacrificiis, domine, perpetua nos tuitio non reliquant et noxia semper a nobis cuncta depellat. Per.
{ TIT.: FERIA VI AD SANCTUM STEFANUM. Ad completa. }


[N: 307]
Concede quaesumus omnipotens deus, ut qui protectionis tuae gratiam quaerimus liberati a malis omnibus secura tibi mente serviamus. per.
{ TIT.: FERIA VI AD SANCTUM STEPHANUM. Super populum.}


[N: 308]
Proficiat quaesumus domine plebs tibi dicata pie devotionis affectum, ut sacris actionibus erudita, quanto maiestati tuae fit gratior tanto donis potioribus augeatur. Per.
{ TIT.: SABBATO AD SANCTUM PETRUM QUANDO HELEMOSYNA DATUR.}


[N: 309]
Cunctis nos, domine, reatibus et periculis propitiatus absolve, quos tanti mysterii tribuis esse consortes. Per dominum.
{ TIT.: SABBATO AD SANCTUM PETRUM QUANDO HELEMOSYNA DATUR.}


[N: 310]
Divini satiati muneris largitate, quaesumus, domine deus noster, ut in huius semper participatione vivamus. Per dominum.
{ TIT.: SABBATO AD SANCTUM PETRUM QUANDO HELEMOSYNA DATUR. Ad completa.}


[N: 311]
Tueatur quaesumus domine dextera tua populum tuum deprecantem et purificatum dignanter erudiat, ut consolationem praesentem ad futura bona proficiat. Per.
{ TIT.: SABBATO AD SANCTUM PETRUM QUANDO HELEMOSYNA DATUR. Super populum.}


[N: 312]
Omnipotens sempiterne deus, qui humano generi ad imitandum humilitatis exemplum salvatorem nostrum carnem sumere et crucem subire fecisti, concede propitius, ut et patientiae ipsius habere documenta et resurrectionis consortia mereamur. Per.
{ TIT.: DIE DOMINICO IN PALMAS AD SANCTUM IOHANNEM IN LATERANIS.}


[N: 313]
Concede quaesumus, domine, ut oculis tuae maiestatis munus oblatum et gratiam nobis devotionis obtineat et effectum beatae perennitatis adquirat. Per.
{ TIT.: DIE DOMINICO IN PALMAS AD SANCTUM IOHANNEM IN LATERANIS. Super oblata.}


[N: 314]
Per huius domine operatione mysterii et vitia nostra purgentur et iusta desideria conpleantur. Per.
{ TIT.: DIE DOMINICO IN PALMAS AD SANCTUM IOHANNEM IN LATERANIS. Ad completa.}


[N: 315]
Da quaesumus, omnipotens deus, ut qui in tot adversis ex nostra infirmitate deficimus, intercaedente unigeniti filii tui passione respiremus. Per eundem.
{ TIT.: FERIA II AD SANCTAM PRAXIDEM}


[N: 316]
Haec sacrificia nos, omnipotens deus, potenti virtute mundatos ad suum faciant puriores venire principium. Per.
{ TIT.: FERIA II AD SANCTAM PRAXIDEM. Super oblata.}


[N: 317]
Praebeant nobis, domina, divinum tua sancta fervorem, quo eorum pariter et actu delectemur et fructu. Per dominum.
{ TIT.: FERIA II AD SANCTAM PRAXIDEM. Ad completa.}


[N: 318]
Adiuva nos, deus salutaris noster, et ad beneficia recolenda, quibus nos instaurare dignatus es, tribue venire gaudentes. Per dominum.
{ TIT.: FERIA II AD SANCTAM PRAXIDEM. Super populum.}


[N: 319]
Omnipotens sempiterne deus, da nobis ita dominicae passionis sacramenta peragere, ut indulgentiam percipere mereamur. Per dominum.
{ TIT.: FERIA III AD SANCTAM PRISCAM}


[N: 320]
Sacrificia nos, quaesumus, domine, propensius ista restaurent, quae medicinalibus sunt instituta ieiuniis. Per dominum.
{ TIT.: FERIA III AD SANCTAM PRISCAM. Super oblata.}


[N: 321]
Santificationibus tuis omnipotens deus et vitia nostra curentur et remedia nobis sempiterna proveniant. Per dominum.
{ TIT.: FERIA III AD SANCTAM PRISCAM. Ad completa.}


[N: 322]
Tua nos misericordia, deus, et ab omni subreptione vetustatis expurget et capaces sanctae novitatis efficiat. Per dominum nostrum iesum christum.
{ TIT.: FERIA III AD SANCTAM PRISCAM. Super populum. }


[N: 323]
Praesta, quaesumus, omnipotens deus, ut qui nostris excessibus incessanter affligimur, per unigeniti tui passionem liberemur. Per.
{ TIT.: FERIA IIII AD SANCTAM MARIAM MAIOREM}


[N: 324]
Deus, qui pro nobis filium tuum crucis patibulum subire voluisti, ut inimici a nobis expelleres potestatem, concede nobis famulis tuis, ut resurrectionis gratiam consequamur. Per dominum.
{ TIT.: FERIA IIII AD SANCTAM MARIAM MAIOREM. Alia.}


[N: 325]
Purifica nos, misericors deus, ut ecclesiae tuae preces, quae tibi gratae sunt, pia munera deferentes, fiant expiatis mentibus gratiores. Per.
{ TIT.: FERIA IIII AD SANCTAM MARIAM MAIOREM. Super oblata.}


[N: 326]
Largire sensibus nostris, omnipotens deus, ut per temporalem filii tui mortem quam mysteria veneranda testantur, vitam nobis dedisse perpetuam confidamus. Per dominum.
{ TIT.: FERIA IIII AD SANCTAM MARIAM MAIOREM. Ad completa.}


[N: 327]
Respice, domine, quaesumus, super hanc familiam tuam, pro qua dominus noster Iesus Christus non dubitavit manibus tradi nocentium et crucis subire tormentum. Per.
{ TIT.: FERIA IIII AD SANCTAM MARIAM MAIOREM. Super populum.}


[N: 328]
Deus, a quo et Iudas reatus sui proditor poenam, et confessionis suae latro praemium sumpsit, concede nobis tuae propitiationis effectum, ut sicut in passione sua Iesus Christus dominus noster diversa utrique intulit stipendia meritorum, ita nobis ablato vetustatis errore resurrectionis suae gratiam largiatur. Per dominum.
{ TIT.: ORATIO IN CENA DOMINI AD MISSAM}


[N: 329]
Ipse tibi, quaesumus, domine, sancte pater, omnipotens aeterne deus, sacrificium nostrum reddat acceptum, qui discipulis suis in sui commemoratione hoc fieri hodierna traditione monstravit.
{ TIT.: ORATIO IN CENA DOMINI AD MISSAM. Super oblata.}


[N: 330]
Communicantes et diem sacratissimum celebrantes, quo dominus noster Iesus Christus pro nobis est traditus, sed et memoriam venerantes.
{ TIT.: ORATIO IN CENA DOMINI AD MISSAM}


[N: 331]
Hanc igitur oblationem servitutis nostrae, sed et cunctae familiae tuae, quam tibi offerimus ob diem in qua dominus noster Iesus Christus tradidit discipulis suis corporis et sanguinis sui mysteria celebranda, quaesumus, domine, ut placatus accipias.
{ TIT.: ORATIO IN CENA DOMINI AD MISSAM}


[N: 332]
Qui pridie quam pro nostra omnium salute pateretur, hoc est hodie, accepit panem in sanctas.
{ TIT.: ORATIO IN CENA DOMINI AD MISSAM}


[N: 333]
In hoc ipso die ita conficitur chrisma in ultimo ad missa, antequam dicatur per quem haec omnia domine semper bona creas, levantur de ampullis quas offerunt populi, et benedicat tam domnus papa quam omnes presbyteri.
{ TIT.: ORATIO IN CENA DOMINI AD MISSAM}


[N: 334]
Emitte domine spiritum sanctum tuum paraclytum de caelis, in hanc pinguedinem olivae quam de viridi ligno producere dignatus es ad refectionem corporis ut tua sancta benedictione sit omni unguenti tangenti tutamentum mentis et corporis ad evacuandos omnes dolores, omnesque infirmitates, omnem aegritudinem corporis, unde unxisti sacerdotes, reges, prophetas, et martyres, chrisma tuum perfectum domine a te benedictum permanens in visceribus nostris, in nomine domini nostri iesu christi. Per quem haec omnia domine.
{ TIT.: ORATIO IN CENA DOMINI AD MISSAM}


[N: 335]
Sursum corda. Gratias agamus domino deo nostro. Vere dignum et iustum est aequum et saluare, no tibi semper et ubique gratias agere, domine sancte pater omnipotens aeterne deus. Qui in principio inter cetera bonitatis et pietatis tuae munera terram producere fructifera ligna iussisti, inter quae huius pinguissimi liquoris ministrae oleae nascerentur, quarum fructus sacro chrismati deserviter. Nam et david prophetico spiritu gratiae tuae sacramenta praenoscens vultus nostros in oleo exhilarandos esse cantavit, et cum mundi crimina diluvio quodam expiarentur effuso, similitudinem futuri muneris columba demonstransper olivae ramum pacem terris redditam nuntiavit. Quod in novissimis temporibus manifestis est effectibus declaratum, cum baptismatis aquis omnium criminum commissa delentibus, haec olei unctio vultus nostros iocundos efficit ac serenos. Inde etiam mose famulo tuo mandatum dedisti, ut aaron fratrem suum prius aqua lotum per infusionem huius unguenti constitueres sacerdotem. Accessit ad hoc amplior honor cum filius tuus iesus christus dominus noster lavari a iohanne undis iordanicis exegisset, ut spiritu sancto in columbae similitudinem desuper misso unigenitum tuum in quo tibi optime complacuisset testimonio subsequentis vocis ostenderes, et hoc illud esse manifestissime comprobares quod eum oleo laetitiae prae consortibus suis unguendum david propheta cecinisset. Te igitur deprecamur domine sancte pater omnipotens aeternae deus, per eundem iesum christum filium tuum dominum nostrum, ut huius creaturae pinguedinem sanctificare tua benedictione digneris et sancti spiritus ei ammiscere virtutem, cooperante potentia christi tui, a cuius sancto nomine chrisma nomen accepit, unde unxisti sacerdotes, reges, prophetas, et martyres, ut sit his qui renati fuerint ex aqua et spiritu sancto chrisma salutis, eosque aeternae vitae participes, et caelestis gloriae facias esse consortes. Per dominum nostrum iesum christum filium tuum, qui tecum vivit et regnat deus, in unitate spiritus sancti, per omni saecula saeculorum, amen


{ TIT.: ORATIO IN CENA DOMINI AD MISSAM}


[N: 336]
Deus qui virtute sancti spiritus tui inbecillarum mentium rudimenta confirmas, te oramus domine ut venturis ad beatae regenerationis lavachrum tribuas per unctionem istius creaturae purgationem mentis et corporis, ut si quae illis adversantium spirituum inhesere reliquiae, ad tactum sanctificati olei huius abscedant. Nullus spiritalibus nequitiis locus, nulla refugis virtutibus sit facultas, nulla insidiantibus malis latendi licentia reliquatur, sed venientibus ad fidem servis tuis et sancti spiritus tui operatione mundandis, sit unctionis huius praeparatio utilis ad salutem, quam etiam caelestis rgenerationis nativitate in sacramento sunt baptismatis adepturi. Per dominum nostrum iesum christum qui venturus est iudicare vivos et mortuos et saeculum per ignem.
{ TIT.: ORATIO IN CENA DOMINI AD MISSAM. Exorcismus olei.}


[N: 337]
Refecti vitalibus alimentis, quaesumus, domine deus noster, ut quod tempore nostrae mortalitatis exsequimur, inmortalitatis tuae munere consequamur. Per dominum.
{ TIT.: ITEM QUAE DICENDA SUNT IN CAENA DOMINI. Ad completa.}


[N: 338]
Oremus, dilectissimi nobis, pro ecclesia sancta dei, ut eam deus et dominus noster pacificare et custodire dignetur toto orbe terrarum, subiciens ei principatus et potestates, detque nobis quietam et tranquillam vitam degentibus glorificare deum patrem omnipotentem.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 339]
Oremus. Omnipotens sempiterne deus, qui gloriam tuam omnibus in christo gentibus revelasti, custodi opera misericordiae tuae, ut ecclesia toto orbe diffusa, stabili fide in confessionem tui nominis perseveret. Per dominum nostrum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 340]
Oremus et pro beatissimo papa nostro ill., ut deus et dominus noster, qui elegit eum in ordinem episcopatus, salvum atque incolumem custodiat ecclesiae suae sanctae ad regendum populum sanctum dei.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 341]
Oremus. Omnipotens sempiterne deus, cuius iudicio universa fundantur, respice propitius ad preces nostrae, et electum nobis antestiten tua pietate conserva, ut christiana plebs quae tali gubernatur auctore, sub tanto pontifice credulitatis suae meritis augeatur. Per dominum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 342]
Oremus et pro omnibus episcopis, presbiteris, diaconibus, subdiaconibus, acolitis, exorcistis, lectoribus, ostiariis, confessoribus, virginibus, viduis, et pro omni populo sancto dei.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 343]
Oremus. Omnipotens sempiterne deus, cuius spiritu totum corpus ecclesiae sanctificatur et regitur, exaudi nos pro universis ordinibus supplicantes, ut gratiae tuae munere ab omnibus tibi gradibus fideliter serviatur. Per dominum nostrum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 344]
Oremus et pro christianissimo imperatore nostro ill., ut deus et dominus noster subditas illi faciat omnes barbaras nationes ad nostram perpetuam pacem.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 345]
Oremus. Omnipotens sempiterne deus, in cuius manu sunt omnium potestates et omnia iura regnorum, respice ad christianum benignus imperium, ut gentes quae in sua feritate confidunt, potentiae tuae dextera comprimantur. Per dominum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 346]
Oremus et pro cathecuminis nostris, ut deus et dominus noster adaperiat aures praecordiorum ipsorum ianuamque misericordiae, ut per lavacrum regenerationis accepta remissione omnium peccatorum, et ipsi inveniantur in Christo Iesu domino nostro.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 347]
Oremus. Omnipotens sempiterne deus, qui ecclesiam tuam nova semper prole faecundas, auge fidem et intellectum cathecuminis nostris, ut renati fonte baptismatis adoptionis tuae filiis aggregentur. Per.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 348]
Oremus, dilectissimi nobis, deum patrem omnipotentem, ut cunctis mundum purget erroribus, morbos auferat, famen depellat, aperiat carceres, vincula dissolvat, peregrinantibus reditum, infirmantibus sanitatem, navigantibus portum salutis indulgeat.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 349]
Oremus. Omnipotens sempiterne deus, mestorum consolatio, laborantium fortitudo, perveniant ad te preces de quacumque tribulatione clamantium, ut omnes sibi in necessitatibus suis misericordiam tuam gaudeant adfuisse. Per dominum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 350]
Oremus et pro hereticis et schismaticis, ut deus ac dominus noster eruat eos ab erroribus universis, et ad sanctam matrem ecclesiam catholicam, atque apostolicam revocare dignetur.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 351]
Oremus. Omnipotens sempiterne deus, qui salvas omnes et neminem vis perire, respice ad animas diabolica fraude deceptas, ut omni heretica pravitate deposita, errantium corda resipiscant et ad veritatis tuae redeant unitatem. Per dominum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 352]
Oremus et pro perfidis iudaeis, ut deus et dominus noster auferat velamen de cordibus eorum, ut et ipsi agnoscant Iesum Christum dominum nostrum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 353]
Oremus. Omnipotens sempiterne deus, qui etiam iudaicam perfidiam a tua misericordia non repellis, exaudi praeces nostras, quas pro illius populi obcecatione deferimus, ut agnita veritatis tuae luce, quae christus est, a suis tenebris eruantur. Per dominum.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 354]
Oremus et pro paganis, ut deus omnipotens auferat iniqua de cordibus eorum, et relictis idolis suis, convertantur ad deum verum et unicum filium eius Iesum Christum deum et dominum nostrum, cum quo vivit et regnat cum spiritu sancto deus. Per.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 355]
Oremus. Omnipotens sempiterne deus, qui non mortem peccatorum sed vitam semper inquiris, suscipe propitius orationem nostram et libera eos ab idolorum cultura et aggrega ecclesiae tuae sanctae ad laudem et gloriam nominis tui. Per.
{ TIT.: ORATIONES QUAE DICENDAE SUNT VI FERIA MAIORE IN HIERUSALEM}


[N: 356]
Benedic omnipotens deus hanc creaturam salis tua benedictione caelesti, in nomine domini nostri iesu christi et in virtute sancti spiritus tui, ad effugandum inimicum quam sanctificando sanctifices, et benedicendo benedicas, fiatque omnibus accipientibus perfecta medicina permanens in visceribus sumentium, in nomine domini nostri iesu christi.
{ TIT.: BENEDICTIO SALIS}


[N: 357]
Omnipotens sempiterne deus, respicere dignare super hunc famulum tuum quem ad rudimenta fidei vocare dignatus es, caecitatem cordis ab eo expelle, disrumpe omnes laqueos satanae quibus fuerat conligatus, aperi ei iamuam misericordiae tuae et signo sapientiae indutus omnium cupiditatum faetoribus careat, atque ad suavem odorem praeceptorum tuorum, laetus tibi in ecclesia tua deserviat et proficiat de die in diem signatus promissae gratiae tuae
{ TIT.: ORATIO AD CATECHUMENUM FACIENDUM}


[N: 358]
Aeternam ac iustissimam pietatem tuam deprecor domine sancte pater omnipotens aeterne deus luminis et veritatis super hos famulos et famulas tuas, digneris eos inluminare lumens intellegentiae tuae munda eos et sanctifica, da eis scientiam veram ut digni efficiantur accedere ad gratiam baptismi tui, teneant firmam spem, consilium rectum, doctrinam sanctam, apti sint ad percipiendam gratiam baptismi tui. Per dominum.
{ TIT.: ORATIO SUPER INFANTES, IN QUADRAGESIMA AD QUATTUOR EVANGELIA}


[N: 359]
Nec te latet, satanas imminere tibi poenas, imminere tibi tormenta, diem iudicii, diem supplicii sempiterni, diem qui venturus est velut clibanus ardens, in quo tibi atque angelis tuis praeparatus sempiternus erit interitus. Et ideo pro tua nequitia, damnate atque damnandae, da honorem deo vivo, da honorem iesu christo filio eius, da honorem spiritui sancto paraclito: et recede ab his famulis et famulabus dei, quos hodie deus et dominus noster ad suam gratiam et benedictionem vocare dignatus est. In nomine domini nostri iesu christi, qui venturus est iudicare vivos et mortuos et saeculum per ignem.
{ TIT.: ORATIONES IN SABBATO PASCHAE. Ad reddentes, dicit dominus papa. Post pisteuis. Item ad catetizandos infantes. }


[N: 360]
Post hoc tangit singulis nares et aures, et dicit eis: Effeta.
{ TIT.: ORATIONES IN SABBATO PASCHAE. Ad reddentes, dicit dominus papa. Post pisteuis. Item ad catetizandos infantes. }


[N: 361]
Postea tangit de oleo sancto scapulas et pectus et dicit: Abrenuntias satanae et respondit:Abrenuntio. Et omnibus operibus eius Respondit: Abrenuntio. Et omnibus pompis eius respondit: Abrenuntio.
{ TIT.: ORATIONES IN SABBATO PASCHAE. Ad reddentes, dicit dominus papa. Post pisteuis. Item ad catetizandos infantes. }


[N: 362]
Lectio libri genesi. In principio creavit deus caelum.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECLESIA}


[N: 363]
Deus qui mirabiliter creasti hominem et mirabilius redemisti: da nobis, quaesumus, contra oblectamenta peccati mentis ratione persistere, ut mereamur ad gaudia aeterna pervenire. Per dominum.
{ TIT.: }


[N: 364]
Lectio libri exodi. Factum est autem in vigilia matutina.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECLESIA}


[N: 365]
Deus cuius antiqua miracula etiam in praesenti quoque saeculo coruscare sentimus: praesta quaesumus, ut sicut priorem populum ab Egyptiis liberasti, hoc ad salutem gentium per aquas baptismatis opereris. Per.
{ TIT.: }


[N: 366]
Lectio esaiae prophetae. Et adprehenderunt VII mulieres unum hominem..
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECLESIA}


[N: 367]
Deus qui nos ad celebrandum paschale sacramentum utriusque testamenti paginis imbuisti: da nobis intellegere misericordiam tuam, ut ex perceptione praesentium munerum firma sit expectatio futurorum. Per dominum.
{ TIT.: }


[N: 368]
Lectio esaiae prophetae. Est hereditas credentibus domini.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECLESIA}


[N: 369]
Deus qui ecclesiam tuam semper gentium vocatione multiplicas, concede propitius, ut quos aqua baptismatis abluis, continua protectione tuearis. Per dominum.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECCLESIA.}


[N: 370]
De psalmo XLI. Sicut cervus desiderat.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECLESIA}


[N: 371]
Concede quaesumus, omnipotens deus, ut qui festa paschalia agimus, caelestibus desideriis accensi, fontem vitae sitiamus. Per dominum.
{ TIT.: }


[N: 372]
Omnipotens sempiterne deus respice propitius ad devotionem populi renascentis qui sicut cervus, aquarum tuarum expetit fontem, et concede propitius ut fidei ipsius sitis baptismatis mysterio animam corpusque sanctificet. Per dominum.
{ TIT.: ORATIONES IN SABBATO PASCHAE. ORATIONES QUAE DICUNTUR AD LECTIONES IN ECCLESIA.}


[N: 373]
Dominus vobiscum. Et cum spiritu tuo. Omnipotens sempiterne deus adesto magnae pietatis tuae mysterio, adesto sacramentis, et ad creandos novos populos quos tibi fons baptismatis parturit spiritum adoptionis emitte, ut quod nostrae humilitatis gerendum est ministerio tuae virtutis inpleatur effectu. Per
{ TIT.: BENEDICTIO FONTIS}


[N: 374]
Per omnia saecula seaculorum.Amen. Dominus vobiscum. Sursum corda. Habemus ad dominum. Gratias agamus domino deo nostro. Digum et iustum est. Deus qui invisibili potentia sacramentorum tuorum mirabiliter operaris effectum, et licet nos tantis mysteriis exsequendis simus indigni tu tamen gratiae tuae dona non deserens, etiam ad nostras preces aures tuae pietatis inclinas. Deus cuius spiritus super aquas inter ipsa mundi primordia ferebatur, ut virtutem sanctificationis aquarum natura conciperet; Deus qui nocentis mundi crimina, per aquas absolvens regenerationis speciem in ipsa diluvii effusione signasti, ut unius eiusdemque elementa mysterio, et fini esse vitiis et origo virtutis. Respice domine in faciem ecclesiae tuae et multiplica in ea generationes tuas qui gratiae tuae affluentis impetu laetificas civitatem tuam fontemque baptismatis aperis toto orbe terrarum gentibus innovandis, ut tuae maiestatis imperio sumat unigeniti tui gratiam de spiritu sancto. Qui hanc aquam regenerandis hominibus praeparatam arcana sui luminis ammixtione fecundet, ut sanctificatione concepta ab immaculato divini fontis utero, in novam retam creaturam progenies caelestis emergat, et quos aut sexus in corpore aut aetas discernit in tempore, omnes in uno pariat gratia mater infantia. Procul ergo hinc iubente te domine, omnis spiritus immundus abscedat, procul tota nequitia diabolicae fraudis absistat. Nihil hic loci habeat contrariae virtutis ammixtio, non insidiando circumvolet non latendo subripiat, non inficiendo corrumpat. Sit haec sancta et innocens creatura libera ab omni impugnatoris incursu, et totius nequitiae purgata discessu, sit fons vivus aqua regerans unda purificans, ut omnes hoc lavacro salutifero diluendi operante in eis spiritu sancto perfectae purgationis indulgentiam consequantur. + Unde benedico te creatura aquae + per deum vivum + per deum sanctum qui te in principio vervo separavit ab arida, et in quattuor fluminibus totam terram rigari praecepit. Qui te in deserto amaram suavitate indita fecit esse potabilem, et sitienti populo de petra produxit. + Benedico te et per iesum christum filium eius unicum dominum nostrum qui te in chanaam galileae, signo ammirabili sua potentia convertit in vinum. Qui pedibus super te ambulavit et a iohanne in iordane in te baptizatus est. Qui te una cum sanguine de latere suo produxit, et discipulis suis iussit ut credentes baptizarentur in te dicens: Ite docete omnes gentes baptizantes eos in nomine patris et filii et spiritus sancti.Hic muta voem quasi lectionem legens. Haec nobis praecepta servantibus tu deus omnipotens clemens adesto, tu benignus aspira, tu has simplices aquas, tuo ore benedicito, ut praeter naturalem emundationem quam lavandis possunt adhibere corporibus, sint etiam purificandis mentibus efficaces.Hic sufflat tribus vicibus in aqua Descendat in hac plenitudine fontis virtus spiritus tui, totamque huius substantiam, regenerandi fecundet effectu. Hic omnium peccatorum maculae deleantur, hic natura ad imaginem tuam condita, et ad honorem sui reformata principii, cunctis vetustatis squaloribus emundetur, ut omnis homo hoc sacramentum regenerationis ingressus, in vere innocentiae, novam infantiam renascatur. Per dominum nostrum iesum christum filium tuum qui venturus est iudicare vovos et mortuos et seculum per ignem
{ TIT.: BENEDICTIO FONTIS}


[N: 375]
Baptizat et linit eum presbiter de chrisma in cerebro, et dicit: Deus omnipotens pater domini nostri iesu christi, qui te regeneravit ex aqua et spiritu sancto, quique dedit tibi remissionem omnium peccatorum ipse te linet chrisma salutis, in vitam aeternam
{ TIT.: BENEDICTIO FONTIS}


[N: 376]
Omnipotens sempiterne deus qui regenerare dignatus es hos famulos et famulas tuas ex aqua et spiritu sancto, quique dedisti eis remissionem omnium peccatorum, emitte in eos septiformem spiritum tuum sanctum paraclitum de caelis, (spiritus sapientiae et intellectus) spiritum consilii et fortitudinis, spiritum scientiae et pietatis, adimple eos spiritu timoris domini et consigna eos signo crucis in vitam propitiatus aeternam.
{ TIT.: ORATN. AD INFANTES CONSIGNANDOS.}


[N: 377]
Deus qui hanc sacratissimam noctem gloria dominicae resurrectionis inlustras, conserva in nova familiae tuae progenie adoptionis spiritum quem dedisti, ut corpore et mente renovati puram tibi exhibeant servitutem. Per eundem dominum.
{ TIT.: ORATIO IN SABBATO SANCTO NOCTE AD MISSAM}


[N: 378]
Suscipe, domine, quaesumus, preces populi tui cum oblationibus hostiarum, ut paschalibus initiata mysteriis ad aeternitatis nobis medelam te operante proficiant. Per dominum.
{ TIT.: ORATIO IN SABBATO SANCTO NOCTE AD MISSAM}


[N: 379]
VD aequum et salutare. Te quidem omni tempore, sed in hac potissima nocte gloriosius praedicare, cum pascha nostrum immolatus est Christus. Ipse enim verus est agnus qui abstulit peccata mundi, qui mortem nostram moriendo destruxit et vitam resurgendo reparavit. Et ideo cum angelis et archangelis, cum thronis et dominationibus, cumque omni militia caelestis exercitus, ymnum gloriae tuae canimus, sine fine dicentes: Sanctus.
{ TIT.: ORATIO IN SABBATO SANCTO NOCTE AD MISSAM. Praefatio}


[N: 380]
Communicantes et noctem sacratissimam celebrantes resurrectionis domini nostri Iesu Christi secundum carnem, sed et memoriam venerantes inprimis gloriosae semper virginis Mariae genetricis eiusdem dei et domini nostri Iesu Christi. Sed et beatorum apostolorum
{ TIT.: ORATIO IN SABBATO SANCTO NOCTE AD MISSAM}


[N: 381]
Hanc igitur oblationem servitutis nostrae, sed et cunctae familiae tuae, quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus, domine, ut placatus accipias.
{ TIT.: ORATIO IN SABBATO SANCTO NOCTE AD MISSAM}


[N: 382]
Spiritum nobis, domine, tuae caritatis infunde, ut quos sacramentis paschalibus satiasti, tua facias pietate concordes. Per.
{ TIT.: ORATIO IN SABBATO SANCTO NOCTE AD MISSAM. Ad complendum.}


[N: 383]
Deus qui hodierna die per unigenitum tuum aeternitatis nobis aditum devicta morte reserasti, vota nostra quae praeveniendo adspiras, etiam adiuvando prosequere. Per eundem dominum nostrum.
{ TIT.: ORTN. IN DOMINICA SANCTA AD MISS.}


[N: 384]
Suscipe domine quaesumus preces populi tui cum oblationibus hostiarum ut paschalibus initiata mysteriis ad aeternitatis nobis medellam te operante proficiant. Per dominum.
{ TIT.: ORTN. IN DOMINICA SANCTA AD MISS.. Super oblata}


[N: 385]
VD et iustum est aequum et salutare. Te quidem omni tempore, sed in hanc potissimam diem gloriosus praedicare, cum pascha nostrum immolatus est christus. Ipse enim verus est agnus qui abstulit peccata mundi. Qui mortem nostram moriendo destruxit, et vitam resurgendo reparavit. Et ideo cum angelis et archangelis cum thronis et dominationibus, cumque omnis militia caelestis exercitus hymnum gloriae tuae canimus sini fine dicentes.
{ TIT.: ORTN. IN DOMINICA SANCTA AD MISS.}


[N: 386]
Communicantes et diem sacratissimum caelebrantes, resurrectionis domini nostri iesu christi secundum carnem, sed et memoriam venerantes inprimis gloriosiae semper virginis mariae genetricis eiusdem dei et domini nostri iesu christi, sed et beatorum.
{ TIT.: ORTN. IN DOMINICA SANCTA AD MISS.}


[N: 387]
Hanc igitur oblationem servitutis nostrae sed et cunctae familiae tuae quam tibi offerimus pro his quoque quos generare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: ORTN. IN DOMINICA SANCTA AD MISS.}


[N: 388]
Spiritum in nobis domine tuae caritatis infunde, ut quos sacramentis paschalibus satiasti, tua facias pietate concordes. Per.
{ TIT.: ORTN. IN DOMINICA SANCTA AD MISS. Ad completa.}


[N: 389]
Concede quaesumus, omnipotens deus, ut qui resurrectionis dominicae sollemnia colimus, innovatione tui spiritus a morte animae resurgamus. Per eundem.
{ TIT.: ORTN. IN DOMINICA SANCTA AD MISS. Ad sanctum iohannem ad vesperum.}


[N: 390]
Praesta quaesumus, omnipotens deus, ut qui resurrectionis dominicae sollemnia colimus ereptionis nostrae suscipere laetitiam mereamur. Per eundem dominum.
{ TIT.: ORTN. IN DOMINICA SANCTA AD MISS. Ad fontes}


[N: 391]
Praesta quaesumus, omnipotens deus, ut qui gratiam dominicae resurrestionis agnovimus, ipsi per amorem spiritus a morte animae resurgamus. Per eundem.
{ TIT.: IN DOMINICO SANCTO. Ad sanctum Andream.}


[N: 392]
Deus qui sollemnitate paschali mundo remedia contulisti, populum tuum, quaesumus, caelesti dono prosequere, ut et perfectam libertatem consequi mereamur et ad vitam proficiat sempiternam. Per dominum nostrum.
{ TIT.: FERIA II IN ALBAS AD SANCTUM PETRUM}


[N: 393]
Suscipe domine quaesumus preces pouli tui cum oblationibus hostiarum ut paschalibus initiata mysteriis ad aeternitatis nobis medellam te operante proficiant. Per dominum.
{ TIT.: FERIA II IN ALBAS AD SANCTUM PETRUM}


[N: 394]
VD et iustum est aequum et salutare. Te quidem omni tempore, sed in hac potisimum die gloriosius praedicare, cum pascha nostrum immolatus est christus. Ipse enim verus est agnus, qui abstulit peccata mundi. Qui mortem nostram moriendo destruxit, et vitam resurgendo reparavit. Et ideo cum angelis et archangelis cum thronis et dominationibus, cumque omni militia caelestis exercitus, hymnum gloriae tuae canimus sine fine dicentes.
{ TIT.: FERIA II IN ALBAS AD SANCTUM PETRUM. Praefatio.}


[N: 395]
Communicantes et diem sacratissimum caelebrantes, resurrectionis domini dei nostri iesu christi secundum carnem sed beatorum apostolorum.
{ TIT.: FERIA II IN ALBAS AD SANCTUM PETRUM}


[N: 396]
Hanc igitur oblationem servitutis nostrae, sed et cunctae familiae tuae quam tibi offerimus pro his quoque quos regenerare dignatus es ex aqua et spiritu sancto, tribuens eis remissionem omnium peccatorum quaesumus domine ut placatus accipias.



{ TIT.: FERIA II IN ALBAS AD SANCTUM PETRUM}


[N: 397]
Spiritum in nobis domine tuae caritatis infunde, ut quos sacramentis paschalibus satiasti, tua facias pietate concordes. Per dominum.
{ TIT.: FERIA II IN ALBAS AD SANCTUM PETRUM. Ad completa.}


[N: 398]
Concede quaesumus, omnipotens deus, ut qui peccatorum nostrorum pondere premimur, a cunctis malis imminentibus per haec paschalia festa liberemur. Per dominum.
{ TIT.: FERIA II IN ALBAS AD SANCTUM PETRUM. Ad vesperum ut supra.}


[N: 399]
Concede quaesumus, omnipotens deus, ut festa paschalia quae venerando colimus, etiam vivendo teneamus. Per.
{ TIT.: FERIA II IN ALBAS AD SANCTUM PETRUM. Ad fontes.}


[N: 400]
Deus qui populum tuum de hostis callidi servitute liberasti, preces eius misericorditer respice, et adversantes ei tua virtute prosterne. Per dominum.
{ TIT.: FERIA II IN ALBAS AD SANCTUM PETRUM. Ad sanctum Andream.}


[N: 401]
Deus qui ecclesiam tuam novo semper foetu multiplicas, concede famulis tuis, ut sacramentum vivendo teneant quod fide percaeperunt. Per.
{ TIT.: FERIA III AD SANCTUM PAULUM}


[N: 402]
Suscipe, domine, fidelium preces cum oblationibus hostiarum, ut per haec piae devotionis officia ad caelestem gloriam transeamus. Per dominum.
{ TIT.: FERIA III AD SANCTUM PAULUM. Super oblatam.}


[N: 403]
Hanc igitur oblationem servitutis nostrae, sed et cunctis familiae tuae quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: FERIA III AD SANCTUM PAULUM.}


[N: 404]
Concede quaesumus, omnipotens deus, ut paschalis perceptio sacramenti continua in nostris mentibus perseveret. Per.
{ TIT.: FERIA III AD SANCTUM PAULUM. Ad complendum.}


[N: 405]
Concede quaesumus, omnipotens deus, ut qui paschalis festivitatis sollemnia colimus, in tua semper sanctificatione vivamus. Per dominum.
{ TIT.: FERIA III AD SANCTUM PAULUM. Ad vesperum.}


[N: 406]
Praesta quaesumus, omnipotens deus, ut per haec paschalia festa quae colimus, devoti semper in tua laude vivamus. Per dominum.
{ TIT.: FERIA III AD SANCTUM PAULUM. Ad fontes.}


[N: 407]
Deus qui conspicis familiam tuam omni humana virtute destitui, paschali interveniente festivitate, tui eam brachii protectione custodi. Per dominum.
{ TIT.: FERIA III AD SANCTUM PAULUM. Ad sanctum Andream.}


[N: 408]
Deus qui nos resurrectionis dominicae annua sollemnitate laetificas, concede propitius, ut per temporalia festa quae agimus, pervenire ad gaudia aeterna mereamur. Per.
{ TIT.: FERIA IIII AD SANCTUM LAURENTIUM FORIS MURUM.}


[N: 409]
Sacrificia, domine, paschalibus gaudiis immolamus, quibus ecclesia mirabiliter et pascitur et nutritur. Per.
{ TIT.: FERIA IIII AD SANCTUM LAURENTIUM FORIS MURUM. Super oblata.}


[N: 410]
Hanc igitur oblationem servitutis nostrae, sed et cunctis familiae tuae quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: FERIA IIII AD SANCTUM LAURENTIUM FORIS MURUM.}


[N: 411]
Ab omni nos, quaesumus, domine, vetustate purgatos sacramenti tui veneranda perceptio, in novam transferat creaturam. Per dominum.
{ TIT.: FERIA IIII AD SANCTUM LAURENTIUM FORIS MURUM. Ad completa.}


[N: 412]
Praesta quaesumus, omnipotens deus, ut huius paschalis festivitatis mirabile sacramentum, et temporalem nobis tranquillitatem tribuat et vitam conferat sempiternam. Per dominum.
{ TIT.: FERIA IIII AD SANCTUM LAURENTIUM FORIS MURUM. Ad vesperum.}


[N: 413]
Deus qui nos per paschalia festa laetificas, concede propitius, ut ea quae devote agimus, te adiuvante fideliter teneamus. Per.
{ TIT.: FERIA IIII AD SANCTUM LAURENTIUM FORIS MURUM. Ad fontes.}


[N: 414]
Tribue quaesumus, omnipotens deus, ut illuc tendat christianae devotionis affectus, in quo tecum est nostra substantia. Per eundem dominum.
{ TIT.: FERIA IIII AD SANCTUM LAURENTIUM FORIS MURUM. Ad sanctum Andream.}


[N: 415]
Deus qui diversitatem gentium in confessione tui nominis adunasti: da ut renatis fonte baptismatis una sit fides mentium et pietas actionum. Per.
{ TIT.: FERIA V AD APOSTOLOS}


[N: 416]
Suscipe quaesumus, domine, munera populorum tuorum propitius, ut confessione tui nominis et baptismate renovati, sempiternam beatitudinem consequantur. Per dominum.
{ TIT.: FERIA V AD APOSTOLOS. Super oblatam.}


[N: 417]
VD et iustum est aequum et salutare. Te quidem omni tempore, sed in hac potissimum die gloriosius predicare, cum pascha nostrum immolatus est christus. Ipse enim verus est agnus qui abstulit peccata mundi. Qui mortem nostram moriendo destruxit et vitam resurgendo reparavit. Et ideo.
{ TIT.: FERIA V AD APOSTOLOS. Praefatio.}


[N: 418]
Hanc igitur oblationem servitutis nostrae, sed et cunctis familiae tuae quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: FERIA V AD APOSTOLOS.}


[N: 419]
Exaudi, domine, preces nostras, ut redemptionis nostrae sacrosancta commertia et vitae nobis conferant praesentis auxilium et gaudia sempiterna concilient. Per dominum.
{ TIT.: FERIA V AD APOSTOLOS. Ad completa.}


[N: 420]
Deus qui nobis ad celebrandum paschale sacramentum liberiores animos praestitisti: doce nos et metuere quod irasceris et amare quod praecipis. Per dominum.
{ TIT.: FERIA V AD APOSTOLOS. Ad vesperum.}


[N: 421]
Da quaesumus, omnipotens deus, ut ecclesia tua et suorum firmitate membrorum et nova semper faecunditate laetetur. Per dominum.
{ TIT.: FERIA V AD APOSTOLOS. Ad fontes.}


[N: 422]
Multiplica quaesumus, domine, fidem populi tui et cuius per te sumpsit initium, per te consequatur augmentum. Per dominum.
{ TIT.: FERIA V AD APOSTOLOS. Ad sanctum Andream.}


[N: 423]
Omnipotens sempiterne deus, qui paschale sacramentum in reconciliationis humanae foedere contulisti, da mentibus nostris, ut quod professione celebramus, imitemur affectu. Per dominum.
{ TIT.: FERIA VI AD SANCTAM MARIAM AD MARTYRES}


[N: 424]
Hostias, quaesumus, domine, placatus assume, quas et pro renatorum expiatione peccati deferimus et pro acceleratione caelestis auxilii, Per dominum.
{ TIT.: FERIA VI AD SANCTAM MARIAM AD MARTYRES. Super oblata.}


[N: 425]
Hanc igitur oblationem servitutis nostrae, sed et cunctis familiae tuae quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: FERIA VI AD SANCTAM MARIAM AD MARTYRES}


[N: 426]
Respice quaesumus, domine, populum tuum, et quem aeternis dignatus es renovare mysteriis, a temporalibus culpis dignanter absolve. Per.
{ TIT.: FERIA VI AD SANCTAM MARIAM AD MARTYRES. Ad completa.}


[N: 427]
Deus per quem nobis et redemptio venit et praestatur adoptio, respice in opera misericordiae tuae ut in christo renatis et aeterna tribuatur hereditas et vera libertas. Per dominum.
{ TIT.: FERIA VI AD SANCTAM MARIAM AD MARTYRES. Ad vesperos in hierusalem.}


[N: 428]
Adesto quaesumus domine, familiae tuae, et dignanter impende, ut quibus fidei gratiam contulisti, et coronam largiaris aeternam. Per dominum.
{ TIT.: FERIA VI AD SANCTAM MARIAM AD MARTYRES. Ad fontes.}


[N: 429]
Concede quaesumus, omnipotens deus, ut qui festa paschalia venerando egimus, per haec contingere ad gaudia aeterna mereamur. Per dominum.
{ TIT.: SABBATO AD SANCTUM IOHANNEM}


[N: 430]
Concede quaesumus, domine, semper nos per haec mysteria paschalia gratulari, ut continua nostrae reparationis operatio perpetuae nobis fiat causa laetitiae. Per.
{ TIT.: SABBATO AD SANCTUM IOHANNEM. Super oblata.}


[N: 431]
Hanc igitur oblationem servitutis nostrae, sed et cunctis familiae tuae quam tibi offerimus, pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine ut placatus accipias.
{ TIT.: SABBATO AD SANCTUM IOHANNEM}


[N: 432]
Redemptionis nostrae munere vegetati, quaesumus, domine, ut hoc perpetuae salutis auxilium fides semper vera perficiat. Per dominum.
{ TIT.: SABBATO AD SANCTUM IOHANNEM. Ad complendum.}


[N: 433]
Deus totius conditor creaturae, famulos tuos, quos fonte renovasti baptismatis quosque gratiae tuae plenitudine solidasti, in adoptionis sorte facias dignanter adscribi. Per dominum.
{ TIT.: SABBATO AD SANCTUM IOHANNEM. Ad vesperum in sancta maria.}


[N: 434]
Deus qui multiplicas ecclesiam tuam in subole renascentium, fac eam gaudere propitius de suorum provectibus filiorum. Per dominum.
{ TIT.: SABBATO AD SANCTUM IOHANNEM. Ad fontes.}


[N: 435]
Praesta quaesumus, omnipotens deus, ut qui paschalia festa peregimus, haec te largiente moribus et vita teneamus. Per dominum.
{ TIT.: DIE DOMINICO POST ALBAS}


[N: 436]
Suscipe munera, quaesumus, domine, exultantis ecclesiae, et cui causam tanti gaudii praestitisti, perpetuum fructum concede laetitiae.
{ TIT.: DIE DOMINICO POST ALBAS. Super oblata.}


[N: 437]
Quaesumus, domine, deus noster, ut sacrosancta mysteria, quae pro reparationis nostrae munimine contulisti, et praesens nobis remedium esse facias et futurum. Per dominum.
{ TIT.: DIE DOMINICO POST ALBAS. Ad completa.}


[N: 438]
Largire quaesumus, domine, fidelibus tuis indulgentiam placatus et pacem, ut pariter ab omnibus mundentur offensis et secura tibi mente deserviant. Per.
{ TIT.: DIE DOMINICO POST ALBAS. Ad vesperum ad sanctos cosmam et damianum.}


[N: 439]
Deus qui nos exultantibus animis pascha tuum celebrare tribuisti: fac nos, quaesumus, et temporalibus gaudere subsidiis et aeternitatis affectibus gratulari. Per dominum.
{ TIT.: DIE DOMINICO POST ALBAS. Alia oratn.}


[N: 440]
Deus qui omnes in Christo renatos genus regium et sacerdotale fecisti: da nobis et velle et posse quae praecipis, ut populo ad aeternitatem vocato, una sit fides cordium et pietas actionum. Per eundem.
{ TIT.: ALIAE ORATIONES PASCHALES}


[N: 441]
Deus qui credentes in te fonte baptismatis innovasti, hanc renatis in Christo concede custodiam, ut nullo erroris incursu gratiam tuae benedictionis ammittant. Per eundem.
{ TIT.: ALIAE ORATIONES PASCHALES}


[N: 442]
Deus qui pro salute mundi sacrificium paschale fecisti: propitiare supplicationibus nostris, ut interpellans pro nobis pontifex summus, nos per id quod nostri est similis reconciliet, per id quod tibi est aequalis absolvat. Per dominum.



{ TIT.: ALIAE ORATIONES PASCHALES}


[N: 443]
Deus qui ad aeternam vitam in Christi resurrectione nos reparas, erige nos ad considentem in dextera tua nostrae salutis auctorem, ut qui propter nos iudicandus advenit, pro nobis iudicaturus adveniat. Per
{ TIT.: ALIAE ORATIONES PASCHALES}


[N: 444]
Deus et reparator innocentiae et amator, dirige ad te tuorum corda servorum, ut de infidelitatis tenebris liberati, numquam a tuae virtutis luce discedant. Per dominum.
{ TIT.: ALIAE ORATIONES PASCHALES}


[N: 445]
Deus qui credentes in te populos gratiae tuae largitate multiplicas, respice propicius ad electionem tuam ut qui sacramento baptismatis sunt renati, regni caelestis mereantur introitum. Per.
{ TIT.: ALIAE ORATIONES PASCHALES}


[N: 446]
Omnipotens sempiterne deus, qui humanam naturam supra primae originis praeparas dignitatem, respice pietatis tuae ineffabile sacramentum et quos regenerationis mysterio innovare dignatus es, in his dona tuae perpetua gratiae protectione conserva. Per dominum.
{ TIT.: ALIAE ORATIONES PASCHALES}


[N: 447]
Omnipotens sempiterne deus deduc nos ad societatem caelestium gaudiorum ut spiritu sancto renatos regnum tuum facias introire, atque eo perveniat humilitas gregis, quo praecessit celsitudo pastoris. Per dominum.
{ TIT.: ALIAE ORATIONES PASCHALES}


[N: 448]
Praesta nobis omnipotens et misericors deus, ut in resurrectione domini nostri Iesu Christi percipiamus ueraciter portionem. Per dominum.
{ TIT.: ALIAE ORATIONES PASCHALES}


[N: 449]
Concede quaesumus omnipotens deus ut veterm cum suis rationibus hominem deponentes illius conversatione vivamus ad cuius nos substantiam paschalibus remediis transtulisti. Pee dominum.
{ TIT.: ALIAE ORATIONES PASCHALES}


[N: 450]
Depelle domine conscriptum peccati lege chirographum, quod in nobis paschali mysterio per resurrectionem tui filii vacuasti. Per.
{ TIT.: ALIAE ORATIONES PASCHALES}


[N: 451]
Deus, qui ad aeternam vitam in Christi resurrectione nos reparas, imple pietatis tue ineffabile sacramentum, ut cum in maiestate sua salvator noster advenerit quos fecisti baptismo regenerari, facias beata immortalitate vestiri. Per dominum.
{ TIT.: ALIAE ORATIONES PASCHALES}


[N: 452]
Deus humani generis conditor et redemptor, da quaesumus ut reparationis nostrae collata subsidia te iugiter inspirante sectemur. Per dominum.
{ TIT.: ALIAE ORATIONES PASCHALES}


[N: 453]
Gaudeat domine plebs fidelis et cum propriae salvationis exordia eius promoveatur augmentis. Per dominum.
{ TIT.: ALIAE ORATIONES PASCHALES}


[N: 454]
Deus, qui renatis aqua et spiritu sancto caelestis regni pandis introitum, auge super famulos tuos gratiam quam dedisti, ut qui ab omnibus sunt purgati peccatis, a nullis priventur promissis. Per dominum.
{ TIT.: ALIAE ORATIONES PASCHALES}


[N: 455]
Fac, omnipotens deus, ut qui paschalibus remediis innovati, similitudinem terreni parentis evasimus, ad formam caelestis transferamus auctoris. Per dominum.
{ TIT.: ALIAE ORATIONES PASCHALES}


[N: 456]
Deus qui nos fecisti hodierna die paschalia festa caelebrare, fac nos quaesumus in caelestia regna gaudere. Per dominum.
{ TIT.: ALIAE ORATIONES PASCHALES}


[N: 457]
Familiam tuam domine dextera tua perpetuo circumdet auxilio ut paschali interveniente sollemnitate, ab omni pravitate defensa donis celestibus prosequatur. Per.
{ TIT.: ALIAE ORATIONES PASCHALES}


[N: 458]
Praesta quaesumus, domine deus noster, ut quae sollemni caelebramus officio purificatae mentis, intellegentia consequamur. Per dominum.
{ TIT.: AD COMPLETUM DIEBUS FESTIS}


[N: 459]
Caelesti lumine, quaesumus, domine, semper et ubique nos praeveni, ut mysterium cuius nos participes esse voluisti, et puro cernamus intuitu, et digno percipiamus effectu. Per dominum.
{ TIT.: AD COMPLETUM DIEBUS FESTIS}


[N: 460]
Praesta quaesumus, omnipotens deus, ut qui sanctorum tuorum tiburtii, valeriani et maximi sollemnia colimus, eorum etiam virtutes imitemur. Per dominum.
{ TIT.: MENSE APRILI XVIII KALENDAS MAIAS ID EST XIIII DIE MENSIS APRILIS NATALE SANCTORUM TIBURTI ET VALERIANI}


[N: 461]
Hostia haec quaesumus, domine, quam sanctorum tuorum natalicia recensentes offerimus, et vincula nostrae pravitatis absolvat et tuae nobis misericordiae dona conciliet. Per.
{ TIT.: MENSE APRILI XVIII KALENDAS MAIAS ID EST XIIII DIE MENSIS APRILIS NATALE SANCTORUM TIBURTI ET VALERIANI. Super oblata.}


[N: 462]
Sacro munere satiati supplices te, domine, deprecamur, ut quod debitae servitutis celebramus officio, salvationis tuae sentiamus augmentum. Per.
{ TIT.: MENSE APRILI XVIII KALENDAS MAIAS ID EST XIIII DIE MENSIS APRILIS NATALE SANCTORUM TIBURTI ET VALERIANI. Ad completa.}


[N: 463]
Deus qui nos beati georgii martyris tui meritis et intercessione laetificas, concede propitius, ut qui eius beneficia poscimus, dona tuae gratiae consequamur. Per.
{ TIT.: VIIII KALENDAS MAIAS ID EST XXIII DIE MENSIS APRILIS NATALE SANCTI GEORGII}


[N: 464]
Munera domine oblata sanctifica, et intercedente beato georgio martyre tuo nos per haec a peccatorum nostrorum maculis emunda. Per dominum.
{ TIT.: VIIII KALENDAS MAIAS ID EST XXIII DIE MENSIS APRILIS NATALE SANCTI GEORGII. Super oblata.}


[N: 465]
Supplices te rogamus, omnipotens deus, ut quos tuis reficis sacramentis, intercedente beato georgio martyre tuo, tibi etiam placitis moribus dignanter tribuas deservire. Per.
{ TIT.: VIIII KALENDAS MAIAS ID EST XXIII DIE MENSIS APRILIS NATALE SANCTI GEORGII. Ad completa.}


[N: 466]
Mentem familiae tuae, quaesumus, domine, intercedente beato laurentio martyre tuo, et munere conpunctionis aperi, et largitate pietatis exaudi. Per.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE}


[N: 467]
Deus qui culpas delinquentium districte feriendo percutis, fletus quoque lugentium non recuses, ut qui pondus tuae animadversionis cognovimus, etiam pietatis gratiam sentiamus. Per dominum.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Ad sanctum Valentinum.}


[N: 468]
Parce, domine, quaesumus, parce populo tuo, et nullis iam patiaris adversitatibus fatigari, quos pretioso filii tui sanguine redemisti. Per.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Ad pontem Olbi.}


[N: 469]
Deus qui culpas nostras piis verberibus percutis, ut nos a nostris iniquitatibus emundes, da nobis et de verbere tuo proficere et de tua citius consolatione gaudere. Per dominum.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Ad crucem.}


[N: 470]
Adesto, domine, supplicationibus nostris, et sperantes in tua misericordia, intercedente beato petro apostolo tuo, caelesti protege benignus auxilio. Per.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. In atrio.}


[N: 471]
Praesta quaesumus omnipotens deus ut ad toto corde clamantes, intercedente beato petro apostolo tuo, tuae pietatis indulgentiam consequamur. Per dominum.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Alia oratn. in atrio.}


[N: 472]
Praesta quaesumus, omnipotens deus, ut qui in afflictione nostra de tua pietate confidimus, contra adversa omnia tua semper protectione muniamur. Per dominum.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Ad missam.}


[N: 473]
Haec munera, domine, quaesumus, et vincula nostrae iniquitatis absolvant et tuae nobis misericordiae dona concilient. Per dominum.
{ TIT.: VII KALENDAS MAIAS ID EST XXV DIE MENSIS APRILIS LAETANIA MAIORE AD SANCTUM LAURENTIUM IN LUCINAE. Super oblata.}


[N: 474]
Vota nostra, quaesumus, domine, pio favore prosequere, ut dum dona tua in tribulatione percepimus, de consolatione nostra in tuo amore crescamus. Per.
{ TIT.: VII KALENDAS MAIAS ID EST XXV DIE MENSIS ARILIS LAETANIA MAIORE AD SANCTUM LAURENTIUM IN LUCINAE. Ad completa.}


[N: 475]
Praetende nobis domine misericordiam tuam, ut quae votis expetimus, conversatione tibi placita consequamur. Per dominum nostrum.
{ TIT.: VII KALENDAS MAIAS ID EST XXV DIE MENSIS ARILIS LAETANIA MAIORE AD SANCTUM LAURENTIUM IN LUCINAE. Alia ad completa.}


[N: 476]
Praesta quaesumus, omnipotens deus, ut intercedente beato Vitale martyre tuo et a cunctis adversitatibus liberemur in corpore, et a pravis cogitationibus mundemur in mente. Per.
{ TIT.: IIII KALENDAS MAIAS ID EST XXVIII DIE MENSIS APRILIS NATALE SANCTI VITALIS}


[N: 477]
Accepta sit in conspectu tuo, domine, nostra devotio, et eius nobis fiat supplicatione salutaris, pro cuius sollemnitate defertur. Per dominum.
{ TIT.: IIII KALENDAS MAIAS ID EST XXVIII DIE MENSIS APRILIS NATALE SANCTI VITALIS. Super oblata.}


[N: 478]
Refecti participatione muneris sacri, quaesumus, domine deus noster, ut cuius exsequimur cultum, sentiamus effectum. Per.
{ TIT.: IIII KALENDAS MAIAS ID EST XXVIII DIE MENSIS APRILIS NATALE SANCTI VITALIS. Ad completa.}


[N: 479]
Deus, qui nos annua apostolorum tuorum philippi et iacobi sollemnitate laetificas, praesta quaesumus, ut quorum gaudemus meritis, instruamur exemplis. Per.
{ TIT.: MENSE MAIO KALENDIS MAIIS NATALE APOSTOLORUM PHILIPPI ET IACOBI}


[N: 480]
Munera, domine, quae pro apostolorum tuorum philippi et iacobi sollemnitate deferimus, propitius suscipe, et mala omnia quae meremur averte. Per.
{ TIT.: MENSE MAIO KALENDIS MAIIS NATALE APOSTOLORUM PHILIPPI ET IACOBI. Super oblata.}


[N: 481]
Quaesumus, domine, salutaribus repleti mysteriis, ut quorum sollemnia celebramus, eorum orationibus adiuvemur. Per dominum.
{ TIT.: MENSE MAIO KALENDIS MAIIS NATALE APOSTOLORUM PHILIPPI ET IACOBI. Ad completa.}


[N: 482]
Praesta quaesumus, omnipotens deus, ut qui sanctorum tuorum alexandri, eventii, theodoli natalicia colimus, a cunctis malis imminentibus eorum intercessione liberemur. Per.
{ TIT.: V NONAS MAIAS ID EST III DIE MENSIS MAII NATALE SANCTORUM ALEXANDRI EVENTII ET THEODOLI}


[N: 483]
Super has, quaesumus, hostias domine benedictio copiosa descendat, quae et sanctificationem nobis clementer operetur, et de martyrum nos sollemnitate laetificet. Per dominum.
{ TIT.: V NONAS MAIAS ID EST III DIE MENSIS MAII NATALE SANCTORUM ALEXANDRI EVENTII ET THEODOLI. Super oblata.}


[N: 484]
Refecti participatione muneris sacri quaesumus domine deus noster, ut quorum exsequimur cultum sentiamus effectum. Per dominum.
{ TIT.: V NONAS MAIAS ID EST III DIE MENSIS MAII NATALE SANCTORUM ALEXANDRI EVENTII ET THEODOLI. Ad completa.}


[N: 485]
Deus qui conspicis quia nos undique mala nostra perturbant, praesta, quaesumus, ut beati iohannis apostoli tui intercessio gloriosa nos protegat. Per dominum.
{ TIT.: PRIDIE NONAS MAIAS ID EST VI DIE MENSIS MAII NATALE SANCTI IOHANNIS ANTE PORTAM LATINAM}


[N: 486]
Muneribus nostris, quaesumus domine, precibusque susceptis, et caelestibus nos munda mysteriis et clementer exaudi. Per.
{ TIT.: PRIDIE NONAS MAIAS ID EST VI DIE MENSIS MAII NATALE SANCTI IOHANNIS ANTE PORTAM LATINAM. Super oblata.}


[N: 487]
Refecti, domine, pane caelesti, ad vitam, quaesumus, nutriamur aeternam. Per.
{ TIT.: PRIDIE NONAS MAIAS ID EST VI DIE MENSIS MAII NATALE SANCTI IOHANNIS ANTE PORTAM LATINAM. Ad completa.}


[N: 488]
Da quaesumus, omnipotens deus, ut qui beatorum gordiani atque epimachi sollemnia colimus, eorum apud te intercessionibus adiuvemur. Per.
{ TIT.: VI IDUS MAIAS ID EST X MENSIS MAII NATALE SANCTORUM GORDIANI ET EPIMACHI}


[N: 489]
Hostias tibi, domine, beatorum gordiani atque epimachi dicatas meritis benignus adsume, et ad perpetuum nobis tribue provenire subsidium. Per.
{ TIT.: VI IDUS MAIAS ID EST X MENSIS MAII NATALE SANCTORUM GORDIANI ET EPIMACHI. Super oblata.}


[N: 490]
Quaesumus, omnipotens deus, ut qui caelestia alimenta percepimus, intercedentibus sanctis tuis gordiani atque epimachi per haec contra omnia adversa muniamur. Per dominum.
{ TIT.: VI IDUS MAIAS ID EST X MENSIS MAII NATALE SANCTORUM GORDIANI ET EPIMACHI. Ad completa.}


[N: 491]
Praesta, quaesumus, omnipotens deus, ut qui beati panchratii martyris tui natalicia colimus, a cunctis malis imminentibus eius intercessione liberemur. Per dominum.
{ TIT.: IIII IDUS MAIAS ID EST XII DIE MENSIS MAII NATALE SANCTI PANCRATI}


[N: 492]
Munera, quaesumus, domine, tibi dicata sanctifica, et intercedente beato panchratio martyre tuo per eadem nos placatus intende. Per dominum.
{ TIT.: IIII IDUS MAIAS ID EST XII DIE MENSIS MAII NATALE SANCTI PANCRATI. Super oblata.}


[N: 493]
Beati pancratii martyris tui, domine, intercessione placatus, praesta quaesumus, ut quae temporali celebramus actione, perpetua salvatione capiamus. Per dominum.
{ TIT.: IIII IDUS MAIAS ID EST XII DIE MENSIS MAII NATALE SANCTI PANCRATI. Ad completa.}


[N: 494]
Concede, quaesumus omnipotens deus ad eorum nos gaudia aeterna pertingere, de quorum nos virtute tribuis annua sollemnitate gaudere. Per dominum.
{ TIT.: III IDUS MAIAS ID EST XIII DIE MENSIS MAII NATALE SANCTAE MARIAE AD MARTYRES}


[N: 495]
Super has, quaesumus, hostias, domine, benedictio copiosa descendat, quae et sanctificationem nobis clementer operetur et de martyrum nos soLlemnitate laetificet. Per.
{ TIT.: III IDUS MAIAS ID EST XIII DIE MENSIS MAII NATALE SANCTAE MARIAE AD MARTYRES. Super oblata.}


[N: 496]
Supplices te rogamus omnipotens deus ut quos tuis reficis sacramentis tibi etiam placitis moribus dignanter deservire concedas. Per dominum.
{ TIT.: III IDUS MAIAS ID EST XIII DIE MENSIS MAII NATALE SANCTAE MARIAE AD MARTYRES. Ad completa.}


[N: 497]
Concede, quaesumus, omnipotens deus, ut qui hodierna die unigenitum tuum redemptorem nostrum ad caelos ascendisse credimus, ipsi quoque mente in caelestibus habitemus. Per dominum.
{ TIT.: IN ASCENSA DOMINI}


[N: 498]
Suscipe, domine, munera, quae pro filii tui gloriosa ascensione deferimus, et concede propitius ut a praesentibus periculis liberemur, et ad vitam perveniamus aeternam. Per eundem.
{ TIT.: IN ASCENSA DOMINI. Super oblata.}


[N: 499]
VD et iustum est aequum et salutare. Qui post resurrectionem suam omnibus discipulis suis manifestus apparuit, et ipsis cernentibus est elevatus in caelum, ut nos divinitatis suae tribueret esse participes. Et ideo cum angelis et archangelis cum thronis et dominationibus, cumque omni militia caelestis exercitus ymnum gloriae tuae canimus sine fine dicentes: Sanctus, sanctus, sanctus.
{ TIT.: IN ASCENSA DOMINI}


[N: 500]
Communicantes et diem sacratissimum caelebrantes, quo dominus noster unigenitus filius tuus, unitam sibi fragilitatis nostrae substantiam in gloriae tuae dexteram collocavit, sed et memoriam.
{ TIT.: IN ASCENSA DOMINI}


[N: 501]
Praesta nobis quaesumus omnipotens et misericors deus ut quae visibilibus mysteriis sumenda percaepimus, invisibili consequamur effectu.
{ TIT.: IN ASCENSA DOMINI. Ad completa.}


[N: 502]
Adesto, domine, supplicationibus nostris, ut sicut humani generis salvatorem consedere tecum in tua maiestate confidimus, ita usque ad consummationem saeculi manere nobiscum, quemammodum est pollicitus, sentiamus.Per.
{ TIT.: IN ASCENSA DOMINI. Aliae orationes.}


[N: 503]
Deus, cuius filius in alta caelorum potenter ascendens, captivitatem nostram sua duxit virtute captivam, tribue quaesumus ut dona quae suis participibus contulit largiatur et nobis. Per.
{ TIT.: IN ASCENSA DOMINI. Alia.}


[N: 504]
Da, quaesumus, omnipotens deus, ut qui beati urbani martyris tui atque pontificis sollemnia colimus, eius apud te intercessionibus adiuvemur.
{ TIT.: VIII KALENDAS IUNIAS ID EST XXV DIE MENSIS MAII NATALE SANCTI URBANI PAPAE}


[N: 505]
Haec hostia, domine, quaesumus, emundet nostra delicta, et sacrificium celebrandum subdìtorum tibi corpora mentesque sanctificet. Per .
{ TIT.: VIII KALENDAS IUNIAS ID EST XXV DIE MENSIS MAII NATALE SANCTI URBANI PAPAE. Super oblata.}


[N: 506]
Refecti participatione muneris sacri, quaesumus, domine deus noster, ut cuius exsequimur cultum, sentiamus effectum. Per.
{ TIT.: VIII KALENDAS IUNIAS ID EST XXV DIE MENSIS MAII NATALE SANCTI URBANI PAPAE. Ad completa.}


[N: 507]
Lectio genesi. Deus temptavit abraham.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 508]
Deus, qui in abrahae famuli tui opere humano generi oboedientiae exempla praebuisti, concede nobis et nostrae voluntatis pravitatem frangere, et tuorum praeceptorum rectitudinem in omnibus adimplere. Per.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 509]
Lectio libri dueteronomii. Et scripsit moyses canticum hoc.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 510]
Deus, qui nobis per prophetarum ora praecaepisti temporalia relinquere atque ad aeterna festinare: da famulis tuis, ut quae a te iussa cognovimus, implere caelesti inspiratione valeamus. Per.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 511]
Lectio esaie prophetae. Et adprehendent septem mulieres virum unum hominem
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 512]
Deus, qui nos ad celebrandam festivitatem utriusque testamenti paginis instruis: da nobis intellegere misericordiam tuam, ut ex perceptione praesentium munerum firma sit expectatio futurorum. Per dominum.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 513]
Lectio hieremiae prophetae. Audi israhel mandata vitae.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 514]
Deus incommutabilis virtus et lumen aeternum, respice propitius ad totius ecclesiae mirabile sacramentum, et da famulis tuis, ut hoc quod devote agimus, etiam rectitudine vitae teneamus. Per dominum nostrum.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 515]
Oratione de psalmo xli. Sicut cervus. Concede, quaesumus, omnipotens deus, ut qui sollemnitatem dono spiritus sancti colimus, caelestibus desideriis accensi, fontem vitae sitiamus. Per.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS}


[N: 516]
Omnipotens sempiterne deus, qui paschale sacramentum quinquaginta dierum voluisti mysterio contineri, praesta, ut gentium facta dispersio divisione linguarum, ad unam confessionem tui nominis caelesti munere congregentur. Per.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS. ALIAE ORATIONES.}


[N: 517]
Deus qui sacramento festivitatis hodiernae universam ecclesiam tuam in omni gente et natione santificas, in totam mundi latitudinem spiritus tui dona diffunde. Per dominum.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS. ALIAE ORATIONES.}


[N: 518]
Annue, misericors deus, ut qui divina praecepta violando a paradisi felicitate decidimus, ad aeternae beatitudinis redeamus accessum per tuorum custodiam mandatorum. Per.
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS. ALIAE ORATIONES.}


[N: 519]
Da nobis quaesumus domine per gratiam spiritus sancti, novam tui paracliti spiritalis observantiae disciplinam ut mentes nostras sacro purificante ieiunio cunctis reddantur eius muneribus aptiores. Per
{ TIT.: INCIPIUNT ORATIONES DE PENTECOSTEN DIE SABBATO ANTE DESCENSUM FONTIS. ALIAE ORATIONES.}


[N: 520]
Praesta quaesumus, omnipotens deus, ut claritatis tuae super nos splendor effulgeat, et lux tuae lucis corda eorum qui per gratiam tuam renati sunt, sancti spiritus inlustratione confirmet. Per dominum.
{ TIT.: ORATIO AD MISSA IN SABBATO PENTECOSTEN POST ASCENSUM FONTIS}


[N: 521]
Munera, domine, quaesumus, oblata sanctifica, et corda nostra sancti spiritus inlustratione emunda. Per dominum.
{ TIT.: ORATIO AD MISSA IN SABBATO PENTECOSTEN POST ASCENSUM FONTIS. Super oblata.}


[N: 522]
VD et iustum est aeuquum et salutare, nos tibi semper et ubique gratias agere, domine sancte pater omnipotens aeternae deus per christum dominum nostrum. Qui ascendens super omnes caelos sedensque ad dexteram tuam, promissum spiritum sanctum hodierna die in filios adoptionis effudit. Quapropter profusis gaudiis, totus in orbe terrarum mundus exultat. Sed et supernae virtutes atque angelicae potestates ymnum gloriae tuae concinunt, sine fine dicentes.
{ TIT.: ORATIO AD MISSA IN SABBATO PENTECOSTEN POST ASCENSUM FONTIS}


[N: 523]
Communicantes et diem sacratissimum pentecosten celebrantes, quo spiritus sanctus apostolis innumeris linguis apparuit, sed et memoriam venerantes.
{ TIT.: ORATIO AD MISSA IN SABBATO PENTECOSTEN POST ASCENSUM FONTIS}


[N: 524]
Hanc igitur oblationem servitutis nostrae sed et cunctae familiae tuae, quam tibi offerimus pro his quoque quos regenerare dignatus es ex aqua et spiritu sancto, tribuens eis remissionem omnium peccatorum, quaesumus domine, ut placatus. [per].
{ TIT.: ORATIO AD MISSA IN SABBATO PENTECOSTEN POST ASCENSUM FONTIS}


[N: 525]
Sancti spiritus, domine, corda nostra mundet infusio, et sui roris intima aspersione fecundet. Per dominum.
{ TIT.: ORATIO AD MISSA IN SABBATO PENTECOSTEN POST ASCENSUM FONTIS. Ad completa.}


[N: 526]
Deus, qui hodierna die corda fidelium sancti spiritus inlustratione docuisti, da nobis in eodem spiritu recta sapere, et de eius semper consolatione gaudere. Per.
{ TIT.: DIE DOMC. AD SANCTUM PETRUM}


[N: 527]
Munera domine quaesumus oblata sanctifica, et corda nostra sancti spiritus inlustratione emunda
{ TIT.: DIE DOMC. AD SANCTUM PETRUM. Super oblata}


[N: 528]
VD et iustum est aequum et salutare, nos tibi semper et ubique gratias agere, domine sancte pater omnipotens aeternae deus, per christum dominum nostrum. Qui ascendens super omnes caelos, sedensque ad dexteram tuam, promissum spiritum sanctum hodierna die in filios adoptionis effudit. Quapropter profusis gaudiis totus in orbem terrarum mundus exultat, sed et supernae virtutes atque angelicae potestates, ymnum gloriae tuae concinnunt sine fine dicentes: Sanctus.
{ TIT.: DIE DOMC. AD SANCTUM PETRUM. Praefatio.}


[N: 529]
Communicantes et diem sacratissimum pentecosten caelebrantes, quo spiritus sanctus apostolis innumeris linguis apparuit, sed et memoriam.
{ TIT.: DIE DOMC. AD SANCTUM PETRUM. }


[N: 530]
Hanc igitur oblationem servitutis nostrae sed et cunctae familiae tuae quam tibi offerimus pro his quoque quos regenerare dignatus es ex aqua et spiritu santo tribuens eis remissionem omnium peccatorum quaesumus domine ut placatus.
{ TIT.: DIE DOMC. AD SANCTUM PETRUM}


[N: 531]
Sancti spiritus domine corda nostra mundet infusio et sui roris intima aspersione fecundet. Per.
{ TIT.: DIE DOMC. AD SANCTUM PETRUM. Ad complendum.}


[N: 532]
Deus qui apostolis tuis sanctum dedisti spiritum concede plebi tuae petitionis effectum, ut quibus dedisti fidem largiaris et pacem. Per.
{ TIT.: FERIA II AD VINCULA}


[N: 533]
Propitius domine, quaesumus, haec dona sanctifica, et hostiae spiritalis oblatione suscepta, nosmetipsos tibi perfice munus aeternum. Per.
{ TIT.: FERIA II AD VINCULA. Super oblata.}


[N: 534]
Adesto, domine, quaesumus, populo tuo, et quem mysteriis caelestibus imbuisti, ab hostium furore defende. Per dominum.
{ TIT.: FERIA II AD VINCULA. Ad complendum.}


[N: 535]
Adsit nobis, domine, quaesumus virtus spiritus sancti, qui corda nostra clementer expurget, et ab omnibus tueatur adversis. Per dominum.
{ TIT.: FERIA III AD SANCTAM ANASTASIAM}


[N: 536]
Purificet nos, domine, quaesumus, muneris praesentis oblatio, et dignos sacra participatione perficiat. Per.
{ TIT.: FERIA III AD SANCTAM ANASTASIAM. Super oblata.}


[N: 537]
Mentes nostras, quaesumus domine, spiritus sanctus divinis reparet sacramentis, quia ipse est remissio omnium peccatorum. Per.
{ TIT.: FERIA III AD SANCTAM ANASTASIAM. Ad completa.}


[N: 538]
Mentes nostras, quaesumus domine, paraclitus qui a te procedit inlumina, et inducat in omnem sicut tuus promisit filius veritatem. Qui tecum.
{ TIT.: FERIA IIII AD SANCTAM MARIAM MAIOREM. }


[N: 539]
Praesta, quaesumus, omnipotens et misericors deus, ut spiritus sanctus adveniens templum nos gloriae suae dignanter habitando perficiat. Per.
{ TIT.: FERIA IIII AD SANCTAM MARIAM MAIOREM. Alia oratio.}


[N: 540]
Accipe, quaesumus domine, munus oblatum et dignanter operare, ut quod mysteriis agimus, piis effectibus celebremus. Per dominum.
{ TIT.: FERIA IIII AD SANCTAM MARIAM MAIOREM. Super oblata.}


[N: 541]
Sumentes, domine, caelestia sacramenta, quaesumus, clementiam tuam, ut quod temporaliter gerimus, aeternis gaudiis consequamur. Per.
{ TIT.: FERIA IIII AD SANCTAM MARIAM MAIOREM. Ad complendum.}


[N: 542]
Da, quaesumus, ecclesiae tuae misericors deus, ut sancto spiritu congregata, hostili nullatenus incursione turbetur. Per dominum.
{ TIT.: FERIA VI AD APOSTOLOS}


[N: 543]
Sacrificia, domine, tuis oblata conspectibus ignis ille divinus adsumat, qui discipulorum christi tui per sanctum spiritum corda succendit. Per.
{ TIT.: FERIA VI AD APOSTOLOS. Super oblata.}


[N: 544]
Sumpsimus, domine, sacra dona mysterii humiliter deprecantes, ut quae in tui commemoratione nos facere praecepisti, in nostrae proficiant infirmitatis auxilium. Per.
{ TIT.: FERIA VI AD APOSTOLOS. Ad complendum.}


[N: 545]
Mentibus nostris, domine, spiritum sanctum benignus infunde, cuius et sapientia conditi sumus et providentia gubernamur. Per dominum.
{ TIT.: SABBT. XII LECTIONES MENSIS QUARTI}


[N: 546]
Illo nos igne, quaesumus domine, spiritus sanctus inflammet, quem dominus noster iesus christus misit in terram, et voluit vehementer accendi. Per..
{ TIT.: SABBT. XII LECTIONES MENSIS QUARTI. Alia.}


[N: 547]
Deus qui ad animarum medellam ieiunii devotione castigari corpora praecepisti, concede nobis propitius, et mente et corpore semper tibi esse devotos. Per dominum.
{ TIT.: SABBT. XII LECTIONES MENSIS QUARTI. Alia.}


[N: 548]
Praesta, quaesumus, omnipotens deus, ut salutaribus ieiuniis eruditi, ab omnibus etiam vitiis abstinentes, propitiationem tuam facilius impetremus. Per.
{ TIT.: SABBT. XII LECTIONES MENSIS QUARTI. Alia.}


[N: 549]
Praesta, quaesumus, omnipotens deus, sic nos ab epulis carnalibus abstinere, ut a vitiis inruentibus pariter ieiunemus. Per dominum.
{ TIT.: SABBT. XII LECTIONES MENSIS QUARTI. Alia.}


[N: 550]
Deus qui tribus pueris mitigasti flammas ignium concede propitius, ut nos famulos tuos non exurat flamma vitiorum. Per.
{ TIT.: SABBT. XII LECTIONES MENSIS QUARTI. Alia.}


[N: 551]
Ut accepta tibi sint, domine, nostra ieiunia, praesta nobis, quaesumus, huius munere sacramenti purificatum tibi pectus offerre. Per dominum.
{ TIT.: SABBT. XII LECTIONES MENSIS QUARTI. Super oblata.}


[N: 552]
Praebeant nobis, domine, divinum tua sancta fervorem, quo eorum pariter et actu delectemur et fructu. Per.
{ TIT.: SABBT. XII LECTIONES MENSIS QUARTI. Ad complendum.}


[N: 553]
Deprecationem nostram, quaesumus domine benignus exaudi, et quibus supplicandi praestas affectum, tribue defensionis auxilium. Per.
{ TIT.: DIE DOMINICO VACAT}


[N: 554]
Munera, domine, oblata sanctifica, ut tui nobis unigeniti corpus et sanguis fiat. Per.
{ TIT.: DIE DOMINICO VACAT. Super oblata.}


[N: 555]
Haec nos communio, domine, purget a crimine, et caelestibus remediis facias esse consortes. Per dominum.
{ TIT.: DIE DOMINICO VACAT. Ad complendum.}


[N: 556]
Deus qui nos beati nicomedis martyris tui meritis et intercessione laetificas, concede propitius, ut qui eius beneficia poscimus, dona tuae gratiae consequamur. Per.
{ TIT.: MENSE IUNIO KALENDAS IUNIIS DEDICATIO SANCTI NICOMEDIS}


[N: 557]
Munera, domine, oblata sanctifica, et intercedente beato nicomede martyre tuo, nos per haec a peccatorum nostrorum maculis emunda. Per dominum.
{ TIT.: MENSE IUNIO KALENDAS IUNIIS DEDICATIO SANCTI NICOMEDIS. Super oblata.}


[N: 558]
Supplices te rogamus, omnipotens deus, ut quos tuis reficis sacramentis, intercedente beato nicomede martyre tuo, tibi etiam placitis moribus dignanter tribuas deservire. Per.
{ TIT.: MENSE IUNIO KALENDAS IUNIIS DEDICATIO SANCTI NICOMEDIS. Ad complendum.}


[N: 559]
Deus qui nos annua beatorum marcellini et petri martyrum tuorum sollemnitate laetificas, praesta quaesumus, ut quorum gaudemus meritis, provocemur exemplis. Per.
{ TIT.: IIII NONAS IUNII ID EST II DIE MENSIS IUNII NATALE SANCTORUM MARCELLINI ET PETRI}


[N: 560]
Hostia haec, quaesumus domine, quam sanctorum tuorum natalicia recensentes offerimus, et vincula nostrae pravitatis absolvat et tuae nobis misericordiae dona conciliet. Per.
{ TIT.: IIII NONAS IUNII ID EST II DIE MENSIS IUNII NATALE SANCTORUM MARCELLINI ET PETRI. Super oblata.}


[N: 561]
Sacro munere satiati supplices te, domine, deprecamur, ut quod debitae servitutis celebramus officio, salvationis tuae sentiamus augmentum. Per.
{ TIT.: IIII NONAS IUNII ID EST II DIE MENSIS IUNII NATALE SANCTORUM MARCELLINI ET PETRI. Ad complendum.}


[N: 562]
Praesta quaesumus, omnipotens deus, ut qui sanctorum tuorum marci et marcelliani natalicia colimus, a cunctis malis imminentibus eorum intercessione liberemur. Per.
{ TIT.: XIIII KALENDAS IULIAS ID EST XVIII DIE MENSIS IUNII NATALE SANCTORUM MARCI ET MARCELLIANI}


[N: 563]
Munera tibi, domine, dicata sanctifica, et intercedentibus beato marco et marcelliano per eadem nos placatus intende. Per.
{ TIT.: XIIII KALENDAS IULIAS ID EST XVIII DIE MENSIS IUNII NATALE SANCTORUM MARCI ET MARCELLIANI. Super oblata.}


[N: 564]
Salutaris tui, domine, munere satiati supplices exoramus, ut quorum laetamur gustu, renovemur effectu. Per dominum.
{ TIT.: XIIII KALENDAS IULIAS ID EST XVIII DIE MENSIS IUNII NATALE SANCTORUM MARCI ET MARCELLIANI. Ad complendum.}


[N: 565]
Deus, qui nos annua sanctorum tuorum protasii et gervasii sollemnitate laetificas, concede propitius, ut quorum gaudemus meritis, accendamur exemplis. Per.
{ TIT.: XIII KALENDAS IULIAS ID EST XVIIII DIE MENSIS IUNII NATALE SANCTORUM PROTASII ET GERVASII}


[N: 566]
Oblatis, quaesumus, domine, placare muneribus, et intercedentibus sanctis tuis a cunctis nos defende periculis. Per dominum.
{ TIT.: XIII KALENDAS IULIAS ID EST XVIIII DIE MENSIS IUNII NATALE SANCTORUM PROTASII ET GERVASII. Super oblata.}


[N: 567]
Haec nos communio, domine, purget a crimine, et intercedentibus sanctis tuis caelestibus remediis facias esse consortes. Per dominum.
{ TIT.: XIII KALENDAS IULIAS ID EST XVIIII DIE MENSIS IUNII NATALE SANCTORUM PROTASII ET GERVASII. Ad complendum.}


[N: 568]
Praesta quaesumus, omnipotens deus, ut familia tua per viam salutis incedat, et beati iohannis praecursoris hortamenta sectando, ad eum quem praedixit secura perveniat. Per.
{ TIT.: VIIII KALENDAS IULIAS ID EST XXIII DIE MENSIS IUNII VIGILIA SANCTI IOHANNIS BAPTISTAE}


[N: 569]
Munera, domine, oblata sanctifica, et intercedente beato iohanne baptista, nos per haec a peccatorum nostrorum maculis emunda. Per.
{ TIT.: VIIII KALENDAS IULIAS ID EST XXIII DIE MENSIS IUNII VIGILIA SANCTI IOHANNIS BAPTISTAE. Super oblata.}


[N: 570]
Beati iohannis baptistae nos, domine, praeclara comitetur oratio, et quem venturum esse praedixit, poscat nobis favere placatum. Per dominum nostrum iesum christum.
{ TIT.: VIIII KALENDAS IULIAS ID EST XXIII DIE MENSIS IUNII VIGILIA SANCTI IOHANNIS BAPTISTAE. Ad complendum.}


[N: 571]
Concede quaesumus, omnipotens deus, ut qui beati Iohannis baptistae sollemnia colimus, eius apud te intercessione muniamur. Per dominum.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA}


[N: 572]
Munera, domine, oblata sanctifica, et intercedente beato iohanne baptista, nos per haec a peccatorum nostrorum maculis emunda. Per.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Super oblata.}


[N: 573]
Praesta quaesumus, omnipotens deus, ut qui caelestia alimenta percepimus, intercedente beato iohanne baptista, per haec contra omnia adversa muniamur. Per.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Ad complendum.}


[N: 574]
Deus qui praesentem diem honorabilem nobis in beati iohannis nativitate fecisti, da populis tuis spiritalium gratiam gaudiorum, et omnium fidelium mentes dirige in viam salutis aeternae. Per.
{ TIT.: ITEM AD MISSAS}


[N: 575]
Tua, domine, muneribus altaria cumulamus, illius nativitatem honore debito caelebrantes, qui salvatorem mundi et cecinit adfuturum et adesse monstravit. Per.
{ TIT.: ITEM AD MISSAS. Super oblata.}


[N: 576]
Sumat ecclesia tua, deus, beati iohannis baptistae generatione laetitiam, per quem suae regenerationis cognovit auctorem.Per.
{ TIT.: ITEM AD MISSAS. Ad complendum.}


[N: 577]
Deus qui nos beati iohannis baptistae concedis natalicia perfrui, eius nos tribue meritis adiuvari. Per.
{ TIT.: ITEM AD MISSAS. Ad vesperum ubi supra.}


[N: 578]
Omnipotens sempiterne deus, da cordibus nostris illam tuarum rectitudinem semitarum, quam beati iohannis baptistae in deserto vox clamantis edocuit. Per dominum.
{ TIT.: ITEM AD MISSAS. Ad fontes.}


[N: 579]
Deus qui conspicis quia nos undique mala nostra contristant, per praecursorem gaudii corda nostra laetifica. Per.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Aliae orationes}


[N: 580]
Da quaesumus, omnipotens deus, intra sanctae ecclesiae uterum constitutos, eo nos spiritu ab iniquitate nostra iustifica, quo beatum iohannem intra viscera materna docuisti. Per dominum.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Aliae orationes}


[N: 581]
Deus qui nos annua beati iohannis baptistae sollemnia frequentare concedis, praesta quaesumus ut et devotis eadem mentibus caelebremus, et eius patrocinio promerente, plene capiamus securitatis augmentum. Per.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Aliae orationes}


[N: 582]
Omnipotens et misericors deus, qui beatum iohannem baptistam tua providentia destinasti, ut perfectam plebem christo domino praepararet, da quaesumus ut familia tua huius intercessione praeconis, et a peccatis omnibus exuatur, et ad eum quem prophetavit pervenire mereatur. Per.
{ TIT.: VIII KALENDAS IULIAS ID EST XXIIII DIE MENSIS IUNII NATALE SANCTI IOHANNIS BAPTISTAE IN PRIMA MISSA. Aliae orationes}


[N: 583]
Quaesumus, omnipotens deus, ut nos geminata laetitia hodiernae festivitatis excipiat, quae de beatorum iohannis et pauli glorificatione procedit, quos eadem fides et passio vere fecit esse germanos. Per dominum.
{ TIT.: VI KALENDAS IULIAS ID EST XXVI DIE MENSIS IUNII NATALE SANCTORUM IOHANNIS ET PAULI}


[N: 584]
Hostias tibi, domine, sanctorum martyrum tuorum iohannis et pauli dicatas meritis benignus adsume, et ad perpetuum nobis tribue provenire subsidium. Per.
{ TIT.: VI KALENDAS IULIAS ID EST XXVI DIE MENSIS IUNII NATALE SANCTORUM IOHANNIS ET PAULI. Super oblata.}


[N: 585]
Sumpsimus, domine, sanctorum tuorum sollemnia celebrantes caelestia sacramenta, presta quaesumus, ut quod temporaliter gerimus, aeternis gaudiis consequamur. Per dominum nostrum.
{ TIT.: VI KALENDAS IULIAS ID EST XXVI DIE MENSIS IUNII NATALE SANCTORUM IOHANNIS ET PAULI. Ad complendum.}


[N: 586]
Deus qui beatum leonem pontificem sanctorum tuorum meritis coequasti, concede propitius ut qui commemorationis eius festa percolimus, vitae quoque imitemur exempla. Per.
{ TIT.: IIII KALENDAS IULIAS ID EST XXVIII DIE MENSIS IUNII NATALE SANTI LEONIS PAPAE}


[N: 587]
Annue nobis domine ut animae famuli tui leoni haec prosit oblatio, quem immolando totius mundi tribuisti relaxari delicta. Per.
{ TIT.: IIII KALENDAS IULIAS ID EST XXVIII DIE MENSIS IUNII NATALE SANTI LEONIS PAPAE. Super oblata.}


[N: 588]
Deus qui animae famuli tui leoni aeternae beatitudinis proemia contulisti, concede propitius ut qui peccatorum nostrorum pondere praemimur, eius apud te praecibus sublevemur. Per dominum.
{ TIT.: IIII KALENDAS IULIAS ID EST XXVIII DIE MENSIS IUNII NATALE SANTI LEONIS PAPAE. Ad completa.}


[N: 589]
Praesta quaesumus, omnipotens deus, ut nullis nos permittas perturbationibus concuti, quos in apostolicae confessionis petra solidasti. Per.
{ TIT.: IIII KALENDAS IULIAS ID EST XXVIII DIE MENSIS IUNII VIGILIA SANCTI PETRI ORATIO AD MISSAS}


[N: 590]
Munus populi tui, domine, quaesumus, apostolica intercessione sanctifica, nosque a peccatorum nostrorum maculis emunda. Per dominum.
{ TIT.: IIII KALENDAS IULIAS ID EST XXVIII DIE MENSIS IUNII VIGILIA SANCTI PETRI ORATIO AD MISSAS. Super oblata.}


[N: 591]
VD et iustum est, aequum et salutare. Te, domine, suppliciter exorare, ut gregem tuum pastor aeterne non deseras, sed per beatos apostolos tuos continua protectione custodias, ut hisdem rectoribus gubernetur, quos operis tui vicarios eidem contulisti praeesse pastores. Et ideo cum angelis et archangelis cum thronis et dominationibus, cumque omni militia caelestis exercitus, ymnum gloriae tuae canimus sine fine dicentes.
{ TIT.: IIII KALENDAS IULIAS ID EST XXVIII DIE MENSIS IUNII VIGILIA SANCTI PETRI ORATIO AD MISSAS. Praefatio.}


[N: 592]
Quos caelesti, domine, alimento satiasti, apostolicis intercessionibus ab omni adversitate custodi. Per dominum.
{ TIT.: IIII KALENDAS IULIAS ID EST XXVIII DIE MENSIS IUNII VIGILIA SANCTI PETRI ORATIO AD MISSAS. Ad complendum.}


[N: 593]
Deus, qui ecclesiam tuam apostoli tui petri fide et nomine consecrasti, quique beatum illi paulum ad praedicandum gentibus gloriam tuam sociare dignatus es, concede ut omnes qui ad apostolorum tuorum sollemnia convenerunt, spiritali remuneratione ditentur. Per.
{ TIT.: IIII KALENDAS IULIAS ID EST XXVIII DIE MENSIS IUNII VIGILIA SANCTI PETRI ORATIO AD MISSAS. Ad vigilias nocte.}


[N: 594]
Deus qui hodiernam diem apostolorum tuorum petri et pauli martyrio consecrasti, da ecclesiae tuae eorum in omnibus sequi praeceptum, per quos religionis sumpsit exordium. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI}


[N: 595]
Hostias, domine, quas nomini tuo sacrandas offerimus, apostolica prosequatur oratio, per quam nos expiari tribuis et defendi. Per dominum.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Super oblata.}


[N: 596]
VD et iustum est, aequum et salutare. Te domine suppliciter exorare ut gregem tuum pastor aeterne non deseras, sed per beatos apostolos tuos continua protectione custodias, ut hisdem rectoribus gubernetur quos operis tui vicarios eidem contulisti praeesse pastores. Et ideo cum angelis et archangelis cum thronis et dominationibus, cumque omni militia caelestis exercitus ymnum gloriae tuae canimus sine fine dicentes.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Praefatio.}


[N: 597]
Quos caelesti, domine, alimento saciasti, apostolicis intercessionibus ab omni adversitate custodi. Per dominum.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI}


[N: 598]
Deus, qui apostolo petro collatis clavibus regni caelestis ligandi atque solvendi pontificium tradidisti, concede, ut intercessionis eius auxilio a peccatorum nostrorum nexibus liberemur. Per dominum.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Ad vesperum.}


[N: 599]
Omnipotens sempiterne deus, qui ecclesiam tuam in apostolica soliditate fundatam ab infernorum erues terrore portarum, praesta, ut in tua veritate persistens, nulla recipiat consortia perfidorum. Per dominum.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Alia oratione.}


[N: 600]
Familiam tuam, domine, propitius intuere et apostolicis defende praesidiis, ut eorum praecibus gubernetur, quibus nititur te constituente principibus. Per dominum.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Alia ortn.}


[N: 601]
Exaudi nos, deus salutaris noster, et apostolorum tuorum nos tuere praesidiis, quorum donasti fideles esse doctrinis. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Alia oratn.}


[N: 602]
Protege, domine, populum tuum, et apostolorum tuorum patrocinio confidentem, perpetua defensione conserva. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Alia.}


[N: 603]
Esto, domine, plebi tuae sanctificator et custus, ut apostolicis munita praesidiis et conversatione tibi placeat et secura deserviat. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Alia.}


[N: 604]
Deus qui multitudinem gentium beati pauli apostoli praedicatione docuisti, da nobis, quaesumus, ut cuius natalicia colimus, eius apud te patrocinia sentiamus. Per.
{ TIT.: PRIDIE KALENDAS IULIAS ID EST XXX DIE MENSIS IUNII NATALE SANCTI PAULI}


[N: 605]
Ecclesiae tuae, quaesumus, domine, praeces et hostias apostolica commendet oratio, ut quod pro illorum gloria celebramus, nobis prosit ad veniam. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Super oblata.}


[N: 606]
Perceptis, domine, sacramentis, beatis apostolis intervenientibus depraecamur, ut quae pro illorum celebrata sunt gloria, nobis proficiant ad medellam. Per.
{ TIT.: III KALENDAS IULIAS ID EST XXVIIII DIE MENSIS IUNII NATALE SANCTI PETRI. Ad complendum.}


[N: 607]
Deus, cuius dextera beatum petrum ambulantem in fluctibus ne mergeretur erexit, et quoapostolum eius Paulum tertio naufragantem de profundo pelagi liberavit, exaudi nos propitius, et concede ut amborum meritis aeternitatis gloriam consequamur. Per dominum.
{ TIT.: IN OCTABAS APOSTOLORUM AD SANCTUM PETRUM}


[N: 608]
Offerimus tibi, domine, quaesumus, praeces et munera, quae ut tuo sint digna conspectui, apostolorum tuorum praecibus adiuvemur. Per dominum.
{ TIT.: IN OCTABAS APOSTOLORUM AD SANCTUM PETRUM. Super oblata.}


[N: 609]
Protege, domine, populum tuum, et apostolorum tuorum patrocinio confidentem, perpetua defensione conserva. Per.
{ TIT.: IN OCTABAS APOSTOLORUM AD SANCTUM PETRUM. Ad complendum.}


[N: 610]
Deus, qui nos sanctorum tuorum processi et martiniani confessionibus gloriosis circumdas et protegis, da nobis et eorum imitatione proficere et intercessione gaudere. Per.
{ TIT.: VI NONAS IULIAS ID EST DIE II MENSE SUPRASCRIPTO NATALE SANCTORUM PROCESSI ET MARTYNIANI}


[N: 611]
Suscipe, domine, praeces et munera, quae ut tuo sint digna conspectui, sanctorum tuorum precibus adiuvemur. Per.
{ TIT.: VI NONAS IULIAS ID EST DIE II MENSE SUPRASCRIPTO NATALE SANCTORUM PROCESSI ET MARTYNIANI. Super oblata.}


[N: 612]
Corporis sacri et praetiosi sanguinis repleti libamine, quaesumus, domine deus noster, ut quod pia devotione gerimus, certa redemptione capiamus. Per.
{ TIT.: VI NONAS IULIAS ID EST DIE II MENSE SUPRASCRIPTO NATALE SANCTORUM PROCESSI ET MARTYNIANI. Ad complendum.}


[N: 613]
Praesta quaesumus, omnipotens deus, ut qui gloriosos martyres fortes in sua confessione cognovimus, pios apud te in nostra intercessione sentiamus. Per.
{ TIT.: VI IDUS IULIAS ID EST X DIE MENSIS IULII NATALE SEPTEM FRATRUM.}


[N: 614]
Sacrificiis praesentibus, domine, quaesumus, placatus intende, et intercedentibus sanctis tuis, devotioni nostrae proficiant et saluti. Per dominum.
{ TIT.: VI IDUS IULIAS ID EST X DIE MENSIS IULII NATALE SEPTEM FRATRUM. Super oblata.}


[N: 615]
Quaesumus, omnipotens deus, ut illius salutaris capiamus effectum, cuius per haec mysteria pignus accepimus. Per.
{ TIT.: VI IDUS IULIAS ID EST X DIE MENSIS IULII NATALE SEPTEM FRATRUM. Ad complendum.}


[N: 616]
Infirmitatem nostram respice, omnipotens deus, et quia pondus propriae actionis gravat, beati felicis martyris tui atque pontificis, intercessio gloriosa nos protegat. Per.
{ TIT.: IIII KALENDAS AUGUSTAS ID EST XXVIIII DIE MENSIS IULII NATALE SANCTORUM FELICIS SIMPLICII ET FAUSTINI ET BEATRICIS }


[N: 617]
Accepta sit in conspectu tuo, domine, nostra devotio, et eius nobis fiat supplicatione salutaris pro cuius sollemnitate defertur. Per.
{ TIT.: IIII KALENDAS AUGUSTAS ID EST XXVIIII DIE MENSIS IULII NATALE SANCTORUM FELICIS SIMPLICII ET FAUSTINI ET BEATRICIS. Super oblata.}


[N: 618]
Spiritum in nobis, domine, tuae caritatis infunde, ut quos uno caelesti pane satiasti, intercedente beato felice martyre tuo, tua facias pietate concordes. Per.
{ TIT.: IIII KALENDAS AUGUSTAS ID EST XXVIIII DIE MENSIS IULII NATALE SANCTORUM FELICIS SIMPLICII ET FAUSTINI ET BEATRICIS. Ad complendum.}


[N: 619]
Deus, qui sanctis tuis abdo et sennen ad hanc gloriam veniendi copiosum munus gratiae contulisti, da famulis tuis suorum veniam peccatorum, ut sanctorum tuorum intercedentibus meritis, ab omnibus mereamur adversitatibus liberari. Per.
{ TIT.: III KALENDAS AUGUSTAS ID EST DIE XXX MENSIS IULII NATALE SANCTORUM ABDO ET SENNES }


[N: 620]
Hostia haec, quaesumus domine, quam in santorum tuorum natalicia recensentes offerimus, et vincula nostrae pravitatis absolvat, et tuae nobis misericordiae dona conciliet. Per dominum.
{ TIT.: III KALENDAS AUGUSTAS ID EST DIE XXX MENSIS IULII NATALE SANCTORUM ABDO ET SENNES. Super oblata.}


[N: 621]
Per huius, domine, operatione mysterii et vitia nostra purgentur et, intercedentibus sanctis tuis, iusta desideria compleantur. Per dominum nostrum.
{ TIT.: III KALENDAS AUGUSTAS ID EST DIE XXX MENSIS IULII NATALE SANCTORUM ABDO ET SENNES . Ad complendum.}


[N: 622]
Deus qui beatum petrum apostolum a vinculis absolutum inlaesum habire fecisti, nostrorum quaesumus absolve vincula peccatorum, et omnia mala a nobis propitiatus exclude. Per.
{ TIT.: MENSE AGUSTO KALENDIS AGUSTIS AD SANCTUM PETRUM AD VINCULA}


[N: 623]
Oblatum tibi domine sacrificium vivificet nos semper et muniat. Per.
{ TIT.: MENSE AGUSTO KALENDIS AGUSTIS AD SANCTUM PETRUM AD VINCULA. Super oblata.}


[N: 624]
Corporis sacri et pretiosi sanguinis repleti libamine, quaesumus, domine deus noster, ut quod pia devotione gerimus, certa redemptione capiamus. Per dominum.
{ TIT.: MENSE AGUSTO KALENDIS AGUSTIS AD SANCTUM PETRUM AD VINCULA. Ad complendum.}


[N: 625]
Deus qui nos beati stephani martyris tui atque pontificis annua sollemnitate laetificas, concede propitius, ut cuius natalicia colimus, de eiusdem etiam protectione gaudeamus. Per.
{ TIT.: MENSE AGUSTO IIII NONAS AGUSTAS ID EST DIE II MENSIS AUGUSTI NATALE SANCTI STEPHANI EPISCOPI.}


[N: 626]
Munera tibi, domine, dicata sanctifica, et intercedente beato stephano martyre tuo atque pontifice, per eadem nos placatus intende. Per dominum.
{ TIT.: MENSE AGUSTO IIII NONAS AGUSTAS ID EST DIE II MENSIS AUGUSTI NATALE SANCTI STEPHANI EPISCOPI. Super oblata.}


[N: 627]
Haec nos communio, domine, purget a crimine, et intercedente beato stephano martyre tuo atque pontifice, caelestibus remediis faciat esse consortes. Per dominum nostrum.
{ TIT.: MENSE AGUSTO IIII NONAS AGUSTAS ID EST DIE II MENSIS AUGUSTI NATALE SANCTI STEPHANI EPISCOPI. Ad complendum.}


[N: 628]
Deus qui conspicis quia ex nulla nostra virtute subsistimus, concede propitius, ut intercessione beati xysti martyris tui atque pontificis, contra omnia adversa muniamur. Per dominum nostrum iesum christum..
{ TIT.: NONIS AUGUSTIS ID EST DIE VI MENSIS AUGUSTIS NATALE SANCTI XYSTI EPISCOPI.}


[N: 629]
Sacrificiis praesentibus, domine, quaesumus, intende placatus, ut et devotioni nostrae profitiant et saluti. Per dominum.
{ TIT.: NONIS AUGUSTIS ID EST DIE VI MENSIS AUGUSTIS NATALE SANCTI XYSTI EPISCOPI. Super oblata.}


[N: 630]
Intra quorum nos consortium non aestimator meriti, sed veniae quaesumus largitor admitte. Per christum dominum nostrum.
{ TIT.: NONIS AUGUSTIS ID EST DIE VI MENSIS AUGUSTIS NATALE SANCTI XYSTI EPISCOPI. Praefatio uvae.}


[N: 631]
Benedic, domine, hos fructos novos uvae quos tu, domine rore caeli et inundantia pluviarum et temporum serenitate atque tranquillitate ad maturitatem perducere dignatus es, et dedisti ea ad usus nostros cum gratiarum actione percipere in nomine domini nostri iesu christi. Per quem haec omnia, domine semper bona creas.
{ TIT.: NONIS AUGUSTIS ID EST DIE VI MENSIS AUGUSTIS NATALE SANCTI XYSTI EPISCOPI.}


[N: 632]
Praesta quaesumus, domine deus noster, ut in cuius nobis festivitate votiva sunt sacramenta, eius salutaria nobis intercessione reddantur. Per.
{ TIT.: NONIS AUGUSTIS ID EST DIE VI MENSIS AUGUSTIS NATALE SANCTI XYSTI EPISCOPI. Ad complendum.}


[N: 633]
Deus, qui nos concedis sanctorum martyrum tuorum felicissimi et agapiti natalicia colere, da nobis in aeterna laetitia de eorum societate gaudere. Per.
{ TIT.: ITEM EODEM DIE MENSIS AUGUSTI NATALE SANCTI FELICISSIMI ET AGAPITI.}


[N: 634]
Munera tibi, domine, nostrae devotionis offerimus, quae et pro tuorum tibi grata sint honore iustorum, et nobis salutaria te miserante reddantur. Per dominum.
{ TIT.: ITEM EODEM DIE MENSIS AUGUSTI NATALE SANCTI FELICISSIMI ET AGAPITI. Super oblata.}


[N: 635]
Praesta nobis, domine, quaesumus, intercedentibus sanctis tuis felicissimo et agapito, ut quae ore contingimus pura mente capiamus. Per dominum.
{ TIT.: ITEM EODEM DIE MENSIS AUGUSTI NATALE SANCTI FELICISSIMI ET AGAPITI. Ad complendum.}


[N: 636]
Deus qui nos annua beati cyriaci martyris tui sollemnitate laetificas concede propitius, ut cuius natalicia colimus, virtutem quoque passionis imitemur. Per.
{ TIT.: VI IDUS AGUSTAS ID EST DIE VIII MENSIS AUGUSTI NATALE SANCTI CIRIACI.}


[N: 637]
Accepta sit in conspectu tuo, domine, nostra devotio, et eius nobis fiat supplicatione salutaris, pro cuius sollemnitate defertur. Per dominum.
{ TIT.: VI IDUS AGUSTAS ID EST DIE VIII MENSIS AUGUSTI NATALE SANCTI CIRIACI. Super oblata.}


[N: 638]
Refecti participatione muneris sacri, quaesumus, domine deus noster, ut cuius exsequimur cultum, sentiamus effectum. Per.
{ TIT.: VI IDUS AGUSTAS ID EST DIE VIII MENSIS AUGUSTI NATALE SANCTI CIRIACI. Ad complendum.}


[N: 639]
Adesto, domine, supplicationibus nostris, et intercessione beati laurentii martyris tui, perpetuam nobis misericordiam benignus inpende. Per dominum.
{ TIT.: V IDUS AUGUSTAS ID EST DIES VIIII MENSIS AUGUSTI VIGILIA SANCTI LAURENTI. }


[N: 640]
Hostias, domine, quas tibi offerimus, propitius suscipe, et intercedente beato Laurentio martyre tuo, vincula peccatorum nostrorum absolve. Per.
{ TIT.: V IDUS AUGUSTAS ID EST DIES VIIII MENSIS AUGUSTI VIGILIA SANCTI LAURENTI. Super oblata.}


[N: 641]
Da quaesumus, domine deus noster, ut sicut beati laurentii martyris tui commemoratione temporali gratulamur officio, ita perpetuo laetemur aspectu. Per.
{ TIT.: V IDUS AUGUSTAS ID EST DIES VIIII MENSIS AUGUSTI VIGILIA SANCTI LAURENTI. Ad complendum.}


[N: 642]
Excita, domine, in ecclesia tua spiritum cui beatus laurentius levita servivit, ut eodem nos replente studeamus amare quod amavit, et opere exercere quod docuit. Per.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI IN PRIMA MISSA. }


[N: 643]
Sacrificium nostrum tibi, domine, quaesumus, beati laurentii praecatio sancta conciliet, ut cuius honore sollemniter exhibetur, meritis efficiatur acceptum. Per.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI IN PRIMA MISSA. Super oblata.}


[N: 644]
Supplices te rogamus, omnipotens deus, ut quos donis caelestibus satiasti, intercedente beato laurentio martyre tuo, perpetua protectione custodias. Per.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI IN PRIMA MISSA. Ad complendum.}


[N: 645]
Da nobis, quaesumus, omnipotens deus, vitiorum nostrorum flammas extinguere, qui beato laurentio tribuisti tormentorum suorum incendia superare. Per dominum.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI ITEM AD MISSAS. }


[N: 646]
Accipe, quaesumus, domine, munera dignanter oblata, et beati laurentii suffragantibus meritis, ad nostrae salutis auxilium provenire concede. Per dominum.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI ITEM AD MISSAS. Super oblatam.}


[N: 647]
Sacro munere satiati supplices te, domine, deprecamur, ut quod debitae servitutis caelebramus officio, intercedente beato laurentio salvationis tuae sentiamus augmentum. Per.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI ITEM AD MISSAS. Ad complendum.}


[N: 648]
Deus, cuius caritatis ardore beatus laurentius edaces incendii flammas contempto persecutore devicit, concede ut omnes qui martyrii eius merita veneramur, protectionis tuae auxilio muniamur. Per.
{ TIT.: IIII IDUS AUGUSTAS ID EST DIE X MENSE AUGUSTO NATALE SANCTI LAURENTI ITEM AD MISSAS. Alia.}


[N: 649]
Beati tiburtii nos, domine, foveant continuata praesidia, quia non desinis propitius intueri, quos talibus auxiliis concesseris adiuvari. Per.
{ TIT.: III IDUS AGUSTAS ID EST XI DIE MENSIS AUGUSTI NATALE SANCTI TIBURTII}


[N: 650]
Adesto, domine, praecibus populi tui, adesto muneribus, ut quae sacris sunt oblata mysteriis, tuorum tibi placeant intercessione sanctorum. Per.
{ TIT.: III IDUS AGUSTAS ID EST XI DIE MENSIS AUGUSTI NATALE SANCTI TIBURTII. Super oblatam.}


[N: 651]
Sumpsimus, domine, pignus redemptionis aeternae sit nobis, quaesumus, interveniente beato tiburtio martyre tuo, vitae praesentis auxilium pariter et futurae. Per dominum.
{ TIT.: III IDUS AGUSTAS ID EST XI DIE MENSIS AUGUSTI NATALE SANCTI TIBURTII. Ad completa.}


[N: 652]
Da nobis, omnipotens deus, ut beati yppoliti martyris tui veneranda sollemnitas, et devotionem nobis augeat et salutem. Per.
{ TIT.: IDIBUS AGUSTIS ID EST XIII MENSIS AUGUSTI NATALE SANCTI YPPOLITI}


[N: 653]
Respice munera populi tui sanctorum festivitate votiva, et tuae testificatio veritatis nobis proficiat ad salutem. Per.
{ TIT.: IDIBUS AGUSTIS ID EST XIII MENSIS AUGUSTI NATALE SANCTI YPPOLITI. Super oblatam.}


[N: 654]
Sacramentorum tuorum, domine, communio sumta nos salvet, et in tuae veritatis luce confirmet. Per.
{ TIT.: IDIBUS AGUSTIS ID EST XIII MENSIS AUGUSTI NATALE SANCTI YPPOLITI. Ad complendum.}


[N: 655]
Deus qui nos beati eusebii confessoris tui annua sollemnitate laetificas, concede propitius, ut cuius natalicia colimus, per eius ad te exempla gradiamur. Per dominum.
{ TIT.: XVIIII KALENDAS SEPTEMBRIS ID EST XIIII DIE MENSIS AUGUSTI NATALE SANCTI EUSEBII PRBI}


[N: 656]
Laudis tuae, domine, hostias immolamus in tuorum commemoratione sanctorum, quibus nos et praesentibus exui malis confidimus et futuris. Per dominum.
{ TIT.: XVIIII KALENDAS SEPTEMBRIS NATALIS SANCTI EUSEBII SACERDOTIS VIA APPIA. Super oblata.}


[N: 657]
Refecti cibo potuque caelesti, deus noster, te supplices exoramus, ut in cuius haec commemoratione percepimus, eius muniamur et precibus. Per dominum nostrum iesum christum.
{ TIT.: XVIIII KALENDAS SEPTEMBRIS NATALIS SANCTI EUSEBII SACERDOTIS VIA APPIA. Ad complendum.}


[N: 658]
Deus qui virginalem aulam beatae mariae in quam habitare eligere dignatus es, da quaesumus ut sua nos defensione munitos, iocundos faciat suae interesse festivitati. Per.
{ TIT.: XVIIII KALENDAS SEPTEMBRES ID EST XIIII DIE MENSIS AUGUSTI VIGILIA ADSUMPTIO SANCTAE MARIAE}


[N: 659]
Magna est domine apud clementiam tuam dei genetricis oratio, quam idcirco de praesenti seculo transtulisti, ut pro peccatis nostris, apud te fiducialiter intercedat. Per.
{ TIT.: XVIIII KALENDAS SEPTEMBRES ID EST XIIII DIE MENSIS AUGUSTI VIGILIA ADSUMPTIO SANCTAE MARIAE. Super oblata.}


[N: 660]
Concede misericors deus fragilitati nostrae praesidium, ut qui sanctae dei genetricis requiem caelebramus, intercessionis eius auxilio a nostris iniquitatibus resurgamus. Per dominum.
{ TIT.: XVIIII KALENDAS SEPTEMBRES ID EST XIIII DIE MENSIS AUGUSTI VIGILIA ADSUMPTIO SANCTAE MARIAE. Ad completa.}


[N: 661]
Veneranda nobis domine huius est diei festivitas in qua sancta dei genetrix mortem subiit temporalem, nec tamen mortis nexibus deprimi potuit, qui filium tuum dominum nostrum de se genuit incarnatum. Per dominum.
{ TIT.: XVIII KALENDAS SEPTEMBRES ID EST XV DIE MENSIS AUGUSTI ADSUMPTIO SANCTAE MARIAE}


[N: 662]
Famulorum tuorum domine delictis ignosce, et qui placere de actibus nostris non valemus, genetricis filii tui domini dei nostri intercessione salvemur. Per.
{ TIT.: XVIII KALENDAS SEPTEMBRES ID EST XV DIE MENSIS AUGUSTI ADSUMPTIO SANCTAE MARIAE. Alia ad missam.}


[N: 663]
Subveniat domine plebi tuae dei genetricis oratio, quam etsi pro conditione carnis migrasse cognoscimus, in caelesti gloria apud te pro nobis orare sentiamus. Per dominum.
{ TIT.: XVIII KALENDAS SEPTEMBRES ID EST XV DIE MENSIS AUGUSTI ADSUMPTIO SANCTAE MARIAE. Alia ad missam. Super oblata.}


[N: 664]
Mensae caelestis participes effecti imploramus clementiam tuam domine deus noster, ut qui festa dei genetricis colimus, a malis inminentibus, eius intercessione liberemur. Per.
{ TIT.: XVIII KALENDAS SEPTEMBRES ID EST XV DIE MENSIS AUGUSTI ADSUMPTIO SANCTAE MARIAE. Alia ad missam. Ad completa.}


[N: 665]
Laetetur ecclesia tua, deus, beati agapiti martyris tui confisa suffragiis, atque eius precibus gloriosis et devota permaneat et secura consistat. Per dominum..
{ TIT.: XV KALENDAS SEPTEMBRES ID EST XVIII DIE MENSIS AUGUSTI NATALE SANCTI AGAPITI}


[N: 666]
Suscipe, domine, munera quae in eius tibi sollemnitate deferimus, cuius nos confidimus patrocinio liberari. Per dominum.
{ TIT.: XV KALENDAS SEPTEMBRES ID EST XVIII DIE MENSIS AUGUSTI NATALE SANCTI AGAPITI. Super oblata.}


[N: 667]
Saciasti, domine, familiam tuam muneribus sacris, eius, quaesumus, semper interventione nos refove, cuius sollemnia caelebramus. Per dominum.
{ TIT.: XV KALENDAS SEPTEMBRES ID EST XVIII DIE MENSIS AUGUSTI NATALE SANCTI AGAPITI. Ad complendum.}


[N: 668]
Auxilium tuum nobis, domine, quaesumus, placatus inpende, et intercedente beato timotheo martyre tuo, dexteram super nos tuae propitiationis extende. Per.
{ TIT.: XI KALENDAS SEPTEMBRES ID EST XXII DIE MENSIS AUGUSTI NATALE SANCTI TIMOTHEI }


[N: 669]
Accepta tibi sit, domine, sacratae plebis oblatio, pro tuorum honore sanctorum, quorum se meritis percepisse de tribulatione cognoscit auxilium. Per dominum.
{ TIT.: XI KALENDAS SEPTEMBRES ID EST XXII DIE MENSIS AUGUSTI NATALE SANCTI TIMOTHEI. Super oblata.}


[N: 670]
Divini muneris largitate satiati, quaesumus, domine deus noster, ut intercedente beato timotheo martyre tuo, eius semper participatione vivamus. Per.
{ TIT.: XI KALENDAS SEPTEMBRES ID EST XXII DIE MENSIS AUGUSTI NATALE SANCTI TIMOTHEI. Ad complendum.}


[N: 671]
Deus, qui beatum hermen martyrem tuum virtute constantiae in passione roborasti, ex eius nobis imitatione tribue pro amore tuo prospera mundi despicere, et nulla eius adversa fomidare. Per.
{ TIT.: V KALENDAS SEPTEMBRES ID EST XXVIII DIE MENSIS AUGUSTI NATALE SANCTI HERMETIS}


[N: 672]
Sacrificium tibi, domine, laudis offerimus in tuorum commemoratione sanctorum: da, quaesumus, ut quod illis contulit ad gloriam, nobis proficiat ad salutem. Per.
{ TIT.: V KALENDAS SEPTEMBRES ID EST XXVIII DIE MENSIS AUGUSTI NATALE SANCTI HERMETIS. Super oblata.}


[N: 673]
Repleti, domine, benedictione caelesti, quaesumus, clementiam tuam, ut intercedente beato hermen martyre tuo, quae humiliter gerimus, salubriter sentiamus. Per.
{ TIT.: V KALENDAS SEPTEMBRES ID EST XXVIII DIE MENSIS AUGUSTI NATALE SANCTI HERMETIS. Ad complendum.}


[N: 674]
Deus, qui inter caetera potentiae tuae miracula etiam in sexu fragili victoriam martyrii contulisti, concede propitius, ut cuius natalicia colimus, per eius ad te exempla gradiamur. Per dominum.
{ TIT.: IIII KALENDAS SEPTEMBRES ID EST XXVIIII DIE MENSIS AUGUSTI NATALE SANCTAE SABINAE}


[N: 675]
Hostias tibi, domine, beatae sabinae martyris tuae dicatas meritis benignus adsume, et ad perpetuum nobis tribue provenire subsidium. Per dominum.
{ TIT.: IIII KALENDAS SEPTEMBRES ID EST XXVIIII DIE MENSIS AUGUSTI NATALE SANCTAE SABINAE. Super }


[N: 676]
Divini muneris largitate satiati, quaesumus, domine deus noster, ut intercedente beata sabina martyre tua, in eius semper participatione vivamus. Per dominum.
{ TIT.: IIII KALENDAS SEPTEMBRES ID EST XXVIIII DIE MENSIS AUGUSTI NATALE SANCTAE SABINAE. Ad complendum.}


[N: 677]
Maiestatem tuam domine, supplices deprecamur, ut sicut nos iugiter sanctorum tuorum commemoratione laetificas, ita semper supplicatione defendas. Per.
{ TIT.: III KALENDAS SEPTEMBRES ID EST XXX DIE MENSIS AUGUSTI NATALE SANCTORUM FELICIS ET ADAUTI}


[N: 678]
Hostias, domine, tuae plebis intende, et quas in honore sanctorum tuorum devota mente caelebrat, proficere sibi sentiat ad salutem. Per.
{ TIT.: III KALENDAS SEPTEMBRES ID EST XXX DIE MENSIS AUGUSTI NATALE SANCTORUM FELICIS ET ADAUTI. Super oblatam.}


[N: 679]
Repleti, domine, muneribus sacris, quaesumus, ut intercedentibus sanctis tuis in gratiarum tuarum semper actione maneamus. Per.
{ TIT.: III KALENDAS SEPTEMBRES ID EST XXX DIE MENSIS AUGUSTI NATALE SANCTORUM FELICIS ET ADAUTI. Ad complendum.}


[N: 680]
Supplicationem servorum tuorum deus miserator exaudi, ut qui in nativitate dei genetricis et virginis congregamur, eius intercessionibus conplacatus a te de instantibus periculis eruamur. Per dominum nostrum iesum christum.
{ TIT.: MENSE SEPTEMBRI VI IDUS SEPTEMBRES ID EST DIE VIII MENSIS SEPTEMBRIS NATIVITATE SANCTAE MARIAE}


[N: 681]
Famulis tuis domine caelestis gratiae munus inpertire, ut quibus beatae virginis partus extitit salutis exordium, nativitatis eius votiva sollemnitas pacis tribuat incrementum. Per dominum nostrum iesum christum.
{ TIT.: MENSE SEPTEMBRI VI IDUS SEPTEMBRES ID EST DIE VIII MENSIS SEPTEMBRIS NATIVITATE SANCTAE MARIAE. Ad missas}


[N: 682]
Unigeniti tui domine nobis succurrat humanitas, ut qui natus de virgine matris integritatem non minuit sed sacravit, in nativitatis eius sollemniis a nostris nos piaculis exuens oblationem nostram sibi faciat acceptam. Per.
{ TIT.: MENSE SEPTEMBRI VI IDUS SEPTEMBRES ID EST DIE VIII MENSIS SEPTEMBRIS NATIVITATE SANCTAE MARIAE. Ad missas. Super oblata.}


[N: 683]
Sumpsimus domine caelebritatis annue votiva sacramenta, praesta quaesumus ut et temporalis nobis vitae remedia praebeant et aeternae. Per dominum.
{ TIT.: MENSE SEPTEMBRI VI IDUS SEPTEMBRES ID EST DIE VIII MENSIS SEPTEMBRIS NATIVITATE SANCTAE MARIAE. Ad missas. Ad completa.}


[N: 684]
Beati proti nos, domine, et iacynthi foveat pretiosa confessio, et pia iugiter intercessione tueatur. Per dominum.
{ TIT.: III IDUS SEPTEMBRES ID EST XI DIE MENSIS SEPTEMBRIS NATALE SANCTORUM PROTI ET IACYNTHI}


[N: 685]
Pro sanctorum proti et iacynthi munera tibi, domine, commemoratione quae debemus exsolvimus, praesta quaesumus, ut remedium nobis perpetuae salutis operentur. Per dominum.
{ TIT.: III IDUS SEPTEMBRES ID EST XI DIE MENSIS SEPTEMBRIS NATALE SANCTORUM PROTI ET IACYNTHI. Super oblata.}


[N: 686]
Percepta nos, domine, tua sancta purificent et beati proti et iacynthi, quaesumus, imploret oratio. Per.
{ TIT.: III IDUS SEPTEMBRES ID EST XI DIE MENSIS SEPTEMBRIS NATALE SANCTORUM PROTI ET IACYNTHI. Ad complendum.}


[N: 687]
Infirmitatem nostram, quaesumus domine, propitius respice, et mala omnia quae iuste meremur, sanctorum tuorum intercessione averte. Per dominum nostrum.
{ TIT.: XVIII KALENDAS OCTOBRES ID EST XIIII DIE MENSIS SEPTEMBRIS NATALE SANCTORUM CORNELI ET CYPRIANI}


[N: 688]
Adesto, domine, supplicationibus nostris, quas in sanctorum tuorum commemoratione deferimus, ut qui nostrae iustitiae fiduciam non habemus, eorum qui tibi placuerunt meritis adiuvemur. Per.
{ TIT.: XVIII KALENDAS OCTOBRES ID EST XIIII DIE MENSIS SEPTEMBRIS NATALE SANCTORUM CORNELI ET CYPRIANI. Super oblata.}


[N: 689]
Quaesumus domine, salutaribus repleti mysteriis, ut quorum sollemnia celebramus, orationibus adiuvemur. Per.
{ TIT.: XVIII KALENDAS OCTOBRES ID EST XIIII DIE MENSIS SEPTEMBRIS NATALE SANCTORUM CORNELI ET CYPRIANI. Ad complendum.}


[N: 690]
Deus qui unigeniti tui domini nostri Iesu Christi pretioso sanguine humanum genus redemere dignatus es: concede propitius, ut qui ad adorandam vivificam crucem adveniunt, a peccatorum suorum nexibus liberentur. Per dominum.
{ TIT.: ITEM IN EODOEM DIE XIIII DIE MENSIS SEPTEMBRIS EXALTATIO SANCTAE CRUCIS}


[N: 691]
Iesu christi domini nostri corpore saginati per quem crucis est sanctificatus vexillum quaesumus domine deus noster ut sicut adorare meruimus, ita perennitatis eius gloriae salutaris potiamur effectum. Per.



{ TIT.: ITEM IN EODOEM DIE XIIII DIE MENSIS SEPTEMBRIS EXALTATIO SANCTAE CRUCIS. Super oblata.}


[N: 692]
Quaesumus omnipotens deus ut quos divina tribuis participatione gaudere humanis non sinas subiacere periculis. Per.
{ TIT.: ITEM IN EODOEM DIE XIIII DIE MENSIS SEPTEMBRIS EXALTATIO SANCTAE CRUCIS. Ad completa.}


[N: 693]
Adesto, domine, populo tuo, ut beati nicomedis martyris tui merita praeclara suscipiens, ad impetrandam misericordiam tuam semper eius patrociniis adiuvetur. Per dominum.
{ TIT.: XVII KALENDAS OCTOBRES ID EST XV DIE MENSIS SEPTEMBRIS NATALE SANCTI NICOMEDIS}


[N: 694]
Suscipe, domine, munera propitius oblata, quae maiestati tuae beati nicomedis martyris commendet oratio. Per dominum.
{ TIT.: XVII KALENDAS OCTOBRES ID EST XV DIE MENSIS SEPTEMBRIS NATALE SANCTI NICOMEDIS. Super oblatam.}


[N: 695]
Purificent nos, domine, sacramenta quae sumpsimus, et intercedente beato nicomede martyre tuo, a cunctis efficiant vitiis absolutos. Per dominum.
{ TIT.: XVII KALENDAS OCTOBRES ID EST XV DIE MENSIS SEPTEMBRIS NATALE SANCTI NICOMEDIS. Ad complendum.}


[N: 696]
Omnipotens sempiterne deus, qui infirma mundi eligis ut fortia quaeque confundas, concede propitius, ut qui beatae eufimiae martyris tuae sollemnia colimus, eius apud te patrocinia sentiamus. Per.
{ TIT.: XVI KALENDAS OCTOBRES ID EST XVI DIE MENSIS SEPTEMBRIS NATALE SANCTAE EUFEMIAE MARTYRAE}


[N: 697]
Praesta quaesumus, domine deus noster, ut sicut in tuo conspectu mors est praetiosa sanctorum, ita eorum merita, venerantium accepta tibi reddat oblatio. Per.
{ TIT.: XVI KALENDAS OCTOBRES ID EST XVI DIE MENSIS SEPTEMBRIS NATALE SANCTAE EUFEMIAE MARTYRAE. Super oblatam.}


[N: 698]
Sanctificet nos, domine, quaesumus, tui perceptio sacramenti, et intercessio beatae martyris euphimiae tibi reddat acceptos. Per dominum.
{ TIT.: XVI KALENDAS OCTOBRES ID EST XVI DIE MENSIS SEPTEMBRIS NATALE SANCTAE EUPHEMIAE MARTYRAE. Ad completa.}


[N: 699]
Praesta, domine, precibus nostris cum exultatione provectum, ut quorum diem passionis annua devotione recolimus, etiam fidei constantiam subsequamur. Per.
{ TIT.: DIE SUPRASCRIPTO NATALE SANCTORUM LUCIAE ET GEMINIANI}


[N: 700]
Vota populi tui, domine, propitiatus intende, et quorum nos tribuis sollemnia caelebrare, fac gaudere suffragiis. Per.
{ TIT.: DIE SUPRASCRIPTO NATALE SANCTORUM LUCIAE ET GEMINIANI. Super oblata.}


[N: 701]
Exaudi, domine, praeces nostras, et sanctorum tuorum, quorum festa sollemniter caelebramus, continuis foveamur auxiliis. Per.
{ TIT.: DIE SUPRASCRIPTO NATALE SANCTORUM LUCIAE ET GEMINIANI. Ad completa.}


[N: 702]
Absolve, quaesumus domine, tuorum delicta populorum, et a peccatorum nostrorum nexibus, quae pro nostra fragilitate contraximus, tua benignitate liberemur.
{ TIT.: MENSIS SEPTIMI. ORATIONES DIE DOMINICO AD SANCTUM PETRUM}


[N: 703]
Pro nostrae servitutis augmento sacrificium tibi, domine, laudis offerimus, ut quod inmeritis contulisti, propitius exequaris. Per dominum.
{ TIT.: MENSIS SEPTIMI. ORATIONES DIE DOMINICO AD SANCTUM PETRUM. Super oblata.}


[N: 704]
Quaesumus, omnipotens deus, ut quos divina tribuis participatione gaudere, humanis non sinas subiacere periculis. Per dominum nostrum iesum.
{ TIT.: MENSIS SEPTIMI. ORATIONES DIE DOMINICO AD SANCTUM PETRUM. Ad completa.}


[N: 705]
Misericordiae tuae remediis, quaesumus domine, fragilitas nostra subsistat, ut quae sua condicione atteritur, tua clementia reparetur. Per dominum.
{ TIT.: FERIA IIII AD SANCTAM MARIAM MAIOREM}


[N: 706]
Praesta quaesumus, domine, familiae supplicanti, ut dum a cibis corporalibus se abstinent, a vitiis mente ieiunent. Per.
{ TIT.: FERIA IIII AD SANCTAM MARIAM MAIOREM. Alia}


[N: 707]
Haec hostia, domine, quaesumus, emundet nostra delicta, et sacrificium caelebrandum subditorum tibi corpora mentesque sanctificet. Per.
{ TIT.: FERIA IIII AD SANCTAM MARIAM MAIOREM. Super oblata.}


[N: 708]
Sumentes dona caelestia suppliciter deprecamur, ut quae sedula servitute donante te gerimus, dignis sensibus tuo munere capiamus. Per dominum nostrum.
{ TIT.: FERIA IIII AD SANCTAM MARIAM MAIOREM. Ad completa.}


[N: 709]
Praesta quaesumus, omnipotens deus, ut observationes sacras annua devotione recolentes, et corpore tibi placeamus et mente. Per.
{ TIT.: FERIA VI AD APOSTOLOS}


[N: 710]
Accepta tibi sint, domine, quaesumus, nostri dona ieiunii, quae et expiando nos tua gratia dignos efficiant et ad sempiterna promissa perducant. Per dominum nostrum.



{ TIT.: FERIA VI AD APOSTOLOS. Super oblata.}


[N: 711]
Quaesumus, omnipotens deus, ut de perceptis muneribus gratias exibentes, beneficia potiora sumamus. Per.
{ TIT.: FERIA VI AD APOSTOLOS. Ad completa.}


[N: 712]
Omnipotens sempiterne deus, qui per continentiam salutarem et corporibus mederis et mentibus, maiestatem tuam supplices exoramus, ut pia ieiunantium deprecatione placatus, et praesentia nobis subsidia praebeas et futura. Per.
{ TIT.: SABBATO AD SANCTUM PETRUM XII LECTIONES}


[N: 713]
Da nobis, quaesumus, omnipotens deus, ut ieiunando tua gratia satiemur, et abstinendo cunctis efficiamur hostibus fortiores. Per.
{ TIT.: SABBATO AD SANCTUM PETRUM XII LECTIONES. Alia oratio.}


[N: 714]
Tuere, quaesumus, domine, familiam tuam, ut salutis aeternae remedia quae te aspirante requirimus, te largiente consequamur. Per dominum.
{ TIT.: SABBATO AD SANCTUM PETRUM XII LECTIONES. Alia.}


[N: 715]
Praesta quaesumus, domine, sic nos ab aepulis abstinere carnalibus, ut a vitiis inruentibus pariter ieiunemus. Per.
{ TIT.: SABBATO AD SANCTUM PETRUM XII LECTIONES. Alia.}


[N: 716]
Ut nos domine tribuis sollemne tibi deferre ieiunium, sic nobis, quaesumus, indulgentiae praesta subsidium. Per dominum.
{ TIT.: SABBATO AD SANCTUM PETRUM XII LECTIONES. Alia.}


[N: 717]
Deus qui tribus pueris mitigasti flammas ignium, concede propitius, ut nos famulos tuos non exurat flamma vitiorum. Per.
{ TIT.: SABBATO AD SANCTUM PETRUM XII LECTIONES. Alia.}


[N: 718]
Concede quaesumus, omnipotens deus, ut oculis tuae maiestatis munus oblatum, et gratiam nobis devotionis obtineat et effectum beatae perennitatis adquirat. Per dominum.
{ TIT.: SABBATO AD SANCTUM PETRUM XII LECTIONES. Super oblata.}


[N: 719]
Perficiant in nobis, domine, quaesumus, tua sacramenta quod continent, ut quae nunc specie gerimus, rerum veritate capiamus. Per.
{ TIT.: SABBATO AD SANCTUM PETRUM IN XII LECTIONES. Ad completa.}


[N: 720]
Omnipotens sempiterne deus, misericordiam tuam ostende supplicibus, ut qui de meritorum qualitate diffidimus, non iudicium tuum sed indulgentiam sentiamus. Per.
{ TIT.: DIE DOMINICO VACAT}


[N: 721]
Sacrificiis praesentibus, domine, quaesumus, intende placatus, ut et devotioni nostrae proficiant et saluti. Per dominum.
{ TIT.: DIE DOMINICO VACAT. Super oblata.}


[N: 722]
Quaesumus, omnipotens deus, ut illius salutaris capiamus effectum, cuius per haec mysteria pignus accepimus. Per dominum nostrum iesum christum filium tuum.
{ TIT.: DIE DOMINICO VACAT. Ad completa.}


[N: 723]
Praesta quaesumus, omnipotens deus, ut qui sanctorum tuorum cosmae et damiani natalicia colimus, a cunctis malis imminentibus eorum intercessionibus liberemur. Per dominum.
{ TIT.: V KALENDAS OCTOBRES ID EST XXVII DIE MENSIS SEPTEMBRIS NATALE SANCTORUM COSMA ET DAMIANI}


[N: 724]
Sanctorum tuorum nobis, domine, pia non desit oratio, quae et munera nostra conciliet et tuam nobis indulgentiam semper obtineat. Per dominum nostrum.
{ TIT.: V KALENDAS OCTOBRES ID EST XXVII DIE MENSIS SEPTEMBRIS NATALE SANCTORUM COSMA ET DAMIANI. Super oblata.}


[N: 725]
Protegat, domine, quaesumus, populum tuum, et participatio caelestis indulta convivii et deprecatio collata sanctorum. Per dominum.
{ TIT.: V KALENDAS OCTOBRES ID EST XXVII DIE MENSIS SEPTEMBRIS NATALE SANCTORUM COSMA ET DAMIANI. Ad completa.}


[N: 726]
Deus qui miro ordine angelorum ministeria hominumque dispensas, concede propitius, ut quibus tibi ministrantibus in caelo semper adsistitur, ab his in terra nostra vita muniatur. Per.
{ TIT.: III KALENDAS OCTOBRES ID EST XXVIIII DIE MENSIS SEPTEMBRIS DEDICATIO BASILICAE SANCTI ANGELI }


[N: 727]
Hostias tibi, domine, laudis offerimus suppliciter deprecantes, ut eadem angelico pro nobis interveniente suffragio, et placatus accipias et ad salutem nostram provenire concedas. Per dominum.
{ TIT.: III KALENDAS OCTOBRES ID EST XXVIIII DIE MENSIS SEPTEMBRIS DEDICATIO BASILICAE SANCTI ANGELI. Super oblata.}


[N: 728]
Beati archangeli tui michahelis intercessione suffulti supplices te, domine, deprecamur, ut quos honore prosequimur, contingamus et mente. Per.
{ TIT.: III KALENDAS OCTOBRES ID EST XXVIIII DIE MENSIS SEPTEMBRIS DEDICATIO BASILICAE SANCTI ANGELI. Ad completa.}


[N: 729]
Exaudi, domine, quaesumus, preces nostras et interveniente beato marco confessore tuo atque pontifice supplicationes nostras placatus intende. Per dominum.
{ TIT.: MENSE OCTOBRI NONIS OCTOBRIBUS ID EST VII DIE MENSIS OCTOBRIS NATALE SANCTI MARCI PAPAE}


[N: 730]
Accepta tibi sit, domine, sacrae plebis oblatio pro tuorum honore sanctorum, quorum se meritis percepisse de tribulatione cognoscit auxilium. Per.
{ TIT.: MENSE OCTOBRI NONIS OCTOBRIBUS ID EST VII DIE MENSIS OCTOBRIS NATALE SANCTI MARCI PAPAE. Super oblata.}


[N: 731]
Da quaesumus, domine, fidelibus populis sanctorum tuorum semper veneratione laetari, et eorum perpetua supplicatione muniri. Per.
{ TIT.: MENSE OCTOBRI NONIS OCTOBRIBUS ID EST VII DIE MENSIS OCTOBRIS NATALE SANCTI MARCI PAPAE. Ad completa.}


[N: 732]
Deus qui nos conspicis ex nostra infirmitate deficere, ad amorem tuum nos misericorditer per sanctorum tuorum exempla restaura. Per.
{ TIT.: PRIDIE IDUS OCTOBRES ID EST XIIII DIE MENSIS OCTOBRIS NATALE SANCTI CALISTI PAPAE}


[N: 733]
Mystica nobis, domine, prosit oblatio, quae nos et a reatibus nostris expediat et perpetua salvatione confirmet. Per dominum.
{ TIT.: PRIDIE IDUS OCTOBRES ID EST XIIII DIE MENSIS OCTOBRIS NATALE SANCTI CALISTI PAPAE. Super oblata.}


[N: 734]
Quaesumus, omnipotens deus, ut et reatum nostrum munera sacra purificent et rectae vivendo nobis operentur effectum. Per dominum.
{ TIT.: PRIDIE IDUS OCTOBRES ID EST XIIII DIE MENSIS OCTOBRIS NATALE SANCTI CALISTI PAPAE. Ad completa.}


[N: 735]
Adesto, domine, martyrum deprecatione sanctorum, et quos pati pro tuo nomine tribuisti, fac tuis fidelibus suffragari. Per dominum.
{ TIT.: MENSE NOVEMBRI KALENDIS NOVEMBRIBUS NATALE SANCTI CAESARII. Collectam ad sanctos cosmam et damianum.}


[N: 736]
Deus nos beati martyris tui caesarii annua sollemnitate laetificas, concede propitius, ut cuius natalicia colimus, etiam actiones imitemur. Per dominum.
{ TIT.: MENSE NOVEMBRI KALENDIS NOVEMBRIBUS NATALE SANCTI CAESARII. Alia ad missa.}


[N: 737]
Hostias tibi, domine, beati caesarii martyris tui dicatas meritis benignus adsume, et ad perpetuum nobis tribue provenire subsidium. Per dominum.
{ TIT.: MENSE NOVEMBRI KALENDIS NOVEMBRIBUS NATALE SANCTI CAESARII. Alia ad missa. Super oblata.}


[N: 738]
Quaesumus, omnipotens deus, ut qui caelestia alimenta percepimus, intercedente beato caesario martyre tuo per haec contra omnia adversa muniamur. Perdominum.
{ TIT.: MENSE NOVEMBRI KALENDIS NOVEMBRIBUS NATALE SANCTI CAESARII. Alia ad missa. Ad completa.}


[N: 739]
Praesta quaesumus, omnipotens deus, ut qui gloriosos martyres claudium, nicostratum, sympronianum, castorium atque simplicium fortes in sua confessione cognovimus, pios apud te in nostra intercessione sentiamus. Per.
{ TIT.: VI IDUS NOVEMBRES ID EST VIII DIE MENSIS NOVEMBRIS NATALE SANCTORUM QUATTUOR CORONATORUM}


[N: 740]
Benedictio tua, domine, larga descendat, quae et munera nostra deprecantibus sanctis tuis tibi reddat accepta, et nobis sacramentum redemptionis efficiat. Per dominum.
{ TIT.: VI IDUS NOVEMBRES ID EST VIII DIE MENSIS NOVEMBRIS NATALE SANCTORUM QUATTUOR CORONATORUM. Super oblata.}


[N: 741]
Caelestibus refecti sacramentis et gaudiis supplices te, domine, deprecamur, ut quorum gloriamur triumphis, protegamur auxiliis. Per dominum..
{ TIT.: VI IDUS NOVEMBRES ID EST VIII DIE MENSIS NOVEMBRIS NATALE SANCTORUM QUATTUOR CORONATORUM. Ad complendum.}


[N: 742]
Deus qui nos beati theodori martyris tui confessione gloriosa circumdas et protegis praesta nobis eius imitatione proficere et oratione fulciri. Per dominum.
{ TIT.: V IDUS NOVEMBRES ID EST VIIII DIE MENSIS NOVEMBRIS NATALE SANCTI THEODORI.}


[N: 743]
Suscipe, domine, fidelium preces cum oblationibus hostiarum, et intercedente beato theodoro martyre tuo per haec piae devotionis officia ad caelestem gloriam transeamus. Per dominum.
{ TIT.: V IDUS NOVEMBRES ID EST VIIII DIE MENSIS NOVEMBRIS NATALE SANCTI THEODORI. Super oblata.}


[N: 744]
Praesta nobis, domine, quaesumus, intercedente beato Theodoro martyre tuo, ut quae ore contingimus, pura mente capiamus. Per.
{ TIT.: V IDUS NOVEMBRES ID EST VIIII DIE MENSIS NOVEMBRIS NATALE SANCTI THEODORI. Ad completa.}


[N: 745]
Praesta quaesumus, omnipotens deus, ut qui beati mennae martyris tui natalicia colimus, intercessione eius in tui nominis amore roboremur. Per.
{ TIT.: III IDUS NOVEMBRES ID EST XI MENSIS NOVEMBRIS NATALE SANCTI MENNE.}


[N: 746]
Muneribus nostris, quaesumus, domine, precibusque susceptis, et caelestibus nos munda mysteriis et clementer exaudi. Per dominum.
{ TIT.: III IDUS NOVEMBRES ID EST XI MENSIS NOVEMBRIS NATALE SANCTI MENNE. Super oblata.}


[N: 747]
Da quaesumus, domine deus noster, ut sicut tuorum commemoratione sanctorum temporali gratulamur officio, ita perpetuo laetemur aspectu. Per dominum.
{ TIT.: III IDUS NOVEMBRES ID EST XI MENSIS NOVEMBRIS NATALE SANCTI MENNE. Ad complendum.}


[N: 748]
Deus qui conspicis quia ex nulla nostra virtute subsistimus, concede propitius, ut intercessione beati martini confessoris tui contra omnia adversa muniamur. Per dominum.
{ TIT.: PRIDIE IDUS NOVEMBRES ID EST XI DIE MENSIS NOVEMBRIS NATALE SANCTI MARTINI. }


[N: 749]
Da, misericors deus, ut haec nobis salutaris oblatio et propriis reatibus indesinenter expediat et ab omnibus tueatur adversis. Per.
{ TIT.: PRIDIE IDUS NOVEMBRES ID EST XI DIE MENSIS NOVEMBRIS NATALE SANCTI MARTINI. . Super oblata.}


[N: 750]
Praesta quaesumus, domine deus noster, ut quorum festivitate votiva sunt sacramenta, eorum salutaria nobis intercessione reddantur. Per.
{ TIT.: PRIDIE IDUS NOVEMBRES ID EST XI DIE MENSIS NOVEMBRIS NATALE SANCTI MARTINI. Ad completa.}


[N: 751]
Deus qui nos annua beatae caeciliae martyris tuae sollemnitate laetificas, da ut quam veneramur officio, etiam piae conversationis sequamur exemplo. Per.
{ TIT.: X KALENDAS DECEMBRES ID EST XXII MENSIS NOVEMBRIS NATALE SANCTAE CECILIAE}


[N: 752]
Haec hostia, domine, placationis et laudis, quaesumus, ut interveniente beata caecilia martyrae tua nos propitiatione dignos semper efficiat. Per dominum.
{ TIT.: X KALENDAS DECEMBRES ID EST XXII MENSIS NOVEMBRIS NATALE SANCTAE CECILIAE. Super oblata.}


[N: 753]
Satiasti, domine, familiam tuam muneribus sacris, eius semper intercessione nos refove, cuius sollemnia celebramus. Per.
{ TIT.: X KALENDAS DECEMBRES ID EST XXII MENSIS NOVEMBRIS NATALE SANCTAE CECILIAE. Ad completa.}


[N: 754]
Deus qui nos annua beati clementis martyris tui atque pontificis sollemnitate laetificas, concede propitius, ut cuius natalicia colimus, virtutem quoque passionis imitemur. Per.
{ TIT.: VIIII KALENDAS DECEMBRES ID EST XXIII DIE MENSIS NOVEMBRIS NATALE SANCTI CLEMENTIS }


[N: 755]
Munera, domine, oblata sanctifica, et intercedente beato clemente martyre tuo per haec nos a peccatorum nostrorum maculis emunda. Per dominum.
{ TIT.: VIIII KALENDAS DECEMBRES ID EST XXIII DIE MENSIS NOVEMBRIS NATALE SANCTI CLEMENTIS. Super oblata.}


[N: 756]
Corporis sacri et pretiosi sanguinis repleti libamine, quaesumus, domine deus noster, ut quod pia devotione gerimus, certa redemptione capiamus. Per dominum.
{ TIT.: VIIII KALENDAS DECEMBRES ID EST XXIII DIE MENSIS NOVEMBRIS NATALE SANCTI CLEMENTIS. Ad completa.}


[N: 757]
Praesta quaesumus, omnipotens deus, ut beatae felicitatis martyris tuae sollemnia recensentes, meritis ipsius protegamur et precibus. Per dominum.
{ TIT.: ITEM IN EODEM DIE NATALE SANCTAE FELICITATIS}


[N: 758]
Vota populi tui, domine, propitiatus intende, et quorum nos tribuis sollemnia celebrare, fac gaudere suffragiis. Per.
{ TIT.: VIIII KALENDAS DECEMBRES ID EST XXIII DIE MENSIS NOVEMBRIS NATALE SANCTI CLEMENTIS. Super oblata.}


[N: 759]
Supplices te rogamus, omnipotens deus, ut intervenientibus sanctis tuis et tua in nobis dona multiplices, et tempora nostra disponas. Per dominum.
{ TIT.: VIIII KALENDAS DECEMBRES ID EST XXIII DIE MENSIS NOVEMBRIS NATALE SANCTI CLEMENTIS. Ad completa.}


[N: 760]
Adesto, domine, supplicationibus nostris, ut qui ex iniquitate nostra reos nos esse cognoscimus, beati chrisogoni martyris tui intercessione liberemur. Per dominum.
{ TIT.: VIII KALENDAS DECEMBRES ID EST XXVIII DIE MENSIS NOVEMBRIS NATALE SANCTI CHRYSOGONI}


[N: 761]
Oblatis, quaesumus, domine, placare muneribus, et intercedente beato chrysogono martyre tuo a cunctis nos defende periculis. Per.
{ TIT.: VIII KALENDAS DECEMBRES ID EST XXVIII DIE MENSIS NOVEMBRIS NATALE SANCTI CHRYSOGONI. Super oblata.}


[N: 762]
Tui, domine, perceptione sacramenti et a nostri mundemur occultis et ab hostium liberemur insidiis. Per dominum..
{ TIT.: VIII KALENDAS DECEMBRES ID EST XXVIII DIE MENSIS NOVEMBRIS NATALE SANCTI CHRYSOGONI. Ad completa.}


[N: 763]
Deus qui nos beati saturnini martyris tui concedis natalicia perfrui, eius nos tribue meritis adiuvari. Per dominum.
{ TIT.: III KALENDAS DECEMBRES ID EST XXVIIII DIE MENSIS NOVEMBRIS NATALE SANCTI SATURNINI. }


[N: 764]
Munera nostra, domine, tibi dicata sanctifica, et intercedente beato saturnino martyre tuo per eadem nos placatus intende. Per.
{ TIT.: III KALENDAS DECEMBRES ID EST XXVIIII DIE MENSIS NOVEMBRIS NATALE SANCTI SATURNINI. Super oblata.}


[N: 765]
Sanctificet nos, domine, quaesumus, tui perceptio sacramenti, et intercessione sanctorum tibi reddat acceptos. Per dominum nostrum.
{ TIT.: III KALENDAS DECEMBRES ID EST XXVIIII DIE MENSIS NOVEMBRIS NATALE SANCTI SATURNINI. Ad completa.}


[N: 766]
Quaesumus, omnipotens deus, ut beatus andreas apostolus pro nobis imploret auxilium, ut a nostris reatibus absoluti a cunctis etiam periculis exuamur. Per dominum.
{ TIT.: ITEM DIE SUPRASCRIPTO VIGILIA SANCTI ANDREAE}


[N: 767]
Sacrandum tibi, domine, munus offerimus, quo beati andreae sollemnia recolentes, purificationem quoque nostris mentibus imploramus. Per.
{ TIT.: ITEM DIE SUPRASCRIPTO VIGILIA SANCTI ANDREAE. Super oblata.}


[N: 768]
VD et iustum est aequum et salutare, nos tibi semper et ubique gratias agere, domine sancte pater omnipotens aeternae deus, per christum dominum nostrum. Quia ecclesiam tuam in apostolicis tribuisti consistere fundamentis de quorum collegio beati andreae sollemnia caelebrantes tua domine praeconia non tacemus. Et ideo cum angelis et archangelis cum thronis et dominationibus, cumque omni militia caelestis exercitus yimnum gloriae tuae canimus sine fine dicentes.
{ TIT.: ITEM DE SUPRASCR. VIGILIA SANCTI ANDREAE. Praefatio.}


[N: 769]
Perceptis, domine, sacramentis suppliciter exoramus, ut intercedente beato andrea apostolo tuo quae pro illius veneranda gerimus passione, nobis proficiant ad medellam. Per.
{ TIT.: ITEM DIE SUPRASCRIPTO VIGILIA SANCTI ANDREAE.}


[N: 770]
Maiestatem tuam, domine, suppliciter exoramus, ut sicut ecclesiae tuae beatus andreas apostolus extitit praedicator et rector, ita apud te sit pro nobis perpetuus intercessor. Per.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. }


[N: 771]
Sacrificium nostrum tibi, domine, quaesumus, beati andreae precatio sancta conciliet, ut cuius honore sollemniter exhibetur, meritis efficiatur acceptum. Per dominum.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Super oblata.}


[N: 772]
VD et iustum est aequum et salutare, nos tibi semper et ubique gratias agere, domine sanctae pater omnipotens aeternae deus per christum dominum nostrum. Quia ecclesiam tuam in apostolicis tribuisti consistere fundamentis de quorum collegio beati andreae sollemnia caelebrantes tua domine praeconia non tacemus. Et ideo cum angelis et archangelis cum thronis et dominationibus, cumque omni militia caelestis exercitus yimnum gloriae tuae canimus sine fine dicentes: Sanctus ter.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Praefatio.}


[N: 773]
Sumpsimus, domine, divina mysteria beati andreae festivitate laetantes, quae sicut tuis sanctis ad gloriam, ita nobis, quaesumus, ad veniam prodesse perficias. Per dominum.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Ad completa.}


[N: 774]
Da nobis, quaesumus, domine deus noster, beati apostoli tui andreae intercessionibus sublevari, ut per quos ecclesiae tuae superni muneris rudimenta donasti, per eos subsidia perpetuae salutis impendas. Per dominum.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Ad vesperum. Ubi supra.}


[N: 775]
Adiuvet ecclesiam tuam tibi, domine, supplicando beatus andreas apostolus, et pius interventor efficiat, quod tui nominis extitit praedicator. Per.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Alia.}


[N: 776]
Deus qui es sanctorum tuorum splendor mirabilis, qui hunc diem beati andreae martyrio consecrasti, da ecclesiae tuae de eius natalicia semper gaudere ut apud misericordiam tuam exemplis eius protegamur et meritis. Per.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Alia.}


[N: 777]
Exaudi domine populum tuum cum sancti apostoli tui andreae patrocinio supplicantem, ut tuo semper auxilio, secura tibi possit devotione servire. Per dominum nostrum.
{ TIT.: PRIDIE KALENDAS DECEMBRES ID EST XXX DIE MENSIS NOVEMBRIS NATALE SANCTI ANDREAE APOSTOLI. Alia.}


[N: 778]
Excita, domine, quaesumus, potentiam tuam et veni, ut ab imminentibus peccatorum nostrorum periculis te mereamur protegente eripi, te liberante salvari. Per dominum.
{ TIT.: MENSE DECEMBRI ORT. DE ADVENTU DOMINICA I}


[N: 779]
Haec sacra nos, domine, potenti virtute mundatos ad suum faciant puriores venire principium. Per dominum nostrum.
{ TIT.: MENSE DECEMBRI ORT. DE ADVENTU DOMINICA I. Super oblata.}


[N: 780]
Suscipiamus, domine, misericordiam tuam in medio templi tui, et reparationis nostrae ventura sollemnia congruis honoribus praecedamus. Per dominum.
{ TIT.: MENSE DECEMBRI ORT. DE ADVENTU DOMINICA I. Ad completa.}


[N: 781]
Excita, domine, corda nostra ad praeparandas unigeniti tui vias, ut per eius adventum purificatis tibi mentibus servire mereamur. Per.
{ TIT.: DE ADVENTU DOMINICA SECUNDA}


[N: 782]
Placare quaesumus, domine, humilitatis nostrae precibus et hostiis, et ubi nulla suppetunt suffragia meritorum, tuis nobis succurre praesidiis. Per dominum.
{ TIT.: DE ADVENTU DOMINICA SECUNDA. Super oblata.}


[N: 783]
Repleti cibo spiritalis alimoniae supplices te, domine, deprecamur, ut huius participatione mysterii doceas nos terrena despicere et amare caelestia. Per.
{ TIT.: DE ADVENTU DOMINICA SECUNDA. Ad completa.}


[N: 784]
Exaudi nos, deus salutaris noster, ut sicut de beatae luciae festivitate gaudemus, ita pie devotionis erudiamur affectu. Per dominum.
{ TIT.: IDUS DECEMBRES ID EST XIII DIE MENSIS DECEMBRIS NATALE SANCTAE LUCIAE}


[N: 785]
Accepta tibi sit, domine, sacratae plebis oblatio pro tuorum honore sanctorum, quorum se meritis percepisse de tribulatione cognoscit auxilium. Per.
{ TIT.: IDUS DECEMBRES ID EST XIII DIE MENSIS DECEMBRIS NATALE SANCTAE LUCIAE. Super oblata.}


[N: 786]
Saciasti, domine, familiam tuam muneribus sacris, eius, quaesumus, semper interventione nos refove, cuius sollemnia celebramus. Per.
{ TIT.: IDUS DECEMBRES ID EST XIII DIE MENSIS DECEMBRIS NATALE SANCTAE LUCIAE. Ad completa.}


[N: 787]
Aurem tuam, quaesumus, domine, precibus nostris accomoda, et mentis nostrae tenebras gratia tuae visitationis inlustra. Per.
{ TIT.: DOMINICA TERTIA AD SANCTUM PETRUM}


[N: 788]
Devotionis nostrae tibi, quaesumus, domine, hostia iugiter immoletur, quae et sacri peragat instituta mysterii et salutare tuum nobis mirabiliter operetur. Per.
{ TIT.: DOMINICA TERTIA AD SANCTUM PETRUM. Super oblata.}


[N: 789]
Imploramus, domine, clementiam tuam, ut haec divina subsidia a vitiis expiatos ad festa ventura nos praeparent. Per.
{ TIT.: DOMINICA TERTIA AD SANCTUM PETRUM. Ad completa.}


[N: 790]
Praesta quaesumus, omnipotens deus, ut redemptionis nostrae ventura sollemnitas, et praesentis nobis vitae subsidia conferat et aeternae beatitudinis praemia largiatur. Per dominum.
{ TIT.: FERIA IIII AD SANCTAM MARIAM MAIOREM.}


[N: 791]
Festina quaesumus, ne tardaveris, domine, et auxilium nobis supernae virtutis inpende, ut adventus tui consolationibus subleventur, qui in tua pietate confidunt. Per.
{ TIT.: FERIA IIII AD SANCTAM MARIAM MAIOREM. Alia.}


[N: 792]
Accepta tibi sint, domine, quaesumus, nostra ieiunia, quae et expiando nos tua gratia dignos efficiant, et ad sempiterna promissa perducant. Per.
{ TIT.: FERIA IIII AD SANCTAM MARIAM MAIOREM. Super oblata.}


[N: 793]
Salutaris tui, domine, munere satiati, supplices deprecamur, ut cuius laetamur gustu, renovemur effectu. Per dominum.
{ TIT.: FERIA IIII AD SANCTAM MARIAM MAIOREM. Ad completa.}


[N: 794]
Excita quaesumus, domine, potentiam tuam et veni, ut hi qui in tua pietate confidunt, ab omni citius adversitate liberentur. Per.
{ TIT.: FERIA VI AD APOSTOLOS}


[N: 795]
Muneribus nostris, quaesumus, domine, precibusque susceptis, et caelestibus nos munda mysteriis et clementer exaudi. Per dominum.
{ TIT.: FERIA VI AD APOSTOLOS. Super oblata.}


[N: 796]
Tui nos, domine, sacramenti libatio sancta restauret, et a vetustate purgatos in mysterii salutaris faciat transire consortium. Per.
{ TIT.: FERIA VI AD APOSTOLOS. Ad completa.}


[N: 797]
Deua qui conspicis quia ex nostra pravitate affligimur, concede propitius, ut ex tua visitatione consolemur.
{ TIT.: SABBATO AD SANCTUM PETRUM XII LECTIONES}


[N: 798]
Concede quaesumus, omnipotens deus, ut quia sub peccati iugo ex vetusta servitute deprimimur, expectata unigeniti filii tui nova nativitate liberemur. Per.
{ TIT.: SABBATO AD SANCTUM PETRUM XII LECTIONES. Alia.}


[N: 799]
Indignos nos, quaesumus, domine, famulos tuos, quos actionis proprie culpa contristat, unigeniti filii tui adventu laetifica. Per.
{ TIT.: SABBATO AD SANCTUM PETRUM XII LECTIONES. Alia.}


[N: 800]
Praesta quaesumus, omnipotens deus, ut filii tui ventura sollemnitas, et praesentis nobis vitae remedia conferat et praemia aeterna concedat. Per dominum.
{ TIT.: SABBATO AD SANCTUM PETRUM XII LECTIONES. Alia.}


[N: 801]
Preces populi tui, quaesumus, domine, clementer exaudi, ut qui iuste pro peccatis nostris affligimur, pietatis tuae visitatione consolemur. Per.
{ TIT.: SABBATO AD SANCTUM PETRUM XII LECTIONES. Alia.}


[N: 802]
Deus qui tribus pueris mitigasti flammas ignium, concede propitius, ut nos famulos tuos non exurat flamma vitiorum. Per.
{ TIT.: SABBATO AD SANCTUM PETRUM XII LECTIONES. Alia.}


[N: 803]
Sacrificiis praesentibus, domine, placatus intende, ut et devotioni nostrae proficiant et saluti. Per.
{ TIT.: SABBATO AD SANCTUM PETRUM XII LECTIONES. Super oblata.}


[N: 804]
Quaesumus, domine deus noster, ut sacrosancta mysteria, quae reparationis nostrae munimine contulisti, et praesens nobis remedium esse facias et futurum. Per.
{ TIT.: SABBATO AD SANCTUM PETRUM XII LECTIONES. Ad completa.}


[N: 805]
Excita, domine, potentiam tuam et veni, et magna nobis virtute succurre, ut per auxilium gratiae tuae quod nostra peccata praepediunt, indulgentia tuae propitiationis acceleret. Per dominum.
{ TIT.: DIE DOMINICO VACAT}


[N: 806]
Sacrificiis praesentibus, domine, placatus intende, ut et devotioni nostrae proficiant et saluti. Per.
{ TIT.: DIE DOMINICO VACAT. Super oblata.}


[N: 807]
Sumptis muneribus, domine, quaesumus, ut cum frequentatione mysterii crescat nostrae salutis effectus. Per dominum.
{ TIT.: DIE DOMINICO VACAT. Ad completa.}


[N: 808]
Excita, domine, potentiam tuam et veni, et quod ecclesiae tuae promisisti, usque in finem saeculi clementer operare. Per.
{ TIT.: ALIAE ORATIONES DE ADVENTU}


[N: 809]
Conscientias nostras quaesumus domine visitando purifica, ut veniente filio tuo domino nostro paratam sibi in nobis inveniat mansionem. Per.
{ TIT.: ALIAE ORATIONES DE ADVENTU}


[N: 810]
Prope esto, domine, omnibus expectantibus te in veritate, ut in adventu filii tui domini nostri placitis tibi actibus praesentemur. Per dominum.
{ TIT.: ALIAE ORATIONES DE ADVENTU}


[N: 811]
Concede quaesumus, omnipotens deus, ut magnae festivitatis ventura sollemnia prospero caelebremus effectu, pariterque reddamur et intenti caelestibus disciplinis et de nostris temporibus lactiores. Per dominum.
{ TIT.: ALIAE ORATIONES DE ADVENTU}


[N: 812]
Mentes nostras, quaesumus, domine, lumine tuae visitationis inlustra, ut esse te largiante mereamur et inter prospera humiles et inter adversa securi. Per.
{ TIT.: ALIAE ORATIONES DE ADVENTU}


[N: 813]
Preces populi tui, quaesumus, domine, clementer exaudi, ut qui de adventu unigeniti filii tui secundum carnem laetantur, in secundo cum venerit in maiestate sua praemium aeternae vitae percipiant. Per dominum nostrum.
{ TIT.: ALIAE ORATIONES DE ADVENTU}


[N: 814]
Aufer a nobis quaesumus domine iniquitates nostras ut ad sancta sanctorum puris mereamur mentibus introire. Per dominum.
{ TIT.: ORATIONES QUANDO LEVANTUR RELIQUIAE}


[N: 815]
Domum tuam quaesumus domine clementer ingredere et in tuorum tibi corda fidelium perpetuam constitue mansionem, ut cuius aedificatione subsistit, huius fiat habitationis praeclara.
{ TIT.: ORATIO IN DEDICATIONE ECCLESIAE}


[N: 816]
Descendat quaesumus domine deus noster spiritus sanctus tuus super hoc altare qui et populi tui dona sanctificet et sumentium corda dignanter emundet. Per.
{ TIT.: ORATIO IN DEDICATIONE ECCLESIAE. Oratio post velandum altare}


[N: 817]
Deus qui invisibiliter omnia contines, et tamen pro salute generis humani signa tuae potentiae visibiliter ostendis, templum hoc potentiae tuae inhabitationis inlustra, ut omnes qui huc deprecaturi conveniunt, ex quacumque tribulatione ad te clamaverint, consolationis tuae beneficia consequantur. Per dominum.
{ TIT.: ORATIO IN DEDICATIONE ECCLESIAE. Ad missas}


[N: 818]
Deus qui sacrandorum tibi auctor es munerum, effunde super hanc orationis domum benedictionem tuam, ut ab omnibus invocantibus nomen tuum defensionis tuae auxilium sentiatur. Per.
{ TIT.: ORATIO IN DEDICATIONE ECCLESIAE. Ad missas. Alia.}


[N: 819]
Deus qui ex omni coaptatione sanctorum, aeternum tibi condis habitaculum, da aedificationis tuae incrementa caelestia ut quorum hic reliquiae pio amore conplectimur, eorum semper meritis adiuvemur. Per dominum.
{ TIT.: ORATIO IN DEDICATIONE ECCLESIAE. Ad missas. Alia}


[N: 820]
Omnipotens sempiterne deus, altare nomini tuo dicatum caelestis virtutibus benedictione sanctifica ut omnibus in te sperantibus auxilii tui munus ostendas, ut huic sacramentorum virtus et votorum optineatur effectus. Per.
{ TIT.: ORATIO IN DEDICATIONE ECCLESIAE. Ad missas. Super oblata.}


[N: 821]
VD et iustum est aequum et salutare, nos tibi semper et ubique gratias agere, domine sanctae pater omnipotens aeternae deus per christum dominum nostrum. Per quem te supplices deprecamur, ut altare hoc sanctis usibus praeparatum, caelesti dedicatione sanctifices, ut sicut melchisedech sacerdotis praecipui oblationem dignatione mirabili suscepisti, ita imposito novo huic altari munera semper accepta ferre digneris, ut populus qui in hanc ecclesiae domum sanctam convenit, per haec libamina celesti sanctificatione salvatus animarum quoque suarum salutem perpetuam consequantur. Et ideo cum angelis et archangelis cum thronis et dominationibus cumque omni militia celestis exercitus ymnum gloriae tuae canimus sine fine dicentes: Sanctus. ter.
{ TIT.: ORATIO IN DEDICATIONE ECCLESIAE. Ad missas. Praefatio.}


[N: 822]
Quaesumus omnipotens deus ut hoc in loco quem nomini tuo indigni dicavimus, cunctis petentibus aures tuae pietatis accommoda. Per.
{ TIT.: ORATIO IN DEDICATIONE ECCLESIAE. Ad missas. Ad completa.}


[N: 823]
Deus qui licet sis magnus in magnis mirabilia tamen gloriosius operaris in minimis, concede mihi indigno famulo tuo sacris convenienter servire mysteriis, atque in omnibus tua misericordia protegat quem conscientiae reatus accusat. Per.
{ TIT.: ORATIONES IN NATALE PAPAE}


[N: 824]
Deus qui populis tuis indulgentiam consulis et amore dominaris, da spiritum sapientiae quibus dedisti regimen disciplinae ut de profectu sanctarum ovium fiant gaudia aeterna pastorum. Per.
{ TIT.: ORATIONES IN NATALE PAPAE. Alia}


[N: 825]
Hostias tibi domine laudis exsoluo suppliciter implorans, ut quod inmerito contulisti, intercedente beato petro apostolo tuo propitius exequaris. Per dominum.
{ TIT.: ORATIONES IN NATALE PAPAE. Super oblata.}


[N: 826]
VD et iustum est aequum et salutare. Ut quia in manu tua dies nostri vitaque consistit sicut honorem nobis indigni largiris ministerii sic quoque tribuas rationabilis obsequii propitius incrementum et tua dona in nobis custodias, ut eius suffragiis apud te semper reddar acceptus, cuius me vice hodie ecclesiae tuae praeesse voluisti. Et ideo cum angelis et archangelis cum thronis et dominationibus, cumque omni militia caelestis exercitus, ymnum gloriae tuae canimus sine fine dicentes.
{ TIT.: ORATIONES IN NATALE PAPAE. Praefatio.}


[N: 827]
Corporis sacri et praetiosi sanguinis repleti libamine quaesumus domine deus noster uti gratiae tuae munus quod nobis inmeritis contulisti, intercedente beato petro apostolo tuo, propitius muniendo custodias. Per dominum nostrum.
{ TIT.: ORATIONES IN NATALE PAPAE. Ad completa.}


[N: 828]
Deus qui digne tibi servuientium nos imitari desideras famulatum, da nobis caritatis tuae flamma ardere succensi, ut antistitum decus priorum qui tibi placuerunt mereamur consortia obtinere. Per.
{ TIT.: ORATIO IN ORDINATIONE PRESBYTERI.}


[N: 829]
Aufer a nobis domine spiritum superbiae cui resistis ut sacrificia nostra tibi sint semper accepta. Per dominum.
{ TIT.: ORATIO IN ORDINATIONE PRESBYTERI. Super oblata.}


[N: 830]
VD et iustum est aequum et salutare. Qui dissimulatis peccatis humanae fragilitatis, nobis indignis sacerdotalem conferis dignitatem, da nobis quaesumus ut ad sacrosancta mysteria immolando sacrificia cum beneplacitis mentibus facias introire, quia tu solus sine operibus aptis iustificas peccatores, tu gratias praestas benignus ingratis, tu ea quae retro sunt oblivisci concedis, et ad priora promissa mysteria, clementissima gubernatione perducis. Et ideo cum angelis et archangelis cum thronis et dominationibus, cumque omni militia caelestis exercitus, ymnum gloriae tuae canimus sine fine dicentes.
{ TIT.: ORATIO IN ORDINATIONE PRESBYTERI. Praefatio.}


[N: 831]
Hanc igitur oblationem servitutis nostrae quam tibi offerimus in die hodiernae sollemnitatis quo nobis indigni sacerdotalem infulis tribuisti, quaesumus domine ut placatus accipias, et tua pietate conserva quod es operatus in nobis, diesque nostros in tua pace dispone.
{ TIT.: ORATIO IN ORDINATIONE PRESBYTERI.}


[N: 832]
Corporis sacri et praetiosi sanguinis repleti libamina quaesumus domine deus noster ut gratiae tuae munus quod nobis inmeritis contulisti, intercedente beato ill. propitius muniendo custodias. Per dominum.
{ TIT.: ORATIO IN ORDINATIONE PRESBYTERI.}


[N: 833]
Exaudi nos omnipotens et misericors deus ut quod nostro ministratur officio, tua benedictione potius impleatur. Per dominum.
{ TIT.: ORATN. AD SPONSAS VELANDAS.}


[N: 834]
Suscipe quaesumus domine pro sacra conubii lege munus oblatum, et cuius largitor es operis esto dispositor. Per.
{ TIT.: ORATN. AD SPONSAS VELANDAS. Super oblata.}


[N: 835]
VD et iustum est aequum et salutare. Qui foedere nuptiarum blando concordiae iugo et insolubili pacis vinculo nexuisti, ut adoptionem filiorum, sanctorum conubiorum faecunditas pudica servaretur; tua enim domine providentia, tua gratia utrumque dispensat ut quod generatio mundi aedidit ad ornatum, regeneratio ad ecclesiae perducat augmentum. Et ideo cum angelis et archangelis cum thronis et dominationibus, cumque omni militia caelestis exercitus, ymnum gloriae tuae canimus sine fine dicentes: Sanctus, sanctus, sanctus.
{ TIT.: ORATN. AD SPONSAS VELANDAS.Praefatio.}


[N: 836]
Hanc igitur oblationem famulorum tuorum quam tibi offerent pro famula tua illa, quam perducere dignatus es ad statum mensurae, et ad diem nuptiarum, pro qua maiestati tuae supplices fundimus preces, ut eam propitius cum viro suo copulare digneris, quaesumus domine ut placatus.
{ TIT.: ORATN. AD SPONSAS VELANDAS.}


[N: 837]
Propitiare domine supplicationibus nostris, et institutis tuis quibus propagatione humani generis ordinasti benignus adsiste ut quod te auctore iungitur, te auxiliante servetur. Per dominum.
{ TIT.: ORATN. AD SPONSAS VELANDAS. Ante quam dicatur pax domini dic. ort. }


[N: 838]
Deus qui potestate virtutis tuae de nihilo cuncta fecisti, qui dispositis universitatis exordiis homini ad imaginem dei facto, ideo inseparabilem mulieris adiutorium condidisti, ut femineo corpore de virili daris carnem principium, docens quod ex uno placuisset institui, numquam liceret disiungi; deus qui tam excellenti mysterio coniugalem copulam consecrasti, ut christi ecclesiae sacramentum praesignares in foedere nuptiarum. Deus per quem mulier iungitur viro, et societas principaliter ordinata ea benedictione donatur quae sola nec per originalis peccati poenam nec per diluvii est ablata sententia. Respice propitius super hanc famulam tuam quae maritali iungenda est consortio tua se expetit protectione muniri. Sit in ea iugum dilectionis et pacis, fidelis et casta nubat in christo. Imitatrixque sanctarum permaneat feminarum; sit amabilis ut rachel viro sapiens ut rebecca, longeva et fidelis ut sarra. Nihil in ea ex actibus suis, ille auctor praevaricationis usurpet; nexa fidei mandatisque permaneat uni toro iuncta, contactos inlicitos fugiat; muniat infirmitatem suam robore disciplinae. Sit verecunda gravis, pudore venerabilis, doctrinis caelestibus erudita; sit faecunda in subole, sit probata et innocens; et ad beatorum requiem atque ad caelestia regna perveniant, et videant filios filiorum suorum, usque in tertiam et quartam progeniem, et ad optatam perveniant senectutem. Per dominum. Pax domini sit semper vobiscum.
{ TIT.: ORATN. AD SPONSAS VELANDAS. Benedictio.}


[N: 839]
Quaesumus omnipotens deus instituta providentiae tuae pio amore comitare, ut quos legitima societate conectis, longeva pace custodias. Per dominum.
{ TIT.: ORATN. AD SPONSAS VELANDAS. Ad completa.}


[N: 840]
Exaudi quaesumus, domine, gemitum populi supplicantis, et qui de meritorum qualitate diffidimus, non iudicium sed misericordiam consequi mereamur. Per.
{ TIT.: ORATIONES PRO PECCATIS}


[N: 841]
Succure domine populo supplicanti et opem tuam tribue benignus infirmis, ut sincera tibi mente devoti, et praesentis vitae remediis gaudeant et futurae. Per dominum.
{ TIT.: ORATIONES PRO PECCATIS. Alia.}


[N: 842]
Exaudi quaesumus domine supplicum preces et confitentium tibi parce peccatis ut pariter nobis indulgentiam, tribuas benignus et pacem. Per dominum.
{ TIT.: ORATIONES PRO PECCATIS. Alia.}


[N: 843]
Deus qui iuste irasceris et clementer ignoscis, afflicti populi lacrimas respice, et iram tuae indignationis quam iuste meremur, propitiatus averte. Per dominum.
{ TIT.: ORATIONES PRO PECCATIS. Alia.}


[N: 844]
Conserva quaesumus domine populum tuum, et ab omnibus quas meremur adversitatibus redde securum, ut tranquillitate percepta devota tibi mente deserviat. Per dominum.
{ TIT.: ORATIONES PRO PECCATIS. Alia.}


[N: 845]
Afflictionem familiae tuae, quaesumus, domine, intende placatus, ut indulta venia peccatorum, de tuis semper beneficiis gloriemur. Per.
{ TIT.: ORATIONES PRO PECCATIS. Alia.}


[N: 846]
Ab omnibus nos quaesumus domine peccatis propitiatus absolve, ut percepta venia peccatorum liberis tibi mentibus serviamus. Per dominum.
{ TIT.: ORATIONES PRO PECCATIS. Alia.}


[N: 847]
Precibus nostris quaesumus domine aurem tuae pietatis accommoda et orationes supplicum occultorum cognitor benignus exaudi, ut te largiante ad vitam perveniant sempiternam. Per.
{ TIT.: ORATIONES PRO PECCATIS. Alia.}


[N: 848]
Presta populo tuo, domine, quaesumus, consolationis auxilium, et diuturnis calamitatibus laborantem propitius respirare concede. Per.
{ TIT.: ORATIONES PRO PECCATIS. Alia.}


[N: 849]
Quaesumus, omnipotens deus, ut qui nostris fatigamur offensis et merito nostrae iniquitatis affligimur, pietatis tuae gratiam consequi mereamur. Per.
{ TIT.: ORATIONES PRO PECCATIS. Alia.}


[N: 850]
Deus qui nos conspicis in tot perturbationibus non posse subsistere, afflictorum gemitus propitius respice, et mala omnia quae meremur averte. Per.
{ TIT.: ORATIONES PRO PECCATIS. Alia.}


[N: 851]
Deus cui proprium est misereri semper et parcere, suscipe deprecationem nostram, ut quos delictorum catena constringit, miseratio tuae pietatis absolvat. Per.
{ TIT.: ORATIONES PRO PECCATIS. Alia.}


[N: 852]
Da nobis, quaesumus, domine, de tribulatione laetitiam, ut qui diu pro peccatis nostris affligimur, intercedente beato illo martyre tuo, in tua miseratione respiremus. Per.
{ TIT.: ORATIONES PRO PECCATIS. Alia.}


[N: 853]
Exaudi domine populum tuum tota tibi mente subiectum, ut corpore et mente protectus quod pie credit tua gratia consequatur. Per.
{ TIT.: ORATIONES PRO PECCATIS. Alia.}


[N: 854]
Subiectum tibi populum quaesumus domine propitiatio caelestis amplificet, et tuis semper faciat servire mandatis. Per.
{ TIT.: ORATIONES PRO PECCATIS. Alia.}


[N: 855]
Purifica quaesumus domine tuorum corda fidelium, ut a terrena cupiditate mundati et praesentis vitae periculis exuantur, et perpetuis donis firmentur. Per.
{ TIT.: ORATIONES PRO PECCATIS. Alia.}


[N: 856]
Clamantium ad te, domine, quaesumus, preces dignanter exaudi, et sicut ninevitis in afflictione positis pepercisti, ita et nobis in praesenti tribulatione succurre. Per.
{ TIT.: ORATIONES PRO PECCATIS. Alia.}


[N: 857]
Miserere iam, quaesumus, domine, populo tuo, et continuis tribulationibus laborantem celeri propitiatione laetifica. Per.
{ TIT.: ORATIONES PRO PECCATIS. Alia.}


[N: 858]
Auxiliare, domine, quaerentibus misericordiam tuam, et da veniam confitentibus, parce supplicibus, ut qui nostris meritis flagellamur, tua miseratione salvemur. Per.
{ TIT.: ORATIONES PRO PECCATIS. Alia.}


[N: 859]
Praesta quaesumus, omnipotens deus, ut qui iram tuae indignationis agnovimus, misericordiae tuae indulgentiam consequamur. Per.
{ TIT.: ORATIONES PRO PECCATIS. Alia.}


[N: 860]
Tribulationem nostram quaesumus domine propitius respice et iram tuae indignationis quam iuste meremur propitiatus averte. Per.
{ TIT.: ORATIONES PRO PECCATIS. Alia.}


[N: 861]
Deus qui peccantium animas non vis perire, sed culpas, contine quam meremur iram, et quam precamur super nos effunde clementiam, ut de merore gaudium tuae misericordiae consequi mereamur. Per.
{ TIT.: ORATIONES PRO PECCATIS. Alia.}


[N: 862]
Quaesumus, omnipotens deus, afflicti populi lacrimas respice, et iram tuae indignationis averte, ut qui reatum nostrae infirmitatis agnoscimus, tua consolatione liberemur. Per.
{ TIT.: ORATIONES PRO PECCATIS. Alia.}


[N: 863]
Deus qui colpa offenderis, paenitentia placaris, preces populi supplicantis propitius respice, et flagella tuae iracundiae, quae pro peccatis nostris meremur, averte. Per.
{ TIT.: ORATIONES PRO PECCATIS. Alia.}


[N: 864]
Parce, domine, parce populo tuo, ut dignis flagellationibus castigatus, in tua miseratione respiret. Per.
{ TIT.: ORATIONES PRO PECCATIS. Alia.}


[N: 865]
Intende quaesumus, domine, preces nostras, et qui non operando iustitiam correptionem meremur afflicti, in tribulatione clamantes respiremus auditi. Per.
{ TIT.: ORATIONES PRO PECCATIS. Alia.}


[N: 866]
Praesta quaesumus, omnipotens deus, ut qui offensa nostra per flagella cognoscimus, tuae consolationis gratiam sentiamus. Per.
{ TIT.: ORATIONES PRO PECCATIS. Alia.}


[N: 867]
Ne despicias, omnipotens deus, populum tuum in afflictione clamantem, sed propter gloriam nominis tui tribulantibus succurre placatus. Per dominum.
{ TIT.: ORATIONES PRO PECCATIS. Alia.}


[N: 868]
Exaudi domine gemitum populi tui, nec plus apud te valeat offensio delinquentium quam misericordia tua indulta fletibus supplicantium. Per dominum.
{ TIT.: ORATIONES PRO PECCATIS. Alia.}


[N: 869]
Omnipotens deus, misericordiam tuam in nobis placatus inpende, ut qui te contemnendo culpa incurrimus, confitendo veniam consequamur. Per.
{ TIT.: ORATIONES PRO PECCATIS. Alia.}


[N: 870]
Deus refugium pauperum, spes humilium salusque miserorum, supplicationes populi tui clementer exaudi, ut quos iustitia verberum fecit afflictos, abundantia remediorum faciat consolatos. Per.
{ TIT.: ORATIONES PRO PECCATIS. Alia.}


[N: 871]
Moveat pietatem tuam quaesumus domine subiectae tibi plebis affectus, et misericordiam tuam supplicatio fidelis optineat, ut quod meritis non praesumit, indulgentiae tuae largitate percipiat. Per.
{ TIT.: ORATIONES PRO PECCATIS. Alia.}


[N: 872]
Deprecationem nostram quaesumus omnipotens deus benignus exaudi et quibus supplicandi praestas affectum tribuae defensionis auxilium. Per dominum.
{ TIT.: ORATIONES PRO PECCATIS. Alia.}


[N: 873]
Averte quaesumus domine iram tuam propitiatus a nobis et facinora nostra quibus indignationem tuam provocamus expelle. Per.
{ TIT.: ORATIONES PRO PECCATIS. Alia.}


[N: 874]
Memor esto, quaesumus, domine, fragilitatis humanae, et qui iuste verberas peccatores, parce propitiatus afflictis. Per.
{ TIT.: ORATIONES PRO PECCATIS. Alia.}


[N: 875]
Aures tuae pietatis, quaesumus, domine, precibus nostris inclina, ut qui peccatorum nostrorum flagellis percutimur, miserationis tuae gratia liberemur. Per.
{ TIT.: ORATIONES PRO PECCATIS. Alia.}


[N: 876]
Deus qui conspicis omni nos virtute destitui interius exteriusque custodi, ut et ab omnibus advesitatibus muniamur in corpore et a pravis cogitationibus mundemur in mente. Per.
{ TIT.: INCIPIUNT ORATIONES COTTIDIANAS}


[N: 877]
Gratiae tuae quaesumus domine supplicibus tuis tribue largitatem, ut mandata tua te operante sectantes consolationem praesentis vitae percipiant et futurae. Per dominum.
{ TIT.: INCIPIUNT ORATIONES COTTIDIANAS. Alia.}


[N: 878]
Adesto supplicationibus nostris omnipotens deus, et quibus fiduciam sperandae pietatis indulgis, intercedente beato illo, consuetae misericordiae tribue benignus effectum. Per.
{ TIT.: INCIPIUNT ORATIONES COTTIDIANAS. Alia.}


[N: 879]
Subveniat nobis quaesumus domine misericordia tua, ut ab imminentibus peccatorum nostrorum periculis te mereamur protegente salvari. Per dominum.
{ TIT.: INCIPIUNT ORATIONES COTTIDIANAS. Alia.}


[N: 880]
Vox clamantis ecclesiae ad aures domine quaesumus tuae pietatis ascendat, ut percepta venia peccatorum te fiat operante devota te protegente secura. Per.
{ TIT.: INCIPIUNT ORATIONES COTTIDIANAS. Alia.}


[N: 881]
Propitiare domine supplicationibus nostris, et animarum nostrarum medere languoribus ut remissione percepta in tua semper benedictione laetemur. Per.
{ TIT.: INCIPIUNT ORATIONES COTTIDIANAS. Alia.}


[N: 882]
Propitiare domine iniquitatibus nostris et exorabilis esto supplicibus ut concessa venia quam precamur, perpetuo misericordiae tuae munere gloriemur. Per dominum.
{ TIT.: INCIPIUNT ORATIONES COTTIDIANAS. Alia.}


[N: 883]
Deus innocentiae restitutor et amator, dirige ad te tuorum corda servorum ut spiritus tui fervore concepto et in fide inveniantur stabiles et in opere efficaces. Per.
{ TIT.: INCIPIUNT ORATIONES COTTIDIANAS. Alia.}


[N: 884]
Ecclesiae tuae domine voces placatus admitte, ut destructis adversantibus universis, secura tibi serviat libertate. Per.
{ TIT.: INCIPIUNT ORATIONES COTTIDIANAS. Alia.}


[N: 885]
Nostris domine quaesumus propitiare temporibus, ut tuo munere dirigatur et romana securitas et devotio christiana. Per.
{ TIT.: INCIPIUNT ORATIONES COTTIDIANAS. Alia.}


[N: 886]
Largire quaesumus domine fidelibus tuis indulgentiam placatus et pacem, ut pariter ab omnibus mundentur offensis, et secura tibi mente deserviant. Per.
{ TIT.: INCIPIUNT ORATIONES COTTIDIANAS. Alia.}


[N: 887]
Praetende domine fidelibus tuis, dexteram caelestis auxilii, ut te toto corde perquirant et quae digne postulant consequi mereantur. Per dominum.
{ TIT.: INCIPIUNT ORATIONES COTTIDIANAS. Alia.}


[N: 888]
Gaudeat domine quaesumus plebs tua benificiis impetratis, et qui fiduciam sperandae pietatis indulgis, optate misericordiae, praesta benignus affectum. Per.
{ TIT.: INCIPIUNT ORATIONES COTTIDIANAS. Alia.}


[N: 889]
Da nobis domine quaesumus perseverantem in tua voluntate famulatum, ut in diebus nostris, et merito et numero populus tibi serviens augeatur. Per.
{ TIT.: INCIPIUNT ORATIONES COTTIDIANAS. Alia.}


[N: 890]
Fideles tuos domine quaesumus corpore pariter et mente purifica, ut tua inspiratione conpuncti, noxias delectationes vitare praevaleant. Per
{ TIT.: INCIPIUNT ORATIONES COTTIDIANAS. Alia.}


[N: 891]
Dies nostros quaesumus domine placatus intende pariterque nos, et a peccatis absolve propitius et a cunctis eripe benignus adversis. Per.
{ TIT.: INCIPIUNT ORATIONES COTTIDIANAS. Alia.}


[N: 892]
Familiae tuae domine quaesumus esto protector, et misericordiam tuam concede poscenti, quae tibi semper fiat oboediens, et tua dona percipiat. Per.
{ TIT.: INCIPIUNT ORATIONES COTTIDIANAS. Alia.}


[N: 893]
Da quaesumus domine populo tuo salutem mentis et corporis, ut bonis operibus inerendo, tua semper mereatur virtute defendi. Per.
{ TIT.: INCIPIUNT ORATIONES COTTIDIANAS. Alia.}


[N: 894]
Excita domine quaesumus tuorum fidelium voluntates, ut divini operis fructum propensius exsequentes, pietatis tuae remedia maiora percipiant. Per.
{ TIT.: INCIPIUNT ORATIONES COTTIDIANAS. Alia.}


[N: 895]
Proficiat domine quaesumus plebs tibi dicata pie devotionis affectu, ut sacris actionibus erudita, quanto maiestati tuae fit gratior, tanto donis potioribus augeatur. Per.
{ TIT.: INCIPIUNT ORATIONES COTTIDIANAS. Alia.}


[N: 896]
Protegat domine quaesumus tua dextera populum supplicantem, ut praesentem vitam sub tua gubernatione transcurrens, mereatur invenire perpetuam. Per.
{ TIT.: INCIPIUNT ORATIONES COTTIDIANAS. Alia.}


[N: 897]
Respice domine propitius plebem tuam, et toto corde subiectam praesidiis invictae pietatis adtolle. Per dominum.
{ TIT.: INCIPIUNT ORATIONES COTTIDIANAS. Alia.}


[N: 898]
Adesto domine supplicibus tuis, et spem suam in tua misericordia collocantes tuere propitius, ut a peccatorum lave mundati, in sancta conversatione permaneant. Per.
{ TIT.: INCIPIUNT ORATIONES COTTIDIANAS. Alia.}


[N: 899]
Libera domine quaesumus a peccatis et hostibus tibi populum supplicantem, ut in sancta conversatione viventes, nullis afficiantur adversis. Per.
{ TIT.: INCIPIUNT ORATIONES COTTIDIANAS. Alia.}


[N: 900]
Excita domine tuorum corda fidelium ut sacris intenta doctrinis et intellegant quod sequantur et sequendo fideliter adpraehendant. Per dominum.
{ TIT.: INCIPIUNT ORATIONES COTTIDIANAS. Alia.}


[N: 901]
Da salutem domine quaesumus populo tuo mentis et corporis et perpetuis consolationibus tuorum reple corda fidelium ut tua protectione revelati, et pia tibi devoitone conplaceant, et tua semper beneficia consequantur. Per
{ TIT.: INCIPIUNT ORATIONES COTTIDIANAS. Alia.}


[N: 902]
Quaesumus omnipotens deus ne nos tua misericordia derelinquat quae et errores nostros semper amoveat, et noxia cuncta depellat. Per dominum.
{ TIT.: INCIPIUNT ORATIONES COTTIDIANAS. Alia.}


[N: 903]
Omnipotens sempiterne deus, universa nobis adversa propitiatus exclude, ut mente et corpore pariter expediti, quae tua sunt liberis mentibus exsequamur. Per.
{ TIT.: INCIPIUNT ORATIONES COTTIDIANAS. Alia.}


[N: 904]
Tuere domine populum tuum et salutaribus praesidiis semper adiutum beneficus adtolle continuis, et mentis et corporis. Per.
{ TIT.: INCIPIUNT ORATIONES COTTIDIANAS. Alia.}


[N: 905]
Purifica quaesumus domine tuorum corda fidelium, ut a terrena cupiditate mundati, et praesentis vitae periculis exuantur, et perpetua donatione firmentur. Per.
{ TIT.: INCIPIUNT ORATIONES COTTIDIANAS. Alia.}


[N: 906]
Protector in te sperantium deus, salva populum tuum, ut a peccatis liber ab hoste securus, in tua semper gratia perseveret. Per dominum.
{ TIT.: INCIPIUNT ORATIONES COTTIDIANAS. Alia.}


[N: 907]
Conserva quaesumus domine populum tuum et quem salutaribus praesidiis non desinis adiuvare, perpetuis tribue gaudere beneficiis et mentis et corporis. Per.
{ TIT.: INCIPIUNT ORATIONES COTTIDIANAS. Alia.}


[N: 908]
Adsit domine quaesumus propitiatio tua populo supplicanti ut quod te inspirante fideliter expetit, tua caeleri largitate percipiat. Per dominum.
{ TIT.: INCIPIUNT ORATIONES COTTIDIANAS. Alia.}


[N: 909]
Adesto domine populis tuis in tua protectione fidentibus, et tuae se dexterae suppliciter inclinantes, perpetua defensione conserva. Per dominum.
{ TIT.: INCIPIUNT ORATIONES COTTIDIANAS. Alia.}


[N: 910]
Respice propitius domine ad debitam tibi populi servitutem, ut inter humanae fragilitatis incerta, nullis adversitatibus opprimatur qui de tua protectione confidit. Per.
{ TIT.: INCIPIUNT ORATIONES COTTIDIANAS. Alia.}


[N: 911]
Presta quaesumus omnipotens deus, ut semper rationabilia meditantes, quae tibi sunt placita, et dictis exsequamur et factis. Per.
{ TIT.: INCIPIUNT ORATIONES COTTIDIANAS. Alia.}


[N: 912]
Auxiliare domine populo tuo, ut sacrae devotionis proficiens incrementis et tuo semper munere gubernetur et ad redemptionis aeternae pertineat, te ducente consortium. Per dominum.
{ TIT.: INCIPIUNT ORATIONES COTTIDIANAS. Alia.}


[N: 913]
Benedictionem tuam domine populus fidelis accipiat, quae corpore salvatus ac mente, et gratam tibi semper exhibeat servitutem, et propitiationis tuae beneficia semper inveniat. Per.
{ TIT.: INCIPIUNT ORATIONES COTTIDIANAS. Alia.}


[N: 914]
Gaudeat domine quaesumus populus, tua semper benedictione confisus, ut et temporalibus beneficiis adiuvetur et erudiatur aeternis. Per dominum.
{ TIT.: INCIPIUNT ORATIONES COTTIDIANAS. Alia.}


[N: 915]
Familiam tuam domine dextera tua perpetuo circumdet auxilio ut ab omni pravitate defensa, donis caelestibus prosequatur. Per.
{ TIT.: INCIPIUNT ORATIONES COTTIDIANAS. Alia.}


[N: 916]
Conserva quaesumus domine familiam tuam et benedictionum tuarum propitius ubertate purifica ut eruditionibus tuis semper multiplicetur et donis. Per.
{ TIT.: INCIPIUNT ORATIONES COTTIDIANAS. Alia.}


[N: 917]
Praesta quaesumus omnipotens deus ut inter innumeros vitae praesentis errores, tuo semper moderamine dirigamur. Per.
{ TIT.: INCIPIUNT ORATIONES COTTIDIANAS. Alia.}


[N: 918]
Porrige dexteram tuam quaesumus domine, plebi tuam misericordiam postulanti, per quam et errores declinet humanos et solatia vitae mortalis accipiat, et sempiterna gaudia conpraehendat. Per.
{ TIT.: INCIPIUNT ORATIONES COTTIDIANAS. Alia.}


[N: 919]
Concede quaesumus omnipotens deus ut viam tuam devota mente currentes, subripientium delictorum laqueos evadamus. Per dominum.
{ TIT.: INCIPIUNT ORATIONES COTTIDIANAS. Alia.}


[N: 920]
Conserva domine quaesumus tuorum corda fidelium, et gratiae tuae virtute corrobora, ut et in tua sint supplicatione devoti, et mutua dilectione sinceri. Per dominum.
{ TIT.: INCIPIUNT ORATIONES COTTIDIANAS. Alia.}


[N: 921]
Da populo tuo quaesumus domine spiritum veritatis et pacis, ut et te tota mente cognoscat, et quae tibi sunt placita toto corde sectetur. Per.
{ TIT.: INCIPIUNT ORATIONES COTTIDIANAS. Alia.}


[N: 922]
Omnipotens sempiternae deus, qui caelestia simul et terrena moderaris supplicationes populi tui clementer exaudi, et pacem tuam nostris concede temporibus. Per dominum.
{ TIT.: INCIPIUNT ORATIONES COTTIDIANAS. Alia.}


[N: 923]
Adesto quaesumus domine supplicationibus nostris et in tua misericordia confidentes, ab omni nos adversitate custodi. Per dominum.
{ TIT.: INCIPIUNT ORATIONES COTTIDIANAS. Alia.}


[N: 924]
Da quaesumus omnipotens deus, ut qui infirmitatis nostrae conscii de tua virtute confidimus, sub tua semper pietate gaudeamus. Per.
{ TIT.: INCIPIUNT ORATIONES COTTIDIANAS. Alia.}


[N: 925]
Familiam tuam quaesumus domine caelesti protectione circumda, ut te parcente sit libera, te custodiente a malis omnibus sit secura. Per.
{ TIT.: INCIPIUNT ORATIONES COTTIDIANAS. Alia.}


[N: 926]
Praeces populi tui quaesumus domine clementer exaudi, ut qui in sola spe gratiae caelestis innititur, caelesti etiam protectione muniatur. Per.
{ TIT.: INCIPIUNT ORATIONES COTTIDIANAS. Alia.}


[N: 927]
Adesto domine fidelibus tuis et quibus supplicandi tribuis miseratus affectum, concede benignissimae consolationis auxilium. Per.
{ TIT.: INCIPIUNT ORATIONES COTTIDIANAS. Alia.}


[N: 928]
Fac nos, quaesumus, domine deus noster, in tua devotione gaudere, quia perpetua est et plena felicitas, si tibi bonorum omnium serviamus auctori. Per.
{ TIT.: INCIPIUNT ORATIONES COTTIDIANAS. Alia.}


[N: 929]
Da nobis domine quaesumus, ut et mundi cursus pacifico nobis tuo ordine dirigatur, et ecclesia tua tranquilla devotione laetetur. Per.
{ TIT.: INCIPIUNT ORATIONES COTTIDIANAS. Alia.}


[N: 930]
Exaudi nos deus salutaris noster, et dies nostros in tua pace dispone, ut a cunctis perturbationibus liberati tranquilla tibi servitute famulemur. Per dominum.
{ TIT.: INCIPIUNT ORATIONES COTTIDIANAS. Alia.}


[N: 931]
Guberna domine quaesumus plebem tuam, et tuis beneficiis semper adcumula, ut et praesentis vitae subsidiis gaudeat, et aeternae. Per.
{ TIT.: INCIPIUNT ORATIONES COTTIDIANAS. Alia.}


[N: 932]
Percipiat domine quaesumus populus tuus misericordiam quam deposcit, et quam precatur humiliter, indulgentiam consequatur et pacem. Per.
{ TIT.: INCIPIUNT ORATIONES COTTIDIANAS. Alia.}


[N: 933]
Concede quaesumus domine populo tuo veniam peccatorum et quod meritis non praesumit, indulgentiae tuae caeleri largitate percipiat. Per dominum.
{ TIT.: INCIPIUNT ORATIONES COTTIDIANAS. Alia.}


[N: 934]
Praetende nobis domine misericordiam tuam, ut quae votis expetimus, conversatione tibi placita consequamur. Per dominum.
{ TIT.: INCIPIUNT ORATIONES COTTIDIANAS. Alia.}


[N: 935]
Inlumina quaesumus, domine, in te corda credentium, ut tuo semper munimine et tuo auxilio protegamur. Per.
{ TIT.: INCIPIUNT ORATIONES MATUTINALES}


[N: 936]
Inlumina quaesumus, domine, tenebras nostras, et totius noctis insidias tu repelle. Per.
{ TIT.: INCIPIUNT ORATIONES MATUTINALES. Alia.}


[N: 937]
Tua nos, domine, veritas semper inluminet et ab omni pravitate defendat. Per.
{ TIT.: INCIPIUNT ORATIONES MATUTINALES. Alia.}


[N: 938]
Salva nos, omnipotens deus, et lucem nobis concede perpetuam. Per dominum.
{ TIT.: INCIPIUNT ORATIONES MATUTINALES. Alia.}


[N: 939]
Deus qui diem discernis a nocte, actus nostros a tenebrarum distinguae caligine, ut semper quae sancta sunt meditantes, iugiter in tua luce vivamus. Per.
{ TIT.: INCIPIUNT ORATIONES MATUTINALES. Alia.}


[N: 940]
Quaesumus, domine deus noster, diei molestias noctis quiete sustenta, ut necessaria temporum vicissitudine succedente, nostra reficiatur infirmitas. Per.
{ TIT.: INCIPIUNT ORATIONES MATUTINALES. Alia.}


[N: 941]
Adesto, domine, precibus nostris, et die noctuque nos protege, ut quibuslibet alternationibus temporum tua semper incommutabilitate firmemur. Per dominum.
{ TIT.: INCIPIUNT ORATIONES MATUTINALES. Alia.}


[N: 942]
Exaudi nos, misericors deus, et mentibus nostris gratiae tuae lumen ostende. Per.
{ TIT.: INCIPIUNT ORATIONES MATUTINALES. Alia.}


[N: 943]
Vox nostra te, domine, semper deprecetur, et ad aures tuae pietatis ascendat. Per.
{ TIT.: [ALIA] ORATIONES VESPERTINALES SEU MATUTINALES}


[N: 944]
Presta quaesumus, omnipotens deus, ut liberis tibi mentibus serviamus. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 945]
Ut tuam, domine, misericordiam consequamur, fac nos tibi toto corde esse devotos. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 946]
Suscipe, domine, preces nostras, et clamantium ad te pia corda propitius intende. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 947]
Cunctas, domine, semper a nobis iniquitates repelle, ut ad viam salutis aeternae secura mente curramus. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 948]
Redemptor noster aspice, deus, et tibi nos iugiter servire concede. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 949]
Deus caeli terraeque dominator, auxilium nobis tuae defensionis benignus impende. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 950]
Praesta quaesumus misericors deus, ut tibi placita mente serviamus. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 951]
Purificet nos indulgentia tua, deus, et ab omni semper iniquitate custodiat. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 952]
Adesto nobis, misericors deus, et tua circa nos propitiatus dona custodi. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 953]
A cunctis iniquitatibus nostris exue nos, domine, et in tua fac pace gaudere. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 954]
Vincula, domine, quaesumus, humanae pravitatis abrumpe, ut ad confitendum nomen tuum, libera mente curramus. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 955]
Tua nos domine quaesumus gratia benedicat, et ad vitam perducat aeternam. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 956]
Vide domine infirmitates nostras et caelebri nobis pietate succurre. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 957]
Fac nos domine quaesumus mala nostra toto corde respuere, ut bona tua capere valeamus. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 958]
Esto nobis propitius deus, ut tua nos misericordia subsequatur. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 959]
Praeveniat nos, quaesumus, domine, misericordia tua, et voces nostras clementia tuae propitiationis anticipet. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 960]
Caeleri nobis, quaesumus, domine, pietate succurre, et devotio supplicantum ad gratiarum transeat actionem. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 961]
Delicta nostra, domine, quibus adversa dominantur absterge, et tua nos ubique miseratione custodi. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 962]
Absolve, domine, quaesumus, nostrorum vincula peccatorum, et quidquid pro eis meremur averte. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 963]
Ascendant ad te domine preces nostrae, et ab ecclesia tua cunctam repelle nequitiam. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 964]
Clamantes ad te, deus, dignanter exaudi, ut nos de profundo iniquitatis eripias, et ad gaudia aeterna perducas. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 965]
Concede nobis, domine, quaesumus, veniam delictorum, et eos qui nos inpugnare moliuntur expugna. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 966]
Tua nos domine quaesumus gratia semper et praeveniat et sequatur, ac bonis operibus iugiter prestet esse intentos. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 967]
Respice nos, misericors deus, et nomini tuo perfice veraciter obsequentes. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 968]
Tuere nos, supernae moderator, et fragilitatem nostram tuis defende praesidiis. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 969]
Ut a nostris excessibus, domine, temperemur, tua nos praecepta concede iugiter operari. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 970]
Aufer a nobis, quaesumus, domine, nostras pravitates, ut non indignationem tuam sed indulgentiam sentiamus. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 971]
Ut cunctis nos, domine, foveas adiumentis, tuis apta propitius disciplinis. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 972]
Oculi nostri ad te, domine, semper intendant, ut auxilium tuum et misericordiam sentiamus. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 973]
Peccata nostra, domine, quaesumus, memor humanae condicionis absolve, et quicquid eorum retributione meremur averte. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 974]
Porrige nobis, deus, dexteram tuam, et auxilium nobis supernae virtutis impende. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 975]
Exaudi nos, domine deus noster, et ecclesiam tuam, inter mundi turbines fluctuantem, clementi gubernatione moderare. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 976]
Intende, domine, quaesumus, supplices tuos, et pariter nobis indulgentiam tribue benignus et gaudium. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 977]
Respice nos, omnipotens et misericors deus, et ab omnibus tribulationibus propitiatus absolve. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 978]
Iniquitates nostras ne respicias, deus, sed sola nobis misericordia tua prosit indignis. Per.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 979]
Fac nos, domine deus noster, tuis oboedire mandatis, quia tunc nobis prospera cuncta proveniunt, si te totius vitae sequamur auctorem. Per dominum.
{ TIT.: [ALIA] ORATIONES VESPERTINALES SEU MATUTINALES. Alia.}


[N: 980]
Medellam tuam deprecor domine sancte pater omnipotens aeterne deus, qui subvenis in periculis, qui temperas flagella dum verberas; te ergo domine supplices deprecamur, ut hunc famulum tuum eruas ab hac valitudine ut non praevaleat inimicus usque ad animae temptationem; sicut in iob terminum ei pone, ne inimicus de anima ista sine redemptione baptismatis incipiat triumphare; defer domine exitum mortis, et spatium vitae extende revela quem perducas ad gratiam baptismi tui. Per dominum.
{ TIT.: ORATIONES AD BAPTIZANDUM INFIRMUM}


[N: 981]
Postquam eum catacizaveris, benedicis aquam his verbis. Exorcizo te creatura aqua in nomine domini iesu christi filii dei et sancti spiritus, si qua fantasma, si qua virtus inimici, si qua incursio diaboli eradicare et effugare ab hac creatura aquae ut fiat fons saliens in vitam aeternam; et cum baptizatus fuerit hic famulus domini fiat templum dei vivi, in remissionem omnium peccatorum. In nomine domini nostri iesu christi qui venturus est iudicare vivos et mortuos et saeculum per ignem. Amen.
{ TIT.: ORATIO AQUAE AD BAPTIZANDUM INFIRMUM}


[N: 982]
Baptizas et linis eum de chrisma in cerebro et dicis: Ill. talis, baptizo te in nomine patris et filii et spiritus sancti.
{ TIT.: ORATIO AQUAE AD BAPTIZANDUM INFIRMUM}


[N: 983]
Postea tangis eum de chrisma in caput, et dicis orationem istam. Deus omnipotens pater domini nostri iesu christi qui te regeneravit ex aqua et spiritu sancto quique dedit tibi remissionem omnium peccatorum ipse te liniet chrisma salutis in vitam aeternam.
{ TIT.: ORATIO AQUAE AD BAPTIZANDUM INFIRMUM}


[N: 984]
Communicas et confirmas eum.
{ TIT.: ORATIO AQUAE AD BAPTIZANDUM INFIRMUM}


[N: 985]
Exorcizo te creatura aquae in nomine dei patris omnipotentis et in nomine iesu christi filii eius domini nostri ut fias aqua exorcidiata ad effugandam omnem potestatem inimici et ipsum inimicum eradicare et explantare cum angelis suis apostaticis. Per
{ TIT.: ORATION. AQUAE EXORCIZATAE IN DOMO}


[N: 986]
Deus qui ad salutem humani generis maxima quaeque sacramenta in aquarum substantiam condidisti, adesto invocationis nostris et elemento huic multis modis purificationibus praeparato, virtutem tuae benedictionis effunde, ut creatura mysterii tui tibi serviens, abiciendos daemones, morbosque pellendos, divinae gratiae sumat effectum, ut quidquid in domibus in locis fidelibus haec unda resperserit careat immunditia liberetur a noxia, non illic resideat spiritus pentilens, non aura corrumpens, discendat omnes insidiae latentis inimici, et si quid est quod aut incolumitati habitantium invidet, aut quieti aspersionis huius aquae effugiat ut salubritas per invocationem tui nominis expetita ab omnibus sit impugnationibus defensa. Per dominim nostrum.
{ TIT.: ORATION. AQUAE EXORCIZATAE IN DOMO. Alia oratione.}


[N: 987]
Deus qui famulo tuo ezechiae, ter quinos annos ad vitam donasti, ita et famulum tuum illum a lecto egretudinis, tua potentia erigat ad salutem. Per
{ TIT.: ORAT. AD VISITANDUM INFIRMUM}


[N: 988]
Respice domine famulum tuum illum in infirmitate sui corporis laborantem et animam refove quam creasti ut castigationibus emendata, continuo se sentiat tua medicina salvatum. Per.
{ TIT.: ORAT. AD VISITANDUM INFIRMUM. Alia.}


[N: 989]
Da nobis domine ut sicut publicani precibus et confessione placatus es, ita et huic famulo tuo illo placare domine et precibus eius benignus aspira ut in confessione flevili permanenti et petitione perpetua clementiam tuam caeleriter exoretur, sanctisque altaribus, et sacramentis restitutus rursus caelestis glroiae mancipetur. Per dominum
{ TIT.: ORTN. SUPER PAENITENTEM}


[N: 990]
Da domine famulo tuo illo sperata suffragia optinere ut qui tuos tuos pauperes vel tuas ecclesias memoravit, sanctorum omnium simul et beati martyris tui laurentii mereatur consortia cuius nunc est exempla secutus. Per dominum.
{ TIT.: ORATIO AD AGAPEM PAUPERUM}


[N: 991]
Omnipotens sempiternae deus respice propitius super hunc famulum tuum ill. quem ad nova tondendi gratiae vocare dignatus es, tribuens ei remissionem omnium peccatorum atque caelestium donorum consortium esse perceptorum. Per dominum.
{ TIT.: ORATIONES AD CAPILLATURAM}


[N: 992]
Praesta quaesumus omnipotens deus, ut huic famulo tuo ill. qui ad deponendam comam capiti sui propter amorem christi filii tui festinat, da spiritum sanctum qui habitum religionis in eum perpetuum custodiat a mundi impedimento vel saeculari desiderio cor eius defendat ut sicut inmutatur in vultu, ita manus dexterae tuae in eum virtutis tribuat, ut ab omni caecitate humana oculos aperiat, et lumen aeternitatis gratiae concedat. Per dominum.
{ TIT.: AD CLERICUM FACIENDUM}


[N: 993]
Deus cuius spiritu creatura omnis adulta congaudet exaudi preces nostras super hunc famulum tuum ill. iuvenili aetate corde laetantem, et primis auspiciis adtondendum; exaudi domine ut in omnibus protectionis tuae munitus auxilio caelestem benedictionem accipiat et praesentis vitae praesidiis gaudeat et aeternae. Per dominum.
{ TIT.: ORATION. AD BARBAS TONDENDAS}


[N: 994]
Exaudi domine preces nostras, et super hanc famulam tuam illam, spiritum tuae benedictionis emitte, ut caelesti munere ditata et tuae gratiam possit maiestatis adquirere, et bene vivendi aliis exemplum prebere.
{ TIT.: ORATIONEM AD DIACONAM FACIENDAM}


[N: 995]
Famulas tuas domine tuae custodia muniat pietatis ut virginitatis sanctae propositum quod te inspirante susceperunt te protegente inlaesum custodiant. Per dominum.
{ TIT.: ORATIONEM AD ANCILLAS DEI VELANDAS}


[N: 996]
Concede quaesumus omnipotens deus et famulum tuum ill. vel illam quem ad regimen animarum eligimus, gratiae tuae dono prosequere, ut te largiente, cum ipsa tibi nostra electione placeamus. Per.
{ TIT.: ORATIO AD ABBATEM FACIENDUM VEL ABBATISSAM}


[N: 997]
Omnipotens et misericors deus, a bellorum nos quaesumus turbine fac quietos, quia bona nobis cuncta praestabis, si pacem dederis et mentis et corporis. Per dominum.
{ TIT.: ORATIO IN TEMPORE BELLI}


[N: 998]
Omnipotens deus romani nominis inimicos virtute quaesumus tuae comprimae maiestatis ut populus tuus et fidei integritate laetetur, et temporum tranquillitate semper exultet. Per dominum.
{ TIT.: ORATIO IN TEMPORE BELLI. Alia.}


[N: 999]
Exaudi nos domine, et iter famulum tuum ill. inter vitae huius pericula tuo semper regatur auxilio. Per.
{ TIT.: ORATN. PRO HIS QUI ITER AGUNT}


[N: 1000]
Terram tuam domine quam videmus nostris iniquitatibus tabescentem caelestibus aquis infunde, atque inriga beneficiis gratia sempiterna. Per.
{ TIT.: ORATIONEM AD PLUVIAM POSTOLANDAM}


[N: 1001]
Da nobis domine quaesumus pluviam salutarem, et aridam terrae faciem pluvientis caelestibus dignanter infunde. Per dominum.
{ TIT.: ORATIONEM AD PLUVIAM POSTOLANDAM. Alia.}


[N: 1002]
Omnipotens sempiternae deus qui salvas omnes et neminem vis perire, aperi fontem benignitatis tuae et terram aridam aquis fluentibus caelestis dignanter infunde. Per.
{ TIT.: ORATIONEM AD PLUVIAM POSTOLANDAM. Alia.}


[N: 1003]
Domine deus qui in mysterio aquarum salutis tuae nobis sacramenta sanxisti exaudi orationem populi tui, et iube terrores inundantium cessare pluviarum flagellumque huius, helementia defectum tui converte mysterii, ut qui regenerantibus aquis gaudeant renatos, gaudeant his castigantibus esse correctos. Per dominum.
{ TIT.: ORATIO QUANDO MULTUM PLUVIT}


[N: 1004]
Quaesumus omnipotens deus clementiam tuam, ut inundantiam coherceas imbrium et hilaritatem tui vultus nobis inpertire digneris. Per dominum.
{ TIT.: ORATIO QUANDO MULTUM PLUVIT. Alia.}


[N: 1005]
Multiplica domine in hanc aream frumenti tua dona repleta et sicut fidelibus tuis tricesimum atque sexagesimum vel centesimum fructum donare consuisti, ita et famulo tuo ill. praesentis temporis uberius tua dona largire. Per dominum.
{ TIT.: ORATIO IN AREA}


[N: 1006]
Deus qui laboribus hominum etiam de mutis animalibus solacia subrogasti, supplices te rogamus, ut sine quibus habetur humana condicio, nostris facias usibus non perire. Per.
{ TIT.: ORATIO PRO PESTE ANIMALIUM}


[N: 1007]
Deus qui non mortem sed paenitentiam desideras peccatorum, populum tuum quaesumus ad te converte propitius, ut dum tibi devotus extiterit, iracundiae tuae ab eo flagella amoveas. Per.
{ TIT.: ORATIO DE MORTALITATE}


[N: 1008]
Populum tuum quaesumus omnipotens deus, ab ira tua ad te confugientem paterna recipe pietate, ut qui tuae maiestatis flagella formidant de tua mereantur venia gratulari. Per.
{ TIT.: ORATIO DE MORTALITATE. Alia.}


[N: 1009]
Exaudi nos deus salutaris noster, et intercedente beato martyre tuo illo, populum tuum et ab iracundiae tuae terroribus libera, et misericordiae tuae fac largire securus. Per.
{ TIT.: ORATIO DE MORTALITATE}


[N: 1010]
Da nobis domine ut animam famuli et sacerdotis tui ill. episcopi quam de saeculo educens laborioso certamine sanctorum tuorum coetui tribuas esse consortem. Per.
{ TIT.: ORATIO SUPER EPISCOPUM DEFUNCTUM}


[N: 1011]
Annue nobis domine ut animae famuli et sacerdotis tui ill. episcopi, haec prosit oblatio quam immolando totius mundi tribuisti relaxari delicta. Per.
{ TIT.: ORATIO SUPER EPISCOPUM DEFUNCTUM. Super oblata.}


[N: 1012]
Hanc igitur oblationem quam tibi offerimus pro commemoratione depositionis animae famuli et sacerdotis tui illi episcopi, quaesumus domine ut placatus accipias, et quem in corpore constitutum sedis apostolicae gubernaculo praeesse voluisti in electorum tuorum numero constitue sacerdotem, diesque nostros, in tua pace dispone.
{ TIT.: ORATIO SUPER EPISCOPUM DEFUNCTUM}


[N: 1013]
Memento etiam domine et eorum nomina qui nos praecesserunt et dormiunt in somno pacis. Item post lectionem. Istis et omnibus domine in christo quiescentibus locum refrigerii lucis et pacis indulgentiam deprecamur. Per dominum.
{ TIT.: ORATIO SUPER EPISCOPUM DEFUNCTUM. Super dipticia.}


[N: 1014]
His sacrificiis quaesumus omnipotens deus purgata anima et spiritu famuli tui illius episcopi ad indulgentiam et refrigerium sempiternum pervenire mereatur. Per dominum.
{ TIT.: ORATIO SUPER EPISCOPUM DEFUNCTUM. Ad completa}


[N: 1015]
Inclina domine aurem tuam ad preces nostras, quibus misericordiam tuam supplices deprecamur, ut animam famuli tui ill. vel illam quem de hoc saeculo migrare iussisti, in pacis ac lucis regione constituas, et sanctorum tuorum iubeas esse consortem. Per dominum.
{ TIT.: ITEM ALIA ORATIONE AD AGENDAM MORTUORUM}


[N: 1016]
Absolve domine animam famuli tui ill. vel illa ab omni vinculo delictorum, ut in resurrectionis gloriam inter sanctos tuos resuscitari respiret. Per.
{ TIT.: ITEM ALIA ORATIONE AD AGENDAM MORTUORUM. Alia.}


[N: 1017]
Annuae nobis domine ut anima famuli tui ill. remissionem quam semper optavit mereatur percipere, peccatorum. Per dominum.
{ TIT.: ITEM ALIA ORATIONEM AD AGENDAM MORTUORUM}


[N: 1018]
Quae addi debeat in consecratione cuius initium est: Deus honorum omnium ad locum: et idcirco huic famulo tuo quem apostolicae sedis praesulem et primatum omnium qui in orbem terrarum sunt sacerdotum, ac universalis ecclesiae tuae doctorem dedisti et ad summi sacerdotii ministerium elegisti, hanc quaesumus domine gratiam largiaris. Tribuas ei cathedram pontificalem, ad regendam ecclesiam tuam et plebem uniuersam. Per dominum.
{ TIT.: AD PONTIFICEM ORDINANDUM. HILDOARDUS PRAESUL ANNO XXII SUI ONUS EPISCOPATUM HUNC LIBELLUM SACRAMENTORUM FIERI PROMULGAVIT.